தமிழ்நாட்டில் 42 அரசியல் கட்சிகளின் பதிவை ரத்து செய்த தேர்தல் ஆணையம்
இந்த லெட்டர் பேடு கட்சிகள் கடந்த
6 ஆண்டுகள் தேர்தலில் போட்டியிடவில்லை என்ற விதியை சுட்டிக்காட்டி இந்த நடவடிக்கை எடுக்கப்பட்டுள்ளது. மேலும் உதயசூரியன், இரட்டை இலை சின்னங்களில் தொடர்ந்து போட்டியிட்ட இந்த சிறிய கட்சிகளின் உறுப்பினர் மற்றும் வேட்பாளர் நிலை திமுக, அதிமுக சார்ந்தவர்கள் எனக் கருதி தேர்தல் ஆணையம் எடுத்த இந்த நடவடிக்கையில் கொங்குநாடு மக்கள் தேசிய கட்சி, மனித நேய மக்கள் கட்சி உள்ளிட்ட 42 தமிழக அரசியல் கட்சிகளினின் பதிவை தலைமைத் தேர்தல் ஆணையம் ரத்து செய்துள்ளது.
தேர்தல் கமிஷனால் நடத்தப்பட்ட தேர்தல்களில் தொடர்ந்து 6 ஆண்டுகள் போட்டியிடாதது, வரவு செலவு கணக்கை தாக்கல் செய்யாதது உள்ளிட்ட விதிகளை மீறியதற்காக இந்தியா முழுவதும் 474 பதிவு செய்யப்பட்ட அங்கீகரிக்கப்படாத அரசியல் கட்சிகளை தேர்தல் கமிஷன் ரத்து செய்ததில் தமிழ்நாட்டில் 42 அரசியல் கட்சிகளும் அடங்கும். அங்கீகாரம் ரத்து செய்யப்பட்ட 42 அரசியல் கட்சிகளின் பட்டியல் விவரம் வருமாறு; 1. அகில இந்திய ஜனநாயக மக்கள் கட்சி(டாக்டர் ஐசக்) 2. அகில இந்திய பார்வார்டு பிளாக்(சுபாஷிஸ்ட்)
3.அகில இந்திய மக்கள் நல்வாழ்வு கட்சி . 4.அகில இந்திய மூவேந்தர் முன்னணி கழகம் 5. அகில இந்திய பசும்பொன் முன்னேற்ற கழகம்
6.அகில இந்திய சத்தியஜோதி கட்சி
7.அனைத்திந்திய தமிழக முன்னேற்ற கழகம் 8. அனைத்து மக்கள் நீதி கட்சி
9.அன்பு உதயம் கட்சி
10.அன்னை மக்கள் இயக்கம் 11. அனைத்திந்திய தொழிலாளர் கட்சி 12. அண்ணன் தமிழக எழுச்சி கழகம் 13. டாக்டர் அம்பேத்கர் மக்கள் புரட்சி இயக்கம்
14.எழுச்சி தேசம் கட்சி
15.கோகுல மக்கள் கட்சி 16. இந்திய லவ்வர்ஸ் கட்சி 17. இந்திய மக்கள் கல்வி முன்னேற்ற கழகம்
18.கொங்குநாடு மக்கள் தேசிய கட்சி
19.மகாத்மா காந்தி தேசிய தொழிலாளர் கட்சி
20. மக்கள் தேசிய கட்சி
21. மக்கள் கூட்டமைப்பு கட்சி
22. மக்களாட்சி முன்னேற்ற கழகம்
23. மனிதநேய ஜனநாயக கட்சி
24.மனிதநேய மக்கள் கட்சி
25.பச்சை தமிழகம்கட்சி 26. பெருந்தலைவர் மக்கள் கட்சி
27.சமத்துவ மக்கள் கழகம்
28.சிறுபான்மை மக்கள் நல கட்சி
29.சூப்பர் நேஷன் கட்சி 30. சூப்பர் ஸ்டார்ஸ் மக்கள் இயக்கம்
31.தமிழக மக்கள் திராவிட முன்னேற்ற கழகம் 32. தமிழக மக்கள் முன்னேற்ற கழகம் 33. தமிழர் தேசிய முன்னணி 34. தமிழ்நாடு மக்கள் உரிமை கட்சி 35.தமிழ்நாடு தெலுங்கு மக்கள் கட்சி
36.தமிழர் முன்னேற்ற கழகம்
37. தொழிலாளர் கட்சி
38. திரிணமுல் தமிழ்நாடு காங்கிரஸ் 39. உரிமை மீட்பு கழகம்
40.வலிமை வளர்ச்சி இந்தியர்கள் கட்சி
41.விடுதலை மக்கள் முன்னேற்ற கழகம்
42. விஜய பாரத மக்கள் கட்சி
இந்த 42 அரசியல் கட்சிகளில் இந்திய மக்கள் கல்வி முன்னேற்ற கழகம் என்ற கட்சி பாஜ கூட்டணியில் போட்டியிட்டது. கொங்கு நாடு மக்கள் தேசிய கட்சி திமுக கூட்டணியில் உள்ளது. திருச்செங்கோடு தொகுதி சட்டமன்ற உறுப்பினராக அக்கட்சியின் பொதுச் செயலாளர் கொங்கு ஈஸ்வரன் உள்ளார்.
ரத்து செய்யப்பட்ட கட்சிகளில் ஒன்றான மனிதநேய மக்கள் கட்சியானது, கடந்த 3 தேர்தல்களில் திமுக கூட்டணியில் திமுகவின் உதயசூரியன் சின்னத்தில் தான் வேட்பாளர்கள் போட்டியிட்டனர். எனவே அவர்கள் மனித நேய மக்கள் கட்சி வேட்பாளராக கருதப்படவில்லை.
இதேபோன்று ஜான் பாண்டியனின் தமிழக மக்கள் முன்னேற்றக் கழகமும் ரத்து செய்யப்பட்ட கட்சிகளின் பட்டியலில் உள்ளது. அதிமுக, பாஜக கூ.ட்டணியில் இணைந்து இவரது கட்சி தேர்தலை சந்தித்தது. 2021ஆம் ஆண்டு தேர்தலில் அதிமுகவின் இரட்டை இலை சின்னத்திலும், 2024 ஆம் ஆண்டு நாடாளுமன்ற மக்களவைத் தேர்தலில் பாஜ க சின்னத்திலும் போட்டியிட்டது.
2016 ஆம் ஆண்டு சட்டசபைத் தேர்தலில் இரட்டை இலை சின்னத்தில் போட்டியிட்ட தமிமுன் அன்சாரியின் மக்கள் ஜனநாயகக் கட்சியின் பதிவும் ரத்து செய்யப்பட்டது. 2019, 2021 மற்றும் 2024 ஆம் ஆண்டு தேர்தல்களில் இக்கட்சி போட்டியிடவில்லை.
கருத்துகள்