பொதுப் போக்குவரத்து சென்னை உள்பட நான்கு மாவட்டம் தவிர பிற மாவட்டங்களில் 50 சதவீத பயணிகளுடன் இயங்கும் அறிவிப்பு

தமிழக அரசின் ஊரடங்கு தளர்வு முழு விபரம். வணிக வளாகங்கள் தவிர பிற பெரிய கடைகள் 50% பணியாளர்களுடன் செயல்படலாம். தகவல் தொழில்நுட்பம் சார்ந்த நிறுவனங்கள் 20 சதம் பணியாளர்கள் அதிகபட்சம் 40 பேருடன் இயங்கலாம். 50 சதம் ஊழியர்களுடன் அனைத்து தனியார் நிறுவனங்கள் செயல்பட அனுமதி- தமிழக அரசு. தமிழகத்தில் ஜூன் 1 முதல் 7ஆம் தேதி வரை காய்கறிக்கடைகள், உணவகங்கள் காலை 6 மணி முதல் 8 மணி வரை இயங்கலாம். ஜூன் 8 ஆம் தேதி முதல் தேநீர் கடைகள், உணவகங்களில் 50 சதம் இருக்கைகளுடன் செயல்பட அனுமதி. வணிக வளாகங்கள், தங்கும் விடுதிகள் ஆகியவற்றை திறக்க தடை நீட்டிப்பு- தமிழக அரசு. பொது போக்குவரத்து எங்கெங்கு அனுமதி? கோவை, நீலகிரி, ஈரோடு, திருப்பூர், கரூர், சேலம், நாமக்கல்லில் அனுமதி. தர்மபுரி, வேலூர், திருப்பத்தூர், ராணிப்பேட்டை, கிருஷ்ணகிரி. விழுப்புரம், திருவண்ணாமலை, கடலூர், கள்ளக்குறிச்சி. நாகை, திருவாரூர், தஞ்சை, திருச்சி, அரியலூர், பெரம்பலூர், புதுக்கோட்டை. திண்டுக்கல், மதுரை, தேனி, விருதுநகர், சிவகங்கை, ராமநாதபுரம் மாவட்டங்களில் அனுமதி. நாளை முதல் சென்னை காவல் எல்லை நீங்கலாக பிற மாவட்டங்களில் பொது போக்குவரத்து தொடக்கம். சென்னை, காஞ்சிபுரம், செங்கல்பட்டு, திருவள்ளூர் மாவட்டங்களில் பொது போக்குவரத்துக்கு தடை தொடர்கிறது. 50 சதவீத பேருந்துகள் இயக்கப்படும். ஒரு பேருந்தில் 60 சதவீத இருக்கைகளில் பயணிகள் அனுமதிக்கப்படுவர்.பொது போக்குவரத்தில் பயணிக்க இ-பாஸ் தேவையில்லை. பொது போக்குவரத்து அனுமதிக்கு 8 மண்டலங்களாக பிரிப்பு. சென்னை, காஞ்சிபுரம், திருவள்ளூர், செங்கல்பட்டு மாவட்டங்களில் பேருந்து போக்குவரத்துக்கு தடை நீட்டிப்பு- தமிழக அரசு. பிற மாநிலங்களுக்கான போக்குவரத்து தடை நீட்டிப்பு. ஒரு மண்டலத்தில் இருந்து மற்றொரு மண்டலத்திற்கு பயணம் செய்ய இ-பாஸ் தேவை. மண்டலத்திற்குள் பயணம் செய்ய இ-பாஸ் தேவையில்லை- தமிழக அரசு. நீலகிரி, கொடைக்கானல், ஏற்காடு செல்ல தடை. ரிசார்ட்டுகள், விருந்தோம்பல் சேவைகளுக்கு தடை தொடர்கிறது. கொரோனா பணியில் உள்ளவர்களுக்கு தடையில் இருந்து விலக்கு. மறு உத்தரவு வரும் வரை தமிழகத்தில் வழிபாட்டுத் தலங்கள் மதம் சார்ந்த கூட்டங்களுக்கு தடை நீடிக்கும். மத்திய அரசின் அறிவிப்பின் அடிப்படையில் ஜூன் 30 நள்ளிரவு 12 மணி வரை தளர்வுகளுடன் பொதுமுடக்கம் நீட்டிப்பு- தமிழக அரசு. வணிக வளாகங்கள் தவிர்த்து அனைத்து ஷோரூம்கள் மற்றும் பெரிய கடைகள் ( நகை, ஜவுளி போன்றவை) 50 சதம் பணியாளர்களுடன் செயல்படலாம். ஒரே நேரத்தில் 5 வாடிக்கையாளர்கள் மட்டுமே