அறப்போர் இயக்கம் சார்பில் அமைச்சர் இராஜகண்ணப்பன் மீது நில மோசடிக் குற்றச்சாட்டு

அறப்போர் இயக்கம் சார்பில் அமைச்சர் இராஜகண்ணப்பன் சம்பந்தப்பட்ட நில மோசடி குறித்த புகார் சென்னை பத்திரிகையாளர் மன்றத்தில் செய்தியாளர்கள்

சந்திப்பில் தகவல் அமைச்சர் இராஜகண்ணப்பன் மகன்கள் மூலமாக ரூபாய் 411 கோடி மதிப்புள்ள அரசு நிலத்தை அமைச்சர் இராஜ கண்ணப்பன் அவரது மகன்கள் மூலமாக ரூபாய் 411 கோடி  மதிப்புள்ள ஐந்து ஏக்கர் சென்னை ஜிஎஸ்டி சாலையிலுள்ள அரசு நிலத்தை அபகரித்துள்ளதாக தகவல். அதற்கான ஆதாரங்களையும் அறப்போர் இயக்கம்

இன்று புகாராக ஊழல் தடுப்புக் கண்காணிப்பு மற்றும் லஞ்ச ஒழிப்பு துறை,  முதல்வர், துணை முதல்வர், தலைமைச் செயலாளர்,  வருவாய்த் துறை அமைச்சர், மற்றும் வருவாய் துறைச் செயலாளர்களுக்கு அனுப்பி வைத்தனர். இந்த அரசு  நிலம் உடனடியாக மீட்கப்பட்டு அமைச்சர் திரு ராஜ கண்ணப்பன் உட்பட இதில் சம்பந்தப்பட்ட அனைத்து பொது ஊழியர்கள் மீதும் FIR பதிவு செய்து உடனடியாக நடவடிக்கை எடுக்கும் படி கோரிக்கை வைத்தனர். 

இந்த அரசு நிலம் ஜிஎஸ்டி சாலையில் ஆலந்தூர் மெட்ரோவிற்கும் நங்கநல்லூர் மெட்ரோவிற்கு இடையே BSNL அலுவலகத்திற்கு அடுத்ததாக உள்ளது  பரங்கிமலை கிராமம் சர்வே எண் 1353 எண் 12, GST சாலையில் அமைந்துள்ள நிலம் அரசு நிலம் தான் என்பதற்கான வருவாய்த்துறையின்  பதிவேடுகள் நகல் புகாருடன் இணைத்துள்ளனர்.

சர்வே எண் 1353 என்பது 4 ஏக்கர் 31,378 சதுர அடி பரப்பளவிலும் மற்றும் சர்வே எண் 1352 என்பது 12964 சதுர அடி பரப்பளவிலும் உள்ளது. இவை இரண்டும் அரசு புறம்போக்கு நிலங்கள் என்று வருவாய்த்துறை பதிவேட்டில்  உள்ள ஆவண ஆதாரங்களை புகாருடன் இணைத்துள்ளனர்.

2015  ஆம் ஆண்டில் ஆலந்தூர் வருவாய் வட்டாட்சியர் சென்னை தெற்கு இணை 2 சார் பதிவாளருக்கு எழுதிய கடிதத்தில் சர்வே எண் 1353, 1352 மற்றும் பல சர்வே எண்கள் அரசின் காலம் கடந்த குத்தகை நிலங்களென்றும் இந்த நிலங்கள் தற்பொழுது அரசு நிலங்கள் என்றும் இந்த சர்வே எண்களில் எந்தவிதமான பத்திரப்பதிவும் செய்யக்கூடாது என்றும் இதற்கு முன்பாக யாராவது செய்திருந்தால் அதை ரத்து செய்து வருவாய் வட்டாட்சியருக்கு  அறிக்கை அனுப்பும் படி கேட்ட நிலையில். பரங்கிமலை கிராமத்தில் உள்ள பெரும்பாலான அரசு நிலங்கள் பிரிட்டிஷ் கிழக்கிந்தியக் கம்பனி ஆட்சியில் சிலருக்கு குத்தகைக்கு கொடுத்து பிறகு சுதந்திரமடைந்ததும் இந்த நிலங்கள் செட்டில்மென்ட் பதிவேட்டில் மீண்டும் அரசின் கட்டுப்பாட்டில் வந்ததாக தெரிவித்தனர்.

