சென்னை மக்கள் வாழ்வியல் கிளாம்பாக்கத்திற்கும், திருமழிசைக்கும் மாறும் நிலை

சென்னையின் வளர்ச்சி கோயம்பேடுடன் முடிந்து விடும் என்று எண்ணி செயல்பட்ட நிலையில் வந்தது மாற்றம் 

1999-ஆம் ஆண்டில் ஒரு மிகப்பெரும் ஏரியை மூடி பேருந்து நிலையம் என்றும், அதற்கடுத்து அதிமுக ஆட்சியில் தெற்காசிய விளையாட்டு வீரர்கள் குடியிருப்பு என்றும் அமைத்தார்கள். அதுவாவது போட்டி முடிந்த உடன் குடிமை பணியாளர்களுக்கும் ஏனையோருக்கும் பயன்படும் வகையில் தற்போது மாறி விட்டது. 

தற்போது காய்கறிச் சந்தையும் கோயம்பேடிலிருந்து மாற்றப்படப் போவதாகத் திட்டம் உள்ளதாம். 

பேருந்து நிலையத்தை கிளாம்பாக்கத்திற்கும், காய்கறிச் சந்தையை திருமழிசைக்கும் மாற்றுகிறோமே, இதனால் என்னென்ன பாதிப்புகள் நிகழும் என்ற திட்டம் வகுக்கப்பட்டிக்கலாம் 

ஐந்தாண்டுத் திட்டம், பத்தாண்டுத் திட்டம் என்பதில் ஒரு பெரு நகர வளர்ச்சியைத் திட்டமிடுவதற்காகவே அரசு ஒரு நிறுவனத்தை நடத்துகிறது. இதே கோயம்பேடு 

1999 ஆம் ஆண்டு காலகட்டத்தில் நடத்தி 2000-ஆம் ஆண்டில் முடித்தீர்கள். வளர்ச்சி நாலா பக்கமும் நிகழத் துவங்காமல் சென்னையில் தெற்கிலும், மேற்கிலும் படுபயங்கரமாக நிகழ்ந்தது. குறிப்பாக மகேந்திரா நகரம் என தனியார் மென்பொருள் நகரத்திற்காக ஒரு ஊராட்சியே தத்தெடுக்கப்பட்டு நீண்ட நாட்களுக்கு குத்தகைக்குத் தரப்பட்டது. 

இது  நடந்த காலகட்டம் தான் 1999 ஆம் ஆண்டு முதல் 2010.ஆம் ஆண்டு வரை

அதற்குப்பின்பு  மாநகர இருப்பூர்தி திட்டம்  கோயம்பேடை மையமாக வைத்து 2006 ஆம் ஆண்டிலிருந்து 2011 ஆம் ஆண்டு  காலகட்டம் வரை  அவசரமாக அமைந்த பல பூங்காக்கள், விளையாட்டுத் திடல்கள் அனைத்தையும் சரி செய்து, சென்னை சங்கமம் நடத்தி உடனே மாநகர இருப்பூர்தி திட்டம்  என அனைத்தையும் பூட்டி, இடித்து தோண்டி மாற்றம்  செய்தார்கள். அந்த வகையில் பல்லாயிரம் கோடிகளில் நடந்த ஊழல் ஒருபுறம் இருந்தாலும். 

இதோ தற்போது கிளாம்பாக்கத்திற்கு சென்னை தண்டையார் பேட்டையிலிருந்து ஒருவர் கிளம்பிச் செல்ல எத்தனை மணி நேரம் ஆகும். அதற்கான தொகை எவ்வளவு. பேருந்து நிலையத்தை அடையும் தூரமும் பயணத் தூரமும் கிட்டத்தட்ட சரி சமமாகவே அமையப் போகிறது. 

இனிமேல்  சென்னைப் புறநகர் இருப்பூர்திகளில் கூட்டம்  அதிகரிக்கப் போகிறது. கோயம்பேடு பகுதியைச் சுற்றி முதலீடு செய்த தனியார் போக்குவரத்து நிறுவனங்களின் நிலை சில கோடிகள் இழப்பாகும்.

