போதைப் பொருள் கடத்தல் வழக்கில் தொடர்பில்லை என்று கூறிய இயக்குநர் அமீர் மீது குற்றப்பத்திரிகை தாக்கல்
செய்யப்பட்டதுடன் ஜாபர் சாதிக் வழக்கு நவம்பர் மாதம் 22-ஆம் தேதிக்குள் பதிலளிக்க அமலாக்கத்துறைக்கு சென்னை சி.பி.ஐ. நீதிமன்றம் உத்தரவிட்டது போதைப்பொருள் கடத்தல் வழக்கில் கைது செய்யப்பட்ட, தி.மு.க. முன்னாள் நிர்வாகி ஜாபர் சாதிக் மீது சட்டவிரோதமான பணப்பரிமாற்றச் சட்டத்தின் கீழ் அமலாக்கத்துறையும் வழக்குப்பதிவு செய்ததையடுத்து ஜூன் மாதம் 26 ஆம் தேதி கைது செய்யப்பட்ட நிலையில், அவர் சகோதரர் முகமது சலீம் ஆகஸ்ட் மாதம் கைது செய்யப்பட்டார்.
இந்த வழக்கு சென்னை சி.பி.ஐ. சிறப்பு நீதிமன்றத்தில் விசாரணை நடைபெற்று வருகிற வழக்கில் 302 பக்கங்கள் கொண்ட குற்றப்பத்திரிகையில், ஜாபர் சாதிக், அவரது மனைவி அமீனாபானு, ஜாபர் சாதிக் சகோதரர் முகமது சலீம், திரைப்பட இயக்குனர் அமீர் உள்ளிட்ட 12 தனி நபர்களும், ஜாபர் சாதிக் படத் தயாரிப்பு நிறுவனம் உள்ளிட்ட எட்டு நிறுவனங்களும் சேர்க்கப்பட்டுள்ளன.
இச் சூழலில், ஜாபர் சாதிக் சகோதரர் முகம்மது சலீம், ஜாமீன் கோரி சி.பி.ஐ. நீதிமன்றத்தில் மனு தாக்கல் செய்தார். அந்த மனுவில், "கடந்த ஆகஸ்ட் மாதம் கைது செய்யப்பட்ட என்னிடம் அமலாக்கத்துறை விசாரணை முடிவுற்று குற்றப்பத்திரிகையும் தாக்கல் செய்யபட்டுள்ளது. எனவே இந்த வழக்கில் எனக்கு ஜாமீன் வழங்க வேண்டும். இதற்காக நீதிமன்றம் விதிக்கும் நிபந்தனைகளை ஏற்கத் தயாராக உள்ளேன்" எனத் தெரிவித்திருந்தார்.
இந்த வழக்கு 13-வது கூடுதல் சி.பி.ஐ. நீதிமன்றத்தில் விசாரணைக்கு வந்த போது மனு தொடர்பாக அமலாக்கத்துறை நவம்பர் மாதம் 22-ஆம் தேதிக்குள் பதில் அளிக்க உத்தரவிட்ட நீதிபதி விசாரணையை தள்ளி வைத்தார்.
கருத்துகள்