டெக்கான் ஃபன் ஐலேண்ட் அண்ட் ஹோட்டல்ஸ் பிரைவேட் லிமிடெட் எனும் நிறுவனத்தின் தற்போதைய இயக்குனர்களாக இருப்பவர்கள் அமைச்சர் ராஜ கண்ணப்பனின் மகன்கள் பிரபு ,திவாகர் மற்றும் திலீப் குமார். மேலும் இவர்கள் மூவரும் தான் இந்த நிறுவனத்தின் தற்போதைய பங்குதாரர்களாவர்.

சர்வே எண் 1353 மற்றும் சர்வே எண்  1352 நிலங்களை அபகரிப்பதற்காக இந்த நிறுவனம்  1991 ஆம் ஆண்டு முதல் முதல் 2018 ஆம் ஆண்டு வரை வரை பல பத்திரபதிவுகளைச் செய்துள்ளது. 4.52 ஏக்கர் அளவிற்கு பத்திரப்பதிவு செய்ததற்கான ஆதாரங்களை புகாருடன் இணைத்து இருக்கிறது அறப்போர் இயக்கம். 1990 ஆம் ஆண்டுகளில் காதியா பெயரில் இருந்த

இந்த டெக்கான்  ஃபன் ஐலேண்ட் அண்ட் ஹோட்டல்ஸ் லிமிடெட்  ராஜகண்ணப்பனின் மகன்கள் பெயருக்கு மாறுகிறது. 20 ஆண்டுகளாக அதிமுக மற்றும் திமுகவில் மாறிமாறி அமைச்சராக உள்ள இராஜ கண்ணப்பனின் மூன்று மகன்கள் தான் இந்த நிறுவனத்தின் இயக்குனர்கள் மற்றும் பங்குதாரர்கள்.

முக்கியமாக 2015- ஆம் ஆண்டில் ஆலந்தூர் வருவாய் வட்டாட்சியர் இந்த சர்வே எண்ணில் எந்தவிதமான பத்திரப்பதிவும் செய்யக்கூடாது என்று தெரிவித்த பின் மற்றும் இதற்கு முன்பாக பதிவு செய்தவற்றை ரத்து செய்ய வேண்டும் என்ற பின்னர் அந்த பத்திரப்பதிவுகள் எதுவும் இன்றுவரை ரத்து செய்யவில்லை. இந்தக் கடிதத்திற்குப் பிறகும் கூட 2018 ஆம் ஆண்டில் இந்த நிலத்தை ஏழு லட்சத்திற்கு அடமானத்தில் இருந்து மீட்டது போல் டெக்கான் ஃபன் ஐலண்ட் அண்ட் ஹோட்டல்ஸ் லிமிடெட் பத்திரபதிவு செய்யப்பட்டுள்ளது.                 Deccan's Fun Island & Hotels Ltd. (DFIHL) என்பது இந்தியாவில் 10 செப்டம்பர் 1990 ஆம் தேதியில் இணைக்கப்பட்ட ஒரு பொது வரையறுக்கப்பட்ட இந்திய அரசு சாரா நிறுவனம், 34 ஆண்டுகளும் ஒரு மாதம்  கடந்த வரலாறுள்ளது.  பதிவு அலுவலகம் சென்னை 600016, நிறுவனம் நிலை செயலில் உள்ளது, 31 மார்ச் 2023 ஆம் ஆண்டு வரை அதன் வருடாந்திர ரிட்டர்ன்கள் மற்றும் நிதி அறிக்கைகளைத் தாக்கல் செய்துள்ளது.  ரூபாய். 2.50 மில்லியன் அங்கீகரிக்கப்பட்ட மூலதனம் மற்றும் ரூபாய். 2.41 மில்லியன் செலுத்தப்பட்ட மூலதனம் கொண்ட பங்குகளால் வரையறுக்கப்பட்ட நிறுவனமாகும். மொத்தம் ரூபாய் 0.70 எம்.  இதில் பிரபு கண்ணப்பன் , கண்ணப்பன் திலீப்குமார் , மற்றும் கண்ணப்பன் திவாகர் ஆகியோர் நிறுவனத்தில் இயக்குநர்களாக உள்ளனர். இதற்கு CIN/LLPINU55101TN1990PLC019626. நிறுவன எண்.019626. நிறுவனத்தின் வகைப்பாடு பப்ளிக் லிமிடெட் இந்திய அரசு சாரா நிறுவனம். இணைக்கப்பட்ட தேதி 10 செப்டம்பர் 1990 AGM தேதி 30 செப்டம்பர் 2023

இருப்பு நிலைக் குறிப்பின் தேதி. 31 மார்ச் 2023 பட்டியல் நிலை பட்டியலிடப்படாதது ROC குறியீடு

ரோக் சென்னை கார்ப்பரேட் விவகார அமைச்சகத்தின் (Mca) படி, Deccan'S Fun Island & Hotels Ltd. இன் பதிவு செய்யப்பட்ட முகவரி 12 GST சாலை, மதராஸ்ட். தாமஸ் மவுண்ட் இந்தியா, சென்னை 600016, தமிழ்நாடு ஆகும். இந்தப் பத்திரப்பதிவில் அமைச்சர் ராஜகன்னப்பனின் மகன்கள் தான் இந்த நிறுவனத்தின் பங்குதாரர்கள்  மற்றும் இயக்குனர்கள்.

