நண்பர்கள் பணத்தால் பிரிந்த வேதனை. இந்த மோட்சதீபம் அமைதி தருமா

மறைந்த S P பாலசுப்ரமணியம் அவர்களின் ஆத்மா சாந்தி அடைய இசைஞானி இளையராஜா அவர்கள் திருவண்ணாமலையில் ரமணாஸ்ரமத்தில சற்று முன் மோட்ச தீபம் ஏற்றினார் . . .இளையராஜா - எஸ்.பி.பாலசுப்பிரமணியம் மோதல் ஏதோ ராயல்டி பிரச்னை என பார்க்கப்படுகிறது. உண்மையைச் சொன்னால் இருவருக்கும் கடந்த ஆறு மாத காலமாகவே பனிப்போர் நடந்தது என்று கோலிவுட்டில் பேசும் நிலை. 2019 ஆம் வருடம் அமெரிக்காவில் நடந்த இளையராஜாவின் இசைக் கச்சேரிக்கு ஏழு லட்சம் வாங்கிக் கொண்டிருந்த எஸ்பிபி.திடீரென்று இருபது லட்சம் தந்தால் தான் வருவேனென தன் சம்பளத்தை உயர்த்தி கறாராக நடந்து கொண்டு நிகழ்ச்சியைப் புறக்கணித்து அமெரிக்கா போகாமல் இருந்துவிட்டாராம், அதன் வெளிப்பாடு தான் இந்தப் பிரச்னை எனவும், இளையராஜா- எஸ்.பி.பி பிரச்சனை அவர்களின் வாரிசுகளுக்கிடையேயானது. கார்த்திக் ராஜாவை போன்றே, எஸ்.பி.பி.சரணும் தனது தந்தையை வைத்து உலகம் முழுக்க கச்சேரி நடத்த முடிவு செய்த போட்டியின் வெளிப்பாடு தான் பிரச்னைக்கு முக்கிய காரணமாம். காப்புரிமைச் சட்டம் பற்றிய புரிதல் இல்லாமல் போய்விட்டது. சட்டப்படி, எந்த ஒரு பாடலையும் கேசட், சிடி, அல்லது நவீன கால ஐடியூன்ஸ் போன்றவை மூலமே விலைக்கு வாங்க வேண்டும். ரேடியோவில், டிவி சேனலில் கேட்கும் போது அந்தந்த நிறுவனங்கள் அதை விலை கொடுத்துத் தான் வாங்குகின்றன. சட்டப்படி இளையராஜா செய்தது சரி தான்.இருந்தும் பாடல் எழுதிய கவிஞர் இங்கு காணாமல் போவதா. ஒரு படைப்பாளி தன் படைப்பின் மீதான உரிமையை நிலை நாட்டுவதையே தவறென்றோ பேராசை என்றோ சொல்ல முடியாது. எஸ்பிபி.யின் வெளிநாட்டுப் பயணம் ஏதோ மக்களை மகிழ்விக்கும் இலவசப் பயணமட்டுமல்ல. நூறு சதவீதம் பணம் வசூலிக்கும் இசை நிகழ்ச்சிகள். நிகழ்ச்சியை ரசிக்க வரும் மக்களிடமிருந்து வசூலிக்கும் பல லட்சம், மில்லியன் டாலர்களிலிருந்து, பாடுகிறவர்களுக்கு, இசைக் கலைஞர்களுக்கென எல்லாத் தரப்புக்கும் பணம் பகிர்ந்து தருகிறார்கள். அந்தப் பாடல்களை உருவாக்கியதில் இசைப் படைப்பாளியான இளையராஜா, தனக்கான உரிமையை நிலை நாட்ட முயன்றார் அவர் அனுப்பிய இந்த நோட்டீஸ், வணிக ரீதியில், அவரது பாடல்களை பயன்படுத்துவோருக்கே அனுப்பப்பட்டுள்ளது. மேடைகச்சேரி நடத்துவோர், ராயல்டி செலுத்த வேண்டியதில்லை என்று இளையராஜா தரப்பு கூறினாலும் தனது பாடல்களைப் பாட பணம் தர வேண்டும் என இளையராஜா கேட்பது சாதாரண மக்களைப் பாதிக்காதா எனும் கருத்தும், காப்புரிமையை பற்றிப் பேசினால் இளையராஜாவின் இசையைக் கேட்பது குறைந்து விடுமென்பது ரசிகர்களுக்குள்ள அச்சம். தனக்குக் கிடைக்கும் ராயல்டி தொகையை தான் மட்டும் அனுபவிக்காமல், ஒரு பகுதியை சம்பந்தப்பட்ட பாடலாசிரியர் மற்றும் தயாரிப்பாளருக்கு தருவதாக இளையராஜா கூறியிருக்கிறார். ராயல்டி கலாச்சாரத்தை ஏதோ இளையராஜா மட்டும் தான் கேட்கிறார் என கண்ணோட்டம் உள்ளது. உண்மையை சொன்னால், ஏ.