நேபாளத்தின் ராசுவா மாவட்டத்தில் ஏற்பட்ட திடீர் வெள்ளப்பெருக்கு காரணமாக,
கைலாஷ் மானசரோவர் யாத்திரை சென்ற சுமார் 400 பேர் குறித்து தொடர்பு துண்டிக்கப்பட்டு மாயமாகியுள்ளனர். இன்று புதன்கிழமை ஆகஸ்ட் 26, 2026 அதிகாலையில் போதே கோசி நதியில் பனி உறுகி ஏற்பட்ட திடீர் வெள்ளத்தால் எல்லைப் பகுதிகள் பாதிக்கப்பட்டன. இந்தியா மற்றும் வெளிநாடுகளைச் சேர்ந்த சுமார் 390 ஆன்மீக சுற்றுலா யாத்ரீகர்கள் ராசுவாகதி எல்லைப் பகுதியில் தடுத்து நிறுத்தப்பட்டனர்
அல்லது அவர்களுடன் தொடர்பு கொள்ள முடியவில்லை. இதில் 105 இந்தியர்கள், 37 வெளிநாடு வாழ் இந்தியர்கள் (NRI) மற்றும் சில வெளிநாட்டினரும் நேபாளிகளும் அடங்குவர். நேபாளத்தையும் சீனாவையும் இணைக்கும் மிதேரி பாலம் அடித்துச் செல்லப்பட்டது. மேலும் பல பாலங்களும் சாலைகளும் சேதமடைந்தன.நேபாளம் வழியாக கைலாஷ் மானசரோவர் யாத்திரை என்பது காத்மாண்டு நகரில் தொடங்கி திபெத் எல்லை வழியாகச் செல்லும் ஒரு ஆன்மீகப் பயணமாகும்.
காத்மாண்டுவிலிருந்து ரசுவாகடி மற்றும் கெருங் எல்லை வழியாக திபெத் நுழைந்து கைலாஷ் செல்வது பொதுவான வழியாகும். இப்பயணம் பொதுவாக 10 முதல் 15 நாட்கள் வரை நீடிக்கும். இதற்குச் சீனா விசா மற்றும் திபெத் பயண அனுமதியான TAR Permit தேவைப்படுகிறது.நேபாளம் ஆன்மீக சுற்றுலா சென்ற தமிழர்களின் நிலை என்னவானது கும்பகோணம் சூப்பர் யாத்ரா சர்வீஸ் மூலம் சென்றவர்கள் நேபாளத்தில் ஏற்பட்ட இந்த திடீர் வெள்ளப்பெருக்கு காரணமாக சுற்றுலா சென்றவர்களும் மானசரோவர் யாத்திரை சென்றவர்களும் இந்தியர் (தமிழர்கள்) உள்ளிட்டோர் தொடர்பின்றி தவிக்கும் சூழல் ஏற்பட்டுள்ளது.
நேபாளத்தின் வட பகுதியில் ரசுவா மாவட்டத்தில் உள்ள கோஷி ஆற்றில் திடீர் வெள்ளத்தில் வெளிநாட்டினர், நேபாளிகள் உட்பட 384 சுற்றுலா பயணிகள் தொடர்பு எல்லையை தாண்டி (காணாமல் போனதாக) நேபாள அரசு சுற்றுலா வாரியம் தெரிவித்துள்ளதில் இந்தியர்கள் பலரும் அடங்குவர். அதில் கும்பகோணத்தைச் சேர்ந்த சுற்றுலா நிறுவனம் மூலம் 36 பெண்கள் உட்பட 57 பேர் சென்றனர். இவர்கள் தஞ்சாவூர், திருச்சிராப்பள்ளி, கும்பகோணம், கடலூர், மயிலாடுதுறை உள்ளிட்ட மாவட்டங்களைச் சேர்ந்தவர்கள். அப்பகுதியில் மின்சாரம் மற்றும் தொலைத்தொடர்பு சேவைகள் துண்டிக்கப்பட்டுள்ளன.நேபாள சுற்றுலா வாரியத்தின் (NTB) அதிகாரப்பூர்வ அறிவிப்பின்படி, 105 இந்தியர்கள், 12 பிரிட்டிஷ் நபர்கள் உட்பட மொத்தம் 291 வெளிநாட்டு சுற்றுலாப் பயணிகளும், 93 நேபாள நாட்டினரும் தொடர்பை இழந்துள்ளனர்.
