இந்தியாவிற்கான வெளிநாட்டு நன்கொடை திருத்தச்சட்டம் குடியரசுத் தலைவர் ஒப்புதல்

இந்தியாவில் என்.ஜி.ஓக்கள் வெளிநாடுகளிலிருந்து நன்கொடை பெறுவதற்கான சட்டத் திருத்தங்களுக்கு (FCRA Amendment Act 2020) க்கு குடியரசுத் தலைவர் ஒப்புதல் அளித்தார் எப்போது அமலாகுமென்ற விவரமில்லை. இந்தியாவின் முன்னேற்றத்துக்கு முட்டுக்கட்டை போடவும், ஹிந்து மதத்தை அழிக்கும் விதத்தில் பாரம்பரியத்தை தடுக்கும் வழக்குகள் போடவும், இந்தியாவை உடைக்கவும் வெளிநாடுகளிலிருந்து மதமாற்றம் செய்யவும் என்.ஜி.ஓ வில் சில கைக்கூலிகளும், எதிர்க்கட்சிகளும் எடுத்த முயற்சிகளணைத்தும் தோல்வி. என்.ஜி.ஓக்களின் நிர்வாகிகள் ஆதார் எண்களைப் பகிர வேண்டும், 20 சதத்திற்கும் அதிகமாக நிர்வாகச் செலவுகள் செய்யக்கூடாது, நன்கொடை பெற்ற காரணத்துக்காக மட்டுமே செலவிட வேண்டும், பிற என்.ஜி.ஓக்களுக்கு பணம் வழங்க முடியாது இனி - எனப் பல கட்டுப்பாடுகள். அரசிதழ். The Gazette of India CG-DL-E-28092020-222069 MINISTRY OF LAW AND JUSTICE (Legislative Department) New Delhi, the 28th September, 2020 வெளிவந்தது. சட்டத்தில் திருத்தம் கொண்டு வந்தால் என்.ஜி.ஓக்கள் கதறுவது இப்போது காதில் விழுகிறது.. விவரம் கீழே. 2010 ல் வந்த வெளிநாட்டுப் பங்களிப்பு (ஒழுங்குமுறை) சட்டத்தில் (Foreign Contribution (Regulation) Act, FCRA 2010) லோக் சபாவில் திருத்தம் கொண்டு வரப்பட்டது FCRA 2020. அதிலிருந்து சில அம்சங்கள். "அரசு ஊழியர்" என அரசியலமைப்பால் வரையறுக்கப்பட்ட எவரும் இந்த வெளிநாட்டுப் பணம் பெற முடியாது இனிமேல் வெளிநாட்டிலிருந்து நன்கொடைப் பணம் பெறுபவர் (தனி மனிதர், குழு, நிறுவனம்) இனி வேறெவருக்கும் அந்தப் பணத்தைப் பகிர அல்லது மாற்ற (Transfer) முடியாது. முன்பெல்லாம் ஒரு என்.ஜி.ஓ தொண்டு நிறுவனம் பணம் வாங்கி, மற்ற உபரி சில்லரை என்.ஜி.ஓக்களுக்கு பணத்தை Transfer செய்ய, அந்த சில்லரைகள் சில கலவர வேலைகள் செய்து வந்தன. அது இனி நடக்காது. அப்படிஒ் பணத்தை டிரான்ஸ்ஃபர் செய்தால், உரிமம் ரத்து. இனி வெளிநாட்டிலிருந்து பணம் பெறும் என்.ஜி.ஓக்கள் (உரிமத்துக்காக விண்ணப்பிக்கும் போதோ அல்லது புதுப்பிக்கும் போதோ) அந்த என்.ஜி.ஓவின் நிர்வாகிகள் உள்ளிட்டோரின் ஆதார் எண்ணைச் சமர்ப்பிக்க வேண்டும். வெளிநாட்டவர் தங்கள் கடவுச் சீட்டு அதாவது பாஸ்போர்ட் எண்ணைப் பகிர வேண்டும். இந்தக் கட்டுப்பாட்டுக்கு எதிர்க்கட்சிகளும், என்.ஜி.ஓக்களும் கடும் எதிர்ப்பு தெரிவித்ததிலிருந்தே இதன் முக்கியத்துவம் தெளிவாகிறது. இனி வெளிநாட்டிலிருந்து பணம் பெறும் என்.ஜி.