சென்னையில் கைதான வட்டாட்சியர் சோதனையை எதிர்த்த பாரதிய ஜனதா கட்சியின் கராத்தே தியாகராஜன். சென்னையில் லஞ்ச வழக்கில் கைதான வட்டாட்சியர் அலுவலகத்தில் ஊழல் தடுப்பு லஞ்ச ஒழிப்புத் துறையினர் சோதனை நடத்திய நிலையில், அதற்கு பாரதிய ஜனதா கட்சியின் கராத்தே தியாகராஜன் எதிர்ப்புத் தெரிவித்தார்.
அவர் எதற்காக எதிர்ப்பு தெரிவித்தார்.. என்ன நடந்தது
சென்னை ஈஞ்சம்பாக்கம் ராஜன்நகர், செல்வா நகர் பகுதிகளுக்குச் செல்வதற்காக இருந்த 40 அடி சாலையில் ஒருவர் பகிரங்கமாகவே ஆக்கிரமித்து வீடு கட்டி விட்டார். அதனால் ராஜன்நகர், செல்வா நகருக்கான 40 அடி சாலை 12 அடியாகக் குறுகிவிட்டது. இந்தச் சாலை ஆக்கிரமிப்பை அகற்ற வேண்டும் என்று சோழிங்கநல்லூர் பகுதியின் சமூக ஆர்வலர் பொன் தங்கவேல் சென்னை மாநகராட்சி அலுவலகத்தில் புகாரளித்தார்.
ஆனால் அவரது புகார் மனு மீது மாநகராட்சி நிர்வாகம் உடனடியாக நடவடிக்கை எடுக்கப்படவில்லை என்பதை அடுத்து ராஜன்நகர், செல்வா நகருக்கான 40 அடி சாலை 12 அடியாக குறுகியதற்கு காரணமாக ஆக்கிரமிப்பை அகற்ற மாநகராட்சி அலுவலர்களுக்கு உத்தரவிட வேண்டும் என்று சென்னை உயர்நீதிமன்றத்தில் பொன் தங்கவேல் வழக்குத் தொடர்ந்தார்.
அந்த ஆக்கிரமிப்பு வழக்கை விசாரித்த சென்னை உயர்நீதிமன்றம் , உடனடியாக ஆக்கிரமிப்பை அகற்ற நடவடிக்கை எடுக்க வேண்டுமென்று சென்னை மாநகராட்சி அலுவலர்களுக்கு உத்தரவிட்டது. அதன் நகலை எடுத்துக் கொண்டு சென்னை தெற்கு மண்டலத் துணை ஆணையரைச் சந்தித்து பொன் தங்கவேல் முறையிட்டார். அங்கு தெற்கு மண்டல துணை ஆணையர் மூன்று நாட்களில் ஆக்கிரமிப்பு அகற்றப்படும் என உறுதியளித்ததுடன், உரிய பணியாளர்களை அழைத்து ஆக்கிரமிப்பை அகற்றுமாறு உத்தரவிட்டார். இந்தப்பணியைக் கண்காணிக்க சிறப்பு வட்டாட்சியர் சரோஜாவைவும் நியமித்தார்.
இதற்கிடையே இந்த ஆக்கிரமிப்பை அகற்றினால் இந்தச் சாலை 40 அடிச் சாலையாக இப்பகுதியில் வசித்து வரும் மக்களுக்கு வழி கிடைக்கும். மேலும் இங்குள்ள நிலத்தின் மதிப்பும் கோடிக்கணக்கில் உயரும். எனவே அருகிலுள்ள நில உரிமையாளர்களிடம் ரூபாய்.1 கோடி லஞ்சமாக வாங்கித் தந்தால் ஆக்கிரமிப்புகள் உடனடியாக அகற்ற நடவடிக்கை எடுக்கப்படும் என வட்டாட்சியர் சரோஜா கோரினாராம்.
