அறுந்து கிடந்த மின் கம்பியால் பூசாரியும் பசு மாடும் பலி

புதுக்கோட்டை மாவட்டம் அன்னவாசல் அருகேயுள்ள சேந்தமங்கலத்தில் கீழே அறுந்து கிடந்த மின் கம்பியை மிதித்த கோயில் பூசாரி மற்றும் பசு மாடு மின்சாரம் தாக்கி உயிரிழந்த சம்பவம்  சோகத்தை ஏற்படுத்தியுள்ளது. சேந்தமங்களத்தை சேர்ந்தவர் பொப்பன் (வயது60)         அவ்வூர் அம்மன் கோயிலில் பூசாரியான இவர் வெள்ளிக்கிழமைக் காலை அருகிலுள்ள வயலுக்கு நடந்து சென்றார்.அப்போது  எதிர்பாராதவிதமாக அறுந்து கிடந்த மின்கம்பியை மிதித்த பொப்பன் நிகழ்விடத்திலேயே உயிரிழந்தார், 
இதேபோல் வயல்வெளிக்கு மேய்ச்சலுக்குச் சென்ற பசுமாடும் மின் கம்பியை மிதித்து உயிரிழந்துள்ளது இந்த இருவேறு சம்பவங்களும் அப்பகுதியில் பெரும் சோகத்தை ஏற்படுத்தியுள்ளது.
அன்னவாசல் பகுதியில் வியாழக்கிழமை மாலை இடி மின்னலுடன் தொடங்கிய மழையின் காரணமாக மின் கம்பி அறுந்து விழுந்திருக்கலாமென்றும் சரியாக தகவல் கிடைக்காததால் அந்த மின் கம்பத்தின் மின் விநியோகத்தை நிறுத்திவைக்க முடியவில்லையென மின் வாரியத்தினரால் கூறப்படுகிறது.