அதைச் சுற்றி உருவாக்கப்பட்ட பல சைவ அசைவ வர்க்க உணவகங்கள், தானி ஓட்டுநர்கள் வாழ்வு இப்படி பல வகையான இன்னல்களை, வாழ்வாதார இழப்பை சந்தித்தே ஆக வேண்டும்  கோயம்பேடு பேருந்து நிலைய போக்குவரத்திற்காகக் புதிதாகக் கட்டப்பட்ட பாலம் 

ஏற்கனவே விழா காலங்களில் பெரும் தெற்கு சாலை எனும் Grand South Trunk Road தற்போதே  விழி பிதுங்குகிறது. பெருங்களத்தூரில் அல்லல் பட்டவர்களுக்கே அதன் அவதி தெரியும். இருப்பூர்தி நிலையமும் 2024- ஆம் ஆண்டின் இறுதியில் தான் துவக்கப்படும் என்கிறார்கள். அதிமுக 2013-ல் திட்டம் தீட்டி எடப்பாடி கே.பழனிச்சாமி அரசு செய்த ஊழல் 2017 ஆம் ஆண்டு ஏலம் விட்ட போதே மத்திய அரசுடன் இருந்த நட்பைப் பயன்படுத்தி இருப்பூர்தி நிலையத்த்தையும் அப்போதே கட்டத் துவங்கினால் இரண்டு ஆண்டுகளுக்கு முன்பே இருப்பூர்தி நிலையம் பயன்பாட்டிற்கு வந்திருக்கும். 

சமீபகாலமாக ஒவ்வொரு மழைக்கும் கிளாம்பாக்கம் பேருந்து நிலைய வாசலில் 5 அடிக்கு தண்ணீர் நிற்பதைக் காட்டுகிறாரகள். அதற்கென்ன தீர்வைக் கண்டார்கள். 

முன்னால் முதல்வர்  கலைஞர் மு.கருணாநிதி பெயரை வைத்தாலும் நூற்றாண்டு நினைவென்று சூட்டியுள்ளார்கள். 

சென்னையிலிருந்து தலை நகரம் திருச்சிராப்பள்ளி செல்லாத வரை எல்லா சூழலியல் சீர்கேடும், சென்னையில் வாழ்வாதாரப் பேரழிவு நிகழ்ந்து கொண்டு தானிருக்கும். 

சென்னை என்ற பெயரில் காஞ்சிபுரம், செங்கல்பட்டு, திருவள்ளூர் மாவட்டங்களின் நிலப்பரப்பைச் சேர்த்து பெருநகர மாநகராட்சி என ஊழலில் திளைத்ததும்.

 தலைநகர மாற்றமும், கணினி நிறுவனங்கள், தொழிற்சாலைகள் அணைத்தும் ஏனைய மாவட்டத்திற்கு மாறுவதே தமிழகத்திற்கு விமோசனமாக  இருக்கும்  கிளாம்பாக்கம் பேருந்து நிலையம்

