ஈஷா யோகா மையத்தில் இதுவரை ஆறு பணியாளர்கள் காணவில்லை என காவல் துறைத் தகவல்.

ஜக்கி வாசுதேவ் நடத்தும் ஈஷா யோகா மையத்தில் இதுவரை ஆறு பணியாளர்கள் காணவில்லை என காவல் துறை நீதிமன்றத்தில் தகவல்.

சென்னை உயர் நீதிமன்றம் மதுரை கிளையில், தென்காசி மாவட்டம் குலசேகரபட்டி விவசாயி திருமலை, காணாமல் போன தன்னுடைய சகோதரரை மீட்டு தரக் கோரி ஆட்கொணர்வு மனுவைத் தாக்கல் செய்துள்ளதில், ‘என் சகோதரர் கணேசன் என்ற சுவாமி பவதத்தா என்பவர் கோயம்புத்தூரில் உள்ள ஈஷா யோகா மையத்தில் 2007-ஆம் ஆண்டு முதல் தன்னார்வலராகய் பணியாற்றிய நிலையில், கடந்த ஆண்டு மார்ச் மாதம் 2 ஆம் தேதி, ஈஷா யோகா மையத்திலிருந்து என்னைத் தொலைப்பேசியில் அழைத்து, கணேசன் சொந்த ஊருக்கு வந்துள்ளாரா?’ எனக் கேட்டனர். மேலும், 3 நாட்களாக ஈஷா யோகா மைத்துக்கும் அவர் வரவில்லை என்ற தகவலையும் தெரிவித்தனர்.

அது தொடர்பாக கடந்த ஆண்டு மார்ச் மாதம் 5-ஆம் தேதி ஈஷா யோகா மையத்தின் பொறுப்பாளர் தினேஷ் ராஜா, கோயம்புத்தூர் மாவட்டம் ஆலந்துறை காவல் நிலையத்தில் புகார் ஒன்றையும் கொடுத்துள்ளார்.

அந்தப் புகார் மீது வழக்குப் பதிவு செய்த ஆலந்துறை காவல் நிலையத்தில் ஓராண்டு காலமாகியும் அந்த வழக்கில் மந்தமான விசாரணை நடத்துகிறது. எனவே, காவல் துறை விசாரணையைத் துரிதப்படுத்தி, காணாமல் போன என் சகோதரர் கணேசனை மீட்டு, நீதிமன்றத்தில் நேரில் ஆஜர்படுத்த உத்தரவிட வேண்டும்’ என அந்த மனுவில் தெரிவித்திருந்தார்.

இந்த வழக்கு நீதிபதிகள் எம்.எஸ்.ரமேஷ், சுந்தர் மோகன் ஆகியோர் அடங்கிய அமர்வு முன்னிலையில் வியாழக்கிழமை அன்று விசாரணைக்கு வந்த போது காவல் துறை தரப்பில் ஆஜரான அரசு கூடுதல் குற்றவியல் வழக்கறிஞர் ராஜ்திலக், ‘கடந்த 2016-ஆம் ஆண்டு முதல் வெவ்வேறு தேதிகளில், இதுவரை 6 பேர் காணாமல் போயுள்ளனர். அதுகுறித்து விசாரணை நடைபெறுகிறது’ எனக் கூறினார்.

அதையடுத்து வழக்கை விசாரித்த நீதிபதிகள், காணாமல் போனவர்கள் பற்றிய வழக்கை துரிதப்படுத்தி விசாரிக்க வேண்டும். இது தொடர்பாக உரிய பதில் மனு தாக்கல் செய்ய வேண்டும் என உத்தரவிட்டு விசாரணையை ஏப்ரல் மாதம் 8 ஆம் தேதிக்கு தள்ளி வைத்தனர்.  இந்த நிலையில் ஈஷா யோகா மையமும் உடைக்கப்படும் அதன் சிறகுகளும்

இதன் துவக்கப் புள்ளி எதுவென்று காண்போம்.

