பழனி மடத்தின் சொத்து மோசடி வழக்கில் கைதான வழக்கறிஞர் அன்வர்தீன் மதுரை சிறையில் மரணம் மற்றொரு நபர் ஐசியுவில்

பழனி மடத்தின் சொத்து மோசடி வழக்கில் கைதான வழக்கறிஞர் அன்வர்தீன் மதுரை சிறையில் மரணம் .

பழனி துறவி பெயரில் உள்ள மடத்தின் நில மோசடி வழக்கில் கைதாகி சிறையில் அடைக்கப்பட்டிருந்த வழக்கறிஞர் அன்வர்தீன் உயிரிழப்பு 1996 ஆம் ஆண்டு முதல் 2001 ஆம் ஆண்டு வரை  திமுக ஆட்சிகாலத்தில் திண்டுக்கல் மாவட்டம் பழநி நிதிமன்றத்தில் அரசு குற்றவியல் வழக்கறிஞராக் பணியில் இருந்தவராவார், தற்போது பழனியில் ரூபாய் .100 கோடி மதிப்புள்ள மடத்தின் சொத்தில் நடந்த மோசடி வழக்கில் கைதான வழக்கறிஞர் அன்வர்தீன் மதுரை மத்திய சிறையில் அடைக்கப்பட்டார்.

3 நாட்கள் விசாரணைக்கு எடுத்த காவல் முடிந்து சிறைக்கு திரும்பிய சில மணிநேரங்களில் மாரடைப்பு ஏற்பட்டதாகத் தகவல், ஜாமீன் மனு தள்ளுபடி செய்யப்பட்ட நிலையில் இந்த மரணம் நிகழ்ந்து அவரைச் சார்ந்தவர்களுக்கு அதிர்ச்சியை ஏற்படுத்தியுள்ளது.

பழனி தண்டாயுதபாணி சுவாமி அறக்கட்டளை மடத்திற்குச் சொந்தமான ரூபாய் .100 கோடி மதிப்பிலான 1.40 ஏக்கர் நிலத்தை முறைகேடாக பத்திரப் பதிவு செய்த வழக்கில் கைது செய்யப்பட்ட வழக்கறிஞர் எஸ். அன்வர்தீன் (வயது 65), மதுரை மத்திய சிறையில் நேற்று ஆகஸ்ட் மாதம் 7 ஆம் தேதி இரவு உயிரிழந்துள்ளார். CB-CID  காவலில் 3 நாட்கள் விசாரணைக்கு உட்படுத்தப்பட்டவர், வெள்ளிக்கிழமை மாலை மீண்டும் சிறையில் அடைக்கப்பட்டார். அடுத்த சில மணிநேரங்களில் அவருக்கு நெஞ்சுவலி ஏற்பட்டு, மதுரை அரசு ராஜாஜி பொது மருத்துவமனைக்கு கொண்டு செல்லப்பட்டார். ஆனால், இரவு 10.40 மணியளவில் அவர் உயிரிழந்ததாக மருத்துவர்கள் தெரிவித்தனர். இதற்கு முன்னதாக, திண்டுக்கல் நீதித்துறை நீதிபதி அன்வர்தீன் உள்ளிட்ட மூவரின் ஜாமீன் மனுக்களை தள்ளுபடி செய்திருந்ததும் குறிப்பிடத்தக்கது.

பழனி அருள்மிகு தண்டாயுதபாணி சுவாமி அறக்கட்டளை மடத்திற்கு சொந்தமான 1.40 ஏக்கர் நிலம் (தற்போதைய மதிப்பு ரூபாய் .100 கோடி), போலி ஆவணங்கள் மூலம் ரூபாய் .2 கோடிக்கு விற்கப்பட்டதாக புகார் எழுந்தது. இந்த நிலம், 1888-ம் ஆண்டு அறக்கட்டளை ஆவணத்தின் மூலம் மடத்திற்கு வழங்கப்பட்டதாகவும், அதனை விற்கவோ, மாற்றவோ கூடாது என்று நிபந்தனை விதிக்கப்பட்டிருந்ததாகவும் தெரிகிறது. இந்த புகாரின் பேரில், பழனி அடிவாரம் காவல்நிலையத்தில் வழக்குப் பதிவு செய்தனர். பின்னர், இந்த வழக்கு CB-CID-க்கு மாற்றப்பட்ட பின் ஜூலை 29-ஆம் தேதி, CB-CID காவல்துறையினர் இந்த வழக்கில் நான்கு பேரை கைது செய்தனர். கைதானவர்களில், நிலத்தை விற்றதாக கூறப்படும் விழுப்புரத்தைச் சேர்ந்த டி. முருகதாஸ் (வயது 56), நிலத்தை வாங்கியதாகக் கூறப்படும் திருப்பூரைச் சேர்ந்த கே. வெள்ளைத்துறை (வயது 60) மற்றும் பழனியைச் சேர்ந்த டி. சேதுபதி, மற்றும் இந்த பரிவர்த்தனையை மேற்கொள்ள உதவியதாக கூறப்படும் பழனியைச் சேர்ந்த வழக்கறிஞர் எஸ். அன்வர்தீன் (வயது 65) ஆகியோர் அடங்குவர். இந்த வழக்கில் பின்னர் சார் பதிவாளர் ஜஸ்டின் மணிகண்டன் உள்ளிட்டோரும் கைது செய்யப்பட்டனர். அவர் தற்போது மருத்துவமனை ஐசியூ வில் உள்ளார் தற்போது இந்த வழக்கில் 11 பேர் கைது செய்யப்பட்டுள்ளனர்.

