மகாராஷ்டிரா மாநிலத்தின் சட்டமன்றத் தேர்தலில் ஆளும் பாஜக சிவசேனா என்சிபி கூட்டணி மாபெரும் வெற்றியைப் பெற்றுள்ளது
மகாராஷ்டிரா மாநிலத்தில் பெரும்பான்மையான மக்கள் காங்கிரஸ் உத்தவ் தாக்கரே சரத்பவார் கூட்டணி வேட்பாளர்களைப் புறக்கணித்தனர்.
இது முழுக்க ஆர்எஸ்எஸ் ஸின் செல்லப் பிள்ளை தேவேந்திர பட்னாவிஸ்க்கு முதலமைச்சர் மகுடம் சூட்டுவதற்காக ஆர்எஸ்எஸ் பேரியக்கத்தால் கட்டமைக்கப்பட்ட. ஒரு தேர்தல். சரியாகப் பொது ஆண்டு 1775 ல் ஆங்கிலக் கிழக்கிந்தியக் கம்பனிப் படையை மண்டியிட வைத்தது நானா பட்னவிஸ் - தற்போது ஷிண்டேவின் மராட்டியக் கூட்டணி..!
சில மாதங்களுக்கு முன்பு 2024 ஆம் ஆண்டு நாடாளுமன்றத் தேர்தலில் நரேந்திர மோடியின் ஆஃப் கி பார் சார் சௌ பார் எனும் பாரதிய ஜனதா கட்சியின் பிரச்சார சூழலில் ஆர்எஸ்எஸ் முனைப்புடன் பணியாற்றவில்லை. அதனால் பாரதிய ஜனதா கட்சி 2024 நாடாளுமன்ற தேர்தலில் மகாராஷ்டிராவில் ஒரு சரிவைச் சந்தித்தது. ஆனால் அது தற்போது ஆர்எஸ்எஸ் தொண்டர்களின் கடுமையான உழைப்பால் சரி செய்யப்பட்டது என்பதே உண்மை.
2024 ஆம் ஆண்டு மக்களவைத் தேர்தலைப் போல அல்லாமல் இந்தச் சட்டமன்றத் தேர்தலில் அனைத்துத் தொகுதிகளிலும் ஆர்எஸ்எஸ் தனது களப்பணியாளர்களை அனைத்து மட்டத்திலும் பாரதிய ஜனதா கட்சி சிவசேனா என்சிபி தொண்டர்களுடன் மிகச் சிறப்பாக ஒருங்கிணைத்து இராணுவ கட்டுக்கோப்புடன் பணியாற்றி இந்த மகத்தான வெற்றியை சாத்தியமாக்கியுள்ளது.
இது நரேந்திர மோடி-அமித்ஷா கூட்டணி பாரதிய ஜனதா கட்சிக்கு ஆர்எஸ்எஸ் கொடுத்துள்ள நேர்மறையான அதே நேரத்தில் அதிரடியான பதில். இதை படிக்கும் சிலர் மனம் கொந்தளித்து கோபப்படலாம். ஆனால் உண்மை இது தான் மாறாது.
இனி அடுத்த சில மாதங்களில் மெல்ல மெல்ல ஏக்நாத் ஷிண்டே மற்றும் அஜித் பவார் தரப்பில் சட்ட மன்ற உறுப்பினர்களை பாரதிய ஜனதா கட்சி விழுங்கி ஏப்பம் விடும் படலம் துவங்கும். அதன் முதல் படியாக ஏக்நாத் ஷிண்டே அஜித் பவார் இருவரையும் ராஜ்ய சபாவில் நாடாளுமன்ற உறுப்பினர்களாக்கி மத்திய அமைச்சர்களாக அமர்த்தப்படுவர். மகாராஷ்டிரா மாநில சட்டமன்றத் தேர்தலில் தொடர்ந்து 3வது முறையாக வெற்றி பெற்ற புதுக்கோட்டை மாவட்டத்தை பூர்வீகமாக கொண்ட தமிழர் கேப்டன் ஆர். தமிழ்ச்செல்வன்.
சயான் கோலிவாடா தொகுதியில் பாஜக சார்பில் போட்டியிட்டு 7,500 வாக்குகள் வித்தியாசத்தில் தமிழ்ச்செல்வன் அவர்கள் வெற்றி பெற்றார் . அதுபோல அமையும் புதிய தேவேந்திர பட்னாவிஸ் அரசில் அமைச்சராகவும் இடம்பெறுவார் எனத் தகவல்
இந்தத் தேர்தலில் தேவேந்திர பட்னாவிஸ் டீமின் உழைப்பு அளப்பரியது. கடந்த ஓராண்டு காலமாக பட்னாவிஸ் சட்டமன்றத் தேர்தலுக்கான ஆயத்தப் பணிகளை செவ்வனே செய்துள்ளதை இந்தத் தேர்தல் முடிவுகள் உணர்த்தியுள்ளது.
காங்கிரஸ் கட்சிக்கு இது மிகப்பெரிய பின்னடைவு மற்றும் படிப்பினை. தேர்தலில் வெற்றி பெற பணபலம் மட்டுமே போதாது. அனைத்துக் கூட்டணிக் கட்சித் தொண்டர்களுடன் இணைந்து அனைத்து மட்டத்திலும் உழைக்க வேண்டும் என்பதை காங்கிரஸ் கட்சி ஏனோ மறந்து விட்டது. தேர்தல் வெற்றிக்கு முனைப்புடன் உழைக்கும் தன்மையை அதிவேகமாக இழந்தும் வருகிறது. பாவம் உத்தவ் தாக்கரே இன்னும் பால் தாக்கரே காலம் போல ஒரு கணக்கில் உள்ளார். அதேபோல தேசிய வாத காங்கிரஸ் சரத்பவார் இருவர் நிலையும் அந்தோ பரிதாபம். கடந்த சில மாதங்களுக்கு முன் நடந்த நாடாளுமன்றத் தேர்தலில் அவர்கள் கூட்டணி பெற்ற வெற்றி என்பது ஆர்எஸ்எஸ் தந்த பரிசு என்பதை உணரும் நாள் தான் இது என்று நாம் நம்புகிறோம்.