கடைக்குள் இருக்க வேண்டும் ஜூன் 30ம் தேதி வரை பள்ளி, கல்லூரிகள், பயிற்சி மற்றும் ஆராய்ச்சி நிறுவனங்களை திறக்க தடை நீட்டிப்பு. இணைய வழி கல்வியை கல்வி நிறுவனங்கள் தொடரலாம். என தமிழக அரசு உத்தரவு. தமிழகத்தில்  சென்னை, காஞ்சிபுரம், திருவள்ளூர், செங்கல்பட்டு ஆகிய மாவட்டங்களில் அதிகம் கொரானோ வைரஸ் பாதிப்பு உள்ளதால் இங்கு ஊரடங்கை தொடர்ந்து அமல்படுத்த மாநில அரசு திட்டமிட்டுள்ளது. மாநிலத்தில் மற்ற மாவட்டங்களில் பேருந்து போக்குவரத்து வரும் ஜூன் 5 ஆம் தேதி முதல் செயல்படுத்தப்படும் எனக் கூறப்படுகிறது. இன்று முறைப்படி அறிவிப்பு வெளியாகும் என்று எதிர்பார்க்கப்படு வழிபாட்டுத் தலங்கள், ஹோட்டல்கள், உணவகங்கள், ஷாப்பிங் மால்கள் ஜூன் 8 ஆம் தேதி முதல் செயல்படலாம் என்று தெரிவிக்கப்பட்டுள்ளது. சென்னையை பொறுத்தவரை ஜூன் 30 ஆம் தேதி வரை கட்டுப்பாடுகள் தொடரும். சென்னை உள்ளிட்ட 4 வடக்கு மாவட்டங்களில் பேருந்து சேவைக்கு வாய்ப்பில்லை. மாநிலத்தின் பல்வேறு மாவட்டங்களில் 50 சதவீத எண்ணிக்கையில் பேருந்துகள் இயக்கப்படும். அதில் 50 சதவீத பயணிகள் மட்டும் அனுமதிக்கப்படுவர். ஆனால் மாவட்டங்களுக்கு இடையில் இயக்கப்படும் பேருந்துகள் பற்றி எந்தவித முடிவும் எடுக்கப்படவில்லை. போக்குவரத்தைப் பொறுத்தவரை பயணிகள், பேருந்து ஊழியர்கள் பாதுகாப்பை கருத்தில் கொண்டு உரிய வழிகாட்டு நெறிமுறைகளை அரசு பின்பற்றவுள்ளது. தற்போது அரசு ஊழியர்களின் பயன்பாட்டிற்காக சில பேருந்துகள் மட்டும் இயக்கப்பட்டு வருகிறது.கொவிட்-19 பாதிப்பால் தனிமைப்படுத்தப்பட்ட பகுதி தவிர மற்ற பகுதிகளில் வாகனங்களை இயக்க யாரிடமும் அனுமதி பெறத்தேவையில்லை என அறிவிக்கப்பட்டுள்ளது. தமிழகத்தில் கொரானோ பரவல் தீவிரமான நிலையில், மறுபுறம் தளர்வுகளும் தாராளமானதையடுத்து, வெளியிடங்களுக்குச் செல்வோர் அரசிடம் இ-பாஸ் பெற்றுக்கொண்டு செல்லலாம் என ஏற்கனவே இருந்த நிலையில், தற்போது எந்தவித பாஸ்களும் தேவையில்லை, அடையாள அட்டை இருந்தாலே போதுமானது என அறிவிப்பு வெளியிடப்பட்டு உள்ளது. இதுதொடர்பாக வெளியான அறிவிப்பில், தமிழகஅரசின் வருவாய் மற்றும் பேரிடர் மேலாண்மைத் துறை ஆணைப்படி, கொரானோ நோய்க் கட்டுப்பாட்டு மண்டலம் தவிர ஏனைய கிராமம், தொழிற்பேட்டைகள் மற்றும் நகரப் பஞ்சாயத்து ஆகிய பகுதிகளில் குறு, சிறு மற்றும் நடுததரத் தொழில்கள் உற்பத்தி துவங்க எந்தவித அனுமதியும் பெறத்தேவையில்லை, மேலும் வாகனங்கள் இயக்குவதற்கான அனுமதியும் பெறப்பட வேண்டியதில்லை. ஆனால், பணிக்குச் செல்வோர் அவர்களது பணியில் அடையாள அட்டையை வைத்திருக்க வேண்டும். மாவட்ட ஆட்சியர் உத்தரவுப்படி மாவட்டத் தொழில்மையம் இந்த அறிவிப்பை வெளியிட்டு உள்ளது.