பிட்காயின் மோசடிக் குற்றவாளிகள் வலை விரித்து வீழ்த்திய குக்கிராம மக்கள்

மதுரை மாவட்டம் மேலூரிலும், திண்டுக்கல் மாவட்டம் நத்தம் பகுதியிலும் குறைந்தது சுமார் 70 ஆயிரத்திற்கும் மேற்பட்ட மிகச் சாமானிய மக்களிடமிருந்து பல ஆயிரம் கோடி ரூபாய் மோசாடியில்

ஈடுபட்ட நிறுவனத்தின் ஏஜென்ட்கள் கட்டையம்பட்டி ரஞ்சித் மற்றும் அருண் எனத் தகவல் வருகிறது,

மேலூரில் FQL,VG எனும் பிட்காயின் மோசடி நிறுவனங்களில் 53 ஆயிரம் போட்டால் 45 நாட்களில் லட்சம் ரூபாய் திரும்ப பெறலாம் என்று ரஞ்சித், அருண் ஆகியவர்கள் பல குடும்பம் மூலமாக  தனது பகுதியில் அதிகம் வசிக்கும் சமுதாயத்தைச் சேர்ந்த ஏழை மக்களிடம் இருந்து ஆரம்பித்து  அவர்கள் மட்டும் 30 ஆயிரம் பேரிடம் மோசடி, மேலும் பல உப ஏஜென்ட்கள் உணடாம் மதுரை மாவட்டம் மேலூர் மற்றும் திண்டுக்கல் மாவட்டம் நத்தம் பகுதிகளில் அண்மையில் நிகழ்ந்த FQL (மற்றும் VG) ஆன்லைன் செயலி பண மோசடியில் ஒட்டுமொத்தமாக சுமார் 60,000 முதல் 68,000-க்கும் மேற்பட்ட மக்கள் வரை பாதிக்கப்பட்டுள்ளதாக முதற்கட்டத் தகவல்கள் தெரிவிக்கின்றன.

காவல்துறையின் அதிகாரப்பூர்வப் பதிவுகள் மற்றும் கள நிலவரங்களின்படி இந்த மோசடியில் பாதிக்கப்பட்ட மக்களின் எண்ணிக்கை நத்தம் மற்றும் அதன் சுற்றுவட்டாரப் பகுதிகளில் மட்டும் சுமார் 60,000 பேரிலிருந்து 70 ஆயிரம் பேர் வரை இந்த செயலியில் முதலீடு செய்து ஏமாந்துள்ளதாகக் கூறப்படுகிறது. அதுபோல மேலூர் பகுதியில் ஒரே நாளில் சுமார் 9,600 பேர் வரை புகார் அளிக்கத் திரண்டனர், இனி விபரம் அறிந்து பலர் வரக்கூடும்,காவல்துறையினரால் அமைக்கப்பட்ட சிறப்பு முகாம்கள் மூலம் மதுரை மாவட்டத்தில் மட்டும் இதுவரை 7,000-க்கும் மேற்பட்ட அதிகாரப்பூர்வப் புகார்கள் பெறப்பட்டுள்ளன. FQL (F twoL) மற்றும் VG என்ற ஆன்லைன் மொபைல் செயலிகள். ரூபாய் .52,000 அல்லது ரூபாய் .1 லட்சம் வரை முதலீடு செய்தால், கிரிப்டோகரன்சி மற்றும் ஆன்லைன் வர்த்தகம் மூலம் தினமும் குறிப்பிட்ட தொகை வருமானம் மற்றும் குறுகிய காலத்தில் பணம் இரட்டிப்பாகும் என ஆசை காட்டப்பட்டுள்ளது. 

