முதன்மை உள்ளடக்கத்திற்குச் செல்

தமிழக காவல்துறை இயக்குனர் காவல் நிலையங்களுக்குப் பிறப்பித்த 41 கட்டளைகள்.

காவல் நிலையத்தில்  விசாரணைக்கைதிகள் இறந்த விவகாரம் தமிழக காவல்துறை இயக்குனர் காவல் நிலையங்களுக்குப் பிறப்பித்த 41 கட்டளைகள்.

தமிழ்நாடு காவல்துறையினர் குற்றவாளிகளைக் கைது செய்யும் போது பின்பற்ற வேண்டிய சட்ட திட்டங்கள், சட்ட விதிகள் மற்றும் கடமைகள் குறித்து  தமிழ்நாடு காவல்துறை தலைமை இயக்குனரும், சட்டம் ஒழுங்கு தலைமை இயக்குநருமான  சைலேந்திரபாபு சுற்றறிக்கை பிறப்பித்துள்ளார். 

சென்னை தலைமைச் செயலகக் காலனி போலீஸ் லிமிட், கொடுங்கையூர் போலீஸ் லிமிட் மற்றும் நாகை மாவட்டம் என அடுத்தடுத்து சந்தேகத்திற்கிடமான லாக்கப் டெத் சம்பவங்கள் ஒன்றன் பின் ஒன்றாக நடந்தது, சென்னை கீழ்ப்பாக்கம் கெல்லீஸ் பகுதியில் மே மாதத்தில் 18 ஆம் தேதி கைது செய்யப்பட்ட பட்டினப்பாக்கம்  விக்னேஷிடம் தலைமைச் செயலகக் காலனி காவல் நிலையத்தில் வைத்து விசாரித்த நிலையில், 19 ஆம் தேதி அவர் வலிப்பு காரணமாக உயிரிழந்ததாக காவல்துறை தரப்பில் தெரிவிக்கப்படவே காவல்நிலையத்தில் தாக்கியதன் காரணமாகவே விக்னேஷ் உயிரிழந்ததாக குடும்பத்தார் தரப்பில் குற்றம்சாட்டவே, விக்னேஷை காவல்துறையினர் துரத்திச் சென்று தாக்கும் சி.சி.டி.வி காட்சிகளும் வெளியானது மேலும் திருவண்ணாமலை மாவட்டம் தண்டராம்பட்டு தங்கமணி என்பவரை மே மாதம் 26 ஆம் தேதி கைது செய்து விசாரணை நடத்திய நிலையில், திருவண்ணாமலை மாவட்டக் கிளைச் சிறையில் அடைக்கப்பட்ட தங்கமணி 27 ஆம் தேதி வலிப்பு வந்ததால் உயிரிழந்ததாக காவல்துறை தரப்பில் தெரிவிக்கப்பட்டது. ஆனால் காவல் நிலையத்தில் நடந்த கொடூரத் தாக்குதலே தங்கமணியின் உயிரிழப்புக்கு காரணம் என குடும்பத்தார் தரப்பில் குற்றஞ்சாட்டப்பட்ட நிலையில் இவ்விரு வழக்குகள் தொடர்பான விசாரணை சி.பி.சி.ஐ.டி காவல்துறைக்கு மாற்றப்பட்டு விசாரணை நடைபெறுகிறது. இதற்கிடையில் சமூக வலைதளங்களிலும், பல்வேறு அரசியல் கட்சிகள் தரப்பிலும் லாக்-அப் மரணங்களுக்கு எதிராக கண்டனக் குரல்கள் கிளம்பியது அதன் பின்னர் இதே போன்ற ஒரு சம்பவம் தொடர்ந்த நிலையில் தமிழ்நாடு காவல்துறையிலும், அரசியல் வட்டாரத்திலும் பரபரப்பை ஏற்படுத்தியுள்ளது. 

முன்னதாக, "காவல்துறையினர் மீதான குற்றச்சாட்டுகள் சமீபத்தில் அதிகமாக உள்ளது பொறுத்துக் கொள்ள முடியாது. காவல்துறையினர் அதிகார துஷ்பிரயோகம் செய்ததில் அரசு எடுத்த நடவடிக்கைகள் என்ன,  அறிக்கை அளித்திட வேண்டுமென்று, சென்னை உயர்நீதிமன்றம் எச்சரிக்கை விடுத்ததும் குறிப்பிடத்தக்கது!

இந்த நிலையில் தான் காவல்துறையின் தலைமை இயக்குநர் முனைவர் சி. சைலேந்திரபாபு, அனைத்துக் காவல் நிலையங்களுக்கும் வழிகாட்டல் - நெறிமுறை கொண்ட சுற்றறிக்கை ஒன்றை அனுப்பியுள்ளார். அதன் விபரம் வருமாறு :

 குற்றம் சாட்டப்பட்ட நபர்களை - சந்தேக நபரை அடிக்கவோ அல்லது சித்தரவதை செய்யவோ கூடாது. இதுகுறித்து அனைத்து காவல்துறை அதிகாரிகளையும் தொடர்பு கொண்டு மேல் அதிகாரிகள் விழிப்புணர்வு ஏற்படுத்த வேண்டும்.

