CJI க்கு எதிராக NALSAR மாணவர்களின் விரோதப் பிரச்சாரம் BCI பதிவுத் தடையை திரும்பப் பெற்றது.
ஹைதராபாத் NALSAR தேசிய சட்டப் பல்கலைக்கழகப் பட்டமளிப்பு விழாவில் தலைமை விருந்தினராக இந்தியத் தலைமை நீதிபதி சூர்யா காந்த் அழைக்கப்பட்டதற்கு எதிராக 450-க்கும் மேற்பட்ட மாணவர்கள் எதிர்ப்புத் தெரிவித்தனர். டெல்லி ஜந்தர் மந்தர் காவல்துறை அடக்குமுறை தொடர்பான வழக்கு விசாரணை மற்றும் இளைஞர்கள் குறித்த அவரது கருத்துகள்
அரசியலமைப்புச் சட்ட நெறிமுறைகளுக்கு முரணாக உள்ளதாகக் கூறி மாணவர்கள் இந்திய தலைமை நீதிபதிக்கு எதிராக நடத்திய இந்தப் பிரச்சாரம். கரணமாக இந்திய தலைமை நீதிபதி சூர்யா காந்த் கலந்து கொள்ளவிருந்த பட்டமளிப்பு விழா அழைப்பை எதிர்த்து NALSAR சட்டப் பல்கலைக்கழகத்தின் மாணவர்கள் நடத்திய பிரச்சாரத்தைத் தொடர்ந்து, 2026 ஆம் ஆண்டு தொகுதி மாணவர்களின் வழக்கறிஞர் பதிவை இந்திய பார் கவுன்சில் (BCI) தற்காலிகமாகத் தடை செய்தது. ஆனால், பெரும்பாலான மாணவர்கள் அப்பாவிகள் என்று கூறி அந்தத் தடை உத்தரவை BCI சில மணி நேரங்களிலேயே திரும்பப் பெற்றது. NALSAR ஹைதராபாத் பல்கலைக்கழக பட்டமளிப்பு விழாவிற்கு தலைமை விருந்தினராக வரவிருந்த CJI சூர்யா காந்த்தை எதிர்த்து மாணவர்கள் போராட்டம் நடத்தினர்.இந்தச் சம்பவத்தையடுத்து மாநில பார் கவுன்சில்கள் NALSAR 2026 மாணவர்களைப் பதிவு செய்யக் கூடாது என BCI ஆரம்பத்தில் தடை விதித்தது.மாணவர்களில் பெரும்பாலோர் தவறு செய்யாதவர்கள் என்றும், முழுத் தொகுதியையும் தண்டிப்பது சரியல்ல என்றும் BCI தலைவர் தெரிவித்தார்.இதனால் மாணவர்கள் வழக்கறிஞராகப் பதிவு செய்வதற்கான தடை நீக்கப்பட்டது.எனினும், இந்தப் பிரச்சாரத்தின் பின்னணியில் வெளிப்புற நபர்கள் அல்லது ஆசிரியர்களின் தாக்கம் உள்ளதா என்பது குறித்த விசாரணை தொடர்ந்து நடக்கும் என BCI அறிவித்துள்ளது.2026-ல் NALSAR சட்டப் பட்டம் பெற்ற மாணவர்களை வழக்கறிஞர்களாக பதிவு செய்வது தொடர்பாக இந்திய பார் கவுன்சில் (BCI) முக்கிய நடவடிக்கை எடுத்தது.
13.08.2026 ஆம் தேதி அன்று இந்திய பார் கவுன்சில் தலைவர் மனன் குமார் மிஸ்ரா, மூத்த வழக்கறிஞர் NALSAR சட்டப் பல்கலைக்கழகத்தின் துணைவேந்தர் மற்றும் அனைத்து மாநில பார் கவுன்சில்களின் செயலாளர்களுக்கும் கடிதம் அனுப்பியுள்ளார்.