தன்னை சத்குரு என தானே முக்திக்கு வழிகாட்டி என சொல்லிக்கொள்ளுபவர் 1957 -ஆம் ஆண்டில் தெலுங்கு பேசும் சமூகம் ஒன்றில் மைசூரில் பிறந்தவர், அதை தனது மூன்றாவது பிறவியாகச் சொல்லிக்கொள்ளுபவர்,

தன் முதல் பிறவியில் பில்வாஸ் எனும் தாழ்த்தப்பட்ட ஜாதியில் பிறந்தேனென்றும்,

இரண்டாவது பிறவியில் சத்குரு ஸ்ரீப்ரமா என்ற பெயரில் தேனிக்கு அருகில் பிறந்து ஊட்டியில் வாழ்ந்து வெள்ளியங்கிரி மலையில் உயிர் விட்டதாகவும் சொல்கிறார்

தமது மூன்று பிறவிகளின்ன் நோக்கம் ஒன்றே, அது தியானலிங்கம் கோவில் கட்டுவதே என்றும், அது முடிந்தவுடன் உயிர் துறப்பதாபவும் உறுதி கொடுத்திருந்தார் (அப்பணி முடிந்து 15 ஆண்டுகள் தற்போது கடந்துள்ளது)

ஆன்மீகப் பாதைக்கு துறவற வாழ்க்கைதான் சிறந்தது, குடும்ப வாழ்க்கை ஒரு சுமையோடு மலை ஏறுவது போல கடினமானது, என உலக மக்களுக்கு போதனை செய்த ஜாலா ஜக்கி வாசுதேவ் கோயமுத்தூரில் சேவையைத் துவங்கும் முன்பாக, மைசூரில் ரிஷி பிரபாகர் என்ற யோகா குருவிடம், யோகா ஆசிரியராகப் பணியாற்றினார்

அங்கு அவர் விஜி என்ற பெண்ணை சந்திக்க நேர்ந்து, அவர் ஏற்கனவே திருமணமாகி விவாகரத்து பெற்றவர், அவருடன் நெருங்கிப் பழகியதில் காதல் வயப்பட்டு திருமணம் செய்துகொண்டார்

சில நாட்களுக்குப் பிறகு கோயம்புத்தூர் சுதர்சன் வரதராஜ் [இவர் பிரபல ELGI வரதராஜின் மகன்]  நட்புக் கிடைத்தது

ஜக்கி வாசுதேவ் பற்றி அறிந்தவர் தன் மனைவி பாரதி வரதராஜ் [இவர் ஆந்திர முன்னாள் நாடாளுமன்ற உறுப்பினர் ஒருவரின் மகள்] அவர்களை யோகா வகுப்பிற்கு அனுப்பி வைக்க, அங்கு இவருடன் நெருங்கிப் பழகிய பாரதி வரதராஜினால் பலமுறை விஜிக்கும் ஜக்கி வாசுதேவுக்கும் மனஷ்தாபங்கள் வந்ததாகவும்

பின் விஜி தனது “அணாகத்தா” சக்ராவில் இருந்து தனது உயிரை விட்டதாக ஜக்கி வாசுதேவ் கூறுகிறார்

ஆனால், தனது மகளை ஜக்கி வாசுதேவ் கொன்று விட்டதாகவும், ஆசிரமத்தில் வேறு பெண்ணுடன் தொடர்பாக இருந்ததாகவும் விஜியின் தந்தை காங்கன்னா காவல் துறையில் புகார் கொடுத்துள்ளார்

அதன்பின் பாரதி வரதராஜ் தனது கணவனை விவாகரத்து செய்துவிட்டு ஜக்கி வாசுதேவுடன் ஆன்மீகப் பணியாற்ற வந்துவிட்டார்.

