ஆபாசமான படக்காட்சிகளை ஒளிபரப்பியதாகத் தெரிவித்து , 5 OTT தளங்களுக்கு மத்திய தகவல் மற்றும் ஒளிபரப்பு அமைச்சகம் தடை விதித்தது.
உள்ளடக்க ஒழுங்குமுறை விதிகளை மீறியதாகக் கூறி MoodXVIP, Koyal Playpro, Digi Movieplex, Feel மற்றும் Jugnu ஆகிய ஐந்து தளங்களை முடக்க மத்திய அரசு உத்தரவிட்டுள்ளது. மின்னணு மற்றும் தகவல் தொழில்நுட்பத் துறையின் விதிகளுக்கு எதிராக இந்தத் தளங்கள் செயல்பட்டதாகக் கண்டறியப்பட்டது. குறிப்பாக, சந்தாதாரர்களைக் கவர்வதற்காக அநாகரீகமான மற்றும் வக்கிரமான பல காட்சிகளைத் தொடர்ந்து ஒளிபரப்பி வந்ததாக எழுந்த புகார்களின் அடிப்படையில் இந்த விசாரணை மேற்கொள்ளப்பட்டது.
இந்தத் தளங்கள் மட்டுமல்லாது, அவற்றுடன் தொடர்புடைய இணையதளங்கள் மற்றும் மொபைல் செயலிகளையும் உடனடியாக முடக்குமாறு சம்பந்தப்பட்ட நிறுவனங்களுக்கு மத்திய அரசு அறிவுறுத்தியது. இந்தியாவின் தகவல் தொழில்நுட்பச் சட்டம் 2000-ன் கீழ், ஆபாசமான தகவல்களை மின்னணு முறையில் பரப்புவது தண்டனைக்குரிய குற்றமாகும். கடந்த சில மாதங்களாகவே மத்திய அரசு இத்தகைய சிறிய அளவிலான ஓடிடி தளங்களைக் கண்காணிக்கிறது.
ஏற்கனவே 'உல்லு' மற்றும் 'ஆல்ட் பாலாஜி' போன்ற 25 தளங்கள் மீது நடவடிக்கை எடுக்கப்பட்ட நிலையில், தற்போது இந்தப் புதிய பட்டியல் வெளியாகியது. டிஜிட்டல் ஊடகங்கள் சுய கட்டுப்பாட்டுடன் செயல்பட வேண்டும் எனவும் , மீறுபவர்கள் மீது கடுமையான சட்ட நடவடிக்கை எடுக்கப்படுமென்றும் அமைச்சகம் மீண்டும் எச்சரித்தது. இந்த நடவடிக்கை டிஜிட்டல் தளங்களில் தரமான மற்றும் ஆரோக்கியமான உள்ளடக்கங்களை உறுதி செய்யும் நோக்கில் எடுக்கப்பட்டுள்ளதாக அரசு தரப்பில் தெரிவிக்கப்பட்டது.இந்தியாவில் செயல்பட்ட OTT தளங்களான Dreams Films, Voovi, Yessma, Yessma, Tri Flicks, X Prime, Neon X VIP, Besharam, Hunters, Rabbit, Xtramood, Nuefliks, MoodX, Mojflix, Hot Shots VIP, Fugi, Chikooflix, Prime Play ஆகியவை தடை செய்யப்பட்டன.
அதோடு 19 இணையதளங்கள், 10 செயலிகள் (7 கூகுள் பிளே ஸ்டோர்ஸ் , 3 ஆப்பிள் ஆப் ஸ்டோர்) மற்றும் 57 சமூக வலைதளக் கணக்குகளும் முடக்கப்பட்டன.
இதில் குறிப்பாக ஒரு குறிப்பிட்ட OTT தளத்தின் செயலி கூகுள் பிளேஸ்டோரில் 1 கோடி முறை பதிவிறக்கம் செய்து பார்க்கப்பட்டுள்ளதாகவும், மேலும் 2 செயலிகள் 50 லட்சம் முறை பதிவிறக்கம் செய்து பார்க்கப்பட்டுள்ளதாகவும் அதில் தெரிவிக்கப்பட்டது. தகவல் தொழில்நுட்பச் சட்டம், 2000 ன் பிரிவு 67 மற்றும் 2008 ஆம் ஆண்டு கொண்டு வரப்பட்ட பிரிவு 67 ஏ, அடிப்படையில் தற்போது இந்த OTT தளங்கள் மற்றும் செயலிகள் தடை செய்யப்பட்டன. இந்த சட்டப்பிரிவுகளின் படி, ஆபாச உள்ளடக்கங்களை கொண்ட படங்களை வெளியிடுதல், மோசமான வகையில் ஒருவரை சித்தரித்தல் ஆகிய செயல்களில் ஈடுபடும் எந்த ஒரு டிஜிட்டல் தளத்தையும் அரசு தடை செய்யலாம்.
மேலும், மேற்கூறப்பட்டுள்ள தளங்களில் பெண்களை ஒரு கருவியாகப் பயன்படுத்தி பணம் சம்பாதிக்கும் நோக்கத்தில் அவர்களை தவறாக சித்தரித்துள்ளனர். இது பெண்களின் அநாகரீகமான பிரதிநிதித்துவச் (தடை) சட்டம், 1986 - ன் பிரிவு 4-ன்படி தண்டனைக்குரிய குற்றமாகும் என சைபர் குற்றம் குறித்து சட்ட வல்லுநர் கருத்து,
இந்தச் சட்டங்களின் அடிப்படையில் குறிப்பிட்ட OTT தளங்கள் மற்றும் செயலிகள், சமூக வலைதளப் பக்கங்கள் தடை செய்யப்பட்டுள்ளது, ஒரு ஆபாச ஓடிடி தளத்தை லட்சக்கணக்கான நபர்கள் பார்த்த பின் தான் அதன் மீது நடவடிக்கை எடுக்கிறோம். அதற்குப் பதிலாக OTT தளங்கள் மற்றும் செயலிகளை கட்டுப்படுத்தும் ஒரு ஆணையம் அமைக்கப்பட்டால் வருமுன் காக்கலாம்
இந்தத் தணிக்கை அமைப்பு மூலம் இந்திய அரசின் விதிகளுக்கு உட்பட்டு செயல்படும் செயலிகள் மற்றும் OTT தளங்களுக்கு மட்டுமே கூகுள் போன்ற தளங்கள் இந்தியாவிற்குள் அனுமதி தர வேண்டும் எனும் விதியை உருவாக்கினால் மட்டுமே எதிர்காலத்தில் பிரச்னைகளைக் குறைக்க முடியும் என்பது சமூக நலன் காக்கும் மக்கள் பார்வை
கருத்துகள்