கும்பகோணத்தைச் சேர்ந்த 'சூப்பர் யாத்ரா' ஏஜென்சி மூலம் கைலாஷ் மானசரோவர் ஆன்மீகப் பயணத்திற்காக சென்ற 57 தமிழர்கள் ரசுவா மாவட்டத்தில் சிக்கியுள்ளனர். இதில் ஒரு பேருந்தில் பயணித்த 20 தமிழர்கள் பத்திரமாக மீட்கப்பட்டு, திமுரே பகுதியில் உள்ள ஆயுதப்படைக் காவல் முகாமில் தஞ்சமடைந்துள்ளனர். மீதமுள்ள 37 பேரைத் தேடும் பணிகள் தீவிரமாக நடைபெறுகின்றன. நேபாள ராணுவம், உள்ளூர் காவல்துறை மற்றும் ஆயுதக் காவல் படையினர் மக்கள் இணைந்து ஹெலிகாப்டர்கள் மற்றும் தற்காலிகப் பாலங்கள் மூலம் மீட்புப் பணியில் ஈடுபட்டுள்ளனர். காத்மாண்டுவில் உள்ள இந்தியத் தூதரகம் நேபாள அரசுடன் இணைந்து மீட்புப் பணிகளை ஒருங்கிணைத்து வருகிறது.
இந்தியப் பிரதமர் நரேந்திர மோடி, நேபாள பிரதமரைத் தொடர்புகொண்டு தேவையான அனைத்து உதவிகளையும் வழங்குவதாக உறுதியளித்துள்ளார். வெள்ளத்தில் சிக்கிய தமிழர்களின் நிலையைத் தெரிந்துகொள்ளவும், அவர்களை மீட்கவும் தமிழ்நாடு அரசு அவசர உதவி எண்களை அறிவித்துள்ளது பாதிக்கப்பட்டவர்களின் உறவினர்கள் மற்றும் விபரங்களை அறிய விரும்புவோர் பின்வரும் எண்களைத் தொடர்பு கொள்ளலாம்:தமிழ்நாடு அரசு உதவி எண்கள்: 80690 09900, 80690 09901நேபாளத்தில் உள்ள இந்தியத் தூதரக எண்கள்: +977 985 131 6807, +977 970 910 7500நேபாள சுற்றுலா வாரிய எண்கள்: 1234 (Toll-free), 1144 (Hotline) மூலம் தகவல் பெறலாம்,கைலாஷ் மலையில் ஏறிய ஒரே நபர் என்று திபெத்திய ஆன்மீகவாதியான மிலாரேபா (Milarepa) மட்டுமே வரலாற்றிலும் புராணங்களிலும் கூறப்படுகிறார்.கைலாஷ் மலையும் மிலாரேபாவும்சிவபெருமான் உறைவிடம்: இந்துக்கள், பௌத்தர்கள் மற்றும் சமணர்கள் கைலாஷ் மலையை மிகவும் புனிதமான இடமாகவும், சிவபெருமான் வசிக்கும் இடமாகவும் கருதுகின்றனர்.ஏற முடியாத மலை: புனிதத்தன்மை மற்றும் பாதுகாப்பு காரணங்களால் கைலாஷ் மலையில் ஏற யாருக்கும் அனுமதி இல்லை; இது உலகின் ஏறப்படாத மலைகளில் ஒன்றாக உள்ளது.மிலாரேபாவின் சாதனை: பல நூற்றாண்டுகளுக்கு முன்பு திபெத்திய யோகியான மிலாரேபா தனது ஆன்மீக சக்திகளால் மட்டுமே கைலாஷ் மலையின் உச்சிக்குச் சென்று திரும்பியதாக நம்பப்படுகிறது.எச்சரிக்கை கதை: மலையின் உச்சிக்குச் சென்று திரும்பிய மிலாரேபா, அங்கு கடவுளின் சக்தி இருப்பதாகவும், மலையின் புனிதத்தை கெடுக்கும் வகையில் யாரும் மேலே ஏற வேண்டாம் என்றும் மக்களை எச்சரித்ததாக ஐதீகம் உள்ளது.
ஹிந்து சமயப் புராணங்களின் படி, சுந்தரமூர்த்தி நாயனார் மற்றும் சேரமான் பெருமாள் நாயனார் போன்றோரும், திபெத்திய துறவியான மிலரேபா பண்டைய காலத்தில் கயிலாய மலையின் உச்சிக்குச் சென்றதாக நம்பிக்கைகளும் வரலாறுகளும் கூறப்படுகின்றன. சுந்தரர் வெள்ளை யானை மீது ஏறி கயிலாயம் சென்றதாகவும், அவருடன் சேரமான் பெருமாள் குதிரையின் மீது ஏறி கயிலாயம் சென்றதாகவும் பெரியபுராணம் கூறுகிறது.