நத்தம் மற்றும் மேலூர் பகுதிகளில் மட்டும் சுமார் 150 கோடி ரூபாய் வரை மக்கள் பணத்தை இழந்துள்ளதாகத் தெரிகிறது.இந்த மெகா மோசடி தொடர்பாக சைபர் கிரைம் மற்றும் உள்ளூர் காவல்துறையினர் தீவிர விசாரணை நடத்தி, இடைத்தரகர்கள் மற்றும் முக்கிய ஏஜெண்டுகளைக் கைது செய்து வருகின்றனர். ஆனால் பல முக்கிய நபர்கள் தப்பித்து தலைமறைவு, பாதிக்கப்பட்ட மக்கள் தங்களின் புகார்களை சைபர் கிரைம் உதவி எண்களிலோ அல்லது அருகில் உள்ள முகாம்களிலோ பதிவு செய்து வருகின்றனர். இனி காவல் நிலையத்தில் பெறப்பட்ட மொத்த புகார்களும் பொருளாதார குற்றப்பிரிவுக்கு மாற்றப்படும்,

ஈமுக் கோழி, மோசடி, தேக்குமரத் திட்ட அனுபவ் பிளான் மோசடி,   VXL - MLM மோசடி, நியோமேக்ஸ் நில மோசடி போல காலம் கடந்த பின்னரும் விசாரணை தொடரும், முடியாது தொடரும் நிலை வந்தால் பணத்தாசை பிடித்த இந்த ஏழை மக்கள் நிலைதான் பாவம், சடட நடவடிக்கை முடிந்து நீதிமன்றம் மூலம் தீர்வு வரும் போது தான் வருஷம் கடந்து பிஏசிஎல் மோசடி மற்றும் எம்எல்எம் மோசடி போல இந்த மோசடி சேரும் இதுவே எதார்த்தம்....

விசாரணை இல்லாமல் பணத்தை போட்டுவிட்டு இப்போது கோபமும், கொந்தளிப்பும் அவர்களது இயலாமை மற்றும் அறியாமை, ஆயிரம் மஹாநதி மற்றும் சதுரங்க வேட்டை வந்தாலும் இந்த மக்கள் உணரப்போவதில்லை, தங்க முட்டை போடும் கோழி ரூபாய் ஒரு லட்சம் என்றால் நம்பும் மக்கள் இருக்கும் வரை இந்த மோசடிக் குற்றவாளிகள் எண்ணிக்கை குறையாது.பல ஆயிரம் கோடி கிரிப்டோ கொள்ளையும் ரிச்சர்ட் சோரோஸின் மாய வலையில் விழுந்த தமிழக குக்கிராம மக்கள் கண்ணீரும் -  புலனாய்வுத் தகவல் :-

மதுரை மாவட்டத்தின் புறநகர் பகுதியான மேலூர் மற்றும் அதன் சுற்றுவட்டாரக் கிராமங்கள் இன்று ஒரு மாபெரும் நிழல் உலகப் போர்க்களமாக மாறியுள்ளன. கண்ணுக்குத் தெரியாத 'டிஜிட்டல் கரன்சி' என்ற மாயக் கண்ணாடியைக் காட்டி, எளிய மக்களின் வாழ்நாள் சேமிப்பான சுமார் ரூபாய் 15,000 கோடியைச் சுருட்டியிருக்கிறது ஒரு சர்வதேசக் கும்பல். விவசாயக் கூலிகளும், சிறு குறு தொழிலாளர்களும் நிறைந்த பகுதிகளில், "பணம் இரட்டிப்பாகும்" என்ற ஆசை வார்த்தை ஒரு காட்டுத்தீயைப் போலப் பரப்பப்பட்டது. இன்று, அந்த ஆசை வார்த்தைகளே ஆயிரக்கணக்கான குடும்பங்களின் தாலியையும், வாழ்வாதாரத்தையும் அறுத்துச் சென்றிருக்கிறது. இது வெறும் நிதி மோசடியல்ல; எளிய மக்களின் நம்பிக்கையின் மீது நடத்தப்பட்ட ஒரு திட்டமிட்ட பொருளாதார யுத்தம் 

 அமெரிக்காவில் பதுங்கியிருக்கும் 'ரிச்சர்ட் சோரோஸ்'

இந்த மெகா மோசடி நாடகத்தின் பின்னணியில் இருந்து சரடுகளை இயக்குபவன் தான் ரிச்சர்ட் சோரோஸ்  தன்னை அமெரிக்காவைத் தலைமையிடமாகக் கொண்ட ஒரு பெரும் நிதியாளராகக் காட்டிக்கொள்ளும் இவன், தனது வசீகரமான பேச்சால் தமிழகக் கிராமப்புற மக்களை வசியப்படுத்தினான். "நான் உங்கள் நிதி சுதந்திரத்திற்காகவே உழைக்கிறேன்" என்று ஆடியோ பதிவுகள் மூலம் இவன் உதிர்த்த வாக்குறுதிகள் அனைத்தும் பச்சைப் பொய்கள்.