விஜிக்கும் ஜக்கி வாசுதேவ்க்கும் பிறந்த குழந்தை தான் ராதே,

முக்திக்கு வழிகாட்டி என்று பிறர் வீட்டு பிள்ளைகளை மொட்டையடித்து, சாமியாராக்கும் ஜக்கி வாசுதேவின்  மகளை, டீசர்ட் போட்டுக்கொண்டும் சார்ட்ஸ் போட்டுக்கொண்டும் பப், குடி, கொண்டாட்டம் என வளர்ந்த நவீன காலத்து மங்கை

ஒருவேளை “நீங்கள் என்றும் பக்கத்து வீட்டு விவேகானந்தாவையே விரும்புவீர்கள்  உங்கள் வீட்டில் உருவாக விடமாட்டீர்கள் “என்று ஜக்கி வாசுதேவ் கூறியது உபதேசம் பிறருக்கு மட்டும்தான் போலிருக்கிறது,

உபதேசம் என்பதெல்லாம் ஊருக்கு மட்டுமே என்பதற்கு சிறந்த உதாரணம் ஜக்கி வாசுதேவ் மட்டுமே

ஈஷாவில் சந்நியாசம் எடுக்கிறவர்கள் முதலில் குடும்பத்தில் தொடர்பை முழுமையாக நிறுத்திக்கொள்ள வேண்டும் . அவர்களின் கல்விச் சான்றிதழ்கள் முதற்கொண்டு அனைத்து ஆவணங்களும் ஈஷா யோகா மையத்தின் கட்டுப்பாட்டின் கீழ் போய்விடும். சம்பந்தப்பட்டவர்கள் பெயரில் இருக்கும் சொத்து, நகை, பணம் போன்றவை கூட ஈஷாவின் கட்டுப்பாட்டில் தான் இருக்கும். இவர்களுக்கு அளிக்கப்படும் பயிற்சிகள் தான் என்னவென்பது தெரியவில்லை. ஆனால் கிட்டத்தட்ட அரை போதையில்தான் அவர்கள் இருப்பார்கள்

18 வயதான பிள்ளைகள் தன் வாழ்க்கையை தானே அமைத்துக்கொள்ளும் உரிமையை கொடுக்கும் அதே சட்டம்தான் வயதான பெற்றோர்களை கவனிக்காத பிள்ளைகளின் மேல் நடவடிக்கையும் எடுக்க முடியும் என்று முதியோர் நலச்சட்டத்தின் மூலம் சொல்கிறது

பாவம், பெற்றமனம் புகார் கொடுக்கவா முற்படும்? புரண்டு அழ மட்டுமே தெரியும் அதற்கு

18 வயதான பிள்ளைகள் தான் சந்நியாசம் போக வேண்டுமா? இல்லை 10 வயதானாலும் போதும், என்னிடம் அனுப்பி வையுங்கள் என்கிறார் ஜக்கி வாசுதேவ்

இவரால் 10 வயதுக்கு மேல் உள்ள குழந்தைகளுக்கா உருவாக்கப் பட்டது சம்ஸ்கிருதி எனும் குருகுலப் பள்ளி

அதில் குழந்தைகளை சேர்க்க கட்டணம் 7 லட்சம்,

இங்கு அதிகாலை 5மணிக்கு எழுந்து, தீர்த்த குண்டம் எனும் குளத்தில் 10 சதவீதம் முதல் 12 சதவீதம் வரை குளிர்ந்த நீரில் குளியல், பின்பு யோகா, களரிப் பயிற்சி, பின் 2 முதல் 3 கிலோ மீட்டர் தூரம் நடைப் பயிற்சி, பின் மீண்டும் குளியல், அதன்பின் பிரத்யேகமாகத் தயாரிக்கப்பட்ட உணவு, பின் மீண்டும் இரவு 7 மணிக்கே அடுத்த வேளை உணவு, இடையில் ஒன்றும் கிடையாது

பிடிக்காமலும், உடல் நலம் குன்றியும் விலகினால் வாங்கிய பணத்தில் பத்து பைசாவைக் கூட திரும்ப கொடுக்கப்பட மாட்டாது,

பள்ளியில் படிக்கும் குழந்தைகளுக்கு நைட்ரஸ் ஆக்சைடு கொடுக்கப்படுகிறது என்றும் சொல்லப்படுகிறது

 அந்த வயதில் அந்த பிள்ளைகள் அனுபவிக்க வேண்டிய தண்டனையா இது? இதுதான் குருகுலக் கல்வியா? இதுதான் சந்நியாசமா?

