ஒக்கியம் துரைப்பாக்கம் காவல் ஆய்வாளர் பிரபு குறித்துப் பரவிய வதந்தியின் பின்னணி

ஒக்கியம் துரைப்பாக்கம் காவல் ஆய்வாளர் பிரபு குறித்துப் பரவிய வதந்தியின் பின்னணி

சென்னை ஒக்கியம் துரைப்பாக்கம் காவல் நிலைய ஆய்வாளர் பிரபு ஒரு உணவு விற்பனைக்கடையில் வாரம் தோறும் 10 ஆயிரம் ரூபாய்க்கு உணவு வாங்கி மாதம் 40 ஆயிரம் ரூபாய்க்கு உணவு வாங்கியதாக சில பில்களின் நகல்களும் பதிவு ஒன்றும் சமூக வலைதளத்தில் வலம் வந்து கொண்டிருக்கிறது. அதில் பிரபுவின் படத்தைப் பார்த்ததும் அவரை அறிந்தவர்கள் மத்தியில் அதிர்ச்சி. காரணம் கடந்த 2001 ஆம் ஆண்டு முதலே அவரை நன்கு அறிந்தவர்கள் பலர் களத்தில் பணியாற்றி வரும் பத்திரிகை ஊடகவியலாளர்கள். 

பல்வேறு காவல் நிலையங்கள் துறைகளிலும் பணியாற்றினாலும் எந்தவித எதிர்மறையான பெயரும் பெறாதவர்.   

அந்த பில் நகல்கள் பத்தாயிரம் ரூபாய் என்றெல்லாம் கணக்குக் காட்டவில்லை, ஒன்றிரண்டு பில்கள் Complementary என்று தான் உள்ளன. அதுவும் சிறு தொகைக்குத்தான்.  ஆக, ரூபாய் 10,000, 20,000, 40,000 எல்லாம் இல்லை அங்கே.

Mob does'nt think என்பார்கள். அதாவது கூட்டம் சிந்திப்பதில்லை. கூட்டத்தில் ஒருவரைப் பார்த்து அதோ திருடன் ஓடுகிறான் என்று எவரைக் கை காட்டினாலும் கூட்டம் அவரை அடித்துக் கொன்றுவிட்டு பிறகுதான் யோசிக்கும். 

அதுபோலதான் சமூக வலைத்தளங்களும். ஒருவரின் படத்தைப் போட்டு, ஒன்றிரண்டு பில்களை வைத்து மாதம் ரூபாய் 40,000, மாதம் ஒரு லட்சம் என்றெல்லாம் எழுதி விட்டால் இது சாத்தியமா, இது உண்மையாக இருக்குமா என்றெல்லாம் சிந்திப்பதே இல்லை இந்த சமூக வலைதளக் கூட்டம். உடனே பார்த்தீர்களா ? ஐய்யோ ஐய்யயோ என்று கூப்பாடு போடுவார்கள்.  

டிபார்ட்மென்டல் ஸ்டோரில் அடுக்கிவைக்கப்பட்டுள்ள கறிவேப்பிலை 25 ரூபாய் என்றால் கௌரவமாக வாங்கி வரும் நபர்கள் அதே கறிவேப்பிலையை தலையில் சுமந்து கொண்டு 10 ரூபாய்க்கு விற்கும் கீரைக்காரம்மாவிடம் இரண்டு ரூபாய் குறைக்கச் சொல்லி சண்டை போடுவார்கள்.

கேஸ் சிலிண்டர் நிறுவனம் 200 ரூபாய் விலை ஏற்றினாலும் வாயை மூடிக்கொள்கிறவர்கள் அந்த சிலிண்டரைத் தோளில் சுமந்து கொண்டு ஐந்து மாடி ஏறி வருபவரிடம் எதுக்கு ஐந்து ரூபாய் கூடுதலாகக் கேட்கிறாய்  எனச் சண்டையிடுவார்கள். 

இதுதான் இன்றைய சமூக வலைதள நபர்கள் மனநிலை. அங்கீகரிக்காத அனுமதி இல்லாத செய்தியாளராக இவர்கள் மாறி விடுகிறார்கள் சரி அது ஒருபுறம் இருக்கட்டும். 

