திருப்பராய்த்துறை ஆலயத்தில் வெள்ளிக்கிழமை காலை மஹா கும்பாபிஷேக விழா

அகண்ட காவிரிக் கரையில் அமைந்த  திருப்பராய்த்துறை ஆலயத்தில் சித்தம் சிவமயமாய் வெள்ளிக் கிழமை காலை     ஜீர்ணோத்தாரண அஷ்டபந்தன      மஹா கும்பாபிஷேக விழாக் காணீர் 

திருச்சிராப்பள்ளி மாவட்டம்,‌ ஸ்ரீ ரங்கம் வட்டம், திருப்பராய்த்துறை ஈசனாக அருள்தரும் பராய்துரைநாதர்  ஸ்ரீ பசும்பொன் மயிலாம்பிகை  அருள் பாலிக்கும் 

ஸ்ரீ தாருகாவனேஸ்வரர் சுவாமி தேவஸ்தானம்  ஜீர்ணோத்தாரண அஷ்டபந்தன மஹா கும்பாபிஷேகப் பெருவிழா ஹிந்து சமய மறுமலர்ச்சிக் காலம் சைவம் வளர்ந்த நால்வரில் 

திருஞானசம்பந்தப் பெருமான், திருநாவுக்கரசர் எனும் அப்பர் பெருமான், மாணிக்கவாசகப் பெருமானும் , அருணகிரிநாதரும், பட்டினத்தாராலும் பாடப் பெற்ற  பராயத்துறை சிவலோகன் என்ற மூர்த்திப் பெருமையும் தாருகாவனம் என்ற ஸ்தலப்பெருமையும் அகண்ட காவிரி என்ற முதல் துலாஸ்நான தீர்த்தப் பெருமையும் கொண்ட

திருப்பராய்த்துறை சிவாலயத்தை முற்காலச் சோழர்கள், பாண்டியர்கள் திருப்பணிகள் நடத்தி அது முகலாயப் பேரரசர் அலாவுதீன் கில்ஜியின் படைத் தளபதி அலி மலிக்காபூர் நடத்திய கொடூரமான தென்னிந்திய முகலாயப் படையெடுப்பு காரணமாக அழிவுகளைச் சந்தித்து மற்றும் பிரிட்டிஷ் ஆங்கிலக் கிழக்கிந்திய கம்பெனியின்  ஆட்சிக் காலத்தில் மேலும் பராமரிப்பு இல்லாமல் சிதிலமடைந்து பல நூற்றாண்டுகள் கடந்த நிலையில் 

விஜயநகரப் பேரரசின்  மன்னர் விஸ்வநாத நாயக்கர் மூலம் காநாடு காத்தான் நகரத்தார் கௌல் கிரையம் கொடை பெற்ற நில புலங்கள் உரிமை அடங்கிய ஸ்ரீ தாருகாவனேஸ்வர சுவாமி தேவஸ்தானம்

திருச்சிராப்பள்ளி ஜில்லா திருப்பராய்த்துரை அகண்ட காவேரி தென்கரையிலுள்ளதும் நால்வராலும் அருணகிரிநாதர் சுவாமிகளாலும் பாடப் பெற்றதுமான

ஸ்ரீ பசும்பொன் மயிலாம்பாள் சமேத ஸ்ரீபராய்த்துரை  நாதர் ஆலயமானது இராமநாதபுரம் ஜில்லா கானாடுகாத்தான் திருவாளர் வெ.வீர,நாகப்ப செட்டியாரவர்களால் சுவஸ்தி ஸ்ரீ சோபகிருது வருஷம் தை மீ 21 ௨ 3.2-1904. ஆம் வருஷத்தில் பாலாலயஸ்தாபனம் செய்து தூதளமாகத்திருப்பணி செய்ய ஆரம்பித்து சாதாரண வருஷம் ஆனி மாதம்  ஞாயிற்றுக்கிழமை மகாகும்ப அபிஷேகம் நடத்தப்பெற்றும் அவர்களுக்குப்பிறகு அவர்கள் குமாரர்களால் ராஜ கோபுரம் நந்தி மண்டபம் விக்கிளேஸ்வரர் தெண்டாயுதபாணி ஆலயம் முதலான பரிவார ஆலயங்களும் கல்யான மண்டபம் திருக்குளம் திருமதில் வெளி மண்டபம் முதலான திருப்பணி வேளைகள் முதளமாக நடத்தி வந்து சுவஸ்தி ஸ்ரீ சால்வாகன சகாப்தம் 1862.விக்கிரம வைகாசி மாதம் 13 ஆம் தேதி 26.5 1940, நாளில்  ஞாயிற்றுக்கிழமை சிம்ம லக்கினத்தில் அஷ்டபந்தன மஹாகும்ப அபிஷேகம் நடத்தப்பெற்றது

