பகுஜன் சமாஜ் கட்சியின் மாநிலத் தலைவரான ஆம்ஸ்ட்ராங் 2024 ஆம் ஆண்டு ஜூலை ஜூலை மாதம் 5-ஆம் தேதி சென்னை பெரம்பூரில் அவரது வீட்டின் அருகில் ஒரு கும்பலால் வெட்டிக் கொலை செய்யப்பட்டார்.
சென்னை மாநகரக் காவல்துறை வழக்கை விசாரித்து, ரௌடி ஆற்காடு சுரேஷ் கொலைக்குப் பழிவாங்கவே இந்தக் கொலை நடந்ததாக தெரிவித்தது. இந்த வழக்கில் அஸ்வத்தாமன், பொன்னா பாலு உள்ளிட்ட 25-க்கும் மேற்பட்டோர் கைது செய்யப்பட்டு காவல்துறை சார்பில் 7,000 பக்கங்களுக்கும் மேல் வழக்கு குற்றப்பத்திரிகை தாக்கல் செய்யப்பட்ட நிலையில் தமிழ்நாடு காவல்துறையின் விசாரணையில் திருப்தியில்லை எனக் கூறி ஆம்ஸ்ட்ராங்கின் மனைவி பொற்கொடி மற்றும் குடும்பத்தினர் தொடர்ந்த வழக்கின் அடிப்படையில், சென்னை உயர் நீதிமன்றம் இந்த வழக்கின் முறையான விசாரணைக்காக சிபிஐ க்கு மாற்றி உத்தரவிட்டது.
சென்னை உயர் நீதிமன்றத்தின் இந்த உத்தரவை எதிர்த்து, முந்தைய திமுக அரசு உச்ச நீதிமன்றத்தில் மேல்முறையீட்டு மனு தாக்கல் செய்து, சிபிஐ விசாரணைக்கு இடைக்காலத் தடையும் பெற்றது. இந்த நிலையில் முக்கியத் திருப்பமாக ஜூலை 2026 நிலவரப்படி தமிழ்நாடு அரசியல் சூழல் மாற்றங்களுக்குப் பிறகு, தற்போது அமைந்துள்ள தமிழக தவெக அரசு, சிபிஐ விசாரணைக்கு எதிராக திமுக அரசு தாக்கல் செய்திருந்த மேல்முறையீட்டு மனுவை உச்ச நீதிமன்றத்தில் இருந்து திரும்பப் பெற்றுள்ளது. இதன் மூலம் ஆம்ஸ்ட்ராங் கொலை வழக்கின் முழு விசாரணையும் அதிகாரப்பூர்வமாக உடனடியாக சிபிஐ வசம் செல்கிறது.
கருத்துகள்