இட ஒதுக்கீட்டில் சமூகநீதி காக்க ஜாதி வாரிக் கணக்கெடுப்பு தேவை எனக் கேட்கும் பாமக

ஜாதி வாரியாக மக்கள் தொகைக் கணக்கெடுப்பு தேவை என

முதலமைச்சர் மு.க.ஸ்டாலினிடம் பாட்டாளி மக்கள் கட்சியின் நிறுவனர் மருத்துவர்  ச.ராமதாஸ் வழங்கிய கடிதம்.:       

   அன்புள்ள தமிழக முதலமைச்சர் மாண்புமிகு மு.க.ஸ்டாலின் அவர்களுக்கு,

வணக்கம்!

பொருள்: தமிழ்நாட்டில் சமூக நீதியைக் காக்க மாநில அளவிலான ஜாதிவாரி மக்கள் தொகைக் கணக்கெடுப்பை தமிழ்நாடு அரசே நடத்தக் கோருதல் -தொடர்பாக

சமூகநீதியின் தொட்டில் என்று போற்றப்படும் தமிழ்நாட்டில், சமூக நீதியைப் பாதுகாப்பதற்காக  அவசரமாகவும், அவசியமாகவும் மேற்கொள்ள வேண்டிய நடவடிக்கைகள் குறித்து அரசின் கவனத்தை ஈர்ப்பதற்காக தமிழ்நாட்டின் முதலமைச்சராகிய தங்களுக்கு இந்தக் கடிதத்தை நான் எழுதுகிறேன்.

தமிழ்நாட்டில் ஜாதிவாரி மக்கள்தொகைக் கணக்கெடுப்பு நடத்தப்பட வேண்டும் என்பது 83 ஆண்டு காலக் கோரிக்கை ஆகும். ஆங்கிலேயர் ஆட்சிக்காலத்தில் 1881 ஆம் ஆண்டில் தொடங்கி 1931 ஆம் ஆண்டு வரை ஒவ்வொரு பத்தாண்டுக்கும் ஒருமுறை ஜாதி வாரி மக்கள்தொகைக் கணக்கெடுப்பு நடத்தப்பட்டு வந்தது. இரண்டாம் உலகப்போர் காரணமாக 1941 ஆம் ஆண்டு மக்கள் தொகை கணக்கெடுப்பு ஜாதிவாரியாக நடத்தப்படாத நிலையில், அப்போதிலிருந்தே சாதிவாரி மக்கள்தொகை கணக்கெடுப்புக்கான கோரிக்கைகள் தமிழ்நாட்டில் தொடர்ச்சியாக முன்வைக்கப்பட்டு வருகின்றன.

1980 ஆம் ஆண்டு வன்னியர் சங்கம் உருவாக்கப்பட்ட நாளில் தொடங்கி 43 ஆண்டுகளாக ஜாதி வாரி மக்கள்தொகைக் கணக்கெடுப்புக்காக நான் குரல் கொடுத்து வருகிறேன். அதன்பிறகு  1989, 2020, 2021 ஆகிய ஆண்டுகளில் தமிழ்நாட்டில் ஜாதிவாரி மக்கள்தொகைக் கணக்கெடுப்பு நடத்துவதற்கான சூழல் ஏற்பட்டது. ஆனால், நல்வாய்ப்புக்கேடாக அந்த வாய்ப்புகள் தவறவிடப்பட்டன.

