தமிழ்நாட்டில் TASMAC அலுவலகத்தில் அமலாக்கத் துறையினர் சோதனை மேற்கொண்ட வழக்கின் விசாரணை உச்ச நீதிமன்றத் தலைமை நீதிபதி அமர்வில் நடைபெற்றது. மூத்த வழக்கறிஞர் கபில் சிபல் தமிழ்நாடு அரசு சார்பாக வாதங்களை முன்வைத்தார்.
TASMAC நிறுவனத்தில் ஆயிரம் கோடி ரூபாய் வரை ஊழல் நடைபெற்றதாக எழுந்த புகார்களின் அடிப்படையில் மார்ச் மாதம் சென்னை, விழுப்புரம் உள்ளிட்ட 10-க்கும் மேற்பட்ட இடங்களில் 41 முதல் தகவல் அறிக்கை அடிப்படையில் TASMAC money laundering case, provisions of PMLA. அடிப்படையில் அமலாக்கத்துறை சோதனை நடத்தியது.எந்த வழிமுறையையும் பின்பற்றாமல் அமலாக்கத் துறையினர் மாநில அரசின் அலுவலகத்தில் சோதனை நடத்தி கணிப்பொறிகள் லேப்டாப்புகள் முதலிய தரவுகளை எடுத்துச் சென்றிருக்கிறார்கள். இது அதிர்ச்சி அளிக்கக்கூடிய சம்பவம்" என தமிழ்நாடு அரசு சார்பில் குற்றம்சாட்டியது.
TASMAC மது விற்பனைகளில் மிகப்பெரிய ஊழல் நடைபெற்றிருக்கிறது. அதனால் தான் பண மோசடி கோணத்தில் நாங்கள் விசாரணையை தொடங்கினோம். எங்கள் விசாரணையில் ஒரு பகுதிதான் நடத்தப்பட்ட சோதனையாகும்” என அமலாக்கத்துறையினர் தரப்பில் வாதமும் முன்வைக்கப்பட்டது.TASMAC மது விற்பனைக் கடைகளில் MRP-யை விட அதிகக் கட்டணத்தை வாடிக்கையாளர்களிடமிருந்து ஊழியர்கள் வசூலிக்கிறார்கள். மேலும் அனுமதிக்கப்படாத வெளிநாட்டு மதுபானங்களையும் கூட டாஸ்மாக் கடைகளில் ஊழியர்கள் விற்கிறார்கள்.இவை அனைத்திலும் லஞ்சப் பணம் விளையாடுகிறது. இவை அனைத்தும் உயர் பணியில் மேல்மட்டத்தில் இருக்கக்கூடிய அதிகாரிகளுக்கு தொடர்ந்து பகிர்ந்தளிக்கப்பட்டுக் கொண்டே இருக்கிறது. இது தினம் தோறும் நடக்கும் நடைமுறையாக செயல்படுத்தப்பட்டு வருகிறது என உச்சநீதிமன்றத்தில் அமலாக்கத்துறையின் குற்றச்சாட்டு அமைந்ததுஇந்த நிலையில் சென்னை உயர் நீதிமன்றம் வழங்கி ய உத்தரவை எதிர்த்து தமிழ்நாடு அரசு உச்ச நீதிமன்றத்தில் மேல்முறையீடு செய்தது. உச்ச நீதிமன்றத் தலைமை நீதிபதி பி.ஆர்.கவாய் தலைமையிலான அமர்வு, அந்த மேல்முறையீட்டு மனுவை மே மாதம் 22-ஆம் தேதி விசாரித்த போது, அமலாக்கத் துறை விசாரணைக்கு இடைக்காலத் தடை விதித்த நிலையில், இந்த வழக்கு விசாரணை தலைமை நீதிபதி பி.ஆர்.கவாய், நீதிபதி கே.வினோத் சந்திரன் ஆகியோர் அடங்கிய அமர்வின் முன்பு நேற்று விசாரணை மீண்டும் நடந்தது. தமிழ்நாடு அரசு சார்பில் ஆஜரான மூத்த வழக்கறிஞர் கபில் சிபல் வாதாடியபோது மாநில அரசு நிறுவனத்தில் அமலாக்கத் துறை எப்படி சோதனை நடத்த முடியும்? டாஸ்மாக் இயக்குநர் வீட்டில் சோதனை நடத்தியுள்ளது. டாஸ்மாக் முறைகேடு புகார்கள் தொடர்பாக தமிழ்நாடு அரசே வழக்குப் பதிவு செய்து விசாரித்து வருகிறது.