செல்வி ஜெ.ஜெயலலிதாவின் உடன் பிறவா தோழி சசிகலா நடராஜன் பினாமிக்கு சொந்தமானதாக கூறப்படும் சொத்தை நேற்று முடக்கியது. வருமான வரித் துறை

காலம்சென்ற முன்னாள் முதல்வர் செல்வி ஜெ.ஜெயலலிதாவின் உடன் பிறவா தோழி சசிகலா நடராஜன் பினாமிக்கு சொந்தமானதாக கூறப்படும், 15 கோடி ரூபாய் மதிப்புள்ள சொத்து, சென்னையில் நேற்று முடக்கப்பட்டது.

வருமான வரித் துறையின் தொடர்  நடவடிக்கைகள் காரணமாக, பினாமிகள் பெயரில் அவர் வாங்கி குவித்துள்ள, ௨,௦௦௦ கோடி ரூபாய் சொத்துக்கள் வழக்கில் சம்பந்தப்பட்டவை இதுவரை கையகப்படுத்தப்பட்டு உள்ள நிலையில் 

மறைந்த ஜெயலலிதாவின் தோழி சசிகலா. அவரும், அவரது பினாமிகளாகக் கருதப்படும் குடும்பத்தினரும் ஏராளமான சொத்துக்களை வாங்கி குவித்துள்ளதாக, வருமான வரித் துறைக்கு புகார்கள் சென்றதன் அடிப்படையில், சசிகலா மற்றும் உறவினர்களின் வீடுகள், அலுவலகங்கள் உட்பட, 187 இடங்களில், 2017 ஆம் ஆண்டில் வருமான வரித் துறையினர் சோதனை நடத்தினர்.

ஐந்து நாட்கள் நீடித்த சோதனையில், சசிகலா பினாமி என கருதப்படும் குடும்பத்தினர், 60 க்கும் மேற்பட்ட போலியான நிறுவனங்களைத் துவக்கி, 1,500 கோடி ரூபாய் வரை, வரி ஏய்ப்பு செய்தது கண்டுபிடிக்கப்பட்டதாகவும் மேலும், சில ஆயிரம் கோடி ரூபாய்க்கு, சொத்துக்களில் முதலீடு செய்தது தொடர்பான சோதனையில் சிக்கிய.  ஆவணங்கள் அடிப்படையில், சொத்துக்கள் தொடர்ந்து முடக்கப்பட்ட்டதன்படி, 2019 ஆம் ஆண்டில், 1,600 கோடி ரூபாய் மதிப்பிலான சொத்துக்கள் முடக்கப்பட்டன. 2020 ஆம் ஆண்டில், ஹைதராபாதிலுள்ள, 'ஸ்ரீ ஹரிசந்தனா எஸ்டேட்' நிறுவனத்தின் பெயரிலிருந்த, 300 கோடி ரூபாய் மதிப்பிலான 65 சொத்துக்கள், பினாமி தடுப்பு சட்டத்தின் கீழ் கையகப்

படுத்தப்பட்டதில், சென்னை, போயஸ் தோட்டத்தில், வேதா நிலையம் எதிரே, 22 ஆயிரத்து 460 சதுர அடி நிலத்தில் கட்டப்பட்டு வரும் கட்டடமும் அடங்கும். மேலும், ஆலந்துார், தாம்பரம், ஸ்ரீபெரும்புதுார் உட்பட, பல்வேறு பகுதிகளில் உள்ள, 200 ஏக்கர் நிலங்கள் உட்பட, 300 கோடி ரூபாய்க்கும் அதிகமான மதிப்புள்ள சொத்துக்களும், பினாமி சொத்துக்களாக கையகப்படுத்தப்பட்டன.

