தேசியவாதி தேவர் நினைவிட அரசியல் விழாவில் முதல்வர் அமைச்சர்கள் அஞ்சலி

மதுரை மீனாட்சி அம்மன் ஆலயத்துக்குள் ஹரிசனங்களை அழைத்துச் செல்ல வைத்தியநாதய்யர் முடிவு செய்து எங்கு பார்த்தாலும் எதிர்ப்பு. நிலையில் ஆலயப்பிரவேச நடவடிக்கைக் குழு மதுரை எட்வர்ட் ஹாலில் கூடி ராஜாஜி, வைத்தியநாதஐயர், என்.எம்.ஆர். சுப்புராமன் கூட்டத்தில் கலந்து கொள்ள அவர்களில் பசும்பொன் உ முத்துராமலிங்கத் தேவரும் கலந்து கொண்டார். ஆலயபிரவேசம் அமைதியாக நடைபெற தேவரின் ஒத்துழைப்பும் உறுதி மொழியும் வேண்டுமெனக் கேட்டார்கள். அதற்கவர், "என் சகோதரர்களான தாழ்த்தப்பட்ட மக்கள், அன்னை மீனாட்சி கோவிலில் ஆலயப்பிரவேசம் செய்கையில் அவர்களுக்குத் தேவையான அனைத்து பாதுகாப்பையும் என் மக்கள் தருவார்கள். அன்னையை வணங்கி, அவர்கள் வீடு திரும்பும் வரை அவர்களது பாதுகாப்புக்கு நான் உத்தரவாதம் தருகிறேனென்றார்". "அந்த ரவுடிக் கும்பலை எச்சரிக்கிறேன். வைத்தியநாதய்யர், ஹரிசனங்களை அழைத்து வரும்போது அடியேனும் வருவேன். ஏதேனும் அசம்பாவிதம் நடந்தால், அந்த ரவுடிக்கும்பலை சந்திக்க வேண்டிய முறையில் சந்திப்பேன்" என ஒரு துண்டு பிரசுரம் மூலம், தேவரின் அறிக்கை வெளியானது. ஆலயப் பிரவேசம் அமைதியாக நடந்தது. 8 ஜூலை 1939-ல் காலை 10 மணிக்கு கக்கன், முருகானந்தம், பூவலிங்கம், சின்னையா, ஹரிசன தேவாலய ஊழியர் முத்து என ஐந்து பேரும் சேர்ந்து வைத்திய நாதய்யருடன் ஆலயத்தில் நுழைந்து அம்மனை வணங்கினர். வளர்ந்து வந்த தேவரின் செல்வாக்கினாலும் காங்கிரஸ் விரோத போக்கினாலும் கலங்கிய அப்போதைய அரசு, தேவரின் தொழிலாளருடன் இணைந்த போராட்டங்களைக் காரணம் காட்டி, 'மதுரா பாதுகாப்பு' என்கிற பெயரில் தேவர் மீது வழக்கு தொடுத்தது. இந்த வழக்கின் மூலம் தேவர் மதுரையை விட்டு வெளியேற முடியாதபடிக்கு தடுக்க நினைத்தது. பின்னர் 1940 செப்டம்பரில் தேவர் மதுரையிலிருந்து பசும்பொன்னிற்கு பயணிக்க திருப்புவனத்தில் அவரைக் கைது செய்து, திருச்சிராப்பள்ளி மத்திய சிறைசாலையில் 18 மாதகாலம் அடைத்தது. இவரது கைது தமிழ்நாடு முழுவதும் அதிர்ச்சிப் பேரலையை ஏற்படுத்தியது. 18 மாதங்களுக்குப் பின்னர், இவர் விடுதலையான பொழுது, சிறை வாசலிலேயே, இந்திய பாதுகாப்பு சட்டத்தினைக் காரணம் காட்டி மீண்டும் சிறையில் அடைத்தனர். பின்னர், 1945 ஆம் ஆண்டு செப்டம்பர் 5 ஆம் நாள் விடுதலையானார். அப்படி வாழ்நாள் பெரும்பகுதி சிறைவாசம் நான்காயிரம் நாட்கள் அது தான் தியாகம் அவரது நினைவு போற்றும் அரசியல் விழா ஆன்மீக விழா இரண்டும் இன்றும் நாளையும் பசும்பொன் கிராமத்தில் சிறப்பாக நடக்கும் நிலையில் தமிழக முதல்வர் அமைச்சர்களுடன் மரியாதை செலுத்தினர். பின்னர் ​செய்தியாளர்கள் சந்திப்பில் முதலல்வர் எடப்பாடி கே. பழனிசாமி, "தென் மாவட்டங்களில் பல்வேறு தொழிற்சாலைகளைத் தொடங்க நடவடிக்கை எடுக்கப்பட்டுள்ளது. காவிரி - குண்டாறு திட்டத்தை அதிமுக அரசு நிச்சயமாக நிறைவேற்றும். அதேபோல், மீனவர்களின் வாழ்வாதாரத்தைப் பாதுகாக்க நிறைய திட்டங்களை அரசு செயல்படுத்திவருகிறது. மாநிலம் முழுவதும் பல இடங்களிலும் மீன்பிடி துறைமுகங்கள் அமைத்துள்ளோம், தூண்டில் வளைவுகள், கடல் அரிப்பைத் தடுக்க தடுப்புச் சுவர்கள் அமைத்தல் என பலவகையிலும் அரசு உதவியாக உள்ளது. மீனவர்கள் நலன் காக்க அதிமுக அரசைப்போல் வேறு எவரும் நிதி ஒதுக்கீடு செய்திருக்கமாட்டார்கள். அரசுப் பள்ளி மாணவர்களின் நலனைக் கருதியே அதிமுக அரசு மருத்துவப் படிப்பில் அவர்களுக்கு 7.5% உள் ஒதுக்கீடு வழங்குவதற்கான அரசாணையை வெளியிட்டுள்ளது. ஏற்கெனவே ஆளுநர் ஒப்புதலுக்கு சட்ட முன்னோடி அனுப்பப்பட்ட நிலையில் ஆளுநரின் ஒப்புதலுக்கு தாமதமானது. அரசுப் பள்ளியில் ஏழை, எளிய மாணவர்கள் தான் பயில்கின்றனர். அவர்களின் மருத்துவக் கனவு நனவாக வேண்டும். நானும் அரசுப் பள்ளியில் படித்த மாணவன் என்ற வகையில் அரசுப் பள்ளி மாணவர்களின் உணர்வுகளுக்கு மதிப்பளித்து இந்த அரசாணை வெளியிடப்பட்டுள்ளது. சமூக நீதியைப் பாதுகாக்கவே இதைச் செய்துள்ளோம். எதிர்க்கட்சித் தலைவர்கூட கோரிக்கை வைக்கவில்லை. மாணவர் நலன் கருதி அரசாணை வெளியிட்டுள்ளோம். ஆனால், 7.5 சதவீத உள் ஒதுக்கீட்டை வைத்து சிலர் அரசியல் செய்கின்றனர்.அவை எடுபடாது. இந்த ஆண்டே 7.5 சதவீத உள் ஒதுக்கீட்டை நடைமுறைக்கு கொண்டு வருவோம்" என்று கூறினார்.