குற்றவியல் பார்வையில் அணுகினால், இவன் ஒரு 'சைக்கோ-மேனிபுலேட்டர்'. மக்களின் சந்தேகங்களைத் தீர்ப்பது போலவும், அவர்களுக்குப் பாதுகாப்பாக இருப்பது போலவும் ஒரு போலி பிம்பத்தை உருவாக்கினான். தற்போது பல்லாயிரம் கோடிகளுடன் தலைமறைவாகிவிட்ட இவன், அமெரிக்காவின் ஏதோ ஒரு சொகுசு மாளிகையில் அமர்ந்து கொண்டு தமிழர்களின் கண்ணீரைக் கண்டு நகைத்துக் கொண்டிருக்கிறான். இவனைச் சர்வதேசச் சட்டத்தின் முன் நிறுத்துவது இந்தியப் புலனாய்வுத் துறையின் கௌரவப் பிரச்சினையாக மாறியுள்ளது. 

FQL மற்றும் VG எக்ஸ்சேஞ்ச் (FQL & VG Exchange)

இந்தக் கொள்ளைச் சம்பவம் FQL மற்றும் VG டிரேடிங் (VG Exchange) ஆகிய இரண்டு தளங்களை மையமாக வைத்து அரங்கேற்றப்பட்டது. இதில் இருந்த மிக முக்கியமான தொழில்நுட்பத் தந்திரம்: பினான்ஸ் (Binance) வாலட் இணைப்பு. "உங்கள் பினான்ஸ் வாலட் அட்ரஸையே இங்கேயும் பயன்படுத்தலாம்" என்று இவர்கள் கூறியது ஒரு மிகப் பெரிய தொழில்நுட்பப் பொறி. பொதுவாக, வெவ்வேறு தளங்களில் ஒரே வாலட் அட்ரஸைப் பயன்படுத்துவது பாதுகாப்பற்றது. ஆனால், மோசடிக்காரர்கள் இதை ஒரு 'வசதி' போலக் காட்டி, அதன் மூலம் முதலீட்டாளர்களின் பணப் பரிமாற்றத்தைத் துல்லியமாகக் கண்காணித்து, அவர்கள் எப்போது பணத்தை எடுக்க முயன்றாலும் அதை முடக்கும் மந்திரவாதி போல வல்லமையைப் பெற்றனர். MLM போல 

ஆள் சேர்க்கத் தேவையில்லை என்ற பொய்: ஆரம்பத்தில் "முதலீடு மட்டும் செய்தால் போதும்" என்று கூறிவிட்டு, பின்னர் பணத்தை எடுக்க வேண்டுமானால் 1000 பேருக்கு மேல் கொண்ட யூனிட்டி டீம் (Unity Team) போன்ற குழுக்களை உருவாக்க வற்புறுத்தினர்.

எம்.எல்.எம் முறை: 'டபுள் ஃபோர்' (Double Four) போன்ற உயர் பதவிகளை வழங்கி, (கவர்ச்சிப் பொறி பிம்பம்)உள்ளூர் மக்களை ஒருவருக்கொருவர் போட்டி போட வைத்து அவர்கள் நீ முந்து நான் முந்து என ஓடிய நிலையில் தான் அவர்கள் சுரண்டினர்.

