தமிழக டிஜிபி ராஜேஷ்தாஸ் மீது பெண் ஐபிஎஸ் அதிகாரி பாலியல் புகார் விசாரிக்க ஐஏஎஸ் தலைமையில் 6 அதிகாரிகளின் குழு.
தமிழக ஸ்பெஷல் டிஜிபி ராஜேஷ்தாஸ் காத்திருப்போர் பட்டியலில் வைக்கப்பட்டிருப்பதாக அரசுத் தரப்பில் இருந்து அறிவிப்பு வெளியாகியிருக்கிறது. தமிழக முதல்வர் எடப்பாடி.கே. பழனிச்சாமி அரசியல் சுற்றுப்பயணம் மற்றும் அரசு நலத்திட்டப் பணிகளைத் தொடங்கி வைப்பதற்காக தமிழகத்தின் பல பகுதிகளுக்கும் செல்கிறார். கடந்த ஞாயிறுகிழமை திருச்சிராப்பள்ளி, புதுக்கோட்டை மாவட்டங்களுக்குச் சென்று பல நலத்திட்டப் பணிகளை தொடங்கி வைத்தார். அப்போது பாதுகாப்பு பணிகளுக்காக காவல்துறை சிறப்பு டி.ஜி.பி ராஜேஷ் தாஸ் முதல்வருடன் சென்றார். பணிகள் முடிந்து மீண்டும் சென்னை திரும்புவதற்காக கிளம்பிய போது அந்தந்த மாவட்ட ஐ.பி.எஸ் அதிகாரிகள் அவரை வரவேற்று உபசரித்து அனுப்பிய நிலையில் மற்றொரு மாவட்டத்தின் வழியாக வந்த பொழுது அந்த மாவட்டத்தின் கண்காணிப்பாளராக இருக்கக் கூடிய பெண் ஐ.பி.எஸ் அதிகாரி ஒருவர் சிறப்பு டி.ஜி.பி ராஜேஷ் தாஸை வரவேற்று உபசரித்தார்.
அப்போது பெண் ஐ.பி.எஸ் அதிகாரியை காரில் ஏற்றிய சிறப்பு டி.ஜி.பி ராஜேஷ் தாஸ், பெண் ஐ.பி.எஸ் அதிகாரியிடம் பாலியல் சீண்டலில் ஈடுப்பட்டதாகக் கூறப்படுகிறது. அதில் பதற்றமடைந்த பெண் அதிகாரி உடன் காரை விட்டு இறங்கிச் சென்றதாகக் கூறப்படுகிறது.இந் நிலையில் தனக்கு பாலியல் தொல்லை கொடுத்த சிறப்பு டி.ஜி.பி ராஜேஷ் தாஸ் மீது பெண் ஐ.பி.எஸ் அதிகாரி டி.ஜி.பி திரிபாதி மற்றும் உள்துறைச் செயலாளரிடம் புகார் அளித்தார். தமிழ்நாடு காவல்துறை (சிறப்பு) டிஜிபி யாகப் பொறுப்பு வகித்த ராஜேஷ்தாஸ், தற்போது கட்டாய காத்திருப்புப் பட்டியலில் வைக்கப் பட்டிருக்கிறார். தமிழக முதலமைச்சர் எடப்பாடி கே பழனிசாமியின் தேர்தல் பிரசாரப் பயணத்தின் பாதுகாப்புப் பணிக்குப் போன இடத்தில் கிடைத்த 'சிறிய' இடைவேளையில் இளைப்பாறுதல் போல நடந்திருக்கிறது இந்த சம்பவம். டிஜிபி ராஜேஷ்தாஸ் மீது பெண் காவல்துறை கண்காணிப்பாளர் ஒருவர் கொடுத்த பாலியல் புகார் தான் இதற்குக் காரணமாகச் சொல்லப்படுகிறது. சம்பவம் நடந்த இடமாக சி.எம்.மின் கான்வாயைக் காட்டி உள்ளது, ''காவல்காக்கப் போட்ட வேலி பயிரைத் தின்றதோ....'' என்ற பாடல் வரிகள் தான் நினைவுக்கு வருகிறது. தமிழகத்தைப் பொறுத்தவரை காவல்துறை இயக்குநர் என்ற கேடர் அல்லது பதவியில் பத்து பேருக்கு மேலிருந்தாலும் காவல்துறையில் தலைமை இயக்குநர், சட்டம் -ஒழுங்கு என்ற தகுதி தான் எப்போதுமே பெரிதானது. அந்தப் பதவிப் போட்டியில் தகுதியான -பேனல் வரிசை மத்திய ஆயம், தெரிவு செய்து மாநில அரசு பார்வைக்கு வரும் பட்டியலில் தகுதியான அல்லது வேண்டப்பட்ட ஒருவர் பெயரை, மாநில ஆட்சிப் பதவியில் இருப்பவரக்கள் தேர்வு செய்து வைத்துக் கொள்வார்கள். அந்தப் முன்னுரிமைப் பட்டியலில் சீனியர்- ஜூனியர் எல்லாமே கலந்து தான் இருப்பார்கள். கிளி ஜோதிடத்தில் வேண்டப்பட்ட சீட்டை தேடி எடுத்த பச்சக்கிளி கதை தான். காலம்சென்ற முன்னால் முதல்வர் மு.கருணாநிதி தலைமையிலான ஆட்சியில் சீனியரான தற்போது மயிலாப்பூர் சட்டமன்றப்பேரவை உறுப்பினர் நடராஜ் ஓரங்கட்டப்பட்டு ஜூனியர் லத்திகாசரண் டிஜிபி ஆனார். "மத்திய ஆயம் சொன்ன பேனல் முன்பு பெண் என்றால் அலங்காரம் என்பதை மாற்றி,