இந்தியாவில் தமிழ்நாட்டுக்கு இணையாக சமூகநீதியைப் பாதுகாக்கும் மாநிலங்களில் ஒன்றான  பிஹாரில் ஜாதிவாரி மக்கள்தொகைக் கணக்கெடுப்பு நடத்தப்பட்டு, அதன் விவரங்கள் மஹாத்மா காந்தியடிகளின் பிறந்தநாளான கடந்த அக்டோபர் மாதம் 2 ஆம் நாள் வெளியிடப்பட்டதைத் தொடர்ந்து, நாடு முழுவதும் ஜாதிவாரி மக்கள்தொகைக் கணக்கெடுப்புக்கு ஆதரவான குரல்கள் எழுந்துள்ளன. தமிழ்நாட்டின் முதலமைச்சராகிய தாங்களும் ஜாதிவாரி மக்கள்தொகைக் கணக்கெடுப்புக்கு ஆதரவான நிலையையே எடுத்து வந்திருக்கிறீர்கள்.  அத்தகைய கணக்கெடுப்பை மத்திய அரசு நடத்தும் என்று எண்ணி காத்திருப்பதா? தமிழ்நாடு அரசே அதன் அதிகாரத்தைப் பயன்படுத்தி ஜாதிவாரிக் கணக்கெடுப்பை நடத்துவதா? என்பது தான் நமக்கு இடையே உள்ள மாறுபட்ட கருத்து நிலைப்பாடுகள் ஆகும்.

சமூகநீதியைக் காக்க இந்தியா முழுவதும் 2021 ஆம் ஆண்டுக்கான மக்கள்தொகைகா கணக்கெடுப்பை ஜாதிவாரி மக்கள்தொகைக் கணக்கெடுப்பாக நடத்த வேண்டும் என்று வலியுறுத்தி கடந்த அக்டோபர் மாதம் 21 ஆம் நாள் இந்தியப் பிரதமருக்கு கடிதம் எழுதியிருந்தீர்கள். தேசிய அளவில்  கணக்கெடுப்பு நடத்தப்பட வேண்டியதன் தேவை குறித்தும் அதில் குறிப்பிட்டிருந்தீர்கள். அவற்றில் மாற்றுக்கருத்துகளுக்கு இடமில்லை. தேசிய அளவில் 2021 ஆம் ஆண்டு மக்கள்தொகை கணக்கெடுப்பை ஜாதிவாரி மக்கள்தொகைக் கணக்கெடுப்பாக நடத்துவதை பாட்டாளி மக்கள் கட்சியும் ஆதரிக்கிறது. அதற்கான பல்வேறு தருணங்களில் பா.ம.க. குரல் கொடுத்திருக்கிறது. ஆனால், இன்றைய சூழலில் அதற்கு வாய்ப்பில்லை என்பதால், மாற்று ஏற்பாடாக மாநில அரசுக்கு உள்ள அதிகாரத்தைப் பயன்படுத்தி ஜாதிவாரிக் கணக்கெடுப்பை நடத்தும்படி பா.ம.க. வலியுறுத்துகிறது.

2021ஆம் ஆண்டு மக்கள்தொகைக் கணக்கெடுப்பை ஜாதிவாரி மக்கள்தொகைக் கணக்கெடுப்பாக நடத்த வேண்டும் என்று கோரி, இந்தியப் பிரதமருக்கு தாங்கள் கடிதம் எழுதி 70 நாட்களாகி விட்ட நிலையில், அது தொடர்பாக மத்திய அரசிடமிருந்து சாதகமான பதில் எதுவும் வரவில்லை. அதேநேரத்தில், பிரதமரும், மத்திய உள்துறை அமைச்சரும் பல்வேறு மேடைகளில் ஜாதிவாரி மக்கள்தொகைக் கணக்கெடுப்புக்கு எதிராகப் பேசி வருகின்றனர். அதனால் தான், ஜாதிவாரி மக்கள்தொகைக் கணக்கெடுப்பை தமிழக அரசே சொந்தமாக நடத்த வேண்டும் என பா.ம.க. வலியுறுத்தி வருகிறது.