ஆலயம் தர்மகாரியங்கள் வெ.வீர.நாகப்ப செட்டியார் அவர்கள் 23-6-1901 முதல் டிரஸ்டியாக  இருந்து பார்த்து வந்து பிறகு அவர்கள் குமாரர் வெ.வீர.நா.அருணாசலம் செட்டியார் அவர்கள் டிரஸ்டியாக இருந்து பார்க்கப்பெற்று அவரது வாரிசுகள் பிரிக்கப்படாத  இராமநாதபுரம் ஜில்லா முதல் நாடாளுமன்ற உறுப்பினர் வெ.வீர.நா.அரு.நாகப்ப செட்டியார் மற்றும்  வெ.வீர.நா.வீர.நாகப்ப செட்டியார் வழி வாரிசுகளின் தேவஸ்தானம் பின்னர் இந்து சமய அறநிலையத்துறை ஒரு திட்டம் (ஸ்கீம்)  வகுத்து அதனை நடத்தும் நிலையில் ஆலயம் இருந்து வருகிறது.

திருப்பராய்த்துரை  ஆலயத்தில் வெ.வீர.நா.அருணாசலம் செட்டியார் கல்வெட்டு 26-5-1940 ல் அமைந்துள்ளது அவ்வாறு திருப்பணிகளும் செய்துள்ளார்கள் எனக் கல்வெட்டுச் செய்திகள் அறிவிக்கின்றன. பின்பு கானாடுகாத்தான் சிவத்திரு. வி.வி.ஆர்.என். குடும்பத்தினர்கள் 1904 மற்றும் 1940 ஆகிய ஆண்டுகளில் இந்த பராய்த்துறை நாத சுவாமி ஆலயத்தை  புணரமைப்பு புதுமை செய்து கும்பாபிஷேகக் குடமுழுக்காட்டி உற்சவாதிகளை சிறப்புற நடத்தி பல ஏக்கர் நஞ்சை புஞ்சை நிலங்கள் மற்றும் பல கோடி நகைகள் மற்றும் 31 பஞ்சலோகச் சிலைகள் மற்றும் 228 கிலோ வெள்ளி கொண்டு செய்யப்பட்ட இரண்டு ரிஷபம் மற்றும் மரத்தால் ஆன இதர பத்து மயில் உள்ளிட்ட வாகனங்கள் பல்லக்கு மற்றும் தேரும் தேரடிக்கருப்பர் ஆலயமும் அமைத்து நிர்வகித்து நான்கு தலைமுறையாக எட்டு உம்பலப் பட்டயதார்களை நியமித்து அறநிலையத் துறை நிர்வாகம் ஸ்கீம் அமைத்து செல்லும் முன் பேஸ்கார்  பஞ்சநாதன் பிள்ளை நிர்வாகம் நடத்தி  பரம்பரை அறங்காவலராக இருந்து வந்துள்ளார்கள். தற்போது அறநிலையத்துறையின் நிர்வாகத்தில் இருந்துவரும் இந்த ஆலயத்தை ரிஷிகேஷிலிருந்து வந்த 