ஆர். ரஹ்மான் உள்ளிட்ட பல இசையமைப்பாளர்கள் தங்களுக்கான ராயல்ட்டியை பெற்றே இசை நிகழ்ச்சிகளை நடத்துகிறார்கள். 2017ஆம் ஆண்டு மார்ச் மாதம் இளையராஜா,  எஸ்.பி. பாலசுப்பிரமணியம் இடையே காப்புரிமைப் பிரச்னை தொடர்பாக மோதல் ஏற்பட திரையிசைப் பயணத்தில் 50 ஆண்டுகளைப் பூர்த்தி செய்துள்ளதையொட்டி எஸ்.பி. பாலசுப்பிரமணியம் உலகம் முழுவதும் பயணித்து இசைக் கச்சேரிகளை நடத்தினார். ஆனால், இளையராஜாவின் சார்பில் அவரது வழக்கறிஞர் எஸ்பிபிக்கும், பாடகர் சரண், பாடகி சித்ரா, கச்சேரியை நடத்தும் ஒருங்கிணைப்பாளர்களுக்கும் நோட்டீஸ் அனுப்பினார். இளையராஜா இசையமைத்த பாடல்களை அவரின் அனுமதி இல்லாமல் மேடையில் பாடவோ, இசைக்கச்சேரி நடத்தவோ கூடாது. அதையும் மீறிச் செய்தால் காப்புரிமைச் சட்டத்துக்கு எதிராகிவிடும். எனவே மிகப்பெரிய அபராதத் தொகையை சட்டப்படி தரவேண்டியிருக்கும் என்று அந்த நோட்டீஸில் குறிப்பிடப்பட்டிருந்தததையடுத்து நான் இனி இளையராஜா பாடல்களை மேடையில் பாட மாட்டேன். வேறு சில இசையமைப்பாளர்களின் இசையிலும் பாடியிருக்கிறேன். அந்தப் பாடல்களை நான் இனி மேடைகளில் பாடுகிறேன் என்ற பின்னர், என் மீது வழக்குத் தொடர்ந்தாலும் பரவாயில்லை நான் இளையராஜா படல்களை மேடையில் பாடுவேன் என்று எஸ்பிபி கூறினார்.   இந்நிலையில், வரும் ஜூன் 2 அன்று தன்னுடைய பிறந்தநாளையொட்டி, இசை நிகழ்ச்சி ஒன்றை சென்னையில் நடத்தவுள்ளார் இசையமைப்பாளர் இளையராஜா. இந்த இசை நிகழ்ச்சியில் எஸ்.பி. பாலசுப்பிரமணியன் இனி இல்லை அந்த ராயல்டி கேட்ட பாவ மன்னிப்புக்காக. மோட்சதீபம் போடுகிறார் போல ஒரு சந்தேகம் தான் வருகிறது அதில் பாசம் தெரியவில்லை.. எஸ்.பி.பி இறக்கும் போது அவரது நிகர சொத்து மதிப்பு கிட்டத்தட்ட $114 மில்லியன் என மதிப்பிடப்பட்டுள்ளது.எஸ்பிபியின் கடந்த கால படைப்புகளிலிருந்து பெறப்பட்ட ராயல்டி மற்றும் இசையில் அவரின் பல்வேறு பங்களிப்புகளையும் சேர்த்தே இந்த மதிப்பு கணக்கிடப்பட்டுள்ளது."தற்போது தமிழகஅரசு உதவி செய்ய மறுத்துவிட்டதாகவும். இந்தியாவின் துணை ஜனாதிபதி தனது தந்தையின் சிகிச்சையின் பில்களை செலுத்த குடும்பத்திற்கு உதவ வேண்டும் என்ற வதந்திகளை பரப்பி வரும் பலரும் கவனிக்க வேண்டியது அதை எஸ்.பி.பியின் மகன் மறுக்கிறார். மருத்துவமனை பில்கள் செலுத்துதல் மற்றும் டெல்லியின் உதவி ஆகியவை பரவலாக பரப்பப்பட்ட வதந்திகள் அதன் "தாக்குதல் மற்றும் வேதனை" உணர்வு ஏற்படும். இதை அவர்களின் பாடல் வரிகளில் கூறுவதானா ல் "பயணம் எங்கே போனால் என்ன பாதை நூறு ஆனால் என்ன தோட்டம் வெச்சவன் தண்ணீர் விடுவான் சும்மா நில்லடா டோய் போடா எல்லாம் விட்டுத் தள்ளு பழசை எல்லாம் சுட்டுத் தள்ளு புதுசா இப்போ பொறந்தோமுன்னு எண்ணிக்கொள்ளடா டோய்" பணம் இவர்களுக்கு நடபைப் பிரித்தது ...இப்போது வேதனை விளிம்பில் இசைஞானி..மோட்சதீபம் பல கதை சொல்கிறது.