மேட்டுப்பாளையம்- கோயமுத்தூர் ரயில் நிலையம் வரை இரட்டை இருப்புப் பாதை அமைக்க ரயில்வே அமைச்சரிடம் கோரிக்கை

மேட்டுப்பாளையம்- கோயமுத்தூர் ரயில் நிலையம் வரை இரட்டை இருப்புப் பாதை அமைக்க ரயில்வே அமைச்சரிடம் டாக்டர் எல் முருகன் கோரிக்கை

மேட்டுப்பாளையத்திலிருந்து கோயம்புத்தூர் ரயில் நிலையம் வரையிலான வழித்தடத்தில் இரட்டை இருப்புப் பாதை அமைக்க வேண்டும் என்ற பொது மக்களின் கோரிக்கையை வலியுறுத்தும் மனு ஒன்றை மத்திய தகவல் ஒலிபரப்பு மற்றும் நாடாளுமன்ற விவகாரத்துறை இணையமைச்சர் டாக்டர் எல் முருகன், ரயில்வே துறை அமைச்சர் திரு அஸ்வினி வைஷ்ணவிடம் வழங்கியுள்ளார்.

இது குறித்து சமூக ஊடக எக்ஸ் தளத்தில் டாக்டர் எல் முருகன் பதிவிட்டுள்ளதாவது:

“கோயமுத்தூர் மாவட்டம் மேட்டுப்பாளையம் முதல் கோவை இரயில்நிலையம் வரையிலான வழித்தடத்தில் இரட்டை இருப்புப் பாதை அமைத்திட வேண்டும் என மேட்டுப்பாளையம் மற்றும் காரமடை பகுதிகளைச் சேர்ந்த பல்வேறு அமைப்புகளும், பொதுமக்களும், நீண்டகாலமாக கோரிக்கை விடுத்து வருகின்றனர். அப்பகுதி மக்களின் கோரிக்கையை நிறைவேற்றும் விதமாக அதற்கான மனுவை, இன்று ரயில்வே துறை அமைச்சர் திரு அஸ்வினி வைஷ்ணவ்  அவர்களை நேரில் சந்தித்து வழங்கினேன்.”