மக்களில் பெரும்பாலோரின் வாழ்க்கை முறை துன்பகரமானதாகவே உள்ளது!
அதை எப்படி எதிர்கொள்வது என்ற பயிற்சியும், பக்குவமும் அடையாதவர்கள் ஏதாவது ஒரு உதவியை எதிர்பார்த்து ஏங்கி வாழ்கிறார்கள். அந்த துன்பத்திற்கான ஆறுதல் அல்லது தீர்வு எங்காவது, யாரிடமாவது தமக்குக் கிடைக்கும் என்ற அவர்களின் தேடுதலில் காண்பவர்களே போலியான சாமியார்கள்! - விளம்பரம்-
அந்தச் சாமியாருக்கு என்ன தகுதி இருக்கிறது என்றோ, குறைந்தபட்சம் இவர் யோக்கியமானவர் தானா என்று கூட அந்த நேரம் அவர்கள் மனம் சிந்திக்காது! ஒரு குறிப்பிட்ட சாமியாரின் தோற்றமோ அல்லது சூழலோ பிடித்துப் போய்விட்டால், மக்கள் சரணடைந்து விடுகின்றனர். பெரும்பாலோர் அந்த சாமியார் தனக்கெனவே இறைவனால் அனுப்பட்டவர் என நினைக்கத் துவங்கி விடுகின்றனர். பிறரை நம்ப வைத்து வஞ்சிக்கின்ற – பிறர் துன்பத்தை மேலும் பல மடங்கு அதிகரிக்கச் செய்கிற – போலி ஆன்மீகவாதிகளுக்கு ஈடாக வேறு தீயவர் இந்த உலகில் இல்லை” என்கிறார் திருவள்ளுவர்.மறுபடியும் உறுதிபடச் சொல்வது யாதெனில், எல்லோருக்கும் சமமான வாய்ப்புகள், சமரசமற்ற நீதியை நிலை நாட்ட விரும்பும் நேர்மையான ஆட்சியாளர்கள் ஆட்சி செய்தால் போலிச் சாமியார்களை மக்கள் தேடிச் செல்ல வேண்டிய அவசியம் குறைந்து விடும். நாளுக்கு நாள் பல மோசடி சாமியார்கள் எண்ணிக்கை அதிகரித்து புதிது புதிதாய் நாடக வேடதாரிகளாக உலா வருகிறார்கள். திருவண்ணாமலை நித்யானந்தா மற்றும் நாட்டரசன்கோட்டை அண்ணபூரனி
போல இப்போது செஞ்சி சந்தோஷ்குமார் இவர்கள் தங்களைக் கடவுள் அவதாரம் என மனநலம் பாதித்த நிலையில் கூறுவதை சில சிந்தனைகள் இல்லாமல் வாழும் மூடர் மக்கள் கூடாரம் நம்புகின்றனர் இதுவே இந்தப் போலிகள் உருவாக மூலதனமாக மாறுகிறது. நான்தான் விஷ்ணு அவதாரம் என இரண்டு மனைவிகளுடன் மஹாவிஷ்ணு வேடம் தரித்துப் பாம்புப் படுக்கையில் ஒரு புதிய சாமியார் தற்போது விசாரணை வளையத்தில் உள்ளார். இந்த தமிழ்நாட்டுச் சாமியாருக்கு மனைவிகள் இருவரும் கால்களை அழுத்திப் பிடித்து விட்ட நிலையில், நவரசமும் முகத்தில் நர்த்தன மாட, 5 தலை போலி பிளாஸ்டிக் பாம்புப் படுக்கையில், பள்ளி கொண்டிருப்பவர்தான் கலியுக மகா விஷ்ணுவாக தன்னைக் கூறிக்கொள்ளும் போலிச் சாமியார் செஞ்சி சந்தோஷ்குமார். திருவண்ணாமலை மாவட்டம் செஞ்சி இவருக்கு சொந்த ஊர் என்றாலும் உள்ளூரில் இவரது புளுகு மூட்டை பலிக்காது என அறிந்து தெலங்கானா மாநிலம் சென்று கோல்மால் வேலையை அரங்கேற்றியுள்ளார். இந்த திடீர் சாமியார் - விளம்பரம்-
செஞ்சி சந்தோஷ்குமாருக்கு இரண்டு மனைவிகளும் ஒரு மகனும் உள்ளனர். செஞ்சி சந்தோஷ்குமாரின் மகன் ஓராண்டுக்கு முன் தெலங்கானா மாநிலம் வனபர்த்தி மாவட்டத்தில் உள்ள சுகுரு கிராமத்திலுள்ள ஒரு கோவிலில் அர்ச்சகராக வேலை செய்து வந்தார். அதுவரை செஞ்சியில் தங்கியிருந்த சந்தோஷ்குமார் நான் தான் கடவுள். நான்தான் மஹாவிஷ்ணுவின் மறு அவதாரம் என தொண்டைகிழியக் கத்தியும் யாரும் கண்டு கொள்ளாததால் தனது இருப்பிடத்தை