தமிழகத்தில் பா ஜ க தலைவர் நியமனம்

              தமிழக. பாரதீய ஜனதா கட்சியின் தலைவராக எல்.முருகன் நியமனம் செய்யப்பட்டுள்ளார் நாமக்கல் மாவட்டம்,ராசிபுரத்தைச் சேர்ந்தவர்.தேசிய தாழ்த்தப் பட்டோர் ஆணைய துணை தலைவராக இருக்கும் இவர் Ph.D ( in Law) பட்டம் பெற்றவர். ஏழுமாதங்களுக்குப் பின் நடந்த நியமனம் ஆகும். 2011ஆம் ஆண்டு சட்டமன்றத் தேர்தலில் நாமக்கல் மாவட்டம் ராசிபுரத்தில் தற்போதைய சபாநாயகர் தனபாலை எதிர்த்து பா.ஜ.கவின் சார்பில் போட்டியிட்டார் முருகன். அந்தத் தேர்தலில் தனபால் வெற்றிபெற்றார். முருகன், 1730 வாக்குகளைப் பெற்று, மூன்றாவது இடத்தைப் பிடித்தார்.
நீட் தேர்வு அறிமுகப்படுத்தப்பட்ட சமயத்தில் அரியலூர் மாவட்டத்தைச் சேர்ந்த அனிதா என்ற மாணவி தற்கொலைசெய்துகொண்டபோது, அவரது தற்கொலைக்கு வெளிப்புற அழுத்தம் காரணமாக இருக்கலாம் என முருகன் தெரிவித்த கருத்து சலசலப்பை ஏற்படுத்தியது.
ஒடுக்கப்பட்ட இனத்தைச் சேர்ந்த ஒருவர் தமிழக பாரதீய ஜனதாக் கட்சியின் தலைவராக நியமிக்கப்படுவது இது முதல் முறையல்ல. இதற்கு முன்பாக 2000வது ஆண்டில் டாக்டர் கிருபாநிதி பா.ஜ.கவின் மாநிலத் தலைவராக நியமிக்கப்பட்டு, செயல்பட்டார்.