அதிகாரம் என்றதொரு அகராதியை ஏற்படுத்தியவர் காலம்சென்ற முன்னால் முதல்வர் ஜெ. ஜெயலலிதா தலைமையிலான ஆட்சியில் காவல்துறைத் தலைமை இயக்குநர் (டிஜிபி) என்ற போஸ்டிங்கை ஒருவருக்காக இரண்டு முறை நீட்டித்து மத்திய ஆயத்தை கேலிக் கூத்தாக்கினர். அதன்பின்னும் விடாமல் அந்த ஒருமனிதர் - தனிமனிதர் திரு ராமானுஜத்துக்கு காவல்துறை ஆலோசகர் என்ற போஸ்டிங் போட்டுக் கொடுத்து ஒரிஜினல் டிஜிபிக்கு அச்சத்தையும் அதிர்ச்சியையும் கொடுத்தனர். அடுத்து வந்த கடந்த பத்தாண்டு காவல்துறை போஸ்டிங் வரலாறும் அத்தனை மதிப்பிற்குரியதாக இல்லாத வகையில் ஆக்கி விட்டனர். டி.கே. ராஜேந்திரன் என்ற ஒரு அதிகாரி நலனுக்காக காத்துருப்பிலிருந்த நான்கு சீனியர் ஐபிஎஸ்களை பின் தள்ளி , காவல் தலைமை இயக்குநர் பதவியிலேயே டி.கே. ஆரை பணி நீட்டிப்பு மூலம் தொடர்ந்து இருக்க வைத்து புதிய சாதனை படைத்தது அதிமுக தலைமையிலான தமிழ்நாடு அரசு. டிகேஆருக்கு இந்த டிஜிபி போஸ்டிங்கை போடும் போது அவருக்கே உயரதிகாரியாக இருந்த கே.பி.மகேந்திரன் என்ற சீனியர், பேனலில் இருந்தார். அதே காலகட்டத்தில் டிஜிபி (காவல் தலைமை இயக்குநர்) ஆகாமலே, சர்வீஸ் முடித்து கே.பி. மகேந்திரன், சேகர், முத்துக் கருப்பன் என்று எட்டு ஐபிஎஸ்கள் அடுத்தடுத்து ஓய்வு பெற்ற சுவடே தெரியாமல் வீட்டுக்குப் போனார்கள். டி.கே.ராஜேந்திரன் பணி நீட்டிப்பின் பின்னால்தான், உச்ச நீதிமன்றம் தலையிட்டு சட்ட வரையறையை உண்டாக்கி தீர்ப்பு எழுதிய பின்னரே டிஜிபி பதவியின் போது பணி நீட்டிப்பு இனி இல்லை என்ற நிலை ஏற்பட்டது. சரி, இப்போது இது தவிர்த்து இன்னொரு கேள்வியும் எழுகிறது. ஏற்கனவே காவல் துறை பணியிடத்தில் பாலியல் அத்து மீறல்கள் நடந்ததாக புகார் கொடுத்து வழக்குப் பதிந்த விவகாரங்கள் இப்போது எந்த நிலையில் இருக்கிறது என்று தெரியாத நிலையில் ராஜேஷ்தாஸ் விவகாரமும் கேள்விக்குறிதானே.?.எப்படியோ விசாகா கமிட்டி விசாரணையை தொடங்கி விரைவில் முடித்துவிடுவார்கள். தற்போது சட்டம் அறிந்த மூத்த வல்லுநர்கள் கூறும் கருத்தாக ,. சட்டம் அனைவருக்கும் பொதுவானதாக இருக்க வேண்டும். கைது செய்தால் மட்டுமே பெண் காவலர்களின் பாதுகாப்பு இருக்கும் என்பதாகும் சென்னை கிழக்கு மண்டல போக்குவரத்து காவல் துணை ஆணையராக பாலகிருஷ்ணன் நியமனம் செய்யப்பட்டுள்ளார்.
மேலும் தூத்துக்குடி மாவட்ட எஸ்பியாக இருந்த ஜெயக்குமார் பூந்தமல்லி தமிழ்நாடுசிறப்பு காவல் படை 13ஆவது பட்டாலியன் கமாண்டட் ஆக பணியிடமாற்றம் செய்யப்பட்டார். இந்நிலையில் அவர் மீண்டும் தூத்துக்குடி மாவட்ட எஸ்பியாக பணி தொடர அரசு உத்தரவு பிறப்பித்துள்ளது. தூத்துக்குடி மாவட்ட எஸ்பியாக மணிவண்ணன் நியமிக்கப்பட்டார். இந்நிலையில் அவர் மீண்டும் நெல்லை மாவட்ட எஸ்பியாக பணியாற்ற அரசு உத்தரவிட்டுள்ளது.நெல்லைமாவட்ட எஸ்பியாக நியமனம் செய்யப்பட்ட கிருஷ்ணராஜ் மீண்டும் மாதவரம் காவல்துறை துணை ஆணையராக நியமனம் செய்யப்பட்டுள்ளார்.இந்நிலையில் பூந்தமல்லி தமிழ்நாடு சிறப்பு காவல் படை 13ஆவது பட்டாலியன் கமாண்டட் ஆக செந்தில் குமார் நியமனம் செய்யப்பட்டுள்ளார்சென்னை கிழக்கு மண்டல போக்குவரத்து காவல் துணை ஆணையராக பாலகிருஷ்ணன் நியமனம் செய்யப்பட்டுள்ளார்.
கருத்துகள்