தெலங்கானாவிற்கு மாற்றிக் கொண்டார். அங்கு தான் இந்த ஜேயமே லயம் சாமியாருக்கு அடித்தது யோகம், வெளியூரிலிருந்து திடீரென முளைத்த சாமியாரை வித்தியாசமாகவே பார்க்க ஆரம்பித்தனர் தெலங்கானா மாநில மக்கள். சந்தோஷத்தில் துள்ளிக்குதித்த செஞ்சி சந்தோஷ்குமார், அதே பார்முலா. அதே புளுகு மூட்டை. அதே மகாவிஷ்ணு அவதாரக் கதை என சில மாதங்களில் கல்லா கட்ட ஆரம்பித்தார். மக்களை காக்க வந்த மகாவிஷ்ணு. மனித உருவில் வந்த கடவுள். தனது மனைவிகளே ஸ்ரீதேவி, பூதேவி என என தன்னை சந்திக்க வருபவர்களிடம் எல்லாம் நா கூசாமல் பொய் கூறி வந்துள்ளார். ஒரு தலை பாம்பே உயிருக்கு பாதிப்பு எனப்படும் நிலையில், எதிர்காலத்தில் ஐந்து தலை பாம்பு தனது படுக்கையாக இருக்கும் என கூடுதலாக சில நங்கூரங்களையும் நச்சென்று பொய்களுக்கு நடுவே போட்டு பொய் கப்பலை நிறுத்தி வைத்தார் சாமியார் செஞ்சி சந்தோஷ்குமார். டிஸ்கவரி சேனலிலேயே 5 தலை நாகத்தை இதுவரை யாரும் பார்க்க முடியாத நிலையில், தற்காலிகமாக ஐந்து தலைகளைக் கொண்ட பாம்பு போன்று கட்டில் அமைத்து அதில் படுத்து கொண்டு, பக்தர்களுக்கு காட்சி கொடுத்து வந்துள்ளார். திருப்பதி ஏழுமலையான் போன்று வேடமணிந்து இரு மனைவிகளும் கால் அமுக்கி விட்ட புகைப்படங்கள் எடுத்து சுற்று வட்டாரத்தில் பிரச்சாரத்தையும் முடுக்கி விட்டுள்ளார். இவரது “ஜில் ஜங் ஜக்” வேலைகளைப் பார்த்து ஏமாந்து போன தெலங்கான மாநிலம் உமித்யாலா கிராமத் தலைவர் சத்யநாராயணா தனது விவசாய நிலத்திலுள்ள ஒரு வீட்டை தானமாகவே கொடுத்துள்ளார். அங்கிருந்து ஸ்ரீரங்கம் ரங்கநாதசுவாமி தனது உடலுக்குள் இருப்பதாகக் கூறி தனது சித்து வேலைகளைக் காட்டத் துவங்கினார் செஞ்சி சந்தோஷ்குமார். தீர்க்க முடியாத நோய்கள் எல்லாம் தன் பார்வை பட்டால் பஸ்பமாகி விடும் என்று மருத்துவ உலகிற்கு சாவல் விடுக்கும் உறுதி மொழிகளை யெல்லாம் வாய்க்கு வந்தபடி அள்ளி விட்டுள்ளார். இதனை அறிந்த சுற்றுவட்டார மக்கள் அவரை நேரில் சந்தித்து தரிசித்து தங்களது குறைகளை தெரிவிக்க ஆரம்பித்தனர். திடீர் சாமியார் நோய்களை தீர்த்து வைப்பதாக செய்தி பரவ “டாக் ஆப் தி டவுனாக” மாறிப் போனார் செஞ்சி சந்தோஷ்.குமார் சுவாமியின் மகிமையால் ஊமைகள் பேசவும், நடக்க முடியாதவர்கள் நடக்கவும் முடிந்தது என்று அப்பகுதி மக்களும் கண்கட்டி வித்தை போல நம்ப ஆரம்பித்து விட்டனர்.
அதனால், செஞ்சி சந்தோஷ்குமார் சுவாமியை சந்திக்க ஏராளமான பக்தர்கள் பஸ் பிடித்து வந்து வரிசைகட்டி நின்றனர். பக்தர்கள் கூட்டம் அதிகரித்ததால் அந்த இடத்தில் போக்குவரத்து நெரிசல் ஏற்பட்டது. இதனை அறிந்த கொடிதொட்டி காவல்துறையினர் செஞ்சி சந்தோஷ்குமார் சுவாமியை அங்கிருந்து காவல் நிலையத்துக்கு அழைத்துச் சென்று விசாரணை மேற்கொண்டு வருகின்றனர். நான் கடவுளின் அடியார் என்ற நிலை மாறி நான்தான் கடவுள் என்று கதை அளக்கும் சாமியார்களிடம் பக்தர்கள் ஜாக்கிரதையாக இருக்க வேண்டும் என சமூக ஆர்வலர்கள் தற்போது வேண்டுகோள் விடுத்துள்ளனர்.
கருத்துகள்