தமிழ்நாட்டில் ஜாதிவாரி மக்கள்தொகைக் கணக்கெடுப்பு நடத்துவதற்கான தேவை கடந்த காலங்களில் இருந்ததை விட இப்போது அதிகரித்திருக்கிறது. தமிழகத்தின் சமூக நீதி சிறப்புகளில் முதன்மையானது 69 சதவீத இட ஒதுக்கீடு ஆகும். அதை எதிர்த்து தொடரப்பட்ட வழக்கில் 2010-ஆம் ஆண்டில் தீர்ப்பளித்த உச்சநீதிமன்றம், ‘‘69 சதவீதம் இடஓதுக்கீடு செல்லும்; ஆனால், ஜாதிவாரி மக்கள்தொகைக் கணக்கெடுப்பு நடத்தி இட ஒதுக்கீட்டின் அளவை உறுதி செய்ய வேண்டும்’’ என்று ஆணையிட்டது. ஆனால், ஜாதிவாரிக் கணக்கெடுப்பு நடத்தப்படாததால் 69 சதவீதம் இடஓதுக்கீட்டுக்கு எதிராக மீண்டும் வழக்கு தொடரப்பட்டுள்ளது. ஜாதிவாரிக் கணக்கெடுப்பு நடத்தப்பட்டு, அதன் விவரங்கள் உச்சநீதிமன்றத்தில் தாக்கல் செய்யப்படாவிட்டால், 69 சதவீதம் இட ஒதுக்கீட்டைக் காப்பாற்ற முடியாது என்பது தான் உண்மை.

பிஹார் உள்ளிட்ட சில மாநிலங்களில் இடஒதுக்கீட்டின் அளவு 70 விழுக்காட்டைக் கடந்து விட்ட நிலையில், தமிழ்நாட்டில் பிற்படுத்தப்பட்ட, மிகவும் பிற்படுத்தப்பட்ட மக்களுக்கான இட ஒதுக்கீட்டின் அளவை அவர்களின் மக்கள்தொகைக்கு இணையாக உயர்த்த வேண்டிய தேவை எழுந்துள்ளது.   இட ஒதுக்கீட்டின் அளவை அதிகரிக்க வேண்டுமானால், பிற்படுத்தப்பட்ட, மிகவும் பிற்படுத்தப்பட்ட  மக்கள் தொகையை ஜாதிவாரியாகக் கணக்கிட வேண்டும். அதற்கு ஜாதிவாரிக் கணக்கெடுப்பு அவசியம்.

நாடாளுமன்றத்தில் 2008 ஆம் ஆண்டில் இயற்றப்பட்ட இந்திய புள்ளிவிவர சேகரிப்பு சட்டத்தின் படி  (The Collection of Statistics Act, 2008) தமிழ்நாட்டில் ஜாதிவாரி மக்கள்தொகைக் கணக்கெடுப்பை தமிழக அரசே அதன் பணியாளர்களைக் கொண்டு நடத்த முடியும். சுமார் ஒரு மாத கால அவகாசத்தில்  ரூபாய்.300 கோடி செலவில் ஜாதிவாரி மக்கள்தொகைக் கணக்கெடுப்பை மிக எளிதாக நடத்த முடியும்.

ஜாதிவாரி மக்கள்தொகைக் கணக்கெடுப்பு நடத்த சட்டப்படி எந்தத் தடையும் இல்லை. பிஹாரில் ஜாதிவாரி மக்கள்தொகைக் கணக்கெடுப்புக்கு எதிராக தொடரப்பட்ட அனைத்து வழக்குகளையும் அம்மாநில உயர்நீதிமன்றம் தள்ளுபடி செய்து விட்டது. ஜாதிவாரி மக்கள்தொகைக் கணக்கெடுப்பு குறித்த கூடுதல் விவரங்களை வெளியிடக்கூடாது என்று கடந்த அக்டோபர் மாதம் 7ஆம் நாள் தொடரப்பட்ட புதிய வழக்கை உச்சநீதிமன்றம் தள்ளுபடி செய்துவிட்டது. அதனால், இன்றைய சூழலில் ஜாதிவாரிக் கணக்கெடுப்பு நடத்த சட்டரீதியாகவும், அரசியல் ரீதியாகவும் தடைகள் இல்லை.

எனவே, தமிழ்நாட்டின் தேவையையும், தமிழ்நாட்டு மக்களின் உணர்வுகளையும் கருத்தில் கொண்டு தமிழ்நாட்டில் தமிழக அரசின் சார்பில் ஜாதிவாரி மக்கள்தொகை கணக்கெடுப்பு நடத்த முன்வர  வேண்டும். அதற்கான கால அட்டவணையை உடனடியாக வெளியிட வேண்டும் என கோருகிறேன்.