கடந்த ஆண்டு 1352 சர்வே எண்ணில் உள்ள 12984 சதுர அடி நிலம்  மீட்கப்பட்டதாக தாலுகா அலுவலகத்தில் வெளியே வட்டாட்சியர் பல்லாவரம் பலகை வைத்துள்ளார்.  ஆனால் அதற்கு அருகிலேயே உள்ள கிட்டத்தட்ட 4.75 ஏக்கர் அளவிற்கு அமைச்சர் இராஜ கண்ணப்பனின் மகன்கள் கட்டுப்பாட்டில் உள்ள ஆக்கிரமிப்பு செய்யப்பட்டுள்ள சர்வே எண் 1353 அரசு நிலங்களை  இன்று வரை மீட்கவில்லை.

அரசு வழிகாட்டி மதிப்பு படி இந்த நிலத்தின் தற்போதைய மதிப்பு 1 சதுரடிக்கு ரூபாய் 11000 ஆகும். எனவே 205618 சதுரடி நிலத்தின் மதிப்பு ரூபாய் 226 கோடி ஆகும். இந்த இடத்தில் சந்தை மதிப்பு குறைந்த பட்சம் 1 சதுரடிக்கு ரூபாய் 20000 ஆகும்.  இதன் படி இன்றைய மதிப்பு ரூபாய் 411 கோடி ஆகும் என அறப்போர் சார்பில்  கணக்கிடப்பட்டுள்ளது. அவர்கள் அமைச்சர் இராஜ கண்ணப்பனின் அழுத்தத்தினால் வருவாய்த்துறை இந்த நிலத்தை மீட்காமல் உள்ளது என்று அறிவதாகவும்,  அமைச்சர் ராஜ கண்ணப்பன்  தன் மகன்கள் அவர்கள் பெயரில் நூற்றுக்கணக்கான கோடி ரூபாய் சொத்து சேர்ப்பதற்காக தன் அதிகாரத்தை துஷ்பிரயோகம் செய்து சொத்துக்களை சேர்த்துள்ளார் என்றும் இந்த நிலத்தை உடனடியாக அரசு மீட்க வேண்டும் எனவும் அரசு நிலத்தை பத்திரப்பதிவு செய்வது சட்டவிரோதமாக இருந்தாலும் அதைத் தொடர்ந்து இந்த நிறுவனம் செய்து வந்துள்ளது. எனவே அமைச்சர் ராஜ கண்ணப்பன் அவரது மகன்கள் மற்றும் இதை மீட்டெடுக்காத வருவாய்த்துறை அலுவலர்கள் மற்றும் சட்டவிரோதமாக பத்திரப் பதிவு செய்த அலுவலர்கள் போன்றோர் மீது உடனடியாக முதல் தகவல் அறிக்கை பதிவு செய்து விசாரிக்க வேண்டும் என அறப்போர் இயக்கம் கேட்டுள்ளது.

