நடந்து முடிந்த வருமானவரி சோதனையில் பலகோடி பணம் நகை பறிமுதல்

நிதி அமைச்சகம் கேரளா, மேற்கு வங்கம், தமிழகத்தில் வருமான வரித்துறை சோதனை, பல கோடி ரூபாய் மதிப்புள்ள பணம், நகைகள் பறிமுதல். கேரள மாநிலத்தில் அறக்கட்டளை ஒன்றுக்கு சொந்தமான இடங்களில் நடைபெற்ற வருமான வரி சோதனை, மேற்கு வங்கத்தில் நிலக்கரி வர்த்தக நிறுவனம் ஒன்றில் நடந்த வருமானவரி சோதனை ஆகியவற்றில் பல கோடி ரூபாய் மதிப்புள்ள பணம், நகைகள் பறிமுதல் செய்யப்பட்டன. கேரள மாநிலம் திருவல்லாவில் உள்ள மதபோதகர் ஒருவருக்குச் சொந்தமான குழுமத்தின் பல்வேறு அறக்கட்டளைகளில் நவம்பர் 5-ஆம் தேதி வருமானவரித் துறை அதிகாரிகள் சோதனை மேற்கொண்டனர். தொண்டு, மத அறக்கட்டளைகளாக 1961-ஆம் ஆண்டு வருமானவரி சட்டத்தின் விலக்குப் பெற்று இவை நடத்தப்பட்டு வந்தன. இந்த குழுமத்துக்குச் சொந்தமாக நாடு முழுவதும் வழிபாட்டு இடங்கள், பள்ளிகள், கல்லூரிகள் உள்ளன. கேரள மாநிலத்தில் ஒரு மருத்துவக் கல்லூரி மற்றும் மருத்துவமனை உள்ளது. கேரளா, தமிழ்நாடு, மேற்கு வங்கம், கர்நாடகா, சண்டிகர், பஞ்சாப் மற்றும் தெலங்கானா மாநிலங்களில் உள்ள 66 இடங்களில் வருமானவரி சோதனைகள் நடைபெற்றன. இந்த குழுமம் குறித்து கிடைந்த நம்பகமான தகவலின் அடிப்படையில் சோதனை மேற்கொள்ளப்பட்டது. ஏழைகளுக்கும், ஆதரவற்றவர்களுக்கு உதவி செய்வதற்கும், சுவிசேஷ நோக்கங்களுக்காகவும் வெளிநாடுகளில் இருந்து நன்கொடைகளை அறக்கட்டளைகள் பெற்று வந்தன. ஆனால், வரி விலக்குப் பெற்ற இந்த நிதியை கணக்கில் வராத பணப் பரிமாற்றங்களாக சொந்த உபயோகத்துக்காகவும், ரியல் எஸ்டேட் வணிக பரிமாற்றங்களுக்கும், சட்டவிரோத செலவுகளிலும் ஈடுபட்டது தெரியவந்தது. இந்த குழுமத்துக்குச் சொந்தமாக 30 அறக்கட்டளைகள் நாடு முழுவதும் பதிவு செய்யப்பட்டுள்ளன. பெரும்பாலான அறக்கட்டளைகள் வெறுமனே ஆவணமாக மட்டுமே உள்ளன. பணத்தை வேறு வழிகளுக்கு மாற்றுவதற்காகவே இந்த அறக்கட்டளைகள் உபயோகிக்கப்பட்டுள்ளன. சோதனையின் போது கணக்கில் வராத ரொக்கப்பணம் பல்வேறு ரியல் எஸ்டேட் பரிமாற்றங்களுக்கு பயன்படுத்தப்பட்டதற்கான ஆவணங்கள், சொத்து விற்பனை பத்திரங்கள் உள்ளிட்டவை கைப்பற்றப்பட்டன. கண்டுபிடிக்கப்பட்ட ஆவணங்களின் அடிப்படையில் நூற்றுக்கணக்கான கோடி ரூபாய்கள் பணப்பரிமாற்றம் நடைபெற்றது உறுதி செய்யப்பட்டுள்ளது. தில்லியில் உள்ள ஒரு வழிபாட்டு தலத்தில் இருந்து ரூ.3.85 கோடி பறிமுதல் உட்பட கணக்கில் வராத