தனிப்படை (Special Team) காவலர்கள் கண்காணிக்கப்பட வேண்டும்.

 குற்றம் சாட்டப்பட்டவர்களை காவல் நிலையம் தவிர லாட்ஜ்கள், குடியிருப்புகள் போன்றவற்றில் தங்க வைக்கக் கூடாது.

குற்றம் சாட்டப்பட்டவரை 24 மணி நேரத்திற்குள் விசாரணைக்காக நீதிமன்றத்தில் ஆஜர்படுத்த வேண்டும், கண்டிப்பாக சட்டவிரோதக் காவலில் குற்றவாளியை வைக்கக் கூடாது.

குற்றம் சாட்டப்பட்டவர் காவல் நிலையத்திற்கு கொண்டு வரப்படும் போது, காவலில் வைக்கப்படுவதற்கான இலக்கு நேரத்தை மாவட்ட காவல்துறை கண்காணிப்பாளர் வழங்க வேண்டும். இந்த இலக்கு நேரம் கண்டிப்பாக மாவட்ட தனிப்பிரிவு அலுவலகத்திற்கு தெரிவிக்கப்பட வேண்டும். சம்பந்தப்பட்ட விசாரணை அதிகாரி, நீதிமன்றத்தில் ஆஜர்படுத்தும் ரிமாண்ட் வேலையை CCTNS மூலம் செய்யாமல் தன்னிச்சையாக ரிமாண்ட் வேலையை விரைவுபடுத்துவதற்காக அதற்குரிய ஆவணங்களைத் தயார் செய்வதில் தன்னை முழுமையாக ஈடுபடுத்திக் கொள்ள வேண்டும்.

பந்தோபஸ்த்து மற்றும் இதர பணிகளுக்கு, அருகில் உள்ள காவல் நிலையப் பொறுப்பு அதிகாரிகள் அல்லது உதவி ஆய்வாளர்களை நியமிக்கலாம். இதனால் சம்மந்தப்பட்ட காவல் நிலைய அதிகாரிகள் கோர்ட்டில் ஆஜர்படுத்தும் வேலையில் கவனம் செலுத்த முடியும்.

குற்றவாளியைக் கைது செய்வதற்கு முன்பு அவர் நீதிமன்றத்தில் ஆஜர்படுத்தப்படுகிறாரா அல்லது ஸ்டேஷன் ஜாமீனில் விடப்படவுள்ளாரா, அல்லது அவரை இரவு காவலில் வைக்கப்பட வேண்டுமா இல்லையா என்பதை முன்கூட்டியே தீர்மானித்து அதற்குறிய ஆவணங்களை விசாரணை அதிகாரி தயார் செய்து வைத்திருக்க வேண்டும். குற்றவாளியிடம் வாக்குமூலம் பெறும் போது வன்முறையைக் கையாள்வது கூடாது, கேள்விகள், கைரேகை மற்றும் CDRS மூலம் விஞ்ஞான விசாரணை நுட்பங்களைப் பயன்படுத்த வேண்டும்.

களவு சொத்தை மீட்பதற்கு குற்றவாளிகள் மீது அதிகாரிகள் தேவையற்ற அழுத்தம் தர தேவையில்லை.

குற்றம் சாட்டப்பட்டவர் காவல்துறையினரைத் தாக்கும் வழக்குகளில் சம்மந்தப்பட்டிருந்தால், காவல் நிலையத்தில் குற்றம் சாட்டப்பட்டவர்களை காவல்துறையினர் அடிக்கும் வாய்ப்பு உள்ளது. எனவே, குற்றம் சாட்டப்பட்டவரை அதே காவல் நிலையத்தில் வைத்திருக்கக் கூடாது அல்லது குற்றம் சாட்டப்பட்டவர் நீதிமன்றத்தில் ரிமாண்ட் செய்யப்படும் வரை காவல்துறை துணை கண்காணிப்பாளர் காவல் நிலையத்தில் இருக்க வேண்டும். மேலும் காவல் துறை தாக்குதல் வழக்குகளில் சம்பந்தப்பட்ட விசாரணை அதிகாரி அதே காவல் நிலையத்தில் இருந்திருக்கக்கூடாது.