அதன் சார்பில் பத்திரிகையாளர் சந்திப்பில் ஜெயராம் வெங்கடேசன் ஒருங்கிணைப்பாளர் அறப்போர் இயக்கம் கலந்து கொண்டு விளக்கம் அளித்தார். ஆனால் அதில் பத்திரிகையாளர்கள் கேட்க மறந்து போன கேள்விகள் பல உண்டு ! இந்த இடம் வருவாய்த் துறை ஆவணங்கள் படி அரசு நிலம் எப்போதிலிருந்து அதற்கு 19 B Notification 13 Published அ-  பதிவேடு எவ்வாறு உள்ளது, மற்றும் ரீ செட்டில்மென்ட் மற்றும் செட்டில்மென்ட் பதிவேட்டில் எப்படி உள்ளது, மற்றும் OSR மேலும் IFR ஆவணங்கள் சரிபார்ப்பு நடந்ததா இதன் டைட்டிலில் யார் பெயர் உள்ளது போன்ற விபரங்கள் அறப்போர் இயக்கத்தில் பத்திரிகையாளர்கள் சந்திப்பில் தரப்படவில்லை ஆகவே இந்த நிலம் குறித்து SF- 1, SF-1A ,SF-7, அல்லது SLR நகல் பார்த்தால் மட்டுமே இது அரசு நிலம் என்று அறிய முடியும் அதோடு இல்லாமல் இராஜகண்ணப்பன் ஏற்கனவே மின்சாரம் நெடுஞ்சாலை பொதுப்பணித்துறை மற்றும் இரும்பு எஃகு கனிமவளம், போக்குவரத்து, பிற்படுத்தப்பட்டோர் நலத்துறை அமைச்சர் பதவியை வகித்து சட்டம் படித்த வழக்கறிஞருமாவார், நிலம் என்பது சிவில் விவகாரம் தொடர்பானது, இதை எல்லாம் கவனிக்க வேண்டிய விஷயம். இந்த நிலையில். ஊழல் தடுப்புக் கண்காணிப்பு மற்றும் லஞ்ச ஒழிப்புத் துறையில்  18 மாதங்களில் மொத்தம் வந்த 21660 புகார்களில், வெறும் 45 புகார்களை தான் முதல் கட்ட விசாரணைக்கு லஞ்ச ஒழிப்புத்துறை எடுத்துள்ளது. ஆனால் இந்த 18 மாதங்களில் இந்த துறைக்கு மட்டும் 135 கோடி மக்கள் வரிப்பணம் செலவு செய்யப்பட்டுள்ளது. ஊழல்களை விசாரிக்காமல் புகார்களை தலைக்கு வைத்து தூங்குவதால் மேலும் மேலும் மக்கள் பணம் கோடிக்கணக்கில் கொள்ளை போகிறது.அறப்போர் இயக்கம் கூறும் குற்றச்சாட்டுகள் படி இன்றைய மார்க்கெட் மதிப்பு ரூ 411 கோடி மதிப்புள்ள நிலமாகும்.

அமைச்சர் ராஜ கண்ணப்பனின் அழுத்தத்தினால் வருவாய்த்துறை இந்த நிலத்தை மீட்காமல் உள்ளது என்று அவர்கள் கூறுகிறார்கள் அமைச்சர் ராஜ கண்ணப்பன் மற்றும் மகன்கள் பெயரில் நூற்றுக்கணக்கான கோடி ரூபாய் சொத்து சேர்ப்பதற்காக தன் அதிகாரத்தை துஷ்பிரயோகம் செய்து சொத்துக்களை சேர்த்துள்ளார் என்றும் தெரிவித்துள்ளனர். இந்த நிலத்தை உடனடியாக அரசு மீட்க வேண்டும் எனவும் அரசு நிலத்தை பத்திரப்பதிவு செய்வது சட்டவிரோதமாக இருந்தாலும் அதைத் தொடர்ந்து இந்த நிறுவனம் செய்து வந்துள்ளதாகவும். அமைச்சர் ராஜ கண்ணப்பன் அவரது மகன்கள் மற்றும் இதை மீட்டெடுக்காத வருவாய்த்துறை அலுவலர்கள் மற்றும் சட்டவிரோதமாக பத்திரப் பதிவு செய்த பதிவாளர்கள்  மீது உடனடியாக FIR பதிவு செய்து விசாரிக்கும் படி அறப்போர் இயக்கம் கேட்டுக்கொள்வதாக தெரிவித்தனர். வழக்கு பதிவு செய்தாலும் ஆனால் இவர்கள் குற்றச்சாட்டுகள் நீதிமன்றத்தில் விசாரணைக்கு வரும் போது நிரூபிக்க வேண்டிய இடத்தில் அறப்போர் இயக்கம் உள்ளதுஒரு கோமாளி அரண்மணைக்குள் நுழைந்தால் அவன் இராஜாவாக முடியாது, மாறாக அரண்மனை சர்க்கஸ் கூடாரமாக மாறும்”. இது துருக்கியப் பழமொழி இதுதான் இன்றைய ஊழல் ஒழிப்புப் போராளிகளாகக் காட்டிக்கொள்ப வர்கள் நிலை, அதில் தான் தமிழ்நாடு அரசியலும். பல ஊழல் வழக்குகள் தமிழ்நாட்டில் லோக் ஆயுக்தாவில் முடிவுகளுக்காகக் காத்திருக்கும் நிலை உள்ளது, இந்த நிலை தமிழ்நாட்டில் மட்டும் தான், ஆனால் கர்நாடகா மாநிலத்தில் சிறப்பாகவே செயல்படுகிறது. காரணம் ஒரே சீரான லோக்பால் சட்டம் இந்தியா முழுவதும் அமல்படுத்தத் தவறியதேயாகும்.