2021 ஆம் ஆண்டு செப்டம்பர், மாதம், செங்கல்பட்டு மாவட்டம், பையனுாரிலுள்ள, 100 கோடி ரூபாய் மதிப்பிலான, சசிகலா நடராஜனுக்குச் சொந்தமான பங்களாவை, பினாமி தடுப்பு சட்டத்தின் கீழ், வருமான வரித் துறை முடக்கியதன் தொடர்ச்சியாக தற்போது, 15 கோடி ரூபாய் மதிப்பிலான சொத்துக்களை, வருமான வரித் துறை முடக்கியுள்ளது. இதுகுறித்து, வருமான வரி அதிகாரிகள் கூறியதாவது: சசிகலா நடராஜன் உட்பட அவரது உறவினர்கள், நண்பர்கள் வீடுகளில் நடந்த சோதனையில் கிடைத்த ஆவணங்களின் அடிப்படையில், அவரது சொத்துக்கள், பினாமி தடுப்பு சட்டத்தின் கீழ் முடக்கப்பட்டு வருகின்றன. கடந்த 2021ம் ஆண்டு வரை, சசிகலா நடராஜனுக்குச் சொந்தமான, 2,000 கோடி ரூபாய் மதிப்பிலான சொத்துக்கள் முடக்கப்பட்டுள்ளன. தற்போது, சென்னை தி.நகர், பத்மநாபா தெருவில், 15 கோடி ரூபாய் மதிப்பில், 3,486 சதுர அடி நிலத்தில், 'ஆஞ்சநேயா பிரின்டர்ஸ்' என்ற பெயரில் இயங்கி வந்த நிறுவனத்தை, பினாமி பெயரில் சசிகலா வாங்கிய சொத்து என, உச்ச நீதிமன்றம் உறுதி செய்துள்ளததையடுத்து, இந்தச் சொத்தை தற்போது முடக்கி, வருமான வரித்துறை துணை ஆணையர் எம்.விவேகானந்தன் உத்தரவிட்டுள்ளார். இதற்கான அறிவிப்பு, அந்நிறுவனத்தின் வாசலில் ஒட்டப்பட்டுள்ளது.

சொத்து முடக்கம் செய்து அறிவிக்கப்பட்ட நாளிலிருந்து, 90 நாட்களுக்குள்ளாகவோ அல்லது அடுத்த உத்தரவு வரும் வரை, இந்த சொத்தின் வாயிலாக ஆதாயம் பெறவோ, பிறருக்கு மாற்றவோ தடை விதிக்கப்படுகிறது. இந்த 'நோட்டீஸ்' குறித்து, ஜெயலலிதாவின் சகோதரர் ஜெயக்குமார் மகள் தீபா, மகன் தீபக் மற்றும் தி.நகர் சார் - பதிவாளர் ஆகியோருக்கும் தகவல் தெரிவிக்கப்பட்டுள்ளது.இதுவரை, சசிகலா நடராஜனுக்குச் சொந்தமான, 2,015 கோடி ரூபாய் மதிப்பிலான சொத்துக்கள் முடக்கப்பட்டுள்ளன. இவ்வாறு தெரிவித்தார்.கடந்த 2021 செப்டம்பரில், சசிகலா நடராஜன் உறவினரான செல்வி.ஜெ.ஜெயலலிதாவின் முன்னால் வளர்ப்பு மகன் சுதாகரனுக்குச் சொந்தமான, செங்கல்பட்டு மாவட்டம், சிறுதாவூரில் உள்ள, 30 கோடி ரூபாய் மதிப்பிலான, 21 ஏக்கர் நிலம், வருமான வரித் துறையினரால் முடக்கப்பட்டுள்ளது.சென்னை தி. நகர் பத்மநாபா தெருவில் இயங்கிய ஆஞ்சநேயா பிரிண்டர்ஸ் நிறுவனம்  நிறுவனத்தை பினாமி பெயரில் சசிகலா வாங்கிய சொத்து என உச்ச நீதிமன்றத்தில் உறுதி செய்யப்பட்டதையடுத்து வருமானவரித்துறையினர் அந்த சொத்தை முடக்கி உள்ளனர்.

வருமான வரித்துறை சார்பில் விளக்கம்

பினாமி பெயரில் சசிகலா வாங்கிய 15 கோடி ரூபாய் மதிப்பிலான சொத்தை வருமான வரித்துறையினர் முடக்கியுள்ளனர். தற்போது வருமான வரித்துறை அந்த நிறுவனங்களுக்கு விளக்கம் கேட்டு நோட்டீஸ் அனுப்பியுள்ளது. மூன்று மாதங்களுக்குள் அந்த நோட்டீசிற்கு விளக்கம் அளிக்கும்படி உத்தரவிட்டுள்ளது. ஆன்மீக பயணம் முடிந்து அஇஅதிமுகவை மீட்க அரசியல் பயணம் செய்யும் சசிகலா நடராஜனுக்கு இப்போது வந்த சோதனை அவரது அரசியல் பயணம் தொடர்பானதாகவே பார்க்கப்படுகிறது