குற்றவாளிகள் காவல்நிலையத்தில் காவலில் இருக்கும் காலம் முழுவதும் தனிப்பிரிவுக் காவலர் மற்றும் காவல் நிலைய ஆய்வாளர் இருக்க வேண்டும். காவலில் உள்ள நபர்களுக்கான உணவு மற்றும் மருந்துகளையும் அவர்கள் கவனித்துக் கொள்ள வேண்டும். காவல் துணை கண்காணிப்பாளர் (டிஎஸ்பி) மற்றும் தனிப்பிரிவுக் காவலர், காவல் நிலையத்தில் உள்ள குற்றவாளி காவல் விவரங்களை உன்னிப்பாகக் கண்காணித்து, அவ்வப்போது தெரிவிக்கவும், மாவட்ட காவல் கண்காணிப்பாளர்(எஸ்.பி.-துணை கமிஷனர்) தகுந்த அறிவுறுத்தல்களை வழங்க வேண்டும் !                                    லாக்அப் மரணத்தை தவிர்க்க விழிப்புணர்வு உத்தரவு விபரம் வருமாறு:  

கைது செய்யப்படுவதற்கு முன் குற்றம் சாட்டப்பட்டவரிடம் உடல்நிலை குறித்து கேட்டறிதல் வேண்டும்.

காவலில் வைக்கப்படுவதற்கு முன்பு மருத்துவப் பரிசோதனைக்கு தேவையான வசதிகள் உள்ள மாவட்ட மருத்துவமனையில் முழுமையாக செய்யப்பட வேண்டும். உண்மையான சோதனையின்றி உடற்தகுதி சான்றிதழ் பெறும் நடைமுறையை நிறுத்திக் கொள்ள வேண்டும்.

மது, போதைப்பொருள் போன்றவற்றுக்கு அடிமையான குற்றம் சாட்டப்பட்டவர்கள் சிறையில் அடைக்கப்படக் கூடாது, ஏனெனில் அவர்கள் போதைப்பொருள் கிடைக்காத காரணத்தால் சிறையில் அடைக்கப்பட்டு இறந்துவிடுவார்கள்.

காவல் நிலையம், மருத்துவமனைகள், சிறைச்சாலைகள் ஆகியவற்றில் சிசிடிவி பொருத்தப்பட்டிருப்பதை உறுதி செய்தல் வேண்டும். போலீஸ் சித்தரவதை பற்றிய தவறான குற்றச்சாட்டை எதிர்கொள்வதற்கு அது ஏதுவாக இருக்கும்.

குற்றம் சாட்டப்பட்டவர் கால் - கை வலிப்புநோய் தொடர்பான வரலாறு குறித்து( மெடிக்கல் ஹிஸ்டரி) முழுமையாக சரிபார்க்கப்பட வேண்டும்.

சந்தேக நபர்களை பொதுமக்கள் அடிக்கும் போது, அவரை சம்பவ இடத்திலிருந்து நேரடியாக 108 ஆம்புலன்ஸ் அல்லது பிற தனியார் வாகனங்கள் மூலம் மருத்துவமனைக்கு அனுப்ப வேண்டும். அவர்களை காவல் நிலையத்திற்குள் கொண்டு வரவோ அல்லது காவல்நிலையத்தில் காவலில் எடுக்கவோ கூடாது.

சந்தேக நபர்களை காவலர்கள் கையாளும் விதம் தொடர்பான வழிமுறைகள்:

குற்றம் சாட்டப்பட்டவர்களைக் கைது செய்வதற்காக காவல் நிலையத்திற்கு குடும்ப உறுப்பினர்களைக் கொண்டு வரக்கூடாது.

அனைத்து காவல் நிலையங்களிலும் சிசிடிவி பொருத்தப்பட்டு சரியாக வேலை செய்வதை உறுதி செய்து கொள்ளவும்.

குற்றம் சாட்டப்பட்டவரைப் பிடிக்கும்போது அவர்கள் கொடுங்குற்றவாளியாக இருந்தால் தவிர அவர்களை விரட்டக் கூடாது.

சிவில் விவகாரங்களில், புகார்தாரரின் கோரிக்கைகளின் படி பிரச்சினையைத் தீர்ப்பது தொடர்பாக எதிர் மனு தாரருக்கு காவல் துறை தேவையற்ற அழுத்தம் கொடுக்கக் கூடாது.

குற்றம் நிரூபிக்கப்பட்டால், விசாரணைக்கு முன் முதல் தகவல் அறிக்கை போன்றவை சிவில் (FIR) பதிவு செய்யப்பட வேண்டும். சிறப்பு உதவி ஆய்வாளர் (SSI) மற்றும் அதற்குக் கீழே உள்ளவர்கள் சிக்கலான சிவில் விஷயங்களை விசாரிக்க அனுமதிக்கக் கூடாது.

மாவட்டக் குற்றப்பிரிவு, SCS மற்றும் ALGSC ஆகியவற்றின் மீது மாவட்டக் காவல்துறை கண்காணிப்பாளர் முழுமையான கண்காணிப்பைக் கொண்டிருக்க வேண்டும்.

தோராயமாக ஆட்களை அழைத்துச் செல்லக்கூடாது, மேலும் கைது செய்வதற்கு முன் வயது மற்றும் உடல் நலக் காரணிகளைக் கருத்தில் கொள்ள வேண்டும்.

