பண்ருட்டி அருகே வரி ஏய்ப்பால் நடந்த வருமானவரித் துறை சோதனை

நிதியமைச்சகத்தின் சார்பில் வந்த செய்தியில் நிதி அமைச்சகம் தமிழகத்தின் பல்வேறு இடங்களில் வருமானவரித்துறை சோதனை சென்னையில் தகவல் தொழில்நுட்ப சிறப்பு பொருளாதார மண்டல வடிவமைப்பாளர், அதன் முன்னாள் இயக்குநர் மற்றும்  பிரபல எவர்சில்வர் வியாபாரி ஆகியோருக்கு சொந்தமான இடங்களில் வருமான வரித்துறையினர் 27.11.2020 அன்று சோதனை நடத்தினர்.சென்னை மும்பை ஹைதராபாத் மற்றும் கடலூர் ஆகிய பகுதிகளில உள்ள மொத்தம் 16 இடங்களில் இந்த சோதனை நடத்தப்பட்டது.  முன்னாள் இயக்குநரும் அவரது குடும்ப உறுப்பினர்களும் கடந்த மூன்று ஆண்டுகளில் சேர்த்திருந்த ரூபாய் 100 கோடி மதிப்பிலான கணக்கில் காட்டப்படாத சொத்துக்கள் சோதனையில் கண்டுபிடிக்கப்பட்டன. தகவல் தொழில்நுட்பம் சிறப்பு பொருளாதார மண்டல வடிவமைப்பாளர், தற்போது பணி நடைபெற்று வரும் திட்டத்தில்  போலியாக கணக்கு காட்டி ரூபாய் 160 கோடி பெற்றிருப்பதும் கண்டறியப்பட்டது. சோதனையின்போது தகவல் தொழில்நுட்பம் சிறப்புப் பொருளாதார மண்டல வடிவமைப்பாளர் வாங்கிய பங்கு பரிவர்த்தனைகள் குறித்தும் தெரியவந்தது.  இந்த பங்குகளை விற்றதன்  வாயிலாகக் கடந்த 2017-18 நிதி ஆண்டில் இந்த நிறுவனத்திற்கு மொரிஷியஸ் நாட்டு இடைத்தரகர் வாயிலாக ரூபாய் 2300 கோடி கிடைத்துள்ளது. எனினும் இந்த விற்பனை வர்த்தகத்தின் வாயிலாக பெறப்பட்ட மூலதன ஆதாயம் குறித்து வருமான வரித்துறைக்கு தெரிவிக்கப்படவில்லை. இதுகுறித்து கூடுதல் விசாரணை நடைபெற்று வருகிறது. எவர்சில்வர் வியாபாரிக்கு சொந்தமான இடங்களில் நடைபெற்ற சோதனையின் வாயிலாக அவர் சார்ந்துள்ள குழுமம் மூன்று விதமான விற்பனைகளில் ஈடுபட்டு வந்தது தெரிய வந்துள்ளது- கணக்கில் காட்டியது, கணக்கில் காட்டாதது, ஒரு பகுதியையே கணக்கில் காட்டியது.கணக்கில் காட்டப்படாத மற்றும் ஒரு பகுதியை கணக்கில் காட்டிய விற்பனைகள் மூலம் ஒவ்வொரு வருடமும்  25 சதவீதத்திற்கும் அதிகமான தொகைக்கு விற்பனை நடந்திருப்பது தெரியவந்துள்ளது. மேலும் இந்த குழுமம் விற்பனை சார்ந்த ரசீதுகளை பல்வேறு நுகர்வோருக்கு அளித்திருப்பதும், அதன் வாயிலாக 10 சதவீத தரகுத் தொகை பெறப்பட்டுள்ளதும் தெரியவந்துள்ளது. கணக்கில் காட்டப்படாத வருமானம் தொடர்பாக தற்போது ஆய்வு செய்து வருகையில் இது சுமார் ரூபாய் 100 கோடி அளவிற்கு இருக்கலாமென்று எதிர்பார்க்கப்படுகிறது. இந்த குழுமங்கள், கணக்கில் காட்டப்படாத பரிவர்த்தனைகள், முதல்/ கடன்களின் வாயிலாக ரூபாய் 50 கோடி மதிப்பில் பெற்றிருப்பது தெரியவந்துள்ளது. இதுவரை நடைபெற்ற சோதனைகளின் மூலம் ரூபாய் 450 கோடி மதிப்பிலான கணக்கில் காட்டப்படாத வருமானம் தெரியவந்துள்ளது. மேலும் விசாரணை தற்போது நடைபெற்று வருகிறது. ஏனக் குறிப்பிட்ட நிலையில் இந்த சோதனை விபரம் வெளிவந்த தகவல் இது.பண்ருட்டி அருகே சேகர் ரெட்டி பினாமி என்ற அடிப்படையில் அவரது வீட்டில் சோதனை நடத்தியதாக கூறப்படுகிறது. கடலூர் மாவட்டம் பண்ருட்டி வட்டம் முத்துகிருஷ்ணாபுரத்தைச் சேர்ந்த சுகிசந்திரன் (வயது65) விவசாயம் செய்யுமிவர் வருமானத்திற்கு அதிகமாக சொத்து சேர்த்துள்ளார். வீட்டில் விடிய விடிய வருமான வரி சோதனை, 40 மணி நேரத்திற்க்கும் மேல் அதிகாரிகள் சோதனை நடத்தினர். பண்ருட்டி பகுதியில் கடந்த இரண்டு ஆண்டுகளில் ஏராளமான சொத்துகள் வாங்கியதாகவும் வருமான வரித் துறை யினருக்கு தகவல் வந்ததைத்தொடர்ந்து சுகிசந்திரன் வீட்டில் வருமான வரித்துறை அதிகாரிகள் நேற்று முன்தினம் காலை முதல் சோதனை நடத்தினர். சென்னையிலிருந்து வந்த 12 அதிகாரிகள் சோதனையில் ஈடுபட்டனர். சுகி சந்திரனின் மகன் முத்துகுமார் தொழிலதிபர் சேகர் ரெட்டியின் நண்பராவார் சேகர் ரெட்டியின் காண்ட்ராக்ட் பலவற்றையும் முத்துக்குமார் தான் செய்து வருகிறார். அந்த அடிப்படையிலேயே இந்த சோதனை நடத்தப்பட்டது என்று ஒரு தரப்பும், சுகி சந்திரனின் மருமகன் ராம்பிரபு மும்பையில் நடத்திவரும் ஐடி கம்பெனியில் 100 கோடிக்கும் மேல் வரி ஏய்ப்பு நடந்துள்ளது. அது தொடர்பாகவும் இந்த சோதனை நடத்தப்பட்டதாகச் சொல்லப்படுகிறது. இன்று அதிகாலை 3 மணிக்குதான் வருமானவரித்துறை அதிகாரிகள் சோதனையை முடித்துக்கொண்டு சென்றனர். 40 மணி நேரத்திற்கு மேல் தொடர்ந்து நடந்த இந்த சோதனையில் கணக்கில் வராத சொத்து தொடர்பான ஆவணங்கள் பறிமுதல் செய்யப்பட்டதாக தெரிகிறது.