சுவாமி சிவானந்த ஆஸ்ரமத்தின் சீடரும் முன்னாள் நாடாளுமன்ற உறுப்பினர் மற்றும் ஆளுநர் காலஞ்சென்ற சி.சுப்பிரமணியம் சகோதரர் மகனுமான சுவாமி சித்பவாநந்தர் முதலில் வி.வி.ஆர். விடுதி முன் அரையில் தங்கி ஆன்மீக ச் சொற்பொழிவு மற்றும் கல்விச் சாலை அமைந்து நடத்திய நிலையில் 
1944 ல் ஒரு மடம் செட்டியார் உதவ அமைத்து 1961 ஆம் ஆண்டில்  திரு வெ.வீர.நா அருணாசலம் செட்டியார் அவர்கள் மூலம் நிலங்கள் மற்றும் பண உதவிகள் பெற்று பதிவு செய்து கல்விச் சேவை துவங்கி நந்தவனம் பராமரிப்புப் பணிக்கு குத்தகை நிலம் பரிவர்த்தனை செய்து நடத்திய நிலையில் அவர் சித்தியாகி சுவாமி ஆத்மாநத்த மஹராஜ் போல பல சிஷ்யர்கள்  மூலம் தற்காலம் இன்று வரை சீரோடும் சிறப்புடனும் நடந்துவரும் ஸ்ரீ ராமகிருஷ்ண தபோபணம் நிறுவனங்கள் 1998-ஆம் ஆண்டு ஸ்ரீமத் சுவாமி ஜி சித்பவானந்தர்  நூற்றாண்டு விழாக்குழுவின் மூலமாக திருப்பராய்த்துறை ஸ்ரீராமகிருஷ்ண தபோவனம் ஏற்பாடுகள் திருப்பணி செய்து குடமுழுக்குச் செய்தது. 12 ஆண்டுகளுக்குப் பிறகு இரண்டாவது முறையாக சுவாமி விவேகானந்தரின் 150-வது  பிறந்த ஆண்டு விழா நிகழ்வுகளின் ஒரு முக்கிய அம்சமாக இவ்வாலயத்தை குடமுழுக்கு செய்ய ஸ்ரீராமகிருஷ்ண தபோவனம்  செய்து திருப்பணிகளை  சிறப்புடன் நிறைவேற்றியுள்ளது.

திருப்பராய்த்துறை நாதர் திருவருள் துணை கொண்டு மங்களகரமான ஸ்ரீ விசுவாவசு வருடம் ஆவணி மாதம் 13-ம் நாள் 29.08.2025 வெள்ளிக்கிழமை சஷ்டி திதி, சுவாதி நட்சத்திரம், சித்தயோகம் கூடிய சுபயோக சுபதினத்தில் காலை 09.30 மணிக்குமேல் 10.30 மணிக்குள் துலா லக்னத்தில், ஸ்ருஷ்டி, ஸ்த்திதி, சம்ஹாரம், திரோபாவம், அனுக்ரஹம், ஐந்தொழில் புரியும் சச்சிதானந்த சொரூபமாய் விளங்கும் லிங்க வடிவமாக எழுந்தருளி ஸ்ரீ பசும்பொன் மயிலம்பிகை உடனுறை ஸ்ரீ தாருகாவனேஸ்வரர் என்ற திருநாமம் தாங்கி விநாயகர் முதலான பரிவார தெய்வங்களோடு பக்தர்களுக்கு வேண்டிய வரமளித்து கத்துவரும் சிவலாயத்தின் மஹா கும்பாபிஷேக திருக்குட நன்னீராட்டுப் பெருவிழா கிராமப் பூர்வீகப் பொதுமக்கள், பட்டயதாரர்களின் மூன்றாவது தலைமுறை வாரிசுகள் மற்றும் ஹிந்து மதத் துறவிகள் பக்தகோடிகள், தமிழ்நாடு இந்துசமய அறநிலையத் துறையின் செயல் அலுவலர் அகிலா  ஒத்துழைப்போடு சிறப்புற நடைபெறுவதால்  மேற்கண்ட நிகழ்வில் மாநில அமைச்சர் கே.என்.நேரு , மற்றும் ஸ்ரீ ரங்கம் சட்டமன்ற உறுப்பினர் பழனியாண்டி மற்றும் திருப்பணியாளர் வெ.வீர.நா.குடும்ப வாரிசுதாரர்கள் மற்றும் ஸ்ரீ ராமகிருஷ்ண தபோபணம் சுவாமி நியமாநந்த மஹராஜ் உள்ளிட்ட மெய்யப்பர்கள்,  பக்த கோடிகள் திரளாக கலந்து கொள்ள உள்ள நிலையில் தரிசித்து அருள்மிகு தாருகாவணேஸ்வரராக உள்ள பராய்த்துறை நாதர் மற்றும் பசும் பொன் மயிலாம்பிகை திருவருள் பெற்று நீங்காத செல்வம் பெற்று நிறைவக வாழ அழைக்கும் தற்போது தமிழ்நாடு இந்து சமய அறநிலையத் துறை சார்ந்த தக்கார் உ.மேனகா   மற்றும் பொ.அகிலா செயல் அலுவலர் (கூடுதல் பொறுப்பு) அழைத்துள்ளார். 