தற்காலத்தில் கைலாஷ் எனும் கயிலாய மலையின் உச்சிக்கு மனிதர்கள் யாரும் ஏற அனுமதிக்கப்படுவதில்லை மற்றும் அது முடியாத காரியம் என நம்பப்படுகிறது. சுமார் 900 ஆண்டுகளுக்கு முன்பு திபெத்திய ஆன்மீகத் துறவி மிலரேபா மட்டுமே கயிலை மலையின் உச்சிக்குச் சென்ற ஒரே நபர் என நம்பப்படுகிறது. கைலாயம் மானசரோவர் யாத்திரை போனவர்கள் மேகமூட்டம் இல்லாமல் இருந்தால் தரிசனம் கிடைக்கும்.இதனை கூறி பயமுருத்துவதாக நினைக்க வேண்டாம் கைலாஷ் மலை திபெத்தின் Ngarii பகுதியில் அமைந்துள்ள மலை ஹிந்துக்கள் மற்றும் சில பண்டைய இந்திய மதங்களுக்கு புனிதமானது. இது இந்து கடவுள் சிவனின் இருப்பிடம் ஹிந்துக்கள் , பௌத்தர்கள் மற்றும் சமணர்கள் கைலாஷ் மலையை மிகவும் புனிதமான இடமாகவும், சிவபெருமான் வசிக்கும் இடமாகவும் கருதுகின்றனர். புனிதத்தன்மை மற்றும் பாதுகாப்புக் காரணங்களால்
கைலாஷ் மலையில் ஏற யாருக்கும் அனுமதி இல்லை; இது உலகின் ஏறப்படாத மலைகளில் ஒன்றாக உள்ளது பல நூற்றாண்டுகளுக்கு முன்பு திபெத்திய யோகியான மிலாரேபா தனது ஆன்மீக சக்திகளால் மட்டுமே கைலாஷ் மலையின் உச்சிக்குச் சென்று திரும்பியதாக நம்பப்படுகிறது. மலையின் உச்சிக்குச் சென்று திரும்பிய மிலாரேபா, அங்கு கடவுளின் சக்தி இருப்பதாகவும், மலையின் புனிதத்தை கெடுக்கும் வகையில் யாரும் மேலே ஏற வேண்டாம் என்றும் மக்களை எச்சரித்ததாக ஐதீகம் உள்ளது.திருக்கயிலாயம் இமயமலையின் மேற்குப் பகுதியில் திபெத்தில் அமைந்துள்ள புனித மலை. ஹிந்துக்களின் முதன்மைக் கடவுளான சிவபெருமானின் நித்திய வாசஸ்தலமாகவும், பௌத்தர்கள் மற்றும் சமணர்களால் போற்றப்படும் மிக முக்கியமான தெய்வீகத் தலமாகவும் விளங்குகிறது, கடல் மட்டத்திலிருந்து சுமார் 6,638 மீட்டர் உயரம் கொண்டது,
மேற்குத் திபெத்தில் கயிலை மலைத்தொடரில் அமைந்துள்ளது. சிந்து, சட்லெஜ், பிரம்மபுத்திரா ஆகிய பெருநதிகள் இங்கிருந்து தான் உற்பத்தியாகின்றன, இமலையின் அருகே புனிதமான மானசரோவர் நன்னீர் ஏரியும், இராட்சதலம் ஏரியும் உள்ளன. இங்குள்ள மூலவர் பரமசிவனாகிய கயிலாயநாதர், இறைவி பார்வதி தேவி. தமிழ் இலக்கியங்களிலும் தேவாரத்திலும் இது 'திருநொடித்தான்மலை' என அழைக்கப்படுகிறது.திருநாவுக்கரசர் எனும் அப்பர் பெருமான், தன் வாழ்நாளில் கயிலை மலைக்குச் சென்று சிவபெருமானை நேரில் தரிசிக்க வேண்டும் எனும் பெரும் ஆவல் கொண்டார். வயது முதிர்ந்த நிலையிலும், உடல் நலிவுற்ற நிலையிலும் அவர் கயிலையை நோக்கி தடி ஊன்றி, கைகளாலும், மார்பினாலும் ஊர்ந்து யாத்திரை மேற்கொண்டார்.
