பிரதமர் அறிவித்த இரவு 9 மணி 9 நிமிடம் 5 ம் தேதி மின்வாரியம் உத்தரவு

ஞாயிற்றுக்கிழமை இரவில் 9 மணிக்கு 9 நிமிடம்  விளக்கேற்றக் கூறிய பிரதமர் நரேந்திர மோடிக்கு பலர் ஆதரவு தெரிவித்துள்ளார்.
கொரோனா வைரஸ் பீதியால் நாடு முழுவதும் ஊரடங்கு உத்தரவு அறிவிக்கப்பட்டுள்ள சூழலில்  பிரதமர் நரேந்திர மோடி வீடியோ செய்தி வெளியிட்டார். அப்போது ஊரடங்குக்கு ஒத்துழைப்பு தரும் மக்களுக்கு பிரதமர் நன்றி கூறினார். இந்தியாவின் மக்கள் ஊரடங்கு உலகுக்கு முன்னுதார ணமாக விளங்குகிற தெனக் கூறினார். வரும் ஏப்ரல் 5 ஆம் தேதி இரவு 9 மணிக்கு வீட்டு மின்விளக்குகளை 9 நிமிடங்கள் அணைக்க வேண்டும் ஏப்ரல் 5 ஆம் தேதி இரவு 9 மணிக்கு மெழுகுவர்த்தி, செல்போன் விளக்குகளை ஒளிரவிட வேண்டும் என்று கோரிக்கை விடுத்தார். அதை நடைமுறையில் கொண்டு வர மத்திய மின்சார ஒழுங்கு முறை ஆணையம் குறிப்பிட்ட  வரம்பில் மின் அதிர்வெண் வைத்திருக்கவும் அனைத்து மாநில மின்துறைக்கும் உத்தரவுகள் பிறப்பிக்கும் படி செய்யப்பட்டது அதன்படி மாநில மின்வாரியம் உத்தரவு பிறப்பித்துள்ளது அதன் படி வரும் 5 ம் தேதி இரவில் 9 மணிக்கு மின் நிறுத்தம் ஒன்பது நிமிடம் நீடிக்கும் ஒரே நேரத்தில் எல்லோரும் மின் தடை செய்ய ஒரு ஏற்பாடு இதுவாகும்.நாளை 9 நிமிட லைட் ஆஃப் செய்வதில் மின் தொடரமைப்பிலுள்ள சிக்கலை எப்படிச் சமாளிப்பார்கள்.
பிரதமர் நரேந்திர மோடி கேட்டுக் கொண்டபடி 9 நிமிடங்கள் அனைத்து விளக்குகளையும் அணைப்பதால் மின் தொடரமைப்பில் பிரச்சினை ஏற்படாமல் இருக்க மின்வாரியத் துறை அதிகாரிகள் உஷார் நிலையில் இருக்க
பவர் கிரிட்டில் எழும் சிக்கலுக்கு உத்தரவிடப்பட்டுள்ளது
நாடு முழுவதும் 21 நாட்கள் ஊரடங்கு அமலில் இருக்கிறது. இதன்மூலம் கொரோனா வைரஸ் மேலும் பரவாமல் இருக்க நடவடிக்கை எடுக்கப்பட்டு வருகிறது. இதில் அனைவரின் பங்களிப்பையும் உறுதிப்படுத்தும் வண்ணம் ஏப்ரல் 5 இரவு 9 மணிக்கு 9 நிமிடங்கள் வீட்டில் உள்ள அனைத்து விளக்குகளையும் அணைத்து விட்டு டார்ச் லைட், அகல் விளக்கு அல்லது மொபைல் லைட் அடிக்குமாறு பிரதமர் மோடி கேட்டுக் கொண்டார்.
இது ஒட்டுமொத்த மின் தொடரமைப்பில் பிரச்சினை ஏற்படுத்துமா என்று அச்சம் ஏற்பட்டுள்ளது. இதற்கான முன்னெச்சரிக்கை நடவடிக்கைகள் எடுக்கும் வகையில் மின்சாரத்துறை அதிகாரிகள் உஷார்படுத்தப்பட்டு உள்ளனர். நம் நாட்டில் மின்சாரம் உற்பத்தி செய்யப்பட்டு விநியோகம் செய்யப்படும் போது குறிப்பிட்ட அதிர்வெண்களுக்குள் GRID எனப்படும் மின் தொடரமைப்பு பராமரிக்கப்படுகிறது.