 மிக்க நன்றி  எனத் தெரிவித்துள்ளார்.பீஹார் மாநிலத்தின் புதிய ஜாதிவாரிக் கணக்கெடுப்பின்படி மிகவும் பிற்படுத்தப்பட்ட வகுப்பினர் - 36.01 சதவீதம், 

பிற்படுத்தப்பட்ட வகுப்பினர் - 27.12 சதவீதம், 

பட்டியல் ஜாதி - 19.65 சதவீதம், 

இடஒதுக்கீடு இல்லாத உயர் ஜாதியினர் - சுமார் 15.52 சதவீதம் 

பட்டியல் பழங்குடி மக்கள் - 1.68 சதவீதம் 

ஜாதி அடிப்படையிலான மக்கள்தொகை கணக்கெடுப்பில் கிடைத்திருக்கும் தரவுகளின் படி, மத நம்பிக்கைகளின் அடிப்படையில் பீஹாரில் இந்துக்கள் அதிகம் உள்ளனர். மாநிலத்தில் ஹிந்துக்களின் மக்கள் தொகை சுமார் 82 சதவீதம் 

அதேசமயம்,   இஸ்லாமியர்கள் - 17.7 சதவீதம், கிறிஸ்தவர்கள் - 0.05 சதவீதம், பௌத்தர்கள் - 0.08 சதவீதம், சீக்கியர்கள் - 0.01 சதவீதமாகவும், 

இவர்கள் தவிர, சமணர்கள் மற்றும் வேறு சில மதத்தினரும் பிஹாரில் உள்ளனர். எந்த மதத்தையும் பின்பற்றாதோர் 2,146 பேர் அதாவது 0.0016 சதவீதம் பேர் மட்டுமே உள்ளனர்.

பிஹாரின் முக்கிய உயர் ஜாதியினரைப் பற்றி நாம் பேசினால், மாநிலத்தில் பிராமணர்களின் அதிக மக்கள் தொகை உள்ளது.

பிராமணர் மக்கள் தொகை - 3.65 சதவீதம், இராஜபுத்திரர் மக்கள் தொகை - 3.45 சதவீதம், பூமிஹார் மக்கள் தொகை - 2.86 சதவீதம், இந்தக் கணக்கெடுப்பில், பீஹாரில் திருநங்கைகளின் மொத்த எண்ணிக்கை 825 நபர்கள் எனக் குறிப்பிடப்பட்டுள்ளது.     இந்த நிலையில்    காங்கிரஸ் கட்சியின் பல பெரிய தலைவர்கள் ஜாதிவாரிக் கணக்கெடுப்பு விவகாரத்தை சமீபகாலமாக உரக்கவே எழுப்பி வருகின்றனர். ஜாதிவாரிக் கணக்கெடுப்புடன், 'எண்ணிக்கை அதிகமாக இருந்தால், பங்கு அதிகம்' என்ற கோஷமும் எழுப்பப்படுகிறது.

2011-ஆம் ஆண்டு ஜாதிவாரிக் கணக்கெடுப்பு விவரங்களை வெளியிடவும், பிற்படுத்தப்பட்டோர், ஆதிதிராவிடர்கள் மற்றும் பழங்குடியினருக்கு அவர்களின் மக்கள் தொகைக்கு ஏற்ப இடஒதுக்கீடு வழங்கவும் காங்கிரஸ் கட்சியின் ராகுல் காந்தி பலமுறை கோரிக்கை விடுத்துள்ளார்.