அவரது பக்தியைக் கண்டு உருகிய சிவபெருமானே முனிவர் வடிவில் தோன்றி, "இங்கிருக்கும் குளத்தில் மூழ்கி, சோழநாட்டு திருவையாறு திருக்குளத்தில் எழுந்து வா" எனக் கட்டளையிட்டார். அதன்படியே அப்பர் குளத்தில் மூழ்கி திருவையாறில் எழுந்தபோது, அங்குள்ள உலகமே கயிலாயமாக மாறியிருப்பதைக் கண்டார். அனைத்து உயிர்களும் அம்மையப்பனாக (சிவனும் பார்வதியுமாக) காட்சியளிப்பதைக் கண்டு உருகி அவர் பாடிய புகழ்பெற்ற தேவாரமே இதுவாகும்:
"மாதர் பிறைக்கண்ணி யானை மலையான் மகளோடு பாடிப்போதொடு நீர்சுமந் தேத்திப் புகுவா ரவர்பின் புகுவேன்யாதும் சுவடுபடா மல்ஐ யாறடை கின்ற போதுகாதல் மடப்பிடி யோடும் களிறு வருவன கண்டேன்கண்டேன் அவர்திருப் பாதங் கண்டறி யாதன கண்டேன்." எனவும்
ஜக்கி வாசுதேவ் வழிகாட்டுதலில் சென்ற 21 குழுக்களில், 495 பக்தர்கள் பாதுகாப்பாகத் திரும்பியுள்ளனர். மேலும் 743 பேர் திபெத் பகுதியிலும், 148 பேர் நேபாளத்தின் பிற பகுதிகளிலும் பாதுகாப்பாக உள்ளதாகத் தெரிவிக்கப்பட்டுள்ளது. இமயமலைப் பகுதியில் நிலவி வரும் மோசமான வானிலைக்கு மத்தியிலும், ஜக்கி வாசுதேவ் அந்தப் பகுதியிலேயே தங்கி உள்ளூர் அதிகாரிகளுடன் இணைந்து மீட்புப் பணிகளை நேரடியாக ஒருங்கிணைத்து வருவதாக கூறப்பட்ட நிலையில் நேபாளப் பிரதமர் பாலேந்திர ஷா மீட்புக் குழுவினர், காவல்துறை மற்றும் ராணுவத்தினரை சம்பவ இடத்திற்கு அனுப்பியுள்ளார். தொலைத்தொடர்பு நெட்வொர்க் முற்றிலும் துண்டிக்கப்பட்டுள்ளதால் தகவல்களைப் பெறுவதில் தாமதம் ஏற்பட்டு வருகிறது.
21 குழுக்களில் இடம்பெற்று இருந்த 495 பேர் பாதுகாப்பாக நாடு திரும்பி விட்டனர். 743 பேர் திபெத்தில் உள்ளனர். 148 பேர் நேபாளத்திலும்,77 பேர் குடியேற்ற மையத்திலும் உள்ளனர். 3 தன்னார்வலர்கள் நேபாளத்தின் திமூரில் உள்ளனர்.
ஜக்கி வாசுதேவ் குழுவில் இடம்பெற்றுள்ளவர்கள் மற்றும் பாதிக்கப்பட்ட குடும்பத்தினர் துயரத்தில் பங்கெடுத்துக் கொள்கிறேன். எனவும் இந்த கடினமான நேரத்தில் எங்களால் இயன்ற அனைத்து முயற்சிகளையும் மேற்கொண்டு வருகிறோம். இவ்வாறு அந்த அறிக்கையில் அவர் தெரிவித்து உள்ளதாக பதிவு ஆனால் அதிகாரப் பூர்வமான தகவல் வரவில்லை .
முதலில் ஈசன் அருள் இருந்தால்தான் இந்த யாத்திரை சிறப்பாக அமையும். தொடர் பிரார்த்தனை இருந்தால் உடல் நலத்துடன் தரிசனம் கிடைக்கும். உதாரணம் 2007 ஆம் ஆண்டில் காட்மண்டுவிலிருந்து கிளம்பும் போது 88 நபர்கள் கிளம்பி நெருங்கும் போது 53 நபர்மட்டும் தரிசனவாய்ப்புக் கிட்டிய நிலை.சிலர் வடக்கு முகம் தோடு திரும்ப,அதிலும் நான்கு பேர் நடந்து வந்ததில் மழைவராமலும்
மேகமூட்டம் இல்லாமல் இருந்தால் தான் தரிசனம் கிடைக்கும். முன்பு கூறியபடி. தொடர்பிரார்த்தனை விண்ணப்பம் செய்தால் மட்டுமே நல்லதரிசனம் அமையும் .
கருத்துகள்