எல்லைச் சண்டையில் தமிழக வீரர் மரணம். முதல்வர் இரங்கல்

எல்லையில் நடந்த சண்டையில் தமிழக வீரர் மரணம். முதல்வர் இரங்கல்  உயிரிழந்த சந்திர சேகர் தென்காசி மாவட்டம் செங்கோட்டை தாலுகா மூன்றுவாய்க்காலைச் சேர்ந்தவர். அவர் மறைவு காரணமாக அப் பகுதியே சோகத்தில் மூழ்கி யுள்ளது. ஜம்மு காஷ்மீர் எல்லையில் தீவிரவாதிகளுக்கு எதிராக நடந்த என்கவுன்ட்டரின் போது துணை ராணுவ வீரரான தமிழகத்தை சந்திரசேகர் உயிரிழந்தார்.
ஜம்மு காஷ்மீரின் குப்வாரா மாவட்டத்தில் துணை ராணுவ படையினர் நேற்று கண்காணிப்பு பணியில் ஈடுபட்டிருந்த போது, தீவிரவாதிகள் துப்பாக்கிச் சூடு நடத்தினர். இருதரப்புக்கும் இடையே நடந்த சண்டையில் 3 துணை ராணுவ வீரர்கள் உயிரிழந்தனர். தீவிரவாதி ஒருவர் சுட்டுக் கொல்லப்பட்டார்.
வீர மரணம் அடைந்த ரிசர்வ் காவல்படை  வீரர்களில்  மூன்றுவாய்க்கால் சந்திர சேகரும் ஒருவர். அவரது மறைவுக்கு தமிழக முதல்வர் இரங்கல் தெரிவித்துள்ளார்.  இதுகுறித்து அவர் தனது ட்விட்டர் பதிவு மற்றும் அரசு செய்திக்குறிப்பு  'ஜம்மு காஷ்மீரின் ஹந்த்வாராவில் நடைபெற்ற பயங்கரவாத தாக்குதலில் நெல்லையை சேர்ந்த நம் தமிழக வீரர் திரு.சந்திரசேகர் அவர்கள் வீரமரணம் அடைந்த செய்தியறிந்து மனவேதனை அடைந்தேன். திரு.சந்திரசேகர் அவர்களின் பிரிவால் மீளாத்துயரில் இருக்கும் அவர்தம் குடும்பத்தினருக்கு எனது ஆழ்ந்த இரங்கல்!' என்று கூறியுள்ளார். உடனடியாக ரூ இருபது இலட்சம் வழங்கவும் உத்தரவு