கஞ்சன்ஜங்கா விரைவு ரயில் மீது சரக்கு ரயில் மோதி விபத்தால் பலியானவர்களின் எண்ணிக்கை உயரலாம்

மேற்கு வங்காளம்  டார்ஜிலிங் அருகே நின்று கொண்டிருந்த கஞ்சன்ஜங்கா விரைவு ரயில் மீது சரக்கு ரயில் மோதி விபத்தால் பல பெட்டிகள் தடம்புரண்டதில் பலியானோர் எண்ணிக்கை 15 ஆக அதிகரித்தது.

மேலும் 60 க்கும் மேற்பட்டோர் படுகாயமடைந்தனர்.   பேரிடர் மீட்புப் படையினர் சம்பவ இடத்தில் மீட்புப் பணிகளை மேற்கொள்கின்றனர். திரிபுராவின் அகர்தலாவிலிருந்து மேற்கு வங்காளத்தில் செலடா நோக்கிச் சென்ற கஞ்சன்ஜங்கா விரைவு ரயில் நியூ ஜல்பைகுரி ரயில் நிலையத்திலிருந்து 7 கிலோ மீட்டர் தொலைவில் நின்று கொண்டிருந்த போது. இன்று காலை 9 மணியளவில் அதன் மீது சரக்கு ரயில் அதிவேகமாக வந்து மோதியதில் கஞ்சன்ஜங்கா விரைவு ரயிலின் பின் பகுதியிலிருந்த 3 பெட்டிகள் தடம்புரண்டு உருக்குலைந்த விபத்தில் கஞ்சன்ஜங்கா விரைவு ரயிலில் பயணித்த பயணிகள் 15 பேர் உயிரிழந்ததுடன் 60-க்கும் மேற்பட்டோர் படுகாயமடைந்துள்ளனர்.

இடிபாடுகளிலும் பலரும் சிக்கியிருப்பதால் உயிரிழப்பு எண்ணிக்கை அதிகரிக்கும் என அஞ்சப்படுகிறது. சம்பவ இடத்தில் பேரிடர் மீட்புப் படையினர் மீட்புப் பணிகளில் ஈடுபட்டு வருகின்றனர். விபத்து குறித்து மேற்கு வங்காளத்தின் முதல்வர் மமதா பானர்ஜி அதிர்ச்சி தெரிவித்துள்ளார். மேலும் மீட்புப் பணிகளை போர்க்கால அடிப்படையில் மேற்கொள்ள உத்தரவிட்டுள்ளதாகவும் முதல்வர் மமதா பானர்ஜி தெரிவித்துள்ளார். மேலும் உதவி எண்களும் அறிவிக்கப்பட்டது 033-2350-8794 , 033-238-33326 ஆகிய தொலைபேசி எண்களில் தொடர்பு கொண்டு ரயில் பயணிகள் விவரங்களைத் தெரிந்து கொள்ளலாமென ரயில்வே நிர்வாகம் தெரிவித்துள்ளது.மத்திய ரயில்வே அமைச்சர் அஸ்வினி வைஷ்ணவ் அவரது எக்ஸ் பக்கத்தில், போர்க்கால அடிப்படையில் மீட்புப் பணிகள் நடைபெற்று வருகின்றன. ரயில்வே துறையின் மூத்த அதிகாரிகளும் சம்பவ இடத்துக்கு விரைந்துள்ளனர். படுகாயமடைந்தவர்கள் மருத்துவமனைகளில்

அனுமதிக்கப்பட்டுள்ளனர் எனத் தெரிவித்துள்ளார். மேலும் ரயில் விபத்து நடந்த இடத்துக்கு ரயில்வே அமைச்சர் அஸ்வினி வைஷ்ணவ் விரைந்தார்.

விபத்து குறித்து செய்தியாளர்களிடம் பேசிய டார்ஜிலிங் கூடுதல் காவல்துறை கண்காணிப்பாளர் அபிஷேக் ராய், தற்போது வரை 5 பயணிகள் உயிரிழந்துள்ளனர். 20 முதல் 25 பேர் வரை படுகாயம் அடைந்துள்ளனர். நின்று கொண்டிருந்த கஞ்சன்ஜங்கா விரைவு ரயில் மீது சரக்கு ரயில் மோதியதால் இந்த விபத்து நிகழ்ந்துள்ளது என்றார்.         