 குற்றம் சாட்டப்பட்டவரை காவல் நிலையத்திற்கு கொண்டுவரப்படும் போது, காவலில் வைக்கப்படுவதற்கான இலக்கு நேரத்தை காவல் துணை கண்காணிப்பாளர் வழங்க வேண்டும். இந்த இலக்கு நேரம் கண்டிப்பாக மாவட்ட தனிப்பிரிவு அலுவலகத்திற்கு தெரிவிக்கப்பட வேண்டும். சம்பந்தப்பட்ட விசாரணை அதிகாரி, ரிமாண்ட் வேலையை CCTNS மூலம் செய்யாமல் தன்னிச்சையாக ரிமாண்ட் வேலையை விரைவுபடுத்துவதற்காக காகித வேலைகளில் (பேப்பர் வொர்க்) தன்னை முழுமையாக ஈடுபடுத்திக் கொள்ள வேண்டும்.

 பந்தோபஸ்து மற்றும் இதர பணிகளுக்கு, அருகில் உள்ள காவல் நிலைய பொறுப்பு அதிகாரிகள் அல்லது உதவி ஆய்வாளர்களை நியமிக்கலாம், இதனால் சம்மந்தப்பட்ட காவல் நிலைய அதிகாரிகள் ரிமாண்ட் வேலையில் கவனம் செலுத்த முடியும்.

கைது செய்வதற்கு முன், செயல் திட்டம் தெளிவாக இருக்க வேண்டும் (ரிமாண்ட் அல்லது ஸ்டேஷன் ஜாமீன்/ இரவு காவலில் வைக்கப்பட வேண்டுமா, இல்லையா அல்லது விசாரணைக்கு போதுமான ஆவணம் கையில் உள்ளதா ?

மது, போதைப்பொருள் போன்றவற்றுக்கு அடிமையான குற்றம் சாட்டப்பட்டவர்கள், சிறையில் அடைக்கப்படக் கூடாது, ஏனெனில் அவர்கள் போதைப்பொருள் கிடைக்காத காரணத்தால் சிறையில் அடைக்கப்பட்டு இறந்துவிடுவார்கள். காவல் நிலையம், மருத்துவமனைகள், சிறைச்சாலைகள் ஆகியவற்றில் CCTV பொருத்தப்பட்டிருப்பதை உறுதிசெய்தல், போலீஸ் சித்திரவதை பற்றிய தவறான குற்றச்சாட்டை எதிர்கொள்வதற்கு ஏதுவாக இருக்கும்.

குற்றஞ்சாட்டப்பட்ட நபரின்  பழக்கவழக்கங்கள், முந்தைய வழக்குகள், இணை குற்றம் சாட்டப்பட்ட விவரங்கள், CDR (கேஸ் -ஃபைல்) போன்ற விவரங்களைச் சேகரிப்பது போன்ற முறையான வேலைகளை சுமூகமான மற்றும் விரைவான விசாரணைக்காக முன்கூட்டியே செய்யப்பட வேண்டும். குற்றம் சாட்டப்பட்டவரின் பழக்கவழக்கங்கள், நோக்கங்கள் மற்றும் பலவீனங்களை அவர்கள் அறிந்திருப்பதால், சிறப்புக் குழு உறுப்பினர்கள் ஒரே நேரத்தில் இருவர் எப்போதும் குற்றம் சாட்டப்பட்டவர்களுடன் இருக்க வேண்டும். (எ.கா : குற்றம் சாட்டப்பட்ட ஒருவர் சில காவல் நிலையத்திற்கு அழைத்து வரப்பட்டார், குற்றக் குழு உறுப்பினர் காவல் நிலையத்தில் SHO- (ஸ்டேசன் ஹவுஸ் ஆபீசர்) விடம், தனக்கு வாயில் பிளேடு வைத்துக்கொள்ளும் பழக்கம் இருப்பதாகக் கூறினார். தேடியபோது வாயில் பிளேடு கிடைத்தது.)

அண்டை வீட்டாரின் பிரச்சினை, குடும்பம்/நண்பர்கள்/உறவினர்கள் போன்ற பிரச்சனைகள் அற்பமானதாக இருக்கும், மற்றும் இரு தரப்பினர் சமரசம் செய்து கொள்ளத் தயாராக இருக்கும் போது காவல்துறை கைது செய்வதைத் தவிர்க்க வேண்டும்.

குற்றம் சாட்டப்பட்டவர்கள் பெண்களாகவோ அல்லது வயதானவர்களாகவோ இருந்தால் AB- (முன் ஜாமீன்) ஐ எடுத்துக்கொள்ள அல்லது நீதிமன்றத்தில் சரணடைய அவர்கள் வழிகாட்டலாம்.

