பத்தாம் வகுப்பு பொதுத்தேர்வு பாதுகாப்புக் குறித்து உயர்நீதிமன்றம் அரசுக்கு கேள்வி மீண்டும் வழக்கு விசாரணை ஜூன்-11.ஆம் தேதி தள்ளிவைப்பு .

பத்தாம் வகுப்பு பொதுத் தேர்வுகள் ஜூன் மாதம் 15ம் தேதி நடத்தும் போது கொரானோ வைரஸ் பரவலை தடுக்க என்ன பாதுகாப்பு நடவடிக்கை எடுக்கப்பட்டுள்ளது ? என ஜீன் 11 ம் தேதிக்குள் விரிவான அறிக்கையை தாக்கல் செய்ய அரசுக்கு சென்னை உயர்நீதிமன்றம் உத்தரவு. 10 ஆம் வகுப்புப் பொதுத் தேர்வுகள் ஜூன் மாதம் 15 ஆம் தேதி முதல் நடைபெறும் பொதுத் தேர்வைத் தள்ளி வைக்க கோரி வசந்தி தேவி என்பவர் உயர்நீதிமன்றத்தில் தாக்கல் செய்த வழக்கில் அரசுக்கு விளக்கம் கேட்ட உயர்நீதி மன்றம்.அரசுத் தரப்பில் ஆஜரான சிறப்பு பிளீடர், இதுகுறித்து ஜூன் 11ம் தேதி அறிக்கை  தாக்கல் செய்யப்படும் என தெரிவித்தார். இருதரப்பு வாதங்களையும் கேட்ட நீதிபதிகள், விரிவான அறிக்கை தாக்கல் செய்ய உத்தரவிட்டதுடன், நிலுவையில் உள்ள மனுக்களுடன் சேர்த்து ஜூன் 11ஆம் தேதி விசாரிக்கப்படும் என கூறி வழக்கை ஒத்திவைத்தனர்.ஏற்கனவே பத்தாம் வகுப்புப் பொதுத்தேர்வை தள்ளி வைக்க சென்னை உயர்நீதிமன்றத்தில் வழக்கறிஞர் ஸ்டாலின் ராஜா, பொது நல மனு தாக்கல் செய்து விசாரணைக்கு வந்த போது, மாணவர்கள், பெற்றோர் யாரும் வழக்கு தொடராத நிலையில், வழக்கறிஞர் தொடர்ந்த மனுவை எப்படி ஏற்க முடியும் என நீதிபதிகள் கேள்வி எழுப்பியதையடுத்து, ஸ்டாலின் ராஜா, வழக்கை வாபஸ் பெற விரும்பினார், வழக்கை தள்ளுபடி செய்து நீதிபதிகள் உத்தரவிட்டனர்.