நீட் தேர்வில் அரசுபள்ளி மாணவர்களுக்கு உள்ஒதுக்கீடு முதல்வர் அஸ்திரம் ஒரே கல் மூன்று மாங்காய்

அரசுப் பள்ளி மாணவர்களுக்கு மருத்துவக் கல்லூரிகளில் 7.5 சதவீத உள் ஒதுக்கீடு வழங்க அரசு முடிவெடுத்தது. உண்மையில் 10 சதவீத இட ஒதுக்கீடு வழங்குமாறு தான் உருவாக்கப்பட்ட கமிஷன் பரிந்துரைத்திருந்தது. ஆனால் தமிழக அரசு தான் இதை 7.5 சதவீதமாகக் குறைத்து விட்டது. இங்கேயே அரசுக்கு முதல் சறுக்கல் அதனால்தான் இந்த சட்ட மசோதாவுக்கு ஆளுநர் ஒப்புதல் பெற வேண்டிய நிலைமை ஏற்பட்டது.. ஏற்கனவே காலதாமதமாகி விட்ட நிலையில் மேலும் அவகாசம் கேட்டார்.. பொதுவாக, ஆளுநரை யாரும் உத்தரவிட்டு வலியுறுத்த முடியாது என்றாலும் கூட ஏன் இந்தத் தாமதம் என்று எல்லோரும் கேட்க ஆரம்பித்தும் விட்டனர்.மக்களுக்கு அதிருப்தி ஏற்படும் அளவுக்கு இந்த விவகாரம் பெரிதாகியது.. இதில் அரசியலும் பின்னிப் பிணைந்திருப்பது தான் பலரையும் அதிர வைக்க முதல்வர் எடப்பாடி கே. பழனிச்சாமி இந்தச் சட்ட மசோதாவின் மூலமாக அரசுப் பள்ளி மாணவர்களுக்கு இட ஒதுக்கீடு கொடுத்து மக்களின் மனதில் இடம் பிடிக்க நினைத்தார். ஏற்கனவே பல்வேறு அறிவிப்புகள் மூலம் மாணவர்கள் மத்தியிலும், மக்கள் மத்தியிலும் எடப்பாடியாருக்கு நல்ல பெயருள்ளது. அதில் இவ் உள் ஒதுக்கீடும் அமைய வேண்டும் என விரும்பினார். உள் ஒதுக்கீடு வந்தால் எடப்பாடியாருக்கு நல்ல பெயர் கிடைத்து விடுமே என்று உள்ளுக்குள் பதை பதைப்பு திமுக தரப்பில். ஒதுக்கீடு வர வேண்டும் என்று வெளியில் குரல் கொடுத்தாலும் கூட அப்படி வந்தால் அதன் முழுப் பெயரும் முதல்வருக்குத்தான் போகும் என அச்சமும் நிறையவே இருந்தது.. எனவேதான் முன்கூட்டியே ஆளுநர் மாளிகை முன்பு பெரும் கூட்டத்தைக் கூட்டி தனது பலத்தைக் காட்டிப் போராட்டமும் நடத்தி விட்டது. ஆளுநர் ஒப்புதல் அளித்தாலும் கூட, எங்களது போராட்டத்தால்தான் ஆளுநர் பணிந்து வந்தார் என பேசிக் கொள்ள இது உதவும் என அன்றைய தினமே கணிக்கப்பட்டது..ஆனால் இந்த கணிப்பு நேற்று முழுவதுமாக நிரூபணமாகிவிட்டது..முதல்வர் நேற்று ஆளுநரின் ஒப்புதலின்றி இது தொடர்பான அரசாணை வெளியிட்டார்.. மாணவர் நலன் கருதி அரசாணை வெளியிட்டதற்கான விளக்கமும் தந்தார். ஆனால் ஸ்டாலின் விடவில்லை.. "அரசாணையில், ஆளுநரின் ஆணைப்படி" என்று வெளியிட்டிருப்பது - வழக்கமான நிர்வாக நடைமுறையா அல்லது ஆளுநரிடம் அந்தக் கோப்பில் கையெழுத்து வாங்கப்பட்டுள்ளதா? எனக் கேட்டார்.. தங்கள் போராட்டத்தால்தான் அரசாணை வெளியிட்டதாகவும், அதற்கு நன்றி என்றார். இப்போது ஆளுநரே ஒப்புதல் அளித்து விட்டார்.. ஆக, ஒரே கல்லில் முதல்வர் தரப்பு மூன்று மாங்காய்களை அடித்துள்ளது.. ஒன்று, அதிமுகவுக்கு பெயர் மற்றொன்று, போராட்டம் நடத்தியும் திமுகவுக்கு பயன் இல்லை அடுத்ததாக, ஆளுநரின் ஒப்புதலே இல்லாமல் அரசாணை வெளியிட்டு, பாஜகவையும் திக்குமுக்காட வைத்த சரியான தைரியமான முதல்வர் என, ஜெயலலிதா 69 சத இட ஒதுக்கீட்டை நிலை நிறுத்தி, சமூகநீதி காத்த வீராங்கனை என்ற பெயரை பெற்றார்.. இப்போது அதே ரூட்டில் எடப்பாடி கே பழனிச்சாமியும் சேர்கிறார்.. என்னதான் நெருக்கடி கிளம்பி வந்தாலும், யாருக்கும் அடிபணிய மாட்டோம் என்பதைதான் அதிமுக அரசு செய்து காட்டி உள்ளது என்பதே மக்களின் பேச்சில்