சிவகங்கை அதிகாரிகள் தொந்தரவால் வட்டார வளர்ச்சி அலுவலர் தற்கொலை முயற்சி

சிவகங்கை அதிகாரிகள் தொந்தரவு காரணமாக  வட்டார வளர்ச்சி அலுவலர் தானே  கழுத்தை அறுத்து தற்கொலைக்கு முயன்ற தகவல் பல அதிகாரிகளால் விவாதமாகும் நிலையில்   சிவகங்கை செந்தமிழ்நகர் சிலம்பு தெருவைச் சேர்ந்த ரமேஷ் (வயது 58). மனைவி தமிழ்ச்செல்வி (வயது 54) தனியார் பள்ளி ஆசிரியராவார்  இரண்டு  மகள்களும்  உண்டு. ரமேஷ் ஊரக வளர்ச்சி முகமை திட்ட அலுவலகத்தில் தேசிய வேலையுறுதித் திட்ட வட்டார வளர்ச்சி அலுவலராகப் பணிபுரியும்

ஓய்வு வயதை எட்டிய நிலையில், அரசின் ஓராண்டு கால பணி நீட்டிப்பு உத்தரவால் தொடர்ந்து பணிபுரிந்து வருகிற நிலையில் அவரது வீட்டிற்கு அருகே புதரில் கத்தியால் கழுத்தை அறுத்துத் தற்கொலைக்கு முயன்ற நிலையில் பார்த்த சிலர் அவரை  சிவகங்கை அரசு மருத்துவக்கல்லூரி மருத்துவமனையில் அனுமதித்தனர். இதுகுறித்து சிவகங்கை நகர் காவல்துறை  விசாரித்து வருகின்றனர்.

அவர் மனைவி தமிழ்ச்செல்வி காவல்துறையினரிடம் அளித்த புகாரில். ''உயரதிகாரிகள் நெருக்கடியால் எனது கணவர் தற்கொலைக்கு முயன்றுள்ளார். சம்பந்தப்பட்டவர்கள் மீது நடவடிக்கை எடுக்க வேண்டும்'' எனக் கூறியுள்ளார்.

இதற்கிடையில் வட்டார வளர்ச்சி அலுவலர் தற்கொலைச் சம்பவத்தை முறையாக விசாரித்து சம்பந்தப்பட்டோர்கள் மீது துரித நடவடிக்கை எடுக்க வலியுறுத்தி ஊரக வளர்ச்சித் துறையினர் ஆர்ப்பாட்டத்திலும்  ஈடுபட்டனர்.