 பலத்த காயத்துடன் காவல் நிலையத்திற்கு பாதிக்கப்பட்டவர் வந்தால், உடனடியாக 108 ஆம்புலன்ஸ் அல்லது பொது வாகனத்திற்கு அனுப்பப்பட வேண்டும். ஆனால் புகாரைப் பெற்று பின்னர் மெமோ வழங்க வேண்டும். இதில், மருத்துவமனை AR பதிவேட்டில், "போலீசரால் கொண்டு வரப்பட்டது” போன்ற வார்த்தைகளை உருவாக்கக்கூடாது - அதில்  எச்சரிக்கையாக இருக்க வேண்டும்.

 முறையான MV (மோட்டார் வெஹிகில்) சாதனங்களை வைத்து மோட்டார் வாகன அற்ப வழக்குகள் பதிவு செய்ய வேண்டும். குடிபோதையில் வாகனம் ஓட்டுவது தொடர்பான வழக்குகள் கவனமாகக் கையாளப்பட வேண்டும். அரசு மருத்துவரிடம் டிடி (போதை உட்கொண்டதாக) சான்று பெறுவதற்காக அவர்களை காவல்துறை மருத்துவமனைக்கு அழைத்துச் செல்வதற்குப் பதிலாக, ப்ரீத் அனலைசரைப் (Breath analyser) பயன்படுத்த வேண்டும். செல்போனை பறிமுதல் செய்யக்கூடாது. இரு சக்கர வாகனங்களை துரத்துவது கூடாது அடுத்த ட்ராஃபிக் இடத்திற்கு வாகனம் குறித்து தகவல் தெரிவிக்கலாம் அல்லது புகைப்படம் எடுத்து அபராதம் செலுத்தலாம்.

உடல் மற்றும் வாய்மொழி தொடர்புகளை அகற்ற உடல் அணிந்த கேமரா (body wom camern), விசில் (whistles) போன்றவற்றைப் பயன்படுத்தவும்.

மோசமான கூறுகளுடன் ஒருவர் சாலைகளில் போக்குவரத்து -இதர சலசலப்பை ஏற்படுத்தினால், உடனடியாக சட்டம் மற்றும் ஒழுங்கு போலீஸ் அதிகாரிகளை அழைக்கவும்,

தடை செய்யப்பட்ட பொருட்களை பறிமுதல் செய்யாமல் எப்ஐஆர் பதிவது கூடாது. சொத்துகளை கைப்பற்றுதல் மற்றும் புத்தாக்கத்திற்கான புகைப்படம் -வீடியோ ஆதாரம் இருக்க வேண்டும்.

வழக்கைக் கண்டறிவதற்கும் குற்றம் சாட்டப்பட்டவரைக் கண்டறிவதற்கும் மட்டுமே சிறப்புக் குற்றக் குழு சுயாதீனமாகப் பயன்படுத்தப்படும். உண்மையான கைது மற்றும் சொத்து மீட்கும் போது, இன்ஸ்பெக்டர் படம் வந்து முழுப் பொறுப்பையும் ஏற்க வேண்டும்.

சந்தேக நபர்களை பொதுமக்கள் அடிக்கும்போது, அவரை சம்பவயிடத்திலிருந்து இருந்து நேரடியாக 108 ஆம்புலன்ஸ் அல்லது பிற தனியார் வாகனங்கள் மூலம் மருத்துவமனைக்கு அனுப்ப வேண்டும். அவர்களை காவல் நிலையத்திற்குள் கொண்டு. வரவோ அல்லது போலீஸ் காவலில் எடுக்கவோ கூடாது. குற்றம் சாட்டப்பட்டவரின், சந்தேக நபரின் மன நிலையை முறையான மதிப்பீடு. செய்து அதற்கேற்ப கூடுதல் கவனிப்பு தேவை,

 கைது செய்யப்பட்ட பிறகு குற்றம் சாட்டப்பட்டவரை முழுமையாகத் சோதனை செய்து குற்றவாளிகளை நிலைய எழுத்தர் மற்றும் பாரா காவலர்களுக்கு அருகில் உட்கார வைப்பதற்குப் பதிலாக காவல் நிலையத்தில் உள்ள லாக்கப்பில் தக்க பாதுகாப்புடன்  வைக்க வேண்டும். சீலிங் ஃபேன், ஹார்பிக் அல்லது ஆசிட் போன்ற கழிவறையில் உள்ள துப்புரவுப் பொருட்கள், கூர்மையான பொருள்கள் போன்ற தற்கொலைக்கு உதவும் சூழல்களில் இருந்து லாக் அப் முற்றிலும் அகற்றப்பட வேண்டும்: குற்றம் சாட்டப்பட்டவர்களுக்குத் தேவையான அடிப்படை ஆடைகள் வழங்கப்பட வேண்டும், அங்கி/ வேஷ்டியைத் தவிர்க்கலாம். லாக்கப்பில் போதுமான வெளிச்சம் மற்றும் CCTV கவரேஜ் இருத்தல் வேண்டும்.