பின்னர் லஞ்சமாகக் கேட்ட ரூபாய்.1 கோடி பணம் ரூபாய்.20 லட்சமாக குறைக்கப்பட்டுள்ளது. அதில் ரூபாய்.3 லட்சத்தை முன்பணமாகத் தரும்படி வட்டாட்சியர் சரோஜா கேட்டாராம். ஆனால் அந்த இலஞ்சம் பணத்தைக் கொடுக்க பொன் தங்கவேல் விரும்பாததைத் தொடர்ந்து சென்னை லஞ்ச ஒழிப்பு மற்றும் ஊழல் தடுப்பு கண்காணிப்புப் பிரிவில் பொன் தங்கவேலு புகார் அளித்தார்.
அதன் பின் V&AC trapped and arrested Tmt.Saroja, Spl.Tahsildar, Adyar and Tr.Arunkumar, PC, St.Thomas Mount Crime P.S. for demanded of Rs.3,00,000/- as advance bribe for evict the encroachment in the complainant's land on 14.05.2024. இலஞ்ச ஒழிப்புத் துறையில் வழக்குப்பதிவு செய்து விசாரணையை நடத்தினர். மேலும் ரூபாய்.3 லட்சம் பணத்தை வாங்கும் போது வட்டாட்சியர் சரோஜாவை பொறி வைத்துப் பிடிக்க ஊழல் தடுப்பு இலஞ்ச ஒழிப்புத் துறையினர் திட்டமிட்டதன்படி நேற்று ஊழல் தடுப்பு மற்றும் லஞ்ச ஒழிப்புத் துறையினர் வட்டாட்சியர் சரோஜாவின் அலுவலகத்தைக் கண்காணித்தனர். முதலில் அடையார் எல்.பி.சாலையில் உள்ள சரோஜா பணி செய்து வரும் வட்டாட்சியர் அலுவலகத்துக்கு பினாப்தலின் இரசாயணப் பொடி தடவிய ரூபாய்.3 லட்சம் இலஞ்சப் பணம் புகார்தாரர் சார்பில் கொண்டு செல்லப்பட்டது. ஆனால் அந்தப் பணத்தை வட்டாட்சியர் சரோஜா நேரடியாக வாங்க மறுத்து. அவரது கணவரான பரங்கிமலை ஆயுதப்படையில் தலைமைக் காவலராகப் பணியில் உள்ள பிரவீனிடம் சொல்லி, இலஞ்சப் பணத்தை அவரது நண்பரான பரங்கிமலை குற்றப்பிரிவுக் காவலர் அருண்குமாரிடம் கொடுக்குமாறு வட்டாட்சியர் சரோஜா கூறியதன் பேரில் ரூபாய்.3 லட்சம் இலஞ்சப் பணம் காவலர் அருண்குமாரிடம் கொடுக்கப்பட்டது. அப்போது மாறுவேடத்திலிருந்த ஊழல் தடுப்பு மற்றும் லஞ்ச ஒழிப்புத் துறையினர் கையுடன் காவலர் அருண்குமாரைப் பிடித்துள்ளார்கள். அவரிடமிருந்து ரூபாய்.3 லட்சம் பணம் மீட்கப்பட்டது. அவர் கைகள் சோடியம் கார்பனேட்டு கரைசலில் நனைத்து பின்பு கைது செய்யப்பட்டார். இலஞ்சப் பணம் கேட்ட வட்டாட்சியர் சரோஜாவையும் பின்னர் கைது செய்தார்கள்.
இதனிடையே சிறப்பு வட்டாட்சியர் சரோஜா தென்சென்னை நாடாளுமன்றத் தொகுதியில் தேர்தல் நடத்தும் உதவி அதிகாரியாக இருந்தவர் என்பதால், இலஞ்ச ஒழிப்புத் துறையினர் அவரது அலுவலகத்தில் நடத்திய சோதனையின் பின்னர் இது குறித்து தகவல் கிடைத்தவுடன் தமிழ்நாடு பாரதிய ஜனதா கட்சியின் மாநிலச் செயலாளரும், தென்சென்னை தொகுதியின் பொறுப்பாளருமான கராத்தே தியாகராஜன் அந்த அலுவலகத்துக்கு விரைந்து சென்று.