NALSAR பல்கலைக்கழகத்தில், இந்தியத் தலைமை நீதிபதி மாண்புமிகு நீதியரசர் சூர்ய காந்த் அவர்கள் Convocation நிகழ்ச்சியில் பங்கேற்பது தொடர்பாக நடைபெற்றதாகக் கூறப்படும் பிரச்சாரம் குறித்து, உண்மையான நிலவரத்தை பல்கலைக்கழகத்திடமிருந்து இந்திய பார் கவுன்சில் கோரியுள்ளது.
ஊடகம், சமூக வலைதளப் பதிவுகள் அல்லது பிற இரண்டாம் நிலை தகவல்களை மட்டும் அடிப்படையாகக் கொள்ளாமல், பல்கலைக்கழகத்திடமிருந்து அங்கீகரிக்கப்பட்ட உண்மை அறிக்கையைப் பெற வேண்டும் என BCI தெரிவித்துள்ளது.
பிரச்சாரத்தை தொடங்குதல், ஏற்பாடு செய்தல், ஒருங்கிணைத்தல், மாணவர்களைத் திரட்டுதல், ஊடகங்களுடன் தொடர்பு கொள்ளுதல் அல்லது boycott மற்றும் obstruction மற்றும் disruption போன்ற நடவடிக்கைகளுக்கு அழைப்பு விடுத்தவர்கள் யார்? என்பது குறித்து NALSAR சட்டப் பல்கலைக்கழகம் விரிவான தகவல் அளிக்க வேண்டும் என உத்தரவிடப்பட்டது.
மேலும், Student Bar Council, Students’ Union அல்லது பிற மாணவர் அமைப்புகளின் அலுவலகப் பொறுப்பாளர்கள் இதில் தொடர்புடையிருந்தால் அவர்களின் பெயர் மற்றும் பதவியையும் தெரிவிக்க வேண்டும் எனக் கூறப்பட்டுள்ளது.
முக்கியமாக, மேலும் உத்தரவு வரும் வரை NALSAR University of Law-ல் 2026 ஆம் ஆண்டு சட்டப் பட்டம் பெற்ற எந்த மாணவரையும் எந்த மாநில பார் கவுன்சிலும் வழக்கறிஞராக பதிவு செய்யக்கூடாது என முன்பு BCI தெரிவித்துள்ளது.
அதேவேளை, ஒரு representation அல்லது campaign-ல் கலந்து கொண்டதற்காக மட்டும் ஒருவர் Advocates Act, Section 24A-ன் கீழ் தகுதி நீக்கம் செய்யப்பட்டவர் என இந்த கட்டத்தில் BCI முடிவு செய்யவில்லை என்றும் கடிதம் தெளிவுபடுத்துகிறது.
ஒருவரின் பெயர் குறிப்பாக BCI-யால் State Bar Council-க்கு தெரிவிக்கப்பட்டால், அந்த நபரின் enrolment குறித்து விசாரணை நடைபெறும் காலத்தில் முடிவு எடுக்காமல் defer செய்ய வேண்டும் என தெரிவிக்கப்பட்டுள்ளது.
ஏற்கனவே Enrolment Committee முன் விண்ணப்பம் இருந்தால், அந்த விண்ணப்பதாரரின் பெயர், enrolment application number, விண்ணப்ப தேதி, பரிசீலனைக்கான முன்மொழியப்பட்ட தேதி மற்றும் தற்போதைய நிலை ஆகிய விவரங்களை BCI-க்கு State Bar Council தெரிவிக்க வேண்டும்.
NALSAR சட்டப் பல்கலைக்கழகத் துணைவேந்தரிடமிருந்து உண்மை நிலவர அறிக்கை கிடைத்த பின்னர், 19.08.2026 அன்று இந்த விவகாரத்தில் இறுதி முடிவு எடுக்கப்படும் என்று இந்திய பார் கவுன்சில் தெரிவித்துள்ளது.
அனைத்து State Bar Councils-ம் இந்தத் தகவலை தங்களது Chairman, Vice-Chairman, Secretary மற்றும் Enrolment Committee முன் வைத்து, தேவையான நடவடிக்கைகளை மேற்கொள்ள வேண்டும் என்றும் அறிவுறுத்தப்பட்டுள்ளது.
கருத்துகள்