நாளொன்றுக்கு சுமார் 1 லட்சம் பேர் பயன்படுத்தும் வகையில் அமைக்கப்பட்டுள்ளது. மாநிலத்தில் முதல்முறையாக 15 வருடத்துக்கு இப்பேருந்து முனையத்தின் செயல்பாடு மற்றும் பராமரிப்பினை ஒரு தனி செயல்பாட்டாளரிடம் ஒப்பந்த வாயிலாக வழங்கப்பட்டுள்ளது  பூங்காக்கள், நீர் வளங்கள், மின்சாரம் மற்றும் தீயணைப்பு, முக அடையாளம் காட்டும் கேமிராக்கள் போன்றவற்றின் ஒருங்கிணைந்த செயல்பாடுகளை கண்காணிப்பதற்காக ஒருங்கிணைந்த கட்டிட மேலாண்மை அமைப்பு முறை வசதி ஏற்படுத்தப்பட்டுள்ளது.சென்னையிலிருந்து கிளாம்பாக்கத்துக்கு MTC அரசுப் பேருந்துகளை இயக்குவதற்கென 7 ஏக்கர பரப்பளவில் 60 பேருந்துகளை  நிறுத்தும் வசதியுடன் மாநகரப் போக்குவரத்துக் கழக முனையம் ஜி.எஸ்.டி சாலையை யொட்டி அமைக்கப்பட்டுள்ளது.        ஒரேநாளில் 2310 பேருந்துகளை இந்த முனையத்திலிருந்து இயக்க முடியும். சுமார் 800 க்கும் மேற்பட்ட ஆம்னி பேருந்துகளை இயக்குவதற்கான வசதியும், அரசுப் பேருந்துகளுக்கான டீசல் நிரப்பும் வசதியும் செய்யப்பட்ட து, சென்னை மற்றும் புறநகர் பகுதிகளுக்கு செல்லும் 3,500 மாநகரப் பேருந்துகள் வந்து செல்ல, மேற்கூரையுடன் கூடிய நடைமேடைகளும் அமைக்கப்பட்டுள்ளன. 6.40 லட்சம் சதுர அடியில் 2 அடித்தளங்கள், தரைதளம், முதல்தளத்துடன் இந்தப் பேருந்து நிலையம் அமைந்துள்ளது  கிளாம்பாக்கம் பேருந்து நிலையத்தில் ஒரே நேரத்தில் 130 அரசு பேருந்துகளையும், 85 தனியார் பேருந்துகளையும் நிறுத்த முடியும்.|SETC, TNSTC, ஆம்னி பேருந்துகளுக்கு 16 நடைமேடைகளைக் கொண்ட 215 பேருந்து நிறுத்தும்  தளங்கள்உம் அமைந்துள்ளன. பயணிகளின் பாதுகாப்பை உறுதி செய்யும் வகையில் சிசிடிவி கேமராக்கள் பொருத்தப்பட்டுள்ளன. மகளிர்களின் வசதிக்கு  பாலூட்டும் அறைகள், ஆண், பெண் பயணிகளுக்காக தனித்தனியாக 140 (100+40) ஓய்வறைகள், ஓட்டுநர்களுக்குத் தனியாக 340 ஓய்வறைகள் (படுக்கை வசதியுடன்), ஏடிஎம் வசதி, வரைபட வசதி ஆகியவையும் அமைக்கப்பட்டுள்ளன. ஆண், பெண் மற்றும் திருநங்கைகளுக்கான ஒப்பனை அறைகள், குடிநீர் வசதிகள், இருக்கைகள் அமைக்கப்பட்டுள்ளன.             பேருந்து முனையத்தில் 100. வியாபரக் கடைகள், இரண்டு அடி தளங்களில் 2769 இரு சக்கர வாகனங்கள் மற்றும் 324 இலகு ரக வாகன நிறுத்தும் வசதிகள், தனி மருத்துவமனை மற்றும் இலவச மருத்துவ மையமும் அமைந்துள்ளன ஆண், பெண் மற்றும் திருநங்கைகளுக்கான ஒப்பனை அறைகள், குடிநீர் வசதிகள், இருக்கைகள் ஆகியவையும் அமைக்கப்பட்டுள்ளன. பயண சீட்டு பெறுமிடம், பயணிகளின் உடமைகளை எடுத்துச் செல்ல கை வண்டிகள், மின் வாகனங்கள், தூய்மை இயந்திரங்கள், மின் தூக்கிகள், மாற்றுத் திறனாளிகளுக்கான தொடு உணர்வு தரையமைப்பு ஆகிய வசதிகள் செய்யப்பட்டுள்ளன.|தமிழகத்திலேயே மிகப் பெரிய பேருந்து முனையம் இதுவே. 88.52 ஏக்கரில் இப்புதிய புறநகர் பேருந்து முனையம் அமைக்கப்பட்டுள்ளது. உலகத் தரம் வாய்ந்த உள்கட்டமைப்புடன் செறிவூட்டப்பட்டுள்ளது  சென்னை மாநகர பேருந்துகள் கிளாம்பாக்கம் பேருந்து நிலையத்துக்கு வந்து  செல்ல எதுவாக சென்னை மாநகரின் பல இடங்களுக்கும் 10 நிமிடங்களுக்கு ஒரு நகரப் பேருந்தும்  இயக்கப்படவுள்ளது. இரவு நேரப் பேருந்துகளுக்குமான ஏற்பாடுகளும் செய்யப்பட்டுள்ளது.      கிளாம்பாக்கம் கலைஞர் நூற்றாண்டுப் பேருந்து முனையத்திலிருந்தே இனி தென் மாவட்டங்களுக்குச்  செல்லக்கூடிய பேருந்துகள் இயக்கப்படும். மதுரை போலவே வண்டலூர் அடுத்த கிளாம்பாக்கத்தில் 88.52 ஏக்கர் பரப்பில் சென்னை பெருநகர வளர்ச்சிக் குழுமம் (சிஎம்டிஏ) சார்பில் ரூ.400 கோடியில் புதிய பேருந்து நிலையம் கட்டி முடிந்து திறக்கப்பட்டது                  2000. க்கு பிறகு வேளச்சேரி பகுதிகளில் ஐடி கம்பெனிகள் வேகமாக .வளர்ந்ததால், அதனை சுற்றியுள்ள கந்தன்சாவடி, பள்ளிக்கரணை, துரைப்பாக்கம், பல்லாவரம், குராம்பேட்டை, தாம்பரம், மேடவாக்கம் போன்ற பகுதிகளில் தாங்க முடியாத அளவிற்கு மக்கள் நெருக்கம் அதிகரித்ததனால் வடபழனி சாலையை விட கடுமையான நெரிசலை ஜிஎஸ்டி சாலை சந்தித்தது. குறிப்பாக பெருங்களத்தூர் முதல் ஆலந்தூர் வரை எத்தனை பாலம் போட்டாலும் மக்கள் நெருக்கத்தைக் கட்டுப்படுத்தவே முடியவில்லை.