“குழந்தைகள் உங்கள் மூலம் இந்த உலகிற்கு வந்த ஒரு உயிர் மட்டுமே, அவர்களின் மேல் உங்களுக்கு எந்த உரிமையும் இல்லை, நீங்கள் எதையும் கற்றுத்தர முயற்சிக்காதீர் “- ஜாவா ஜக்கி வாசுதேவ்

அப்படியானால் தாங்கள் செய்து கொண்டிருப்பது என்ன? அவர்களின் மேல் உங்களுக்கு என்ன உரிமை இருக்கிறது இப்படிக் கொடுமை செய்வதற்கு?

உங்கள் சுயலாபத்திற்காக பிஞ்சுகளை வதைப்பதேன்?

இந்தக் குருகுலம் கற்பிக்கும் பாட்டும், ஆட்டமும், களரியும் வைத்துக் கொண்டு அவர்கள் வாழ்வில் என்ன சாதித்துவிடப் போகிறார்கள்? நல்ல கல்வி முறை என்பது வாழ்வை வளர்பதாக இருக்க வேண்டுமே தவிர, வாழ்வைக் கெடுப்பதாக இருக்கலாமா என்ற கேள்வியை மக்களாகிய உங்களிடமே விட்டுவிடுகிறோம்

அமெரிக்காவில் பிறந்து வளர்ந்து, இந்தியாவில் கர்நாடக இசைப் பாடகராக இருக்கும் சந்தீப் நாராயணுடன் ராதேக்கு காதல் மலர,

சந்நியாசம் மட்டுமே முக்திக்கு வழி, என்னுடன் வந்து விடுங்கள் என்று அனைவரையும் அன்போடு அழைத்து மொட்டை போடும் ஜாவா ஜக்கி வாசுதேவ் தன் மகளான ராதேக்கு அவள் காதலிக்கும் காதலனையே திருமணம் செய்து வைக்க முடிவு செய்து, திருமணமும் முடிக்கிறார்,

அதுமட்டுமல்லாது, சன்னியாசிகள் அனைவரும் முக்தியடைய இந்த திருமண முகூர்த்தம் மற்றும் சாந்தி முகூர்த்தம் போன்ற நிகழ்ச்சிக்காக 24 மணி நேரம் உழைத்தால் போதும், முக்தி உறுதி செய்யப்படும் என்றும் கூறியுள்ளார்

அத்தனைக்கும் ஆசைப்படு என இவர் சொல்வது இவரின் திருப்புதல்விக்கும், இவருக்கும் மட்டும் தான் போலிருக்கிறது,

ஈஷா யோகா மையத்தில்  சந்நியாசியாகப் போனவர்களில் 80 சதவீதம் பேர், படித்தவர்கள் மட்டுமே, இப்படி படித்தும் முட்டாள்களாக இருப்பது நம் தவறா? இல்லை மதிப்பெண் மட்டுமே வாழ்க்கை என படித்தும் படித்ததை தேர்வில் கக்கவும் செய்யும் பள்ளிகளின் தவறா?

இல்லை அனைத்தும் அறிந்தும் கண்டுகொள்ளாத அரசியல்வாதிகளின் தவறா?

யார் மீது தவறாக இருந்தாலும் சரி, நம்மை நாமே மாற்றிக்கொள்ள முற்படுவோம், இறை பக்தி வேறு, மூட நம்பிக்கை வேறு, முக்தி என்பது இருக்கிறதோ இல்லையோ தெரியாது, ஆனால் எனக்கான வாழ்க்கை ஒன்று இருக்கிறது, நமக்கான குடும்பம் ஒன்று இருக்கிற, அதை தொலைத்துவிட வேண்டாம்

உன்னில் நீ மலர பிறர் தேவையில்லை, சூரியன் உதிக்காதாம்..பூமி நகராதாம்

ஐயோ. நாம்தான் எவ்வளவு பெரிய அபாயத்தில் இருக்கிறோம். ரமண மஹரிஷி, யோகி ராம் சுரத்குமாரும், புரவிப்பாளையம் மஹான் கோடிச் சாமியும் வழங்கிய ஆசிகள் நமக்கு உண்டு, ஆகவே இந்த போலிகளை அம்பலப்படுத்துவது நம் சமூகக் கடமை.