இந்த வழக்குகளை எப்படி விசாரிக்க வேண்டும் என்பதை தமிழ்நாடு அரசுதான் முடிவு செய்யும். முறைகேடு வழக்குப் பதிவு செய்தால், உடனே அமலாக்கத் துறையும் பண மோசடி வழக்கைப் பதிவு செய்கிறது. 2014 முதல் 2021 ஆம் ஆண்டு வரை கால கட்டத்தில் TASMAC விற்பனை கடைகளுக்கு எதிராக மாநில லஞ்ச ஒழிப்புத் துறை 47 வழக்குகளை பதிவு செய்துள்ளது.ஆனால், 2025- ஆம் ஆண்டில் அமலாக்கத் துறை டாஸ்மாக் தலைமை அலுவலகத்தில் சோதனை நடத்தி, ஆவணங்களை எடுத்துச் சென்றுள்ளது. அமலாக்கத் துறை பதிவு செய்துள்ள வழக்கு விவரத்தை மாநில அரசிடம் சட்டப்படி பகிர்ந்து கொள்ள வேண்டும். ஆனால், எந்த விவரத்தையும் அமலாக்கத் துறை பகிரவில்லை என அவர் வாதிட்டார்.
அமலாக்கத் துறை சார்பில் கூடுதல் சொலிசிட்டர் ஜெனரல் எஸ்.வி.ராஜு ஆஜராகி, இந்த விவகாரத்தில் பண மோசடியை அமலாக்கத் துறை விசாரித்து வருகிறது. டாஸ்மாக்கில் பெருமளவில் முறைகேடுகள் நடைபெற்றுள்ளது. இது தொடர்பாக பதிவு செய்யப்பட்ட பெரும்பாலான வழக்குகள் கைவிடப்பட்டுள்ளன’’ என வாதிட்டார்.
TASMAC சார்பில் மூத்த வழக்கறிஞர் முகுல் ரோத்தகி வாதிடும் போது, ‘‘ TASMAC தலைமையகத்தில் நடத்தப்பட்ட சோதனையில் அதிகாரிகளின் செல்லுலர் பேசிகளை அமலாக்கத் துறை எடுத்து சென்று தரவுகளை நகலெடுத்துள்ளது. இது வாழும் உரிமை, தனி மனித சுதந்திரம் போன்ற அடிப்படை உரிமைக்கு எதிரானது’’ எனவும் வாதிட்டார்.
அனைத்துத் தரப்பு வாதங்களையும் பதிவு செய்து கொண்ட நீதிபதிகள், அமலாக்கத் துறை அதிகாரத்தை உறுதி செய்த விஜய் மதன்லால் தொடர்பான வழக்கின் தீர்ப்பை மறு ஆய்வு செய்யக் கோரிய மனு விசாரணை இப்போது வரை நிலுவையிலுள்ளது. அந்த மேல்முறையீடு மனுக்கள் விசாரணைக்கு எடுத்துக் கொள்ளப்படும். அதுவரை, அமலாக்கத் துறை விசாரணைக்கு விதித்த இடைக்காலத் தடையை நீட்டித்து விசாரணையை நிறுத்தி வைக்கிறோம். என நீதிபதிகள் உத்தரவிட்டனர்.இந்தியாவின் கூட்டாட்சி அமைப்பு, மாநிலங்களுக்கும் மத்திய அரசுக்கும் இடையிலான அதிகாரப் பகிர்வை அடிப்படையாகக் கொண்டது. இந்த அமைப்பின் சமநிலையைப் பாதுகாக்கும் பொறுப்பு நீதிமன்றங்களுக்கு உண்டு. அண்மையில், தமிழ்நாட்டின் மது விற்பனை நிறுவனமான டாஸ்மாக் (TASMAC) தொடர்பான ஊழல் வழக்கில், மத்திய அமலாக்கப் பிரிவின் (ED) விசாரணையை உச்ச நீதிமன்றம் தடை செய்து, அதன் அதிகாரப் பயன்பாட்டை கடுமையாக விமர்சித்துள்ளது. இது வெறும் ஒரு வழக்கின் விளைவல்ல; இது மாநில உரிமைகளையும் மத்திய அதிகாரங்களின் வரம்பையும் சோதிக்கும் முக்கிய விடயமாகும்.
