நீதிமன்றங்கள் மீண்டும் வழக்கம்போல் செயல்படுவது குறித்து ஏப்ரல் 29 ல் தெரியும்.

நீதிமன்றங்கள் வழக்கம்போல் செயல்படுவது குறித்து ஏப்ரல் 29 ஆம் தேதி தெரியும்.
சென்னை உயர் நீதிமன்றம், மாவட்ட நீதிமன்றங்கள் உள்பட மீண்டும் எப்போது வழக்கம்போல் செயல்பட அனுமதிப்பதென  சென்னை உயர் நீதிமன்றத் தலைமை நீதிபதி ஏ.பி.சாஹி, ஏப்ரல் 29 ஆம் தேதி முக்கிய ஆலோசனை நடத்த உள்ளார்.
கொரோனா வைரஸ் பரவல் தடுக்கும் நடவடிக்கையாக, உச்ச நீதிமன்றம், உயர் நீதிமன்றங்கள், மாவட்ட நீதிமன்றங்கள் உள்ளிட்டவற்றில் வழக்கமான முறையிலான வழக்கு விசாரணைகள் கடந்த ஒரு மாதத்துக்கு மேல் நடைபெறவில்லை.
முக்கியமான, அவசர வழக்குகள் மட்டும் காணொளிக் காட்சி முறையில் நடத்தப்பட்டு வரும் நிலையில், நீதிமன்றங்களை மீண்டும் வழக்கம்போல் செயல்பட அனுமதிப்பது தொடர்பாக, சென்னை உயர் நீதிமன்றத் தலைமை நீதிபதி ஏ.பி.சாஹி, வரும் 29 ஆம் தேதி ஆலோசனை நடத்தவுள்ளார்.
உயர் நீதிமன்றம் உள்ளிட்டவற்றின் நீதிபதிகளுடன் அவர், காணொளிக் காட்சி முறையில் நடத்தவுள்ள இந்த ஆலோசனைக்குப் பின் இறுதி முடிவு எடுக்கப்படுமெனத் தெரிகிறது.
நாடு முழுவதும்  நீட்டிக்கப்பட்டுள்ள ஊரடங்கு உத்தரவு மே மாதம் 3 ஆம் தேதியுடன் முடிவுக்கு வருமா, இல்லையா என தெரியாத பட்சத்தில், உயர் நீதிமன்ற நீதிபதி ஆலோசனை நடத்தவுள்ளது குறிப்பிடத்தக்கது.