உண்மையில், ஜாதி எண்களின் அடிப்படையில் இடஒதுக்கீடு கேட்பதன் மூலம், எதிர்க்கட்சிகள் ஆதிதிராவிடர்கள் மற்றும் பிற்படுத்தப்பட்ட வகுப்பினரின் பெரும் வாக்குகளை தனக்கு ஆதரவாகக் கொண்டுவர விரும்புகின்றன. இது பாரதிய ஜனதா கட்சியின் ஹிந்து வாக்கு வங்கியையும் பலவீனப்படுத்தும் என நம்பப்படுகிறது. அதனால் தான் பல மாவட்டங்களிலும் மற்றும் யூனியன் பிரதேசங்களிலும் ஜாதிவாரிக் கணக்கெடுப்பை நடந்த இயலாத நிலையில் உள்ளது என்பதை யாரும் மறுக்க முடியாது. இந்தியா சுதந்திரமடைந்த பின்னர் பல சமஸ்தானத்தின் ஒருங்கிணைப்புப் பணிகள் முடிந்து, புதிய முன்னேற்றங்கள் நிகழ்ந்தன. ஜாதி அடிப்படையிலான வேலைகளை இட ஒதுக்கீட்டால் பட்டியல் சாதியினரும் பட்டியல் பழங்குடியினரும் என்ற பட்டியல்களுடன் முறைப்படுத்தப்பட்டது. 1950 ஆம் ஆண்டு முதல், நாடு அதன் குறைந்த ஜாதி மக்களின் சமூக பொருளாதார நிலைமைகளைப் பாதுகாக்கவும் மேம்படுத்தவும் பல சட்டங்களையும் சமூக முயற்சிகளையும் இயற்றியுள்ளது. ஜாதிய அமைப்பு ஹிந்துக்களை நான்கு முக்கிய வகைகளாகப் பிரிக்கிறது - 

அவை வர்ணாசிரம மனு தர்மப்படி சுதந்திர காலத்திற்கு முன்பே வேத காலம் தொட்டே மன்னர் ஆட்சியில் அந்தணர்கள், (FC அல்லது OC) க்ஷத்திரியர்கள், (OC,BC மற்றும் MBC /DNC) வைசியர்கள் (OC,BC). மற்றும் இதில் அகில இந்திய ஒதுக்கீடுகள் OBC என்று தான் கணக்கிடப்படும். சூத்திரர்கள் (DNC,SC,ST )என ஹிந்து படைப்புக் கடவுளான பிரம்மாவிடமிருந்து நான்கு குழுக்கள் தோன்றியதாக மனு வழியில் இன்னும் பலர் நம்புகிறார்கள். அதனடிப்படையில் தான் தற்போது நான்கு பிரிவுகளில் இட ஒதுக்கீடுகள் நடக்கிறது,  காங்கிரஸ் கட்சியின் பல பெரிய தலைவர்கள் ஜாதிவாரிக் கணக்கெடுப்பு விவகாரத்தை சமீபகாலமாக உரக்க எழுப்பி வருகின்றனர். ஜாதிவாரிக் கணக்கெடுப்புடன், 'எண்ணிக்கை அதிகமாக இருந்தால், பங்கு அதிகம்' என்ற கோஷமும் எழுப்பப்படுகிறது.

2011-ஆம் ஆண்டு ஜாதிவாரிக் கணக்கெடுப்பு விவரங்களை வெளியிடவும், பிற்படுத்தப்பட்டோர், பட்டியலில் உள்ளவர் மற்றும் பழங்குடியினருக்கு அவர்களின் மக்கள் தொகைக்கு ஏற்ப இடஒதுக்கீடு வழங்கவும் ராகுல் காந்தி பலமுறை கோரிக்கை விடுத்துள்ளார்.

உண்மையில், ஜாதி எண்களின் அடிப்படையில் இடஒதுக்கீடு தருவதன் மூலம், எதிர்க்கட்சிகள் பட்டியலின மற்றும் பிற்படுத்தப்பட்ட வகுப்பினரின் பெரும் வாக்கு வங்கிகளை தனக்கு ஆதரவாகக் கொண்டுவர விரும்புகின்றன. இது பாரதிய ஜனதா கட்சியின் ஹிந்து வாக்கு வங்கியையும் பலவீனப்படுத்தும் என நம்பப்படுகிறது. அதனால் தான் இதில் தேக்கநிலை உள்ளது.