இந்த நிலையில் யாகசாலை வேள்விகள் ஆவணி மாதம் 8-ஆம் தேதி 24.08.2025 ஞாயிற்றுக்கிழமை நிகழ்ச்சிகள்

விநாயகர் வழிபாடு, புன்யாஹாவாசனம், பஞ்சகவ்ய பூஜை, தேவ அனுக்ஞை, எஜமானர் சங்கல்பம், கோ பூஜை, மஹா கணபதி ஹோமம் பூர்ணாஹூதி, தீபாராதனை

ஆவணி மாதம் 9-ஆம் தேதி 25.08.2025 திங்கட்கிழமைப்ரவேசபலி, வாஸ்து சாந்தி

அஸ்த்ர ஹோமம், நவக்ரஹ ஹோமம்

பூர்ணாஹூதி, தீபாராதனை

ஆவணி மாதம் 10-ம் தேதி 26.08.2025 செவ்வாய்கிழமை

ம்ருத்சங்கிரஹனம்.     நித்ய பூஜாரதனை

ஸ்நபநன பூஜை, வேதபாராயணம்

ப்ரசன்னாபிஷேகம், அங்குரார்ப்பணம், ரக்ஷாபந்தனம், பரிவாரங்கள் கலாகர்ஷணம், 10 மணியளவில் பரிவாரங்கள் அஷ்டபந்தனம் சாற்றுதல்

ஆவணி மாதம் 11-ம் தேதி 27.08.2025 புதன்கிழமைம்ருத்சங்கிரஹனம்

விநாயகர் சதுர்த்தி சிறப்பு வழிபாடுசிவாச்சாரியார்கள், எஜமானர் ரக்ஷாபந்தனம் கும்பாலங்காரம், கலாகர்ஷணம்

ஆவணி மாதம் 12-ம் தேதி 28.08.2025 வியாழக்கிழமையாகசாலை ப்ரவேம். முதற்கால யாக பூஜை ஆரம்பம்

முதற்கால பூர்ணாஹுதி, தீபாராதனை, பிரசாதம் வழங்குதல்

இரண்டாம் கால யாக பூஜை தொடக்கம்.

மண்டப ஆராதனை, வேதிகார்ச்சனை, வேதாபாராயணம், திருமுறை பாராயணம் த்ரவ்யாஹூதி பூர்ணாஹுதி, தீபாராதனை,

ஆவணி மாதம் 13-ம் தேதி 29.08.2025 வெள்ளிக்கிழமை ப்ராதன மூர்த்தி அஷ்டபந்தனம் சாற்றுதல்

மூன்றாம் கால யாக பூஜை தொடக்கம் பூர்ணாஹூதி, தீபாராதனை

நான்காம் கால யாக பூஜை தொடக்கம் நாடீசந்தான ஸ்பர்சாஹூதி

காலை 7.30 மணிக்கு பரிவார பூர்ணாஹுதி, பரிவார கடங்கள் புறப்பாடு காலை 8.30 மணிக்கு ப்ரதான பூர்ணாஹுதி, தீபாராதனை காலை 9.00 மணிக்கு  கடங்கள் புறப்பாடு காலை 9.40 மணிக்கு அனைத்து கோபுரங்களில் மஹா கும்பாபிஷேகம்

காலை 10.30 மணிக்குள் அனைத்து மூலஸ்தான மஹா கும்பாபிஷேகம்

மாலை 5.00 மணி முதல் 6.00 க்குள்  திருக்கல்யாணம் இரவு 7.00 மணிக்கு பஞ்ச மூர்த்திகள் திருவீதியுலா சுவாமி புறப்பாடு

29.08.2025 வெள்ளிக்கிழமை காலை முதல் மகா அன்னதானமும் 

30.08.2025 முதல் மண்டலாபிஷேக பூஜைகளை தொடர்ந்து நடைபெறும் என  கும்பாபிஷேக விழாவிற்கு அனைவரையும் வரவேற்கும் ஸ்ரீ ராமகிருஷ்ணா தபோவனம், திருப்பராய்த்துறை.                            "நீறு சேர்வதோர் மேனியர் நேரிழை கூறுசேர்வதோர்க் கோலமாய் பாறு சேர்தலைக் கையர் பராய்த்துறை ஆறு சேர்சடை அண்ணலே" -என  திருஞானசம்பந்தப் பெருமானும் 