இந்த வழக்கின் பின்னணி, தமிழ்நாட்டில் மது விற்பனை அனுமதி வழங்குவதில் ஏற்பட்ட ஊழல் குற்றச்சாட்டுகளுடன் தொடர்புடையது. 2014 முதல் 2021 வரை, மாநில அரசே 41 முதல் 47 வரை முதல் தகவல் அறிக்கைகளைப் பதிவு செய்துள்ளது. இவை தனியார் மது விற்பனைக்காரர்கள் மீது, பணம் பெற்றுக்கொண்டு அனுமதிகளை வழங்கிய குற்றச்சாட்டுகளை அடிப்படையாகக் கொண்டவை. இந்த ஊழல், ஆயிரம் கோடி ரூபாய் முதல் 21 ஆயிரம் கோடி ரூபாய் வரை பரவியிருக்கலாம் என்று கணிக்கப்படுகிறது. மாநில ஊழல் தடுப்பு காவல்துறை கண்காணிப்பு அமலாக்கத் துறையும் இந்த வழக்குகளை விசாரித்து வருகின்றன. ஆனால், 2025-ஆம் ஆண்டு, அமலாக்கத் துறை TASMAC தலைமை அலுவலகத்தில் சோதனை நடத்தி, அதிகாரிகளின் தொலைபேசிகளையும் சாதனங்களையும் பறிமுதல் செய்தது. மத்திய சட்டமன்றப் பிரிவின் PMLA விசாரணையாகத் தொடங்கியது.
இந்த நடவடிக்கைக்கு TASMAC மற்றும் தமிழ்நாடு அரசு எதிர்த்து மதுரை உயர் நீதிமன்றத்தில் வழக்கு தொடுத்தன. உயர் நீதிமன்றம், ஏப்ரல் மாதம் 23-ஆம் தேதி, அமலாக்கத் துறையின் விசாரணையை அனுமதித்து, மாநிலத்தின் மனுவை நிராகரித்ததை எதிர்த்து உச்ச நீதிமன்றத்தில் மேல் முறையீட்டு மனு செய்யப்பட்டது. மே மாதம் 22-ஆம் தேதி, முதன்மை நீதிபதி பி.ஆர். கவாய் தலைமையிலான அமர்வு, ED-வின் விசாரணையைத் தற்காலிகமாகத் தடுத்து, கடுமையான கருத்துகளைப் பதிவிட்டது. "ED எல்லா வரம்புகளையும் கடக்கிறது. நீங்கள் நாட்டின் கூட்டாட்சி அமைப்பை முற்றிலும் மீறுகிறீர்கள்," என்று உச்ச நீதிமன்ற தலைமை நீதிபதி கவாய் கூறினார். ஒரு நிறுவனம் எப்படி கிரிமினல் குற்றத்தைச் செய்யும்? தனிநபர்கள் மீது வழக்கு போடலாம், ஆனால் நிறுவனத்தின் மீது எப்படி வழக்கு தொடர முடியும்? என்று அவர் கேட்டார்.
அக்டோபர் மாதம் 14-ஆம் தேதி, இந்த வழக்கு மீண்டும் விசாரணைக்கு வந்தபோது, உச்ச நீதிமன்றம் தடையை நீட்டித்தது. CJI கவாய் மீண்டும் கேள்வி எழுப்பினார்: "இது மாநிலத்தின் விசாரணை உரிமையில் தலையீடாகாதா? கூட்டாட்சி அமைப்பு என்ன ஆகும்? உள்ளூர் காவல் துறை விசாரிக்க முடியாதா?" என்று. PMLA-வின் 66(2) பிரிவின்படி, ED மாநில அதிகாரிகளுடன் தகவல்களைப் பகிர்ந்துகொள்ள வேண்டும் என்றும், அது செய்யப்படவில்லை என்றும் மூத்த வழக்கறிஞர் கபில் சிபால் வாதிட்டார். ED-யின் தரப்பில், கூடுதல் சோலிசிட்டர் ஜெனரல் எஸ்.வி. ராஜு, மாநிலம் 37 முதல் தகவல் அறிக்கைகளை முடித்து வைத்து விட்டதாகவும், அது ED-வின் வழக்கை அழிக்க முயல்வதாகவும் வாதிட்டார். ஆனால், நீதிமன்றம், PMLA தீர்ப்புக்கு எதிரான மறு ஆய்வு மனுக்கள் தீர்ப்பளிக்கப்படும் வரை விசாரணையைத் தொடர அனுமதி மறுத்தது.
