பா ஜ க தமிழகப் பொறுப்பாளர் முதல்வருடன் சந்திப்பு

         தமிழக முதல்வர் எடப்பாடி கே.பழனிசாமியுடன் தமிழக பாஜக மேலிடப் பொறுப்பாளர் முரளிதர ராவ் சந்தித்துப் பேசினார். சென்னை கிரீன்வேஸ் சாலை முதல்வர்  இல்லத்தில்  சந்திப்பு நடந்தது   மாநிலங்களவத் தேர்தல் நடைபெறும் நிலையில்  சந்தித்துப் பேசுவது முக்கியத்துவம் பெறுகிறது. குடியுரிமைத் திருத்த சட்டத்திற்கு எதிராக நாடு முழுவதும் போராட்டம் வெடித்துள்ள நிலையில் கடந்த சில நாட்களாக சென்னை வண்ணாரப்பேட்டையிலும்  போராட்டம் நடந்து வருகிறது. இந்தப் போராட்டத்தை நிறுத்த தமிழக அரசு தீவிர முயற்சி செய்து போராட்டக்காரர்களிடம் பேச்சுவார்த்தை நடத்தி வருகிறது
இந்த நிலையில் திடீரென தமிழக அமைச்சர்கள் ஜெயக்குமார் மற்றும் தங்கமணி ஆகியோர் டெல்லி சென்று மத்திய உள்துறை அமைச்சர் அமித்ஷா அவர்களுடன்  போராட்டம் குறித்து ஆலோசனை நடத்தி வருகின்றனர்
இவர்கள் இருவரும் அமித்ஷாவிடம் ஆலோசனை நடத்தி வரும் அதே நேரத்தில் தமிழக பாஜக பொறுப்பாளர் முரளிதரராவ் சென்னைக்கு வந்து தமிழக முதல்வர் எடப்பாடி பழனிச்சாமி அவர்களிடம் ஆலோசனை நடத்தியது சென்னை டெல்லி ஆகிய இரண்டு இடங்களிலும் ஒரே நேரத்தில் பேச்சுவார்த்தை நடத்தி வருவது பெரும் பரபரப்பை ஏற்படுத்தியுள்ளது முதல்வரிடம் .பேசிய பின் செய்தியாளர்களைச் சந்தித்த முரளிதரராவ் ’குடியுரிமை திருத்தச் சட்டத்திற்காக பாஜக எடுத்துவரும் நடவடிக்கை குறித்து முதல்வரிடம் பேசியதாகவும் தற்போதைய அரசியல் சூழ்நிலை குறித்து அவரிடம் விவாதித்தோம் என்றும் தெரிவித்தார்.