   இந்த நிலையில் விபத்து காரணமாக பல ரயில்கள் ரத்து செய்யப் பட்டதில் ஹவுரா-நியூ ஜல்பைகுரி வந்தே பாரத் எக்ஸ்பிரஸ் (22301)

குவஹாத்தி- ஹவுரா சராய்காட் எக்ஸ்பிரஸ் (12346)

காமாக்யா ஆனந்த் விஹார் வடகிழக்கு எக்ஸ்பிரஸ் (12505)

 குவஹாத்தி-பெங்களூரு எக்ஸ்பிரஸ் (12510)

நியூ ஜல்பைகுரி- ஹவுரா வந்தே பாரத் எக்ஸ்பிரஸ் (22302)

 காமாக்யா-கயா எக்ஸ்பிரஸ் (15620)

திப்ருகர்- ஹவுரா கம்ரூப் எக்ஸ்பிரஸ் (15962)

 குவஹாத்தி-ஓக்ஹா எக்ஸ்பிரஸ் (15636)

. நியூ டின்சுகியா-தாம்பரம் எக்ஸ்பிரஸ் (15930)

 பாமன்ஹாட்-சீல்டா உத்தர் பங்கா எக்ஸ்பிரஸ் (13148)

 திப்ருகர்-கன்னியாகுமரி எக்ஸ்பிரஸ் (22504) உள்ளிட்டவை அடங்கும்.   

மேற்கு வங்காளம் ரயில் விபத்தில் உயிரிழந்தவர்களுக்கு பிரதமர் இரங்கல்

பிரதமரின் தேசிய நிவாரண நிதியிலிருந்து நிவாரணம் அறிவிப்பு

மேற்கு வங்கத்தில் நிகழ்ந்த ரயில் விபத்தில் உயிரிழந்தவர்களுக்கு பிரதமர் திரு. நரேந்திர மோடி இரங்கல் தெரிவித்துள்ளார். மத்திய ரயில்வே அமைச்சர் திரு. அஸ்வினி வைஷ்ணவ் விபத்து நடந்த இடத்திற்குச் சென்று கொண்டிருக்கும் நிலையில், பாதிக்கப்பட்டவர்களுக்கு உதவ மீட்புப் பணிகள் நடைபெற்று வருவதாக பிரதமர் உறுதியளித்தார். உயிரிழந்தவர்களின் குடும்பத்தினருக்கு பிரதமரின் தேசிய நிவாரண நிதியில் இருந்து தலா ரூ.2 லட்சமும், காயமடைந்தவர்களுக்கு தலா ரூ.50 ஆயிரமும் வழங்கப்படும் என்று பிரதமர் அலுவலகம் அறிவித்துள்ளது.

சமூக ஊடக எக்ஸ் தளத்தில் பிரதமர் பதிவிட்டுள்ளதாவது:

"மேற்கு வங்கத்தில் நிகழ்ந்த ரயில் விபத்து வருத்தமளிக்கிறது. தங்கள் அன்புக்குரியவர்களை இழந்தவர்களுக்கு ஆழ்ந்த இரங்கலைத் தெரிவித்துக்கொள்கிறேன். காயமடைந்தவர்கள் விரைவில் குணமடைய பிரார்த்திக்கிறேன். அதிகாரிகளிடம் பேசி, நிலைமையை கேட்டறிந்து கொண்டேன். பாதிக்கப்பட்டவர்களுக்கு உதவ மீட்புப் பணிகள் நடந்து வருகின்றன. ரயில்வே அமைச்சர் திரு அஸ்வினி வைஷ்ணவ் விபத்து நடந்த இடத்திற்குச் சென்று கொண்டிருக்கிறார்.     

                  ”சரக்கு ரயில் இயக்கத்தில் விதிமீறல்' இந்த ரயில் அசாமின் சில்சாரில் இருந்து மேற்கு வங்கத்தின் சேல்டா மாவட்டம் நோக்கிப் பயணித்த போது நியூ ஜல்பைகுரியில் விபத்து நடந்தது. பின்னாலிருந்து சரக்கு ரயில் மோதியதில் கஞ்சன்ஜங்கா ரயிலின் 3-ல் இருந்து 5 பெட்டிகள் வரை சேதமடைந்தது. விபத்து நடந்தது தொடர்பாக முதற்கட்டதா தகவல்கள் வெளியாகின. ராணிபத்ரா மற்றும் ரங்கபாணி ரயில் நிலையங்களுக்கு இடையே இந்த விபத்து நடந்தது.