சின்னதாக அரசியல் ஜாதிக்கட்சியும், கல்வி நிறுவனமும் நடத்தும் நபர்களின் தனியார் தொலைக்காட்சியில் பணியாற்றிய நடிகர் பெயர் கொண்ட செய்தியாளர் ஒக்கியம் துரைப்பாக்கம் காவல் நிலையத்திற்குச் சென்று ஒரு இட விவகாரத்தின் வழக்கு தொடர்பாக அவர் சொல்வதைப் போல காவல் ஆய்வாளர் பிரபு  செய்த் தர வேண்டும் என வலியுறுத்தியுள்ளார்,

"இல்லை, நியாயமில்லை அப்படி செய்து தர முடியாது, " என ஆய்வாளர் பிரபு எடுத்துக்கூறியும் அவர் கேட்கவில்லை எனத் தெரிகிறது.

இதையடுத்து இந்தப் பிரச்னையை அந்த தொலைக்காட்சி குழுமத் தலைமையிடம் எடுத்துச் சொல்கிறார் காவல் ஆய்வாளர் பிரபு மேலும், அதற்கான தொலைபேசி, காணொலிச் சான்றுகளையும் அந்த தலைமைக்கு அனுப்பி வைக்கிறார் ஆய்வாளர் பிரபு.

இதையடுத்து அந்தச் செய்தியாளரை நிர்வாகம் இடை நீக்கம் செய்கிறது அந்த செய்தி நிறுவனம். 

இப்படிப்பட்ட நிலையில் அந்த உணவகத்திற்குச் சென்று ஆய்வளர் பிரபு பெயரில் உள்ள ஒன்றிண்டு Complementary பில்களை எடுத்து திரைப்படப் பாடலில் வருவது போல மானே தேனே பொன்மானே என்றெல்லாம் எழுதிஅப்போதே ஒரு சிறு பிளாக்மெயில் பத்திரிகை ஒன்றில் ஆய்வாளர் பிரபு குறித்து ஒரு அட்டைப்படச் அவதூறுச் செய்தி வெளிவருகிறது. 

இது நடந்து சுமார் 25 நாட்களுக்கும் மேலாகிறது. 

அதே கதையைத்தான் தற்போது சமூக ஊடகங்களிலும் வலம் வர வைத்திருக்கிறார்கள். 

இறுதியில் இது பொய் என்று பிலால் நிறுவனம் கடிதம் மூலம் மறுத்துள்ளது. 

ஆய்வாளர் பிரபு ஒரு கொலையாளியைத் தப்பிக்க வைக்க 10 கோடி ரூபாய் பெற்றுவிட்டார், என ஏதாவது சான்று, ஆதாரங்களோடு நிரூபித்தால் கூட அதில் ஒரு logic இருக்கும். காரணம் ஒக்கியம் துரைப்பாக்கம் காவல் நிலையப் பகுதி OMR சாலையில் 25 ஆணடுகளாக IT கம்பெனி நிறைந்த மக்கள் வாழும் பகுதி 

பிலால் ஓட்டலில் பிரியாணி வாங்கியது, நாயர் கடையில் டீ வாங்கியது, வடநாட்டு பானி பூரி கடையில் சுண்டல் வாங்கியது, பாய் கடையில் பாயா வாங்கியது எல்லாம் ஒரு புகார் ?  தகுதி இல்லாத வதந்தி

இது அப்பட்டமான அவதூறு மட்டுமல்ல வெளிப்படையான மிரட்டலும் கூட. 

மேலும், தமிழ்நாட்டின் பத்திரிகை ஊடகத் தரம் எந்த அளவுக்கு இது போன்ற நபர்கள் மூலம் மட்டரகமாக மாறிவிட்டது என்பதற்கான சமூக வலைத்தளங்களில் கூட செய்தி நிறுவனமாக மாறகிறது மற்றுமொரு சான்று. 

காவல் துறை உள்ளிட்ட பல துறயினரில் ஒரு சிலர் தவறு செய்தால் அதைக் கண்டித்து எழுதும் பத்திரிகை ஊடகவியலாளர்கள் பத்திரிகை ஊடகம் தவிர சமூக வலைதளங்களில் எழுதும் நிலை குற்றம் என உணரவில்லை இவர்கள் மீது ஒக்கியம் துரைப்பாக்கம் காவல்துறை ஆய்வாளர் பிரபு துறை அனுமதி பெற்று இவர்கள் மீது அவதூறு வழக்கு தொடுத்து தண்டனை பெற்றுத் தர வேண்டும்  என்பதே பலருது கருத்து.