இந்தத் தீர்ப்பு, வெறும் சட்டரீதியானது அல்ல; அது இந்திய அரசியல் அமைப்பின் அடிப்படை கோட்பாடுகளை நினைவூட்டுகிறது. சட்டம் மற்றும் ஒழுங்கு, மாநிலப் பொறுப்பு என்பது அரசியல் அமைப்புச் சட்டத்தின் 7-ஆவது அட்டவணையில் தெளிவாகக் கூறப்பட்டுள்ளது. மத்திய அமலாக்கப் பிரிவுகள், பண மதிப்பழிப்பு பண சூதாட்டம் போன்ற தேசியக் குற்றங்களில் தலையிடலாம், ஆனால் அது மாநில உரிமைகளை மீறாமல் இருக்க வேண்டும். இந்த வழக்கில், அமலாக்கத் துறையின் நடவடிக்கை, மாநிலத்தின் விசாரணைகளை புறக்கணித்து, அரசியல் ரீதியாகப் பயன்படுத்தப்படுவதாகத் தோன்றுகிறது. தமிழ்நாட்டில் ஆளும் திமுக அரசு, மத்திய பாஜக அரசுடன் மொழி, தொகுதி வரம்பு மாற்றம் போன்ற விவகாரங்களில் மோதல் கொண்டுள்ளது. இத்தகைய சூழலில், அமலாக்கத்துறைவை, மாநிலங்களை இலக்காக்கி, கூட்டாட்சியின் சமநிலையைத் தகர்க்கின்றன.
இது போன்ற சம்பவங்கள், மாநிலங்களின் சுயாட்சியை பலவீனப்படுத்தும் ஆபத்தை ஏற்படுத்துகின்றன. தமிழ்நாடு போன்ற மாநிலங்கள், தங்கள் உள்ளூர் சட்டங்களை அமல்படுத்தும் உரிமையை இழக்கக் கூடாது. ஊழல் விசாரணை தேவைப்படுகிறது என்பதில் ஐயமில்லை; ஆனால், அது நியாயமான, பாரபட்சமற்ற முறையில் நடக்க வேண்டும். உச்ச நீதிமன்றத்தின் இந்தத் தலையீடு, அமலாக்கத் துறையின் அதிகாரங்களுக்கு வரம்பு விதிக்கும் முன்னுதாரணமாக அமையும். இது மற்ற மாநிலங்களுக்கும் பாடமாக இருக்கும்.
கூட்டாட்சி அமைப்பின் செயல்பாடு, ஒரு தேசத்தின் வலிமையை அளக்கும் அளவுகோல். தலைமை நீதிபதி கவாயின் "உள்ளூர் போலீஸ் விசாரிக்க முடியாதா? கூட்டாட்சிக்கு என்ன ஆகும்?" என்ற கேள்விகள் – அனைத்து அரசியல் தலைவர்களுக்கும், அமலாக்க அதிகாரிகளுக்கும் கூட்டாட்சி தத்துவத்தை நினைவு படுத்தும் எச்சரிக்கை. ஊழலை வேரறுப்பதற்காக, அரசியல் ரீதியான ஆயுதங்களைப் பயன்படுத்துவதைத் தவிர்க்க வேண்டும். தமிழ்நாட்டு மக்கள், தங்கள் உரிமைகளைப் பாதுகாக்கும் இந்த நீதிமன்றத் தீர்ப்பை வரவேற்க வேண்டும். இது ஒரு வெற்றி அல்ல; இது சமநிலையின் தொடக்கமாகும். SC extends stay granted on investigation into alleged TASMAC money laundering case,case to be heard post the final adjudication on pleas seeking review of Vijay Madanlal Choudhary judgement which upheld provisions of PMLA.
கருத்துகள்