அங்கு நடந்த சோதனைக்கு கடும் எதிர்ப்பும் தெரிவித்தார்.இலஞ்ச ஒழிப்புத்துறையினர் கொடுத்த ஆலோசனையின்படி இரசாயனம் தடவிய மூன்று லட்சம் ரூபாயை பொன் தங்கவேல் அடையாரில் உள்ள சென்னை மாநகராட்சி மண்டல அலுவலகத்துக்கு கொண்டு சென்றார். அப்போது, சரோஜா தரப்பில் காவலர் அருண்குமார் என்பவர், பொன் தங்கவேலைச் சந்தித்து அந்தப் பணத்தை தரும்படி கூறியிருக்கிறார். ஆனால் பொன் தங்கவேல், பணத்தைக் கொடுக்கவில்லை. அதனால் பொன் தங்கவேலுக்கும் காவலர் அருண்குமாருக்கும் இடையே வாக்குவாதம் ஏற்பட்டிருக்கிறது.அப்போது காவலர் அருண்குமார், நான் மதுரைக்காரன், என்னை நீங்கள் நம்பலாம் என்று பொன் தங்கவேலிடம் கூறியிருக்கிறார். இதையடுத்து பொன் தங்கவேல், இலஞ்சப் பணத்தை காவலர் அருண் குமாரிடம் கொடுத்திருக்கிறார். அப்போது அங்கு வந்த இலஞ்ச ஒழிப்புத்துறையினர் காவலர் அருண்குமாரை சுற்றி வளைத்துப் பிடித்தனர். இதையடுத்து காவலர் அருண்குமாரிடம் விசாரித்தபோது அவர் அளித்த தகவலின்படி வட்டாட்சியர் சரோஜாவின் அறைக்கு ஊழல் தடுப்புத் துறையினர் சென்று அவரையும் கைது செய்தனர். அங்கு வந்த பாஜக பிரமுகர் கராத்தே தியாகராஜன், தென் சென்னை தேர்தல் அலுவலகமாக இருக்கும் இடத்தில் தேர்தல் ஆணையத்தின் அனுமதியின்றி சோதனை நடத்தப்படுவதாகக் கூறினார். இருப்பினும் லஞ்சப் புகாரில் சிக்கிய வட்டாட்சியர் சரோஜா மற்றும் காவலர் அருண்குமாரை லஞ்ச ஒழிப்புத் துறையினர் நீதிமன்றத்தில் ஆஜர்படுத்தி சிறையிலடைத்தனர்.இதுகுறித்து ஊழல் தடுப்பு இலஞ்ச ஒழிப்புத் துறையில் உயர் அலுவலர் ஒருவரிடம் பேசிய போது``சமூக ஆர்வலர் பொன் தங்கவேல் கொடுத்த புகாரின் அடிப்படையில் இந்த அதிரடி சோதனை நடத்தப்பட்டு வட்டாட்சியர் சரோஜா மற்றும் அவருக்கு உடந்தையாக இருந்த காவலர் அருண்குமார் ஆகியோர் மீது சட்டப்படி நடவடிக்கை எடுத்திருக்கிறோம். நாங்கள் சோதனை நடத்திக் கொண்டிருந்த போது தேர்தல் நடத்தை விதிகள் அமலிலிருப்பதால் இங்கு சோதனை நடத்தக் கூடாது என பாரதிய ஜனதா கட்சியினர் எதிர்ப்புத் தெரிவித்தனர். இருப்பினும் சட்டப்படி எங்களின் கடமையைச் செய்திருக்கிறோம். இந்த வழக்கில் சிக்கியிருக்கும் வட்டாட்சியர் சரோஜாவின் பின்னணி குறித்து விசாரித்து வருகிறோம். அதே நேரத்தில் காவலர் அருண்குமாருக்கும் வட்டாட்சியர் சரோஜாவுக்கும் எப்படிப் பழக்கம் ஏற்பட்டது என்பது குறித்தும் விசாரணை நடந்து வருகிறது. விசாரணைக்குப்பிறகே முழுமையான தகவல்கள் தெரியவரும்" என்றார்.
கருத்துகள்