திருவண்ணாமலை தாலுகா அலுவலகத்தின் நுழைவுவாயிலில், கயிறு கட்டி தடுப்புகளை ஏற்படுத்தி, பொது மக்கள் யாரும் செல்ல முடியாத படி மக்களை தனியார் நிறுவனம் அமர்த்திய பணிக் காவலர்கள் சிறைப்பிடித்தனர்.
அதனால், தாலுகா அலுவலக வளாகத்திலுள்ள அரசு விடுதிகளுக்குச் செல்ல முடியாமல் மாணவிகள் தவித்ததுடன் தாலுகா அலுவலகத்தில், இ-சேவை மையத்திற்கு வந்த பொது மக்களும், ஊழியர்களும் அங்கு செல்ல முடியாமல் அவதிப்பட்டனர்.
படப்பிடிப்பு தொடங்குவதற்கு முன்பாகவே, தாலுகா அலுவலகக் கதவுகளைப் மூடுவதற்கு முயன்றதால், உழவர் சந்தைக்குச் சென்ற விவசாய வியாபாரிகள் மற்றும் பொதுமக்கள் உள்ளிட்டோரும் பாதிக்கப்பட்டனர்.
திருவண்ணாமலை தாலுகா அலுவலகத்தில் ஐஸ்வர்யா ரஜினிகாந்த் தயாரிக்கும் படத்தின் படப்பிடிப்பின்
போது பொதுமக்களின் செல்போன்களைப் பறித்து வைத்துக் கொண்ட தனியார் காவலர்களாக பணிக்கு வந்த பவுன்சர்கள் அடாவடியில் ஈடுபட்டுள்ளனர்.
நடிகர் ரஜினிகாந்தின் மகள் ஐஸ்வர்யா இயக்கும் திரைப்படத்தின் நீதிமன்ற வளாகக் காட்சிகள் திருவண்ணாமலையில் படமாக்கப்பட்டது. இதற்கான படப்பிடிப்பு இரண்டு நாட்கள் நடைபெற உள்ளதாகக் கூறப்படுகிறது. ஐஸ்வர்யா ரஜினிகாந்த் உள்ளிட்ட திரைப்படக் குழுவினர் அங்கு குவிந்தனர். இவர்களது சொந்தப் பாதுகாப்புகாக பவுன்சர்களும் குவிக்கப்பட்டனர்.
படப்பிடிப்புக்காக, திருவண்ணாமலை வட்டாட்சியர் அலுவலக பெயர் பலகை மாற்றப்பட்டு, சங்கராபுரம் நீதித்துறை நடுவர் நீதிமன்றம் என்ற பெயர் பலகை வைக்கப்பட்டன. இணை சார் பதிவாளர் அலுவலகம் செல்லும் பாதையில் இருந்த பெட்டிக் கடைகளும் அகற்றப்பட்டன. படப்பிடிப்பு நடைபெறும் தகவல் வெளியில் பரவியதால், தாலுகா அலுவலக வளாகத்தில் வேடிக்கை பார்க்கும் பொதுமக்களும் திரண்டனர். அப்போது அவர்கள், படப்பிடிப்புக் காட்சிகளை தங்களது செல்போன்களில் வீடியோவாகப் படம் பிடித்தனர்
அதையறிந்த பவுன்சர்கள், மக்களிடமிருந்து செல்போன்களை பறித்து, அதில் பதிவாகியிருந்த புகைப்படங்களை டெலிட் செய்து அடாவடியில் ஈடுபட்டனர். அதற்கு எதிர்ப்புத் தெரிவித்த மக்களுக்கு, புகைப்படம் மற்றும் வீடியோ எடுக்க அனுமதி கிடையாது, மீறினால் செல்போன்களை பறிமுதல் செய்வோம் என ‘உள்ளூர் இடைத் தரகர்களானவர்கள் லொக்கேசன் மேனேஜர்கள் மூலம் மிரட்டல் விடுத்தனர். பொது இடத்தில் படப்பிடிப்பு நடத்தினால், புகைப்படம் மற்றும் வீடியோ எடுக்கத்தான் செய்வோம், உள் அரங்கம் அமைத்து படப்பிடிப்பு நடத்திக் கொள்ளுங்கள் என பொதுமக்கள் தெரிவித்தனர். அதனால்
நுழைவு வாயிலில் கயிறு கட்டி தடுப்புகளை ஏற்படுத்தி, யாரும் செல்ல முடியாத வகையில் மக்களை பவுன்சர்கள் சிறைபிடித்தனர். இதனால்,
படப்பிடிப்பு நடைபெறுவதாக கூறி, வட்டாட்சியர் அலுவலக வளாக நுழைவு பாதையில் கயிற்றை கட்டியது குறித்து பொதுமக்கள் கூறும்போது, “திருவண்ணாமலை வட்டாட்சியர் அலுவலக வளாகத்தில் மூன்று பள்ளிகள் மற்றும் கல்லூரி மாணவிகளுன் விடுதிகள், இணை சார் பதிவாளர் அலுவலகம், இ-சேவை மையம், கிராம நிர்வாக அலுவலர் அலுவலகம், கிளைச் சிறை, சிறார் நீதிக்குழுமம் ஆகியவை செயல்படுகிறது. அதனடிப்படையில் தேவைகளுக்காக ஆயிரக்கணக்கான மக்கள், தினசரி வந்து செல்கின்றனர். முக்கியத்துவமானயிடத்தில் படப்பிடிப்புக்கு அனுமதி வழங்கப்பட்டுள்ளது.
பொதுக்கூட்டம், நிகழ்ச்சிகள், கோயில் திருவிழா மற்றும் படப்பிடிப்பு உள்ளிட்ட நிகழ்ச்சிகள் நடத்தும்போது, மக்களின் அன்றாட வாழ்வில் இடையூறு ஏற்படுத்தக் கூடாது என நீதிமன்றமும் கூறுகிறது. ஆனால், படப்பிடிப்பு என்ற பெயரில் தாலுகா அலுவலக வளாகம் உள்ளே பொது மக்களைச் செல்லவிடாமல் கயிறு கட்டி தடுப்பது, புகைப்படமெடுக்கும் மக்களின் செல்போன்களை பவுன்சர்கள் பறிப்பது என்பது சட்ட விதிகளை மீறிய செயலாகும்.
வட்டாட்சியர் அலுவலக பெயர் பலகையை திடீரென மாற்றியதால், பணியிலிருந்த அலுவலர்களைத் தேடி வந்த மக்கள் குழப்பமடைந்தனர். மக்களின் அடிப்படை குறை தீர்வு அலுவலகம் உள்ளிட்ட அரசு அலுவலக வளாகத்தில் படப்பிடிப்பு நடத்த அனுமதி வழங்குவதை மாவட்ட நிர்வாகம் தவிர்க்க வேண்டும்” என பொதுமக்களில் சிலர் கேட்டுக்கொண்டனர். அதன் அடிப்படையில்
மாணவிகள் மற்றும் பொதுமக்களுக்கு பாதிப்பு ஏற்பட்டுள்ளது குறித்து விசாரணை நடத்தி நடவடிக்கை எடுக்க கோட்டாட்சியர் மந்தாகினிக்கு மாவட்ட ஆட்சியர் பா.முருகேஷ் உத்தரவிட்டுள்ளார்.
கருத்துகள்