 சுழற்சி அடிப்படையில் தொடர்ச்சியான பணிகளில் உள்ள Shadow (கண்காணிப்பு - நிழல்) காவலர்கள், குறிப்பாக இரவு நேரங்களில் பணி வரன்முறை செய்ய வேண்டும். வழிகாவலின் போது குற்றம் சாட்டப்பட்டவரை இரு சக்கர வாகனத்தில் அழைத்துச் செல்லக் கூடாது.  போதைப்பொருள் போன்ற பொய்யான வழக்குகளை போலீசார் பதிவு செய்யக்கூடாது. புகைப்படம்/வீடியோ ஆதாரங்களுடன் கடத்தல் பொருட்களை பறிமுதல் செய்ய வேண்டும்.

 போக்ஸோ வழக்குகள் போன்ற உணர்ச்சிப்பூர்வ மேலோட்டங்களைக் கொண்ட வழக்குகளில், குற்றம் சாட்டப்பட்ட பையன், பாதிக்கப்பட்ட பெண்ணுடனான உணர்ச்சிப் பிணைப்பின் காரணமாக தற்கொலைப் போக்குகளைக் கொண்டிருப்பான், எனவே, shadow போலீசாரால் மற்றும் பாதுகாப்பு போலீசாரால் தகுந்த காணிக்கப்பட வேண்டும். குற்றம் சாட்டபட்டவருக்கு தகுந்த உளவியல் ஆலோசனைகளை காவல்துறை வழங்க வேண்டும்.

குற்றம் சாட்டப்பட்டவர்கள் காவல் நிலையம் அழைத்து வரும்போது அவர்களை கண்காணித்து கொள்ள பிரத்யேக நிழல் போலீஸை (shadow) நியமித்து கடவுச் சீட்டு வழங்கப்பட வேண்டும் மற்றும் அவர்கள் பொறுப்பை உணரும் வகையில் GD இல் பதிவு செய்ய வேண்டும்.

 குற்றம் சாட்டப்பட்ட பெண்களை மாலை முதல் விடியற்காலை வரை கைது  செய்யக்கூடாது. குற்றம் சாட்டப்பட்ட பெண்களை இரவு காவலில் வைக்கக் கூடாது நீதிமன்ற காவல் அனுப்பும் வரையில் பெண் காவல் அதிகாரி உடன் இருந்து நீதிமன்ற அறிவுரைகளை  பின்பற்றி நீதிமன்ற காவலுக்கு உட்படுத்தி சிறைச்சாலைக்கு அனுப்பப்படவேண்டும். குற்றம் சாட்டப்பட்ட நபர்களின் குடும்ப உறுப்பினர்கள் முன்பு கடுமையாக நடந்து கொள்ளக் கூடாது. 

குற்றச் சந்தேக நபர்களின் உறவினர்களான பெண்களை மீட்டெடுப்பதற்காக போலீஸ் காவலில் எடுத்துச் செல்லும் நடைமுறைக்கு கடுமையாக நடந்து கொள்ளக்கூடாது. சந்தேக நபர்களை பொதுமக்கள் அடிக்கும்போது, அவரை சம்பவயிடத்திலிருந்து நேரடியாக 108 ஆம்புலன்ஸ் அல்லது பிற தனியார் வாகனங்கள் மூலம் மருத்துவமனைக்கு அனுப்ப வேண்டும். அவர்களை காவல் நிலையத்திற்கு கொண்டு அல்லாத -வரவோ அல்லது போலீஸ் காவலில் எடுக்கவோ கூடாது.

என் தன்னுடைய சுற்றறிக்கை வாயிலாக தமிழ்நாடு காவல்துறை இயக்குனர்  சைலேந்திரபாபு கூறியுள்ளார்.

கருத்துகள்

இந்த வலைப்பதிவில் உள்ள பிரபலமான இடுகைகள்

அரசு உத்தரவுகள் மற்றும் பொதுமக்களின் நன்மைக்கு எதிராகப் போராட்டம் நடத்தும் கிராம நிர்வாக அலுவலர்கள்

நிலப் பட்டா பாஸ் புத்தகச் சட்டம் 1983 பட்டா என்பது அரசுக்கு வரிசெலுத்தும் ஆவணம் அது உரிமை ஆவணம் அல்ல. என்பது பல நபர்களுக்குப் புரிவதே இல்லை தொடர்பான தகவல்களும் தற்போது ஊழல் கிராம நிர்வாக அலுவலர்களின் தேவையற்ற போராட்டம் செய்வதால் இப்போது இவர்கள் ஊழல்வாதிகளாக அம்பலப்பட்டுள்ள நிலை அரசு உரிய நடவடிக்கை எடுத்து இவர்கள் நடத்தும் போராட்டம் தடுக்கவேண்டும் என்பது தான் அனைவரின் விருப்பம். பட்டா வேண்டிய பொதுமக்கள் மாதக்கணக்கில் தாசில்தார் அலுவலகங்களுக்கு அலைந்து திரிகின்றனர். உட்பிரிவு செய்து தர வேண்டிய இனங்களில் 30 நாட்களிலும், உட்பிரிவு செய்ய தேவைப்படாத இனங்களில் 15 நாட்களிலும் பட்டா மாற்றம் செய்யப்பட வேண்டும் என தமிழக அரசு 8.7.2011 ம் தேதியிட்ட அரசாணை எண். 210, வருவாய் (நி. அ. 1(1))துறை - ல் கூறியுள்ளது. அதேபோல் UDR நத்தம் நிலவரித் திட்டம் பட்டாவில் ஏற்படும் தவறுகளை சரி செய்வதற்காக தமிழக அரசு 17.8.2004 ம் தேதியில் அரசாணை எண். 385, வருவாய் (பொது - 3) துறை என்ற அரசாணையை பிறப்பித்துள்ளது. பட்டா மாற்றம் : பட்டா மாறுதல்கள் வருவாய் நிலை ஆணை எண் 31 ன்படி மூன்று வகையாக செய்யப்படுகிறது. 1. நிலச் சொந்தக்