மராட்டியத்தில் இரண்டு மாநிலக் கட்சிகளையும் அழித்தே விட்டது பாஜக. அடுத்ததாக
ஜார்க்கண்ட் மாநிலத்தில் சட்டமன்றத் தேர்தலில் ஆளும் ஜேஎம்எம் கூட்டணியின் அபார வெற்றி பாரதிய ஜனதா கட்சிக்கு ஒரு படிப்பினை. கட்சியை உடைத்து ஆடும் தேர்தல் ஆட்டம் அங்கு பலனளிக்கவில்லை. மேலும் ஜார்க்கண்ட் மாநில சட்டமன்றத் தேர்தல் பிரச்சாரத்தில் ஹேமந்த் சோரன் மனைவி. கல்பனா முர்மு சோரனின் அமர்க்களமான பணியை பறைசாற்றும் விதத்தில் இந்த மகத்தான வெற்றியை ஜார்க்கண்ட் முக்தி மோர்ச்சா கூட்டணிக்கு பெற்றுத் தந்துள்ளார். தமிழ்நாட்டில் ஜெயலலிதா, மேற்கு வங்காளத்தில் மமதா பானர்ஜி, டெல்லி ஷீலா தீட்சித், உத்திரப் பிரதேச மாயாவதி, ராஜஸ்தான் வசுந்தரா ராஜே சிந்தியா வரிசையில் ஜார்க்கண்ட் கல்பனா முர்மு சோரன்
வீரமிகு விவேகம் மிகு பெண் தலைவராக உருவாக்கியுள்ளார். அவரது பேச்சில் உள்ள வசீகரம் கலந்த தன்னம்பிக்கை அவரை ஒரு நல்ல பெண் அரசியல்வாதியாக்கி விட்டது. மலை வாழ் பழங்குடியினர் பிரதிநிதி
கல்பனா முர்மு சோரன்!பீஹார் மாநில சட்டசபை இடைத்தேர்தலில் பிரசாந்த் கிஷோரின் ஜன் சுராஜ் கட்சி தோல்வி கண்டுள்ளது. நான்கு தொகுதிகளுக்கு அறிவிக்கப்பட்ட சட்டசபை இடைத்தேர்தலில் தமது கட்சி போட்டியிடும் என்று அறிவித்தார். தராரி தொகுதியில் கிரண் சிங், ராம்கரில் சுஷில் குமார் சிங், இமாம்கன்ஜ் தொகுதியில் ஜிதேந்திர பாஸ்வான், பெலாகன்ஜ் தொகுதியில் முகமத் அமாஜத் ஆகியோரை வேட்பாளர்களாகவும் அறிவித்தார் இந்த தேர்தல் முடிவுகள் தமது எதிர்கால அரசியல் பயணத்தை மாற்றி அமைக்கும். வெற்றி கிடைக்கும், அதன் மூலம் அரசியல் பாதை பலப்படும் என்று கனவு கண்ட பிரசாந்த் கிஷோர், இந்த நான்கு தொகுதிகளில் மட்டும் 100 க்கும் மேற்பட்ட தேர்தல் பிரசாரக் கூட்டங்களை நடத்தினார். 30 ஆண்டுகால ஆட்சிக்கு முடிவுரை எழுத வேண்டிய நேரம் வந்துவிட்டது, உங்களுக்கு நன்மை செய்யவே வந்துள்ளேன் என்று மக்களுக்கு முன் அறிவிப்பு செய்த இவரது கட்சி தோல்வி என்பதை ஊருக்கே ஜோதிடம் சொல்லும் ஜோஸியக்காரன் தனக்கு பலன் அறிவதில்லை என்ற நிலையில் தான் பார்க்க வேண்டும்.
ராஷ்டிரிய ஜனதா தளம், ஐக்கிய ஜனதா தளம் ஆகிய கட்சிகளுக்கு தமது கட்சி தான் பிரதானமான போட்டி என்று செல்லும் இடங்களில் எல்லாம் அறிவித்தார். இப்போது தேர்தல் முடிவுகள் வெளியாகி உள்ள நிலையில், போட்டியிட்ட நான்கு தொகுதிகளிலும் சொற்பமான வாக்குகளே பெற்று அவரது கட்சி படுதோல்வி அடைந்திருக்கிறது. பல மாநிலங்களில் இருக்கும் கட்சிகளுக்கெல்லாம் பலப்பல ஐடியாக்கள் சொல்லி காசு பார்த்த பிரசாந்த் கிஷோர், தமது சொந்தக் கட்சியை ஜொலிக்க வைப்பதில் தோல்வி அடைந்துள்ளார். தேர்தல் முடிவுகள் வெளியாகிவிட்ட நிலையில், 'இனி பிரசாந்த் கிஷோரின் எதிர்கால அரசியலுக்கு யார் ஐடியா தருவார்' என்ற விமர்சனங்கள் இணையத்தில் வலம் வரத் தொடங்கியுள்ளன.கேரளா வயநாடு தொகுதி நான்கு லட்சம்
வாக்குகள் கடந்து பிரியங்கா காந்தியை முதல் முறையாக தேர்வு செய்து அனுப்பி வைக்கிறது இதுவே காங்கிரஸ் கட்சியின் வெற்றி
கருத்துகள்