ரூ.6 கோடி பணம் கைப்பற்றப்பட்டுள்ளது. மேலும் விசாரணை நடைபெற்று வருகிறது. மேற்கு வங்க மாநிலத்தில் கொல்கத்தா, புருலியா, ராணிகஞ்ச், அசன்சோல் ஆகிய இடங்களில் நிலக்கரி வர்த்தககர் ஒருவருக்குச் சொந்தமான இடங்களில் 5-ஆம் தேதி வருமானவரி சோதனை நடத்தப்பட்டது. கணக்கில் வராத பணப்பரிமாற்றங்கள் நடைபெறுவதாக உளவுத்துறை அளித்த தகவலின் அடிப்படையில் இந்த சோதனைகள் நடைபெற்றன. சோதனையின் போது, மதிப்பு குறிப்பிடப்படாத போலியான முதலீடு ஆவணங்கள் கைப்பற்றப்பட்டன. இதன் மதிப்பு ரூ.150 கோடியாகும். இவை மோசடிப் பணப்பரிவர்த்தனைகள் என்று நிறுவனத்தின் உரிமையாளர் வாக்குமூலம் அளித்துள்ளார். மணல், நிலக்கரி வணிகங்களின் வாயிலாக நடைபெற்ற பணப்பரிவர்த்தைகளுக்கான ஏராளமான ஆவணங்கள் கைப்பற்றப்பட்டன. பல்வேறு வணிக செயல்பாடுகளுக்காக, நிலக்கரி போக்குவரத்துக்காக கணக்கில் காட்டப்படாத செலவினங்கள் மேற்கொள்ளப்பட்டதற்கான ஆவணங்களும் கண்டுபிடிக்கப்பட்டன. சோதனையின்போது ரூ.7.3 கோடி மதிப்புள்ள ரொக்கம், நகை ஆகியவை பறிமுதல் செய்யப்பட்டன. மேலும் விசாரணை நடைபெற்று வருகிறது.நான்கு நாட்களுக்கு முன்பு வருமான வரித் துறை மதுரை மற்றும் சென்னையிலுள்ள ஒரு ஹெரிடேஜ் ஹோட்டலின் குழுவில் நடந்திய சோதனையில் கணக்கிடப்படாத வருமானம் ரூ .1000 கோடி, இதில் ரூ. மதிப்பீட்டாளரால் ஏற்கனவே 337 கோடி ரூபாய் செய்யப்பட்டுள்ளது, பினாமி மற்றும் கறுப்புப் பணச் சட்டங்களின் கீழ் நடவடிக்கை எடுக்கக்கூடிய குற்றமாகும்.ஹெரிட்டேஜ் ஹோட்டல் குரூப் நிறுவனங்கள் ஆயிரம் கோடி ரூபாய் அளவுக்கு வருமானத்தை மறைத்துள்ளதாக வருமானவரித்துறை தெரிவித்துள்ளது.போலி நிறுவனங்களைத் தொடங்கி,அதன் மூலம் முதலீடுகளை பெற்று,500 கோடி ரூபாய் மதிப்புடைய,800 ஏக்கர் நிலத்தை,ஹெரிட்டேஜ் குழுமம் வாங்கியது 4 ஆம் தேதி நடைபெற்ற சோதனையில் கண்டறியப்பட்டுள்ளதாக, கூறப்பட்டுள்ளது.பல்வேறு வங்கிகளிடமிருந்து,வட்டிக்கு கடன்பெற்று,அதனை பல்வேறு நிறுவனங்களுக்கு,வட்டியில்லா கடனாக வழங்கிய வகையில்,423 கோடி ரூபாய் அளவிற்கு, வரி ஏய்ப்பு செய்திருப்பதும் கண்டறியப்பட்டுள்ளதாக,தெரிவிக்கப்பட்டுள்ளது. அண்மையில் ஆரம்பிக்கப்பட்ட 5 ஷெல் நிறுவனங்கள் மூலம்,பிரதான குழுமத்திடம் இருந்து 337 கோடி ரூபாய் நிதி பெற்று,ஹெரிட்டேஜ் குரூப் உரிமையாளரது மகனின் பெயரில்,வெளிநாடுகளில் முதலீடு செய்யப்பட்டிருப்பதும் கண்டறியப்பட்டுள்ளதாக, கூறப்பட்டுள்ளது.