நில அளவை மற்றும் உட்பிரிவுக் கட்டணம் தமிழகத்தில் பலமடங்கு உயர்த்தி அரசாணை

​ ​ ​தமிழகத்தில் நில அளவை மற்றும் உட்பிரிவு பட்டா மாற்றக் கட்டணங்கள் பல மடங்கு உயர்வு. நிலம் புல எல்லை நிர்ணயிக்கும் தொகை ரூபாய் 50 லிருந்து ரூபாய் இரண்டாயிரம் ஆனது உட்பிரிவு செய்வதற்கு பத்து மடங்கு அதிகமாகிறது. நில அளவீட்டுக் கட்டணத்தை அரசு 40 மடங்கு வரை உயர்த்தியுள்ளது. நஞ்சை நிலத்தின் புல எல்லைகள் ஆத்துமால் நிர்ணயம் செய்வதற்கான கட்டணம் ரூபாய்.50 லிருந்து ரூபாய் இரண்டாயிரமாக அதிகரிக்கப்பட்டுள்ளது. நிலத்தை உட்பிரிவு செய்வதற்கான கட்டணம் பத்து மடங்கு உயர்த்தப்பட்டுள்ளது. ஊரடங்கு நேரத்தில் சத்தமில்லாமல் பல மடங்கு கட்டண உயர்வை அரசு அறிவித்துள்ளதால் பொதுமக்கள் கடும் அதிர்ச்சியாகியுள்ளனர். நிலஅளவைத்துறை சார்பில் நிலத்தை அளந்து உட்பிரிவு செய்வது, நில உரிமையாளர்களின் விண்ணப்பத்தின் பேரில் புல எல்லைகளை அத்துமால் செய்து நிர்ணயிப்பது, மேல்முறையீட்டின் பேரில் மறு அளவீடு செய்தல், புலப்பட நகல், மாவட்ட, வட்ட கிராம வரைபட நகல் வழங்குதல் உள்ளிட்ட பணிகள் மேற்கொள்ளப்படுகிறது. இதற்காக, மனுக் கொடுத்த 90 நாட்களுக்குள் நிலத்தை அளந்து உட்பிரிவு செய்ய வேண்டியது நில அளவைத் துறையின் கடமை. நில அளவில் சந்தேகம் இரு

தமிழ் நாடு நில உச்சவரம்பு திருத்தச் சட்டம் அமலாக்கம்

தமிழ்நாடு நில சீர்திருத்தங்கள் (நில உச்சவரம்பு நிர்ணயம்) சட்டம் கொண்டு வரப்பட்டது. தமிழ்நாடு நில சீர்திருத்த சட்டம் 1961–ன் படி ஒரு நபர் அல்லது குடும்பம் குறிப்பிட்ட ஏக்கருக்கு மேல் நிலங்கள் வைத்துக்கொள்ளக் கூடாது. அதே போல் கல்வி நிறுவனங்கள் மற்றும் மருத்துவமணைகள் நடத்தும் அறக்கட்டளையும் எவ்வித நிலங்களையும் கிரயம் செய்து வைத்துக்கொள்ளக் கூடாது. எனினும் அறக்கட்டளைகள் அரசிடம் முறையான அனுமதி பெற்று நிலங்களைக் கிரயம் செய்யலாம். அவ்வாறு தகுதிக்கு மேற்பட்ட நிலங்களை வைத்திருக்கும் நபர் அல்லது குடும்பத்தினரிடம் இருந்து நிலத்தை மீட்டெடுத்து உபரி நிலங்களாக அறிவிக்கும் பணி 01 பிப்ரவரி 2015 வரை நடந்தது நில உச்சவரம்புச் சட்டத் திருத்தப்படி இப்போது 120 ஏக்கர் புஞ்சை நிலம் மற்றும் 60 ஏக்கர் நஞ்சை நிலம் சொந்தமாக அனுமதியின்றி நில உச்சவரம்பு விஸ்தரிப்பு வரம்பை விரிவுபடுத்தலாம். நிலம் கிடைப்பதில் இன்னொரு தடையும் தளர்த்தப்பட்டது.நில உச்சவரம்புச் சட்டத் திருத்தம் நிலம் கிடைப்பதில் இன்னொரு தடையும் தளர்த்தப்பட்டது.

