மதுரை மாவட்டம் மேலூர் பகுதியில் Bitcoin மோசடி 'இரட்டிப்பு லாபம்' என ஆசை வார்த்தையில்
ஆயிரக்கணக்கானோர் ஏமாற்றம் - கோடிக்கணக்கில் பறிபோனது பணம்
"FQL EXCHANGE", "fqlin.com", "V.G INVESTMENT" ஆப்கள் மூலம் மக்களை ஏமாற்றிய சதுரங்க வேட்டை பாணி மோசடி கும்பல்; ஏஜெண்ட் ஒருவர் கைது - ஆயிரக்கணக்கான ஏழை மக்கள் பரிதவிப்பு!
மதுரை மாவட்டம் மேலூர் சுற்றியுள்ள கட்டையம்பட்டி, கோட்டநத்தாம்பட்டி, அ.வல்லாளப்பட்டி, அய்யாப்பட்டி, மேலவளவு உள்ளிட்ட பகுதிகளில், 'இரட்டிப்பு லாபம்' என்ற ஆசை வார்த்தையில் ஆயிரக்கணக்கான மக்களிடம் கோடிக்கணக்கான ரூபாய் பணத்தை மோசடி செய்த கும்பலை காவல்துறையினர் விசாரித்து வருகின்றனர். இந்த மோசடியில் ஏஜெண்டுகள் மூலம் மக்களை அணுகி, FQL EXCHANGE, fqlin.com, V.G INVESTMENT போன்ற ஆப்களை பதிவிறக்கம் செய்ய வைத்து, பின்னர் ஆப் முழுவதுமாக முடக்கப்பட்டதால், முதலீட்டாளர்கள் தங்கள் பணத்தை இழந்து பரிதவித்து வருகின்றனர்
மேலூர் மற்றும் சுற்றுப்புற பகுதிகளில் உள்ள ஏஜெண்டுகள், மக்களை அணுகி ரூபாய் .50,000 பணத்தை பெற்றுக்கொண்டு, அவர்களின் மொபைலில் FQL EXCHANGE அல்லது fqlin.com அல்லது V.G INVESTMENT என்ற ஆப்களை பதிவிறக்கம் செய்தனர். பின்னர், அந்த ஆப்பில் விபரங்களை பகிர்ந்ததும், செலுத்திய 50,000 ரூபாய்க்கு 500 Bitcoin மற்றும் போனஸாக 20 காயின் சேர்த்து 520 காயினாக ஏஜென்ட் மூலம் செலுத்தப்பட்டது.
குறிப்பிட்ட நாட்களுக்கு புதிதாக சேர்ந்தவர்களுக்கு விளையாட்டு போன்ற சிக்னல்கள் அனுப்பப்பட்டன. அவற்றை OK செய்தால் 10 முதல் 20 காயின் வழங்கப்படும் என்றும், 45 நாட்களுக்கு பிறகு, முதலீடு செய்த ரூபாய் .50,000 பணத்தை இரட்டிப்பாக பெற்றுக்கொள்ளலாம் என்றும் ஏஜெண்டுகள் கூறியுள்ளனர். நூற்றுக்கணக்கானோர் லட்சங்கள் முதல் கோடிக்கணக்கான ரூபாய் சம்பாதித்துள்ளனர் என்ற ஆசை வார்த்தையை கூறி, மேலூர் மற்றும் அதனை சுற்றியுள்ள ஆயிரக்கணக்கான மக்களை ஏமாற்றியுள்ளனர்.
தற்போது இந்த ஆப் முழுவதுமாக முடக்கப்பட்டுள்ளதாகவும், இதனால் அதில் முதலீடு செய்த ஆயிரக்கணக்கான ஏழை, எளிய மக்கள் செய்வதறியாது பரிதவித்து வருகின்றனர். தங்களது கடும் உழைப்பில் சேர்த்த பணத்தை இழந்து, கடனில் மூழ்கியுள்ளனர்.
இதுகுறித்து பாதிக்கப்பட்ட நபர் ஒருவர் மாவட்ட காவல்துறை கண்காணிப்பாளர் தேவநாதனிடம் புகார் அளித்ததைத் தொடர்ந்து, மாவட்டக் காவல்துறை கண்காணிப்பாளரின் தனிப்பிரிவு ஆய்வாளர் மற்றும் மேலூர் காவல்துறை துணைக் கண்காணிப்பாளர் ஆகியோர் தலைமையிலான காவல்துறையினர் விசாரணை நடத்தி, ஏஜெண்ட் ஒருவரை கைது செய்துள்ளனர்.
