இந்திய நாடாளுமன்றத்தின் வரலாற்றில் மூன்றாவது முறையாக. நடக்கும் சபாநாயகர் தேர்தல்

இந்திய நாடாளுமன்றத்தின் வரலாற்றில் மூன்றாவது முறையாக. நடக்கும் சபாநாயகர் தேர்தலில்

பாரதிய ஜனதா கட்சியின் சார்பில் மீண்டும் ஓம் பிர்லாவும், இந்தியா கூட்டணிக் கட்சிகள் சார்பில் காங்கிரஸ் கட்சியின் கொடிகுன்னில் சுரேஷும் போட்டியிடுகின்றனர். நடந்து முடிந்த 18 வது நாடாளுமன்றத் தேர்தலில் எந்தக் கட்சிக்கும் தனிப் பெரும்பான்மை கிடைக்காததால், தெலுங்குதேசம், ஐக்கிய ஜனதாதளம் உள்ளிட்ட கட்சிகளுடன் இணைந்து பாரதிய ஜனதா கட்சி கூட்டணி ஆட்சி அமைத்ததன் மூலம் நரேந்திர மோடி 3-வது முறையாகப் பிரதமரானார்.

புதிதாக தேர்ந்தெடுக்கப்பட்ட நாடாளுமன்ற மக்களவை உறுப்பினர்கள் பதவி ஏற்பதற்கும், புதிய சபாநாயகரைத் தேர்ந்தெடுப்பதற்கும் முதல் நாடாளுமன்றக் கூட்டத்தொடர் கடந்த 24- ஆம் தேதி தொடங்கியதில் முதலில் இரண்டு நாட்களும் புதிதாக தேர்ந்தெடுக்கப்பட்ட நாடாளுமன்ற மக்களவை உறுப்பினர்கள் பதவி ஏற்றுக்கொண்டனர்.

நாடாளுமன்ற மக்களவைக்கு  சபாநாயகரை பொறுத்த வரை, சுதந்திர இந்தியாவில் இதுவரை ஆளுங்கட்சியும், எதிர்க்கட்சிகளும் இணைந்து ஒருமனதாகவே தேர்வு செய்து உள்ளனர் எனக் கூறுவது தவறு.  உண்மை யாதெனில்    நாடாளுமன்ற சபாநாயகர் தேர்தல் மூன்றாவது முறையாக நடக்கிறது .1952.  1976  மற்றும் 2024 . ஆம் ஆண்டுகளில் நடைபெற்றது 

இது முதல் முறை அல்ல . மத்தியில் ஆளும் தேசிய ஜனநாயக கூட்டணி அரசு ஏகமனதாக அனைத்து கட்சி ஆதரவுடன் சபாநாயகர் தேர்வு செய்ய முயன்றனர் மற்றும் கட்சி விரும்பியது.   எனவே எதிர்க்கட்சிகளின் ஆதரவை பெறுவதற்காக அவர்களிடம் பேசுவதற்கு பாதுகாப்புத் துறை அமைச்சர் ராஜ்நாத் சிங்கை அரசின் பிரதிநிதியாக நியமித்த நிலையில் இந்தியா கூட்டணிக் கட்சிகளின் தலைவர்களிடம் தொடர்ந்து பேச்சு வார்த்தையை நடத்தி வந்தார். அப்போது துணை சபாநாயகர் பதவியை எதிர்க்கட்சிகளுக்கு வழங்க வேண்டுமென காங்கிரஸ் கட்சி உள்ளிட்ட எதிர்க்கட்சிகள் நிபந்தனைகள் விதித்தனர்.

துணை சபாநாயகர் பதவி எதிர்க்கட்சிகளுக்கு வழங்குவது என்ற நாடாளுமன்ற மரபை அரசு பின்பற்றினால் சபாநாயகர் தேர்வு நியமனத்தில் ஆளுங்கட்சி நிறுத்தும் வேட்பாளரை நாங்கள் ஆதரிக்கத் தயார் என்றும் கூறினர். ஆனால் துணை சபாநாயகர் பதவியில் மத்திய அரசு எந்த விதமான பிடியும் கொடுக்காத நிலையில் காங்கிரஸ் கட்சியின் தலைவர் மல்லிகார்ஜுன கார்கேவை நேற்றுக் காலையிலும் பாதுகாப்புத்துறை அமைச்சர் ராஜ்நாத் சிங் சந்தித்துப் பேசினார். சபாநாயகர் பதவிக்கு பாரதிய ஜனதா கட்சியின் சார்பில் ஓம் பிர்லாவை மீண்டும் நிறுத்துவதாகவும் அவரை ஆதரிக்குமாறும் அவர் கேட்டுக்‌கொண்டார். அவருடன் மத்திய அமைச்சர்கள் அமித்ஷா, ஜே.பி.நட்டா, கிரண் ரிஜிஜு ஆகியோரும் உடனிருந்தனர்.

பின்னர் காங்கிரஸ் கட்சியின் பொதுச்செயலாளர் கே.சி.வேணுகோபால், தி.மு.க வின். டி.ஆர்.பாலு ஆகியோரை தனது அலுவலகத்துக்கு அழைத்து ராஜ்நாத் சிங் பேசினார். அப்போதும் துணை சபாநாயகர் விவகாரத்தில் எந்த உறுதியையும் ராஜ்நாத் சிங் வழங்கவில்லை. இதனால் ஓம் பிர்லாவை ஆதரிக்கும் கடிதத்தில் கையெழுத்துப் போடாமல் கே.சி.வேணுகோபால் மற்றும் டி.ஆர்.பாலு ஆகியோர் ராஜ்நாத் சிங் அலுவலகத்திலிருந்து வெளியேறினர்.