 அவர்களில் அன்வர்தீன், முருகதாஸ், சேதுபதி ஆகியோர் திண்டுக்கல் முதலாவது மாஜிஸ்திரேட் நீதிமன்றத்தில் ஜாமீன் கோரி மனு தாக்கல் செய்தனர். ஆனால், நீதிபதி பாக்கியராஜ்  இந்த மனுக்களை தள்ளுபடி செய்து உத்தரவிட்டார். மேலும், CB-CID-க்கு இவர்களை வெள்ளிக்கிழமை ஆகஸ்ட் மாதம் 7 ஆம் தேதி வரை காவலில் எடுத்து விசாரிக்க அனுமதி வழங்கப்பட்டது.

 CB-CID காவல்துறை , ஆகஸ்ட் 6 முதல் 7 வரை அன்வர்தீனை 3 நாட்கள் காவலில் எடுத்து விசாரணை நடத்தினர். இவர் ஏற்கனவே பக்கவாதம்  மற்றும் நீரிழிவு, உயர் இரத்த அழுத்தம் போன்ற உடல்நலக் குறைபாடுகளால் பாதிக்கப்பட்டிருந்தார். சிறை யில் இருந்தபோதே அவருக்கு சக்கர நாற்காலி வழங்கப்பட்டும், சிறை மருத்துவமனையில் தங்க வைக்கப்பட்டும் இருந்தார்.

3 நாட்கள் காவல் முடிந்ததும், வெள்ளிக்கிழமை மாலை 6 மணியளவில் அன்வர்தீன் மீண்டும் மதுரை மத்திய சிறையில் அடைக்கப்பட்டார். அவரது தொடர் சிகிச்சையின் ஒரு பகுதியாக, சிறை மருத்துவமனையில் அனுமதிக்கப்பட்டார். இரவு 9.30 மணியளவில் அவருக்கு திடீரென மாரடைப்பு ஏற்பட்டது. உடனடியாக அவர் மதுரை அரசு ராஜாஜி மருத்துவமனைக்கு கொண்டு செல்லப்பட்டார். ஆனால், இரவு 10.40 மணிக்கு சிகிச்சை பலனின்றி அவர் உயிரிழந்தார்.

வழக்கறிஞர் அன்வர்தீனின் மரணம், ஏற்கனவே சர்ச்சையில் உள்ள இந்த ரூபாய் .100 கோடி நில மோசடி வழக்கிற்கு மேலும் ஒரு சோக அத்தியாயத்தை சேர்த்துள்ளது. 65 வயதான, பக்கவாதம் மற்றும் நீரிழிவு போன்ற உடல்நல பிரச்சனைகளால் பாதிக்கப்பட்டவர் CB-CID-யின் விசாரணை முடிந்து சிறைக்கு திரும்பிய சில மணிநேரங்களில் அவர் மாரடைப்பால் உயிரிழந்துள்ளார். இது, சிறையில் போதிய மருத்துவ வசதிகள் இல்லை என்பதையோ அல்லது விசாரணையின் போது ஏற்பட்ட உடல்நலப் பாதிப்பு அவரது மரணத்திற்கு காரணமா என விசாரணையை தீவிரப்படுத்தியுள்ளது. ஆனால், இந்த மரணம் குறித்து சுயாதீனமான விசாரணை நடத்தப்பட வேண்டும். ஏனெனில், சிறையில் உள்ள குற்றவாளிகளின் உடல்நலம் மற்றும் பாதுகாப்பு குறித்த அரசின் பொறுப்பு கேள்விக்குள்ளாகியுள்ளது.

அன்வர்தீனின் மரணம் குறித்து கரிமேடு காவ் நிலையத்தில் வழக்கு பதிவு செய்யப்பட்டு, பிரேதப் பரிசோதனை நடத்தப்படும். வழக்கில் CB-CID விசாரணை தொடரும். ஏற்கனவே பழனி நில மோசடி வழக்கில் CBI விசாரணை கோரி மதுரை உயர்நீதிமன்ற கிளையில் பொதுநல மனு (PIL) தாக்கல் செய்து அது விசாரணை நிலுவையில் உள்ளது. இந்த மரணச் சம்பவம், அந்த மனுவிற்கு மேலும் பலத்தை சேர்க்கும். இந்த வழக்கில் கைதான மற்ற குற்றவாளிகள் தொடர்ந்து நீதித்துறை காவலில் இருப்பார்கள்.இந்த நிலையில் பழனி கோயில் அறக்கட்டளை மடத்தின் நிலத்தை முறைகேடாக பதிவு செய்த வழக்கில் கைதான வழக்கறிஞர் மதுரை சிறையில் மரணம் - மர்மங்கள் நிறைந்த இவ்வழக்கின் விசாரணையை  சிபிஐ வசம் ஒப்படைக்கவேண்டும் மேலும் இவ்வழக்கில் தொடர்புடைய குற்றம் சட்டப்பட்ட சார்பதிவாளர் ஜஸ்டின் மணிகண்டன் உடல்நல குறைவால் அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டிருப்பதாகவும் தகவல் 

பழனி திருக்கோயிலுக்குச் சொந்தமான நிலத்தை முறைகேடாக பதிவு செய்த  வழக்கின்  விசாரணையை சிபிஐ வசம் ஒப்படைத்து உண்மையை வெளிக்கொண்டு வர வேண்டும் என தவெக அரசை வலியுறுத்தி பல்வேறு கட்சிகளின் தலைவர்கள் கோரிக்கை வைத்துள்ளனர்,