ஓக்கள் டில்லியில் இருக்கும் ஸ்டேட் பாங்க் ஆஃப் இண்டியாவின் குறிப்பிட்ட கிளை ஒன்றில் FCRA கணக்குத் துவங்க வேண்டும். அதன் மூலம் மட்டுமே பணத்தைப் பெறலாம். இந்தக் கணக்கில் வெளிநாட்டுப் பணம் மட்டுமே செலுத்தலாம். வேறெந்தப் பணமும் செலுத்த முடியாது. உரிமம் முடிந்து 6 மாதங்கள் வரை அதைப் புதுப்பிக்க விண்ணப்பிக்கலாம். விண்ணப்பிப்பவர்களுக்கு உரிமைச் சான்றிதழ் வழங்குமுன், அவர்களது பினாமி (சொத்து) விவரங்கள், அவர்கள் மதமாற்றம் மற்றும் இனவாதக் கலவரங்கள் உள்ளிட்ட வழக்குகளில் தண்டிக்கப்பட்டார்களா என்ற விவரம், பெற்ற நன்கொடையை வேறு காரணங்களுக்காக செலவிட்டார்களா போன்றவற்றை விசாரிக்கும் உரிமையை அரசு கண்காணித்து பின் வழங்கும். நன்கொடைப் பயன்பாட்டில் (utilization) விதிகள்: எந்தக் காரணத்தை காட்டி மத்திய அரசிடம் அனுமதி பெறப்பட்டதோ, அந்த காரணத்துக்காக மட்டுமே இந்த வெளிநாட்டு நன்கொடை செலவிடப்பட வேண்டும். பணம் தவறாக உபயோகிக்கப்பட்டதாக அரசு நம்பினால், மேலும் பணம் எடுக்க இயலாத வகையில் அந்தக் கணக்கை அரசு முடக்கலாம். (கணக்கில் மீதமிருக்கும் பணம் அரசு எடுத்துக் கொள்ளுமா என்பது தெரியவில்லை. ஆனால், பெற்ற பணத்தை வெளிநாட்டுக்கு திரும்ப அனுப்ப முடியாது. இது வரை பெற்ற பணத்தில் பல ஆயிரம் கோடி வங்கிகளில் உள்ளது என்பது சிறப்பு! அநேகமாக அரசு எடுத்துக் கொள்ளும் என்கிறார்கள். மேலும் விவரங்கள் பின்னர். இந்த 5 & 6 கண்டிஷனுக்கு என்.ஜி.ஓ நிறுவனம் கவலைப்பட அதுவே காரணம் வெளிநாட்டுப் பணத்தில் இது வரை 50 சதம் நிர்வாகக் காரணங்களுக்காக (administrative purposes) செலவிட அனுமதி இருந்தது. அதை 20 சதம் என குறைத்து விட்டது (இதன் காரணமாக இனி பெரிய ஹோட்டல்களில் உணவு, கேளிக்கை, பயண செலவு எல்லாவற்றையும் குறைக்க வேண்டிய நிலையில் தவறிழைக்கும் என்.ஜி.ஓக்கள் பதிவை 180 நாட்களுக்கு இடை நீக்கம் செய்யுமாம் அரசு. அதை மேலும் 180 நாட்களுக்கு நீட்டிக்கவும் முடியுமாம். 2014 முதல் பல என்.ஜி.ஓ உரிமம் ரத்து செய்யப்பட்டிருந்தாலும், மீதமிருக்கும் என்.ஜி.ஓக்கள் வெளிநாடுகளிலிருந்து பணம் பெறுவதில் எந்த குறைபாடும் இருப்பதாக தெரியவில்லை. 2018-19 காலக் கட்டத்தில் ரூ 20,011.21 கோடி பணம் வந்துள்ளது 'இந்தியாவை உடைக்கும்' நோக்கத்துடன் செயல்படும் ஆக்ஸ்ஃபாம் என்.ஜி.ஓ தலைவன், "இது என்.ஜி.ஓக்களுக்கு பேரழிவு தரும் அடி" எனும் கதறல் காதுகளுக்கு இனிமை. இதில் முக்கியமான விஷயம்: என்.ஜி.ஓ எதுவும் மதமாற்றத்தில் ஈடுபடக்கூடாது என்பது. யாராவது அவர்கள் மீது மதமாற்றத்தில் ஈடுபட்டார்கள் என்று புகாரளித்தாலும் போதும், அவர்கள் என்.ஜி.ஓ கணக்கு முடக்கப்படும்.