அம்மன் சிலையுடன் பித்தளைப் பொருள்கள் திருடியவன் சிக்கினான்

சு மணிகண்டன், மாவட்டச் செய்தியாளர்.               நாகப்பட்டினம் அருகே காணாமல் போன சாமி சிலை ஆறு மாதங்களுக்கு பின் மீட்பு ,ஒருவர் கைது  தனிப்படை போலீசார் நடவடிக்கை. வேளாங்கண்ணிஅருகே சின்னதும்பூர் செல்லமுத்து மாரியம்மன் கோயில் கருவறையில் இருந்த பழமை வாய்ந்த உற்சவர் சிலை,  5 குத்து விளக்குகள், 6 சொம்புகள் மற்றும் ஒரு கைவிளக்கு ஆகியவற்றை கடந்த வருட ஜூன் மாதம் மர்ம நபர்கள் திருடி சென்றனர்.  இதுகுறித்து வேளாங்கண்ணி காவல் நிலையத்தில் வழக்கு பதிவு செய்து காவல்துறை  தனிப்படை அமைத்து மர்ம நபர்களைத் தேடி வந்தனர். இந்த நிலையில் வேதாரண்யம் மறைஞாயநல்லூர் பொன்னங்காட்டைச் சேர்ந்த  உதயராஜன் (வயது 30) என்பவரை  சந்தேகத்தின் பேரில் பிடித்து வந்து  விசாரனை செய்ததில்  திருடு போன சிலையை திருடியது தெரிய வந்ததைத் தொடர்ந்து அவனது வீட்டின் பின்புறம் பதுக்கி வைக்கப்பட்டிருந்த பழமை வாய்ந்த மாரியம்மன் உற்சவர் சிலை, குத்து விளக்குகள், சொம்புகள் மற்றும் ஒரு கைவிளக்கு ஆகியவற்றை  மீட்டனர். இது தொடர்பாக உதயராஜனை  கைது செய்து  சிறையில் அடைத்தனர்.இந்த வழக்கு தொடர்பாக நான்கு பேரைத்தேடி வருகிறார்கள்.