பாதிக்கப்பட்ட பொதுமக்களில் சிலர், இந்த மோசடி குறித்தும், ஏஜண்டுகள் மீது நடவடிக்கை எடுத்து இழந்த பணத்தை மீட்டுத்தருமாறு கூறி, மேலூர் அரசு கலைக் கல்லூரி முன்பாக ஒன்று கூடி, மாவட்ட காவல்துறை கண்காணிப்பாளர் அலுவலகம் செல்ல முயன்றனர். அங்கு வந்த மேலூர் காவல்துறையினர், மதுரையில் உள்ள பொருளாதார குற்றப்பிரிவு காவல்துறையினரிடம் புகார் அளிக்குமாறு அறிவுறுத்தியதுடன், தொடர்ந்து விசாரணை மேற்கொண்டு வருவதாக தெரிவித்தனர்
FQL EXCHANGE, fqlin.com, V.G INVESTMENT போன்ற ஆப்களில் பணத்தை கொடுத்து ஏமாந்தவர்கள், பொருளாதார குற்றப்பிரிவு காவல்துறையினரிடம் புகார் அளிக்கலாம் என காவல் துறை தரப்பில் தெரிவிக்கப்பட்டுள்ளது.FQL மோசடி (FQL Exchange / VG Investment) என்பது அதிக லாபம் தருவதாகக் கூறி பொதுமக்களை ஏமாற்றும் ஒரு ஆன்லைன் போலி முதலீட்டு (Trading App) மோசடி ஆகும். தமிழ்நாடு சைபர் கிரைம் காவல்துறை மற்றும் மதுரை மாவட்ட காவல்துறை இந்த மோசடி குறித்து மக்களுக்குத் தொடர்ந்து எச்சரிக்கைகளை விடுத்து வருகின்றனர். இந்த மோசடி எவ்வாறு நடக்கிறது இதிலிருந்து தப்பிப்பது எப்படி FQL மோசடி செயலியில் சேர முதலில் ரூபாய் 54,000 முதல் ரூபாய் 1,08,000 வரை பணம் கட்டச் சொல்கிறார்கள். மேலும், மற்றவர்களைச் சேர்த்தால் கூடுதல் கமிஷன் தருவதாகக் கூறி, இதனை ஒரு 'எம்.எல்.எம்' அல்லது பொன்சி திட்டம் போல நடத்துகின்றனர். இந்த ஆப் மூலம் தினமும் 4 முதல் 5 முறை சிக்னல்கள் அனுப்பப்பட்டு, அதைப் பயன்படுத்தினால் டாலர்களில் அதிக லாபம் கிடைப்பது போல போலியான கணக்குத் திரையைக் காண்பிப்பார்கள். உங்களது கணக்கில் பெரும் லாபம் இருப்பது போல் காட்டும், ஆனால் அந்தப் பணத்தை உங்கள் வங்கிக் கணக்கிற்கு மாற்ற (Withdraw) முயலும் போது, கணக்கை முடக்கிவிட்டு மேலும் வரி அல்லது கட்டணம் என்ற பெயரில் கூடுதல் பணம் கேட்பார்கள். எச்சரிக்கை எந்தவொரு உண்மையான பங்குச்சந்தை அல்லது கிரிப்டோ வர்த்தகத்திலும் "100 சதவீதம் உறுதியான லாபம்" தர முடியாது. அவ்வாறு யாராவது கூறினால் அது 100 சதவீதம் மோசடி. இந்த ஆப்ஸ்கள் கூகுள் பிளே ஸ்டோர் அல்லது ஆப்பிள் ஆப் ஸ்டோரில் அதிகாரப்பூர்வமாக இருக்காது. வாட்ஸ்அப் (WhatsApp) அல்லது டெலிகிராம் (Telegram) லிங்க்குகள் மூலமாக மட்டுமே பதிவிறக்கம் செய்யச் சொல்வார்கள், முதலீட்டுத் தொகையை நிறுவனத்தின் பெயரில் வாங்காமல், வெவ்வேறு நபர்களின் பெயர்களில் உள்ள சாதாரண வங்கிக் கணக்குகளுக்கு (Money Mule Accounts) அனுப்பச் சொல்வார்கள். அந்த மோசடி நபர்கள் மதுரை மாவட்டம் மேலூர் மற்றும் அதன் சுற்றுவட்டாரப் பகுதிகளில் FQL (Future Quest Logistics / Future Net) என்ற பெயரில் ஆன்லைன் மொபைல் ஆப் மற்றும் கேம்கள் மூலம் பெரிய அளவில் பண மோசடி நடந்து வருகிறது. கிராமப்புற எளிய மக்களைக் குறிவைத்து, பகுதி நேர வேலை (Part-time job) அல்லது முதலீட்டிற்கு அதிக லாபம் தருவதாகக் கூறி இந்த மோசடி அரங்கேற்றப்பட்டு வருகிறது. இது தொடர்பாக மாவட்ட காவல்துறை கண்காணிப்பாளர் (SP) உத்தரவின் பேரில் தீவிர விசாரணை நடத்தப்பட்டு வருகிறது. ஏமாந்த நபர்கள் பணத்தாசை பிடித்தவர்கள் பணம் பறிபோனதால் தற்போது தவிக்கிறார்கள்.
கருத்துகள்