இரசனையும் இரக்கமும் கொண்ட மகாகவி பாரதியார்

பாரதி "செல்லம்மா..." கீழேயிருக்கும் தன் மனைவியை மாடியிலிருந்து அழைத்தார் பாரதி. அம்மா வாசலில் வந்து நின்று என்னவென்று கேட்டார்கள். "சமையல் ஆகிறதா?" "ஆகப் போகிறது!" "நான் இன்றைக்கு உண்ணாநோன்பிருக்கப் போகிறேன்!" "உங்கள் உடம்பிற்குப் பட்டினி ஒத்துக் கொள்ளும் என்று தோன்றினால் சரிதான்!" பாரதி மாடியின் கைப்பிடிச்சுவரைத் தொட்டுத் தலையை கீழ்நோக்கி நட்டு, அம்மாவை நோக்கிச் சொல்லலானார் : "காந்தி பலநாள் பட்டினி இருக்கிறார். ஒரு நாளாவது செத்ததுண்டா நான் ஒரே ஒருநாள் உண்ணாமலிருந்தால் செத்துவிடமாட்டேன். இன்றைக்கு நான் பட்டினி. நாளைக்கு எனக்கு இன்று எஞ்சியிருக்கும் குழம்பும் மேற்படி கீரைக் கடையலும் அமிர்தம்!" அம்மா எதிர்பாரா வகையில் சொன்னார்கள் : "அப்படியானால் நானும் பட்டினியாக இருந்துவிடுகிறேன்!" "செல்லம்மா, மாடிக்கு வா.இங்கே சுப்புரத்தினத்தைத் தவிர வேறு யாருமில்லை!" அம்மா வந்தார்கள். "நடைமுறையிலுள்ள கத்திரிக்காய், வெண்டைக்காய்களிலும், அவியல் துவட்டல்களிலும் சுவை இருந்தாலும், அது நாள்தோறும் உண்ணப்படுத்தலால் மனத்திற்கு அதில் சுவை தோன்றுவதில்லை. ஆனால் ஒருநாள் பட்டினி இருந்து மறுநாள் உண்ணுகிற எளிய உணவும் சுவையாய் இருக்குமென்று எண்ணுகிறேன். அதற்காகவே பட்டினி. உனக்கும் அப்படித்தானா?"- என்று கேட்டார் பாரதி. "நானும் பட்டினி இருக்கப்போகிறேன். அதற்குக் காரணம் இரண்டு. ஒருநாள் செலவு மிச்சம். ஒருநாள் சமையல் வேலை மிச்சம்!" அவர்கள் இருவரிடையில் குறுக்கிட்டு நான் சொன்னேன் : "இவ்வளவு தொல்லை ஏன்? நாள்தோறும் உண்டாலும் வெறுப்புத் தராத கறிவகையைக் கண்டுபிடித்துவிட்டால்?" பாரதி சொன்னார் : "நாள்தோறும் உண்டாலும் தெவிட்டாத கறிவகை கிடையவே கிடையாது! உண்ண உண்ணத் தெவிட்டாதது ஞானிகட்கு - பெரியோர்கட்கு - துறவிகட்கு, கடவுள் நினைவுதான் என்பார்கள். எனக்குத் தெவிட்டாத ஒருத்தி என் செல்லம்மாதான்!" அம்மா விரைந்து சென்று விட்டார்கள். "செல்லம்மா, பட்டினித் திருநாள் எப்படி?" அம்மா மாடிப்படியிலிருந்து, "கொடி கட்டியாயிற்று!" "சரி!" என்ற பாரதி பாடத் தொடங்கினார்... தோளை வலியுடையதாக்கி - உடற் சோர்வும் பிணிபலவும் போக்கி - அரி வாளைக் கொண்டு பிளந்தாலும் - கட்டு மாறா உடலுறுதி தந்து - மத வேளை வெல்லுமுறை கூறித் - தவ மேன்மை கொடுத்தருள வேண்டும்! இந்தக் கட்டுரையைப் படிப்பவர்கள் மறவாமல் நெஞ்சில் நிறுத்தி - அதை வாழ்நாட்களில் தவறாமல் மேற்கொள்ளவேண்டியது, ஒன்று : பாரதி வாழ்நாட்களில் அவர் அயல் மாதர் அன்னை தான் எழுதியவர் - இந்நிகழ்வில் பாரதி செல்லம்மாவுடன் அருகிருந்த சுப்புரத்தினம். ஆம் புரட்சிக்கவிஞர் பாரதிதாசன். இதை உரைத்த நம் உவமைக் கவிஞர் சுரதா அவர்கள்