சென்னை சௌகார்பேட்டையில் ராஜஸ்தானியர் குடும்பத்தில் மூவர் சுட்டுப் படுகொலை

சென்னை, சௌகார்பேட்டை, விநாயகர் மேஸ்திரி தெருவைச் சேர்ந்த வட இந்தியரான தலில் சந்த் (வயது74). நிதி நிறுவனம் நடத்தும் தொழில் செய்து வந்தவர் ராஜஸ்தான் மாநிலம், பிரோகி ஜவான் என்ற கிராமம் இவரின் பூர்வமாகம் இவர் மனைவி புஷ்பா பாய் ( வயது 70) மகன் சீத்தல் (வயது 38). இவர்கள் மூவரும் துப்பாக்கிக் குண்டுகளால் துளைக்கப்பட்டு இரத்த வெள்ளத்தில் வீட்டுக்குள்ளேயே மர்மமாக இறந்து கிடந்தனர். தலில்சந்தின் மகள் பிங்கி என்பவர் பெற்றோரைப் பார்ப்பதற்காக வந்த போது தான் கொலை நடந்த தகவல் வெளியிலும் காவல்துறைக்கும் தெரிய வந்ததனால் அதிர்ச்சியடைந்த பிங்கி உடனே தனது உறவினர்களுக்குத் தகவல் தெரிவித்தார். யானைக்கவுனி காவல் நிலையத்துக்கும் தகவல் தெரிவிக்கப்பட்டவுடன் வடசென்னை காவல்துறை இணைக்கமிஷனர் பாலகிருஷ்ணன் மற்றும் யானைக்கவுனி காவல்துறையினர் சம்பவ இடத்துக்கு விரைந்து வந்தனர். பின் மூன்று பேரின் சடலங்களையும் மீட்டு பிரேதப் பரிசோதனைக்காக சென்னை ராஜீவ்காந்தி அரசு பொது மருத்துவமனைக்கு அனுப்பி வைத்தனர். அவர்கள் மூவரும் கொலை செய்யப்பட்டதற்கான காரணம் குறித்து சௌகார்பேட்டை காவல்துறையினர் விசாரித்தனர். அந்தப் பகுதிகளில் பொருத்தப்பட்டிருந்த சிசிடிவி கேமராக்களையும் ஆய்வு செய்தனர். தலில்சந்த்தின் மகள் பிங்கியிடமும் காவல்துறையினர் விசாரணை நடத்தினர். தலில்சந்தின் மகன் சீத்தலின் மனைவிக்கும் குடும்பத்தினருக்கும், தலில்சந்த்துக்கும் இடையே கடந்த சில மாதங்களாக சொத்துப் பிரச்சினையும் இருந்து வந்துள்ளது. வரதட்சணைப் பிரச்சனையும் இருந்த்தாகக் கூறப்படுகிறது. சீத்தலின் மனைவி தரப்பில் உள்ளவர்களைப் பிடித்தும் விசாரணை நடத்தி வருகின்றனர். தடய அறிவியல் ஆய்வு நடத்தும் நிபுணர்கள் கொலை நடந்த வீட்டில் நீண்ட நேரம் தடயங்களைச் சேகரித்ததுடன் கொலை நடந்த இடத்துக்கு பத்திரிகை தொலைக்காட்சி செய்தியாளர்கள், புகைப்படக்காரர்கள் யாரும் அனுமதிக்கப்படவில்லை. காவல்துறை கமிஷனர் மகேஷ் குமார் அகர்வால் செய்தியாளர்களிடம் கூறுகையில் சம்பவம் நடந்த இடத்தில் விசாரணை நடத்தியுள்ளோம். ஆதாரங்களைச் சேகரித்து அதன் அடிப்படையில் விசாரணை நடந்து வருகிறது என்றார். சென்னை முக்கிய இடமாகக் கருதப்படும் சௌகார் பேட்டைப்பகுதியில் ஒரு இராஜஸ்தானி குடும்பத்தில் நடந்த மூன்று கொலைகள் பலரும் அச்சத்தால் கவலைபடும் நிலை.