பொறி வைக்கப்பட்ட மைல்கற்கள்: $50 மில்லியன் வைப்புத்தொகை மற்றும் 100K பயனர் வலை

மக்களின் நம்பிக்கையைத் தக்கவைக்க ரிச்சர்ட் சோரோஸ் வீசிய தூண்டில் முட்கள் தான் இவை:   "உங்களுக்கு நஷ்டம் ஏற்பட்டால் ஈடுகட்ட எனது சொந்தப் பணமான 50 மில்லியன் டாலரை பாதுகாப்பாக வைத்துள்ளேன்" என்று கூறி மக்களை மூளைச்சலவை செய்தான்.

100,000 பயனர் இலக்கு: இந்தியாவில் அதிகாரப்பூர்வ அங்கீகாரம் பெற 1 லட்சம் பயனர்கள் தேவை என்ற பெயரில், மக்களை ஒரு பெரும் ஆள் பிடிக்கும் இயந்திரமாக மாற்றினான். இதன் பின்னணியில் இருந்த நோக்கம், ஒரே நேரத்தில் பெரிய தொகையைச் சுருட்டுவதுதான். ஆனால் இவர்களை கவனிக்கத் தவறியது காவல் உளவு அமைப்பு இருதிருந்தால் அப்போதே தடுத்திருக்க முடியம்,

பரிசுப் பொருட்கள் எனும் ஆசை வலை: நாள் ஒன்றுக்கு ரூபாய் 400-500 கூலி வாங்கும் மக்களிடம் ஊருக்கு ஒன்றாக தங்கம் (Gold) மற்றும் பைக்குகள் (Bikes) ஆகியவற்றை பரிசாக வழங்கி, அவர்களை சமூக ரீதியாகப் பெருமைப்பட வைத்து அவர்கள் மூலம் மேலும் பலரை முதலீடு செய்யத் தூண்டினர்.

மதுரை மாவட்டத்தின் மேலூர், ஒத்தக்கடை, கிடாரிப்பட்டி, வல்லாளப்பட்டி, கள்ளம்பட்டி, சத்தியபுரம், தள்ளாகம்பட்டி, எட்டிமங்கலம், மேலவளவு, கட்டையம்பட்டி, கோட்டநத்தம்பட்டி ஆகிய கிராமங்கள் இன்று கூக்குரல் அழு குரலாக மாறியுள்ளன.

கள நிலவரம்

தாலிச் செயின் விற்பனை: நூற்றுக்கணக்கான பெண்கள் தங்கள் தாலிச் செயின்களை விற்றும், நகைகளை அடகு வைத்தும் இதில் முதலீடு செய்துள்ளனர்.

கடன் வலை: எல் அண்ட் டி (L&T) போன்ற நிதி நிறுவனங்களில் வாங்கிய கடன்களால் இன்று மக்கள் வீதிக்கு வந்துள்ளனர்.

 பணத்தை இழந்த அதிர்ச்சியில் ஒருவர் உயிரிழந்துள்ளார்; பலர் தற்கொலை முயற்சியில் ஈடுபட்டு அரசு மருத்துவமனைகளில் அனுமதிக்கப்பட்டுள்ளனர். பாதிக்கப்பட்டவர்களின் எண்ணிக்கை ஆயிரக்கணக்கில் இருந்ததால், மேலூர் காவல் நிலையத்தால் கூட்டத்தைக் கையாள முடியாமல் தனியார் திருமண மண்டபங்களில் சிறப்புப் புகார் முகாம்கள் நடத்த வேண்டிய சூழல் ஏற்பட்டுள்ளது.

 1,367 பிட்காயின் பாதுகாப்புச் சாக்கு மற்றும் தப்பி ஓட்டம்

பணம் முழுமையாகச் சேர்ந்தவுடன், இந்தக் கும்பல் "சுமார் 1,367 பிட்காயின் தொடர்பான பாதுகாப்பு விதிமீறல் (Security verification) நடந்துள்ளது" என்ற புதிய நாடகத்தை அரங்கேற்றியது. இது ஒரு திட்டமிட்ட 'எக்ஸிட் ஸ்கேம்' (Exit Scam).

