வைகை அணையிலிருந்து பாசனத்திற்கு தண்ணீர் திறப்பு.
திண்டுக்கல், மதுரை, சிவகங்கை மாவட்டங்களைச் சேர்ந்த விவசாயிகள் இந்த நீரை சிக்கனமாகப் பயன்படுத்தி உயர் மகசூல் பெறும்படி அமைச்சர் மூர்த்தி கேட்டுக் கொண்டார். நிகழ்ச்சியில் செயற்பொறியாளர் சிவபிரபாகரன், உதவி செயற்பொறியாளர்கள் சேகரன், முருகேசன், குபேந்திரன், வட்டாட்சியர் மருதுபாண்டி மற்றும் விவசாயிகள் கலந்து கொண்டனர்.திண்டுக்கல், மதுரை, சிவகங்கை மாவட்ட ஒரு போக பாசனத்துக்காக வைகை அணையில் இருந்து இன்று செப்டம்பர் மாதம்.18 ஆம் தேதி காலை தண்ணீர் திறக்கப்பட்டதன் மூலம் ஒரு லட்சத்து 5 ஆயிரத்து 2 ஏக்கர் நிலங்கள் பலன்பெறும்.
வைகை அணையில் இருந்து பெரியாறு பாசனப்பகுதியில் ஒரு போக பாசன பரப்பாகிய 85 ஆயிரத்து 563 ஏக்கர் நிலங்களும் திருமங்கலம் பிரதானக் கால்வாயின் கீழ் உள்ள ஒரு போக பாசனப்பரப்பாகிய 19 ஆயிரத்து 439 ஏக்கர் என்று மொத்தம் ஒரு லட்சத்து 5 ஆயிரத்து 2 ஏக்கர் நிலங்கள் பலன்பெறுகின்றன. இப்பகுதி பாசனத்துக்க நீர் திறக்க விவசாயிகள் கோரிக்கை விடுத்தனர். தொடர்ந்து இன்று காலை வைகை அணையிலிருந்து நீர் திறக்கப்பட்டது. விநாடிக்கு ஆயிரத்து 130 கனஅடி திறக்கப்பட்டது. இதே அளவு 45 நாட்களுக்கும், அடுத்த 75 நாட்களுக்கு முறை வைத்தும் மொத்தம் 120 நாட்களுக்கு 8 ஆயிரத்து 493 மில்லியன் கனஅடிநீர் திறக்கப்படும் .திண்டுக்கல் மாவட்டம் நிலக்கோட்டை வட்டத்துக்கு உட்பட்ட 53 ஏக்கர் நிலங்களும், மதுரை மாவட்டம் வாடிப்பட்டி வட்டத்துக்கு உட்பட்ட 5ஆயிரத்து 697 ஏக்கர் நிலங்களும், மதுரை வடக்கு வட்டத்துக்கு உட்பட்ட 24 ஆயிரத்து 811 ஏக்கர் நிலங்களும், மேலூர் வட்டத்துக்கு உட்ட 48 ஆயிரத்து 963 ஏக்கர் நிலங்களும், சிவகங்கை மாவட்டம் திருப்பத்தூர் வட்டத்துக்கு உட்பட்ட 478 ஏக்கர் நிலங்களும் சிவகங்கை வட்டத்துக்கு உட்ட 5 ஆயிரத்து 561 ஏக்கர் நிலங்களும், திருமங்கலம் பிரதானக் கால்வாயின் கீழ் திண்டுக்கல் மாவட்டம் நிலக்கோட்டை வட்டத்துக்கு ட்பட்ட 146 ஏக்கர் நிலங்களும், மதுரை மாவட்டம் வாடிப்பட்டி வட்டத்துக்கு உட்பட்ட ஆயிரத்து 201 ஏக்கர் நிலங்களும், உசிலம்பட்டி வட்டத்துக்கு உட்பட்ட 13 ஆயிரத்து 723 ஏக்கர் நிலங்களும், திருமங்கலம் வட்டத்துக்கு உட்பட்ட 3 ஆயிரத்து 982 ஏக்கர் நிலங்களும், பேரையூர் வட்டத்துக்கு உட்பட்ட 387 ஏக்கர் நிலங்களும் என மொத்தம் ஒரு லட்சத்து 5 ஆயிரத்து 2 ஏக்கர் நிலங்கள் இதன் மூலம் பாசன வசதி பெறும்.
கருத்துகள்