குரோம்பேட்டை யிலிருந்து  துரைப்பாக்கம் (ஓஎம்ஆர், திருவான்மியூர், வேளச்சேரி) செல்ல மேம்பாலம் அமைக்கப்பட்ட போதும், மேம்பாலத்திலேயே சிக்னல் போட வேண்டிய அளவிற்கு வாகன நெருக்கம் அதிகரித்தது. சென்னை நகரத்தை விட தாம்பரத்திலிருந்து  வேளச்சேரி, தாம்பரத்திலிருந்து  ஆலந்தூர் பகுதிகளில் வாகன நெருக்கம் அதிகரித்துள்ளது. காலை, மாலை வேளைகளில் வாகனம் ஒட்டவே முடியாத அளவிற்கு நெரிசல் அதிகமாகியுள்ள சூழலில் ஆம்னிப் பேருந்துகள், அரசுப் பேருந்துகள் இந்த வழியாகவே தினமும் பயணிப்பதால், கடும் போக்குவரத்து நெரிசல் ஏற்படுவது இயல்பான ஒன்றாக மாறிவிட்டது"  கடும் போக்குவரத்து நெரிசல் ஏற்படுவது இயல்பான ஒன்றாக மாறிவிட்டது.

இந்த பிரச்சனைக்கு தீர்வு காண விரும்பிய தமிழக அரசு போக்குவரத்து நெரிசலை குறைக்கும் வகையில், வண்டலூரை அருகில் கிளாம்பாக்கத்தில் புதிய பேருந்து நிலையம் 88.52 ஏக்கர் பரப்பளவில் ரூ.397 கோடி மதிப்பில் 2018-ம் ஆண்டு இந்த பணிகள் தொடங்கப்பட்டது. தற்போது பேருந்து நிலையத்தின் அனைத்து பணிகளும் முடிக்கப்பட்டு திறக்கப்படுகிறது.

இந்த கிளாம்பாக்கம் என்பது சென்னையின் மிக முக்கியமான நுழைவு வாயிலாக உள்ளது. துறைமுகம் செல்லும் லாரிகள், மீஞ்சூர் வெளிவட்டச் சாலை, தாம்பரம் பெருங்களத்தூர் சாலை, காஞ்சிபுரம் வண்டலூர் சாலை, கேளம்பாக்கம் சாலை, வண்டலூர் பூங்கா, செங்கல்பட்டு திருச்சிராப்பள்ளி  சாலை ஆகியவை இணையுமிடத்திலிருக்கிறது. சென்னைக்கு இங்கிருந்து எந்தப் பகுதிக்கும் போக முடியுமென்பதால் கிளாம்பாக்கத்தை தேர்வு செய்துள்ளார்கள். ஆனால் இதில் ஒரு சிக்கலும் உள்ளது. இன்னமும் கிளாம்பாக்கம் பேருந்துகள் நேரடியாக உள்ளே வர மேம்பாலம் அமைக்கப்படவில்லை. ரயில் நிலையமும் அமைக்கப்படவில்லை. வண்டலூரில் அல்லது ஊரப்பாக்கத்தில் இறங்கி மாறித்தான் வர வேண்டும்