"முதறி உந்திய தீட்சை செப்பிய ஞானம் விளங்கிய மூர்த்தி அற்புத மூவரிலங்குப் புராய்த்துறைப் பதிப்பெருமாளே".-எனத் திருப்புகழும்

"கரப்பர் காலம் அடைந்தவர் தம்வினை சுருக்கு மாறுவல்லிார் கங்கை செஞ்சடைப் பறப்பு நீர் வரு காவிரித் தென்கரைத் திருப்பராய்த்துறை மேவிய செல்வரே"- எனவும் பாருக்குள்ளே நல்ல நாடு நம் பாரத நாடு, இப்புண்ணிய பூமியில் காவிரி நாடாகிய சோழவள நாட்டின் மேற்பகுதியில் பக்தி செய் அடியரைப் பரம்பரத்துய்க்கும் பரமேஸ்வரனாகிய சிபெருமாள் திருப்பராய்த்துறையை தன்னுடைய வாசஸ்தலமாக தானே கொண்டுள்ளா/ர் என்பதை பராய்த்துறை இருக்கை மேவிய ஈசனை எத்துமின் -என்ற அப்பர் சுவாமிகள் தேவாரத்தால் அறியலாம்" என திருநாவுக்கரசப் பெருமானும் 

"அன்பராசி மற்று அருந்தவம் முயல்வார் அயனும் மாலும் மற்று அழல் உறு மெழுகாம் என்பராய் நினைவார் எனைப் பலர் நிற்க இங்கு எளை எற்றினுக்கு ஆண்டாய் ! வன்பராய் முருடு ஒக்கும் என் சிந்தை மரக்கண் என்செவி இரும்பினும் வலிது தென்பராய்த்துறையாய் சிவலோகா! திருப்பெருந்துறை மேவியசிவனே". -என மாணிக்க வாசகப் பெருமானும். பாடியுள்ளவர்கள் சிலைகளுடன் நந்தி மண்டபத்தில் கொடிமரமருகில் திருப்பணியாளர் வெ.வீர.நாகப்ப செட்டியார் சிலையும் அமையப்பெற்றுள்ள ஆலயம்.

. கங்கையிலும் புனிதம் ஆகிய காவிரி நதி பரந்து பாயும் இப்புண்ணிய பூமி சிறந்த சிவக்ஷேத்திரம். அதனை திருஞானசம்பந்தர், திருநாவுக்கரசர், மாணிக்கவாசகனர், அருணகிரிநாதர், பட்டினத்தார் உள்ளிட்ட சமய அடியார்கள் பாடியுள்ளனர். தென்பராய்த்துறையாய் சிவலோகா! திருப்பெருந்துறை மேவிய சிவனே! என்ற மணிவாசகரின் மணிமொழியால் திருப்பராய்த்துறை சிவலோகமாகிறது. செல்வம் மல்கிய செல்வர் பராய்த்துறை என்ற திருஞானசம்பந்தரும் எண்ணற்கரிய பராய்த்துறை என்று பட்டினத்தாரும் இத்தலத்தை போற்றுகின்றனர். பண்டரங்கர் பராய்த்துறை நாவுக்கரசரின் நன்மொழி, இத்தலத்தின் தென்மையை குறிக்கிறது. தாருகாவனம் என்று வேதத்தில் பேசப்படும் இத்தலத்தில் சிவபெருமான் பிட்ச்சாடனராகத் தோன்றி இங்கு தவம் செய்த முனிவர்களுக்கு அருள்புரிந்தான் என்பது தான் புராண இதிகாச காலத்திற்குப் பிந்தைய வரலாறாகும். சிவ சிவபெருவிழா அழைப்பிதழகள் அனுப்பி அழைக்கும் மஹான் சிவானந்தர் அருள் பெற்ற சித்பவாநந்தர் சுவாமிகள் உருவாக்கிய சிஷ்யர்கள் ஸ்ரீராமகிருஷ்ண தபோவனம்