முன்னதாக, அதிகாலை 5.50 மணி முதல் ராணிபத்ரா ரயில் நிலையம் மற்றும் சத்தர் ஹட் சந்திப்பு இடையேயான தானியங்கி சிக்னல் பழுதடைந்த நிலையில் தான் கஞ்சன்ஜங்கா எக்ஸ்பிரஸ் ரயில் காலை 8:27 மணிக்கு ரங்கபாணி நிலையத்தில் இருந்து ராணிபத்ரா ரயில் நிலையம் நோக்கிப் புறப்பட்டது. தானியங்கி சிக்னல் பழுது காரணமாக சத்தர் ஹாட் இடையே அது நிறுத்தப்பட்டது.

வழக்கமாக தானியங்கி சிக்னலில் பழுது ஏற்பட்டால், ரயில் சிக்னலைக் கடக்க சம்பந்தப்பட்ட ரயில்வே ஸ்டேஷன் மாஸ்டர் TA 912 எனப்படும் எழுத்துபூர்வ அதிகாரத்தை ரயில் ஓட்டுநருக்கு அளித்த பின்பே லோகோ பைலட்டால் ரயிலை இயக்க முடியும். கஞ்சன்ஜங்கா எக்ஸ்பிரஸ் ரயிலை பொறுத்தவரை பழுதான சிக்னலை கடக்க ராணிபத்ரா ரயில் நிலைய மேலாளர் TA 912 எனப்படும் எழுத்துபூர்வ அதிகாரத்தை வழங்கியுள்ளார். இதனைத் தொடர்ந்தே கஞ்சன்ஜங்கா எக்ஸ்பிரஸ் ரயில் காலை 8:27 மணிக்கு ரங்கபாணி நிலையத்திலிருந்து ராணிபத்ரா ரயில் நிலையம் நோக்கிப் புறப்பட்டது.

அதேநேரம், சரக்கு ரயிலும் ரங்கபாணி நிலையத்திலிருந்து காலை 8:42 மணிக்கு ராணிபத்ரா நோக்கி புறப்பட்டுள்ளது. ஆனால், சரக்கு ரயில் பழுதான சிக்னலைகா கடக்க TA 912 எனப்படும் எழுத்துபூர்வ அதிகாரத்தை ஸ்டேஷன் மாஸ்டரும் கொடுக்கவில்லை என முதற்கட்ட விசாரணையில் தெரியவந்தது. சரக்கு ரயிலின் லோகோ பைலட் விதிகளை மீறி பழுதான சிக்னலை கடந்து சென்றதாக ரயில்வே கூறியுள்ளது. இதுவே, விபத்துக்கான காரணமாகவும் தெரிவிக்கப்படுகிறது.

பொதுவாக பழுதான சிக்னலில், ஒரு ரயிலுக்குப் பின் செல்லும் மற்றொரு ரயில் செல்லும்போது 10 கி.மீ வேகத்திலேயே ஒவ்வொரு சிக்னலையும் கடக்க வேண்டும். ஆனால், இந்த விபத்துக்கு முன்னதாக சரக்கு ரயில் இந்த விதிமுறையை மீறியதாக சொல்லப்படுகிறது. அதுவே விபத்துக்கு காரணமாக அமைந்திருக்கலாம் எனவும் சந்தேகிக்கப்படுகிறது. எனினும், முழுமையான விசாரணைக்கு பின்னரே முழு விவரம் தெரியவரும்.

பிரதமர் அலுவலகம் வெளியிட்ட எக்ஸ் பதிவில் தெரிவித்திருப்பதாவது:

“மேற்கு வங்கத்தில் நிகழ்ந்த ரயில் விபத்தில் உயிரிழந்தவர்களின் குடும்பத்தினருக்கு பிரதமரின் தேசிய நிவாரண நிதியில் இருந்து தலா ரூ.2 லட்சம் வழங்கப்படும் என்று பிரதமர் நரேந்திர மோடி அறிவித்துள்ளார். காயமடைந்தவர்களுக்கு ரூ.50,000 வழங்கப்படும்.”