மக்களை மேலும் மொட்டை அடிக்க, "முடக்கப்பட்ட உங்கள் பழைய பணத்தை எடுக்க வேண்டுமானால் கூடுதலாக ரூபாய் 20,000 கட்ட வேண்டும்" என்று கூறி மீண்டும் ஒரு வழிப்பறிக்கு முயன்றனர். "பணம் லாக் ஆகிவிட்டது, தொழில்நுட்பக் கோளாறு (Technical error)" என்ற வார்த்தைகளைச் சொல்லி முதலீட்டாளர்களை அலைக்கழித்துவிட்டு, மொத்தப் பணத்தையும் கிரிப்டோ வாலட்கள் மூலம் மறைத்துவிட்டனர். குற்றவாளிகள் மற்றும் தற்போதைய நிலை

இந்த மோசடிக்குக் களத்தில் துணை நின்ற உள்ளூர் முகவர்களான அருண், ராஜேஷ், அனிதா போன்றவர்கள் மீது மக்களின் கோபம் கொழுந்துவிட்டு எரிகிறது. குறிப்பாக, அனிதா போன்ற முகவர்கள், மக்களின் சந்தேகங்களைப் பொறுமையாகக் கையாண்டு (Patiently handling doubts), அவர்களை மூளைச்சலவை செய்து பெரும் கடன் வாங்கத் தூண்டியுள்ளனர்.

இன்று இந்தப் புகாரை எதிர்கொள்ளும் ஏஜெண்டுகள், "நானும் ஏமாந்துவிட்டேன்" என்று கூறித் தப்பிக்க முயல்கின்றனர். ஆனால், இவர்களுக்குக் கொடுக்கப்பட்ட தங்கம் மற்றும் பண வெகுமதிகள் இவர்களைக் குற்றத்தில் கைக்கூலி உடந்தையாக்குகின்றன.

காவல்துறைக்கான அவசர வேண்டுகோள்: தமிழ்நாடு அரசு மற்றும் சைபர் கிரைம் பிரிவு உடனடியாகத் தலையிட்டு, அமெரிக்காவில் பதுங்கியிருக்கும் ரிச்சர்ட் சோரோஸ் மீது இன்டர்போல் ப்ளூ கார்னர் நோட்டீஸ் (Interpol Blue Corner Notice) பிறப்பிக்க வேண்டும். உள்ளூர் ஏஜெண்டுகளைக் கைது செய்து, அவர்களின் சொத்துக்களை முடக்கி, பாதிக்கப்பட்ட ஏழை மக்களுக்கு நீதி வழங்க வேண்டும். டிஜிட்டல் உலகில் நடக்கும் இது போன்ற பகற்கொள்ளைகள் குறித்து மக்கள் விழிப்புடன் இருப்பதே இனி வரும் காலங்களில் இது போன்ற கண்ணீரைத் தடுக்கும்.

இந்த மோசடியின் மூளையாகச் செயல்படும் அருண் போன்ற நபர்களைச் சட்டத்தின் முன் நிறுத்துவது காலத்தின் கட்டாயமாகும். உள்ளூர் ஏஜெண்டுகள் "நாங்களும் பாதிக்கப்பட்டவர்களே" என்று கூறித் தப்பிக்க முயல்வது, ஒரு திட்டமிடப்பட்ட தற்காப்பு உத்தியாகும். பொதுமக்கள் இது போன்ற 'குறைந்த காலத்தில் அதிக லாபம்' என்ற போலியான ஆன்லைன் முதலீடுகளை முற்றாகத் தவிர்க்க வேண்டும். பாதிக்கப்பட்டவர்கள் உடனடியாகத் தங்களின் அனைத்து டிஜிட்டல் ஆதாரங்களையும் (Screenshots, Transaction IDs) பாதுகாத்து, முறைப்படி புகார் அளிப்பதன் மூலமே அடுத்தகட்ட சட்ட நடவடிக்கைகளை முன்னெடுக்க முடியும். விழிப்புணர்வு ஒன்றே இத்தகைய நவீன காலக் கொள்ளைகளில் இருந்து மக்களைப் பாதுகாக்கும் ஒரே அரண் என்பதே