பதிவு செய்யும் பத்திரங்களில் ஆவண எழுத்தர் பெயர். உரிமம் எண், புகைப்படம் கட்டாயம் பதிவுத்துறை தலைவர் சுற்றறிக்கை

ஆவணங்கள் பதிவு செய்யும் போது எழுதிய பத்திரங்களின் கடைசி பக்கத்தில் ஆவண எழுத்தர் பெயர். உரிமம் எண், புகைப்படம் இல்லாவிட்டால் பதிவு செய்த பத்திரப் பதிவு செல்லாது      அதோடு தற்போது அவரது புகைப்படம் இணைப்பு வேண்டும். கடைபிடிக்காத ஆவண எழுத்தர்கள் மீது கிரிமினல் நடவடிக்கை   பத்திர பதிவுத்துறைமின் சுற்றறிக்கை முழு விபரம்‌ பத்திரப் பதிவு செய்யும் ஆவணங்களில் பதிவு ஆவண எழுத்தர் பெயர், உரிமம் எண், புகைப்படம் இல்லாவிட்டால், அந்த பத்திரப்பதிவு செல்லாது. தமிழகத்தில் போலியான பத்திரங்கள் பதிவாவதைத் தடுக்க மாநில பதிவுத்துறைத் தலைவர் சிவன் அருள் அனுப்பியுள்ள சுற்றறிக்கை அதில், ஆவணத்தை தயார் செய்த ஆவண எழுத்தர் அல்லது வழக்குறைஞர் பார் கவுன்சில் பதிவு எண் பெயர் மற்றும் உரிமம் எண் உடன் புகைப்படம் இணைத்து பதிவு செய்ய வேண்டும். ஆவண எழுத்தரின் புகைப்படமும் அதன் கீழ் அவரது கையொப்பமும் வேண்டும். இந்த நடைமுறை ஆகஸ்ட் 9 ஆம் தேதி முதல் அமலுக்கு வருகிறதென அனைத்து பதிவுத்துறை அலுவலர்களுக்கும் உத்தரவிட்டுள்ள இந்த நடைமுறையை செயல்பாட்டுக்கு கொண்டு வரும் வகையில் அனைத்து சார்பதிவாளர் அலுவலகங்களுக்கும் மாதிரிப் படிவம் ஒன

முன்னாள் குடியரசுத் தலைவர் டாக்டர் கலாம் நினைவாக காரைக்குடி மற்றும் வெற்றியூரில் மரம் நடும் விழா

முன்னாள் குடியரசுத் தலைவர் டாக்டர் ஏ.பி.ஜே. அப்துல் கலாம் அவர்களின் நினைவு நாளில் சிவகங்கை மாவட்டத்தைச் சேர்ந்த காரைக்குடி தாலுகா வெற்றியூர் கிராமம் காரைக்குடியிலிருந்து 30 கி.மீ தொலைவிலும், சிவகங்கையிவிலிருந்து 28 கி.மீ தூரத்திலும் அமைந்துள்ளது.  வெற்றியூர்  ஒரு கிராமப் பஞ்சாயத்து மொத்தப் பரப்பளவு 1205.06 ஹெக்டேராகும். 1,411 மக்கள் தொகை கொண்ட கிராமத்தில் 417 வீடுகள் உள்ளன.  சிவகங்கை சட்டசபை மற்றும் நாடாளுமன்றத் தொகுதியில் வருகிறது. மாமன்னர்கள் மருதுபாண்டியர்களின் வரலாற்றுப் புகழ் கொண்ட அரண்மனை சிறுவயல் மற்றும் நட்டரசன்கோட்டை உள்ளிட்ட ஊர்கள் வெற்றியூருக்கருகிலுள்ளது இங்கு டாக்டர் கலாம் இலட்சிய இந்தியா மற்றும் புதுக்கோட்டை மரம் அறக்கட்டளையின் சார்பாக வெற்றியூர் அரசினர் மேல்நிலைப்பள்ளியின் வளாகத்தில் 101 மரக்கன்றுகள் நடும் விழா நடைபெற்றது. சிறப்பு அழைப்பாளர்களாக , வெற்றியூர் ஊராட்சி மன்ற தலைவர் மரம் அறக்கட்டளை நிறுவனத் தலைவர் வாழும் அசோகர் புதுக்கோட்டை. மரம் இராஜா, மதர் சிறப்புப் பள்ளி, நிர்வாக இயக்குனர் அருன் குமார் காரைக்குடி. மதர் தொண்டு நிறுவனப் பொருளாளர் பரமசிவம். உதவி தலைமை ஆசிரிய