அதாவது 49.95 ஹெர்ட்ஸில் இருந்து 50.05 ஹெர்ட்ஸ் வரை பராமரித்து வருகின்றனர். இதனை CERC எனப்படும் மத்திய மின்சார ஒழுங்குமுறை ஆணையம் மேற்பார்வை செய்து வருகிறது. இந்தியாவின் மின்சாரத் தேவை பெரிய அளவில் அதிகாரித்தாலோ அல்லது குறைந்தாலோ மேற்சொன்ன அதிர்வெண்களில் மாற்றம் ஏற்படும். இதன் விளைவாக மின் உற்பத்தி மற்றும் விநியோகம் கடுமையாகப் பாதிக்கப்படும்.
அனைத்து இந்தியர்களும் தங்கள் வீட்டின் மின் விளக்குகளை அணைத்தால் மின்சாரத் தேவை பெருமளவு குறையும். இதன்மூலம் அதிர்வெண்களில் மாற்றம் ஏற்பட்டு மின் தொடரமைப்பு முடங்கும் நிலை ஏற்படலாம். இதுதொடர்பாக பி.ஜி.சி.ஐ.எல்(PGCIL) மற்றும் லோட் டிஸ்பேச்சர் அதிகாரிகளுடன் மத்திய எரிசக்தி துறை அமைச்சர் ஆலோசனை நடத்தியுள்ளதாக அரசு தரப்பு தகவல்கள் தெரிவிக்கின்றன.இதில் ஏப்ரல் 5ஆம் தேதி அன்று எடுக்க வேண்டிய முன்னெச்சரிக்கை நடவடிக்கைகள் குறித்து மாநில மின்வாரியங்களுடன் ஆலோசனை நடத்த அறிவுறுத்தப்பட்டு உள்ளது. இந்த விவகாரத்தில் மத்திய அரசின் கீழ் செயல்பட்டு வரும் பவர் சிஸ்டம் ஆபரேஷன் கார்ப்பரேஷனும்( POSOCO) உஷாராக இருக்க அறிவுறுத்தப்பட்டுள்ளது. அதாவது 5 மண்டல லோட் டிஸ்பேட்ச் சென்டர் மற்றும் என்.எல்.டி.சி (NLDC) ஆகியவற்றுடன் இணைந்து திட்டமிடுமாறு வலியுறுத்தப் பட்டுள்ளது.எனவே நாட்டின் ஒட்டுமொத்த மின்சாரத் தேவை திடீரென குறைந்தாலும் அதிர்வெண்களில் பாதிப்பு ஏற்படாமல் சரிசெய்து கொள்ளலாம் என்று கூறப்படுகிறது. இந்த லைட் ஆஃப் சமயத்தில் நிலக்கரி மூலம் இயங்கும் மின் நிலையங்கள் தொடர்ந்து இயங்கும் என்று மின்துறை பொறியாளர்கள் கூறுகின்றனர். அதேசமயம் எரிவாயு மூலம் இயங்கும் மின் நிலையங்கள், நீர் மின் நிலையங்கள் சிறிது நேரத்திற்கு முன்பாக நிறுத்தப்படக்கூடும்.9 நிமிடங்கள் கழித்து மீண்டும் உற்பத்தி திறனை அதிகரித்துக் கொள்ளலாம். கோவிட்-19 பாதிப்பு காரணமாக நாட்டின் பல்வேறு தொழிற்சாலைகள், நிறுவனங்கள் மூடப்பட்டுள்ளன. இதனால் ஒட்டுமொத்த மின்சாரத் தேவை 20 சதவீதம் குறைந்துள்ளது. இதற்கேற்ப அதிர்வெண்களை நிலைப்படுத்தி மின் தொடரமைப்பு பாதிக்கப்படாமல் நடவடிக்கை எடுக்கப்பட்டு வருகிறது.இந்த சூழலில் ஏப்ரல் 5ஆம் தேதி ஏற்படப் போகும் மின்சாரத் தேவை சரிவு எந்தவிதத்திலும் பாதிப்பை ஏற்படுத்தாது. அந்த சூழலை எளிதில் கையாண்டு விடலாம் என்றும் தெரிவித்துள்ளனர். கடந்த ஏப்ரல் 2, 2020 நிலவரப்படி இந்தியாவின் ஒட்டுமொத்த மின்சாரத் தேவை 1,25,817 மில்லியன் யூனிட். கடந்த 2019ஆம் ஆண்டு இதே காலக்கட்டத்தில் மின்சாரத் தேவை 1,68,326 மில்லியன் யூனிட்டாக இருந்தது குறிப்பிடத்தக்கது.