பெயர்க் குழப்பத்தால், தொற்றுள்ளவரை மருத்துவக் குழு டிஸ்சார்ஜ் செய்து மீண்டும் கண்டுபிடிப்பு

ஆந்திர மாநிலத்தில் கொரானா தொற்றெனச் சந்தேகித்த இருவருக்கு மருத்துவமனையில் பரிசோதனை நடந்தது. இருவருக்கும் ஒரே பெயர் இருந்த குழப்பத்தால் தொற்று இருப்பவர் டிஸ்சார்ஜ் செய்யப்பட்டது
ஆந்திர மாநிலத்தில் குண்டூர் மாவட்டம், காட்டூரி மருத்துவக் கல்லூரியில்  கொரோனா மருத்துவப் பரிசோதனைக்காக அனுமதிக்கப்பட்ட ஒரே பெயரில் இருவர் தங்க வைக்கப்பட்டி ருந்தனர். இதில் ஒருவருக்கு கொரோனா தொற்று உறுதி யானது. ஆனால், பெயர் குழப்பத்தால் மற்றொருவரை டிஸ்சார்ஜ் செய்வதற்குப் பதில், தொற்றுள்ளவரை மருத்துவக் குழு டிஸ்சார்ஜ் செய்து விட. அரசு அறிவித்தபடி, அவரிடம் ரூபாய் .2000 பணமும் கொடுத்து வழியனுப்பிய  பின் தவறை உணர்ந்த மருத்துவர்கள் அதிர்ச்சியாகி தாடேபல்லியில் இருந்த கொரோனா தொற்றுள் ளவரது வீட்டிற்குச் சென்று நடந்ததைக் கூறி, மீண்டும் மருத்துவமனைக்கு வரும்படி அழைக்க. ஆனால், அவர் வரமாட்டேன் எனக்கூற
அதன் பின் விவரங்களை காவல்துறைக்குத் தெரிவித்த மருத்துவர்கள் காவல்துறை உதவியோடு தொற்று நபரை ஆம்புலன்ஸில் ஏற்றி என்.ஆர்.ஐ மருத்துவக் கல்லூரிக்கு கூட்டி வந்‌தனர். இதனால், தொற்று இருப்பவரின் வீட்டிலிருந்த நான்கு நபர்களையும்  மருத்துவப் பரிசோதனைக்காக குண்டூர் அரசு மருத்துவமனைக்கு அனுப்பி வைத்தனர்.இந்தக் குழப்பத்தால், தொற்று உள்ள நபர் ஒரு நாள் யார் யாரைத் தொடர்பு கொண்டார் என்பது குறித்து காவல்துறை யினர் விசாரணை நடத்தி வருகின்றனர். இது தொடர்பாக சம்பந்தப்பட்ட மருத்துவக் குழுவினர் மீது துறை சார்ந்த நடவடிக்கை எடுக்கப்படுமென குண்டூர் மாவட்ட ஆட்சியர் அறிவித்துள்ளார்.