அதைத்தொடர்ந்து சபாநாயகர் தேர்தலில் இந்தியா கூட்டணி சார்பில் வேட்பாளரை நிறுத்துவதென எதிர்க்கட்சிகள் முடிவு செய்ததன்படி கேரளாவைச் சேர்ந்த மூத்த காங்கிரஸ் கட்சியின் நாடாளுமன்ற மக்களவை உறுப்பினரான கொடிக்குன்னில் சுரேஷ் (வயது 66) ஐ வேட்பாளராக அறிவித்தனர். அவரை ஆதரித்து மூன்று வேட்புமனுக்களும்  தாக்கல் செய்யப்பட்டன. ஆளும் பாரதிய ஜனதா கட்சியின் தேசிய ஜனநாயகக் கூட்டணி சார்பில் போட்டியிடும் ஓம் பிர்லாவுக்கு ஆதரவாக 10 வேட்புமனுக்கள் தாக்கல் செய்யப்பட்டன, இந்த நிகழ்வில் மத்திய அமைச்சர்கள், கூட்டணிக் கட்சிகளின் தலைவர்கள் கலந்து கொண்டனர். அதன் மூலம் நாடாளுமன்ற மக்களவை சபாநாயகர் தேர்தல் இன்று (புதன்கிழமை) நடைபெறுகிறது. 543 உறுப்பினர் உள்ள மக்களவையில் ஆளும் பா.ஜனதா கட்சி கூட்டணிக்கு 293 உறுப்பினர்கள் உள்ளதால் பாரதிய ஜனதா கட்சியின் வேட்பாளர் ஓம் பிர்லா வெற்றி பெறுவார் என நம்பப்படுகிறது.

ஓம் பிர்லா வெற்றி பெற்றால், கடந்த 25 ஆண்டுகளில் தொடர்ச்சியாக இரண்டு முறை சபாநாயகராகத் தேர்வு செய்யப்பட்டவராவார். இவர் ராஜஸ்தானின் கோட்டா தொகுதியிலிருந்து 3-வது முறையாக நாடாளுமன்ற மக்களவைத் தேர்தலில் தேர்வு செய்யப்பட்டவராவார்.

 இவரை எதிர்த்துப் போட்டியிடும் கொடிக்குன்னில் சுரேஷ் 8 முறை நாடாளுமன்ற மக்களவை உறுப்பினராவார். பட்டியல் பிரிவைச் சேர்ந்தவர் கேரளாவின் மாவேலிக்கரை தனித்தொகுதியில் இருந்து தேர்ந்தெடுக்கப்பட்டவர். இவர் திருவனந்தபுரம் கொடிக்குன்னில் பகுதியில் 1962-ஆம் ஆண்டு பிறந்தவர். கடந்த 1989-ஆம் ஆண்டு முதல் நாடாளுமன்றத்துக்கு தேர்ந்தெடுக்கப்பட்டுள்ளார்.

சபாநாயகர் பதவிக்கு இந்தியா கூட்டணி வேட்பாளர் வேட்புமனுவை தாக்கல் செய்திருந்தாலும், பாரதிய ஜனதா கட்சியின் முடிவுக்காக காத்திருப்பதாக காங்கிரஸ் கட்சி கூறியுள்ளது. துணை சபாநாயகர் பதவியை எதிர்க்கட்சிகளுக்கு வழங்க பாரதிய ஜனதா கட்சி முன்வந்தால், ஆளுங்கட்சியின் வேட்பாளர் ஓம் பிர்லாவை ஆதரிப்போம் என்று கட்சியின் மூத்த தலைவர் கே.சி.வேணுகோபால் கூறினார்.

ஒருவேளை சபாநாயகர் பதவிக்கு இன்று தேர்தல் நடந்தால் அது சுதந்திர இந்திய வரலாற்றில் மூன்ட முறையாக இருக்கும். ஏனெனில் நாடாளுமன்ற சபாநாயகர் தேர்தல் மூன்றாவது முறையாக நடக்கிறது .1952.  1976 & 2024 . ஆம் ஆண்டுகளைத் தவிர்த்து சபாநாயகரை ஆளுங்கட்சியும், எதிர்க்கட்சியும் ஒருமனதாகவே தேர்ந்தெடுத்துள்ளனர்.இந்த நிலையில் நாடாளுமன்ற சபாநாயகர் தேர்தலில் வேட்பாளராக சுரேஷ் முன்னிறுத்தப்பட்டது தொடர்பாக, கூட்டணி கட்சிகளுடன் காங்கிரஸ் கலந்து ஆலோசிக்கவில்லையென திரிணமூல் காங்கிரஸ் கட்சியின் நாடாளுமன்ற மக்களவை உறுப்பினர் அபிஷேக் பானர்ஜி தெரிவித்தார். எந்த ஒரு ஆலோசனையும் இன்றி சுரேஷை வேட்பாளராக தேர்வு செய்துள்ளனரென்றும் இது துரதிர்ஷ்டவசமான நிகழ்வென்றும் அபிஷேக் பானர்ஜி தெரிவித்துள்ளார்.