டெல்லி நடைப்பயிற்சியில் நாடாளுமன்ற உறுப்பினர் சுதா அணிந்திருந்த தங்கச் சங்கிலியைப் பறித்துச் சென்ற திருடன்
நாடாளுமன்ற மழைக்காலக் கூட்டத்தொடருக்கு டெல்லி சென்றுள்ள மயிலாடுதுறை
நாடாளுமன்ற உறுப்பினர் மற்றும் காங்கிரஸ் கட்சியின் சுதா, நாடாளுமன்ற உறுப்பினர் விடுதி பகுதியில் உள்ள சாலையில் நடைப்பயிற்சி மேற்கொண்ட போது அந்த வழியாக இரு சக்கர வாகனத்தில் வந்த மர்ம நபர் நாடாளுமன்ற உறுப்பினர் சுதா அணிந்திருந்த 4.5 சவரன் தங்கச் சங்கிலியைப் பறித்துச் சென்றிருக்கிறார். இது குறித்து
இந்திய உள் துறை அமைச்சருக்கு கடிதம் மூலம் புகார் எழுப்புகிறார். உண்மையில் அவர் டெல்லி காவல்துறை சார்ந்த காவல் நிலையத்தில் புகார் அளித்து நடவடிக்கை எடுக்கச் சொல்வது தானே நியாயம் மற்றும் சரியான வழி. ஒரு நாடாளுமன்ற உறுப்பினரிடமே இது மாதிரி நடந்திருப்பதற்காக டெல்லி காவல்துறை விரைவு நடவடிக்கை மேற்கொள்ளச் செய்ய வேண்டியதை விட்டு விட்டு விளம்பரத்திற்காக ஏதோ செய்து கொண்டிருக்கிறார் என பலரும் விமர்சனம் செய்து வரும் நிலையில்
தன்னுடைய சொந்த விளம்பரத்திற்காக முன்பு இலங்கை அதிபர் அனுராவுக்கு கடிதம் எழுதுவது நாடாளுமன்றத்தில் நகையை பிடிங்கிச் சென்று விட்டார்கள் என்று கூறுவதெல்லாம் முறைப்படி எங்கெங்கே என்ன விதமான புகார்களை அளிக்க வேண்டுமோ அப்படி அளித்துத் தான் அதற்குரிய நடவடிக்கை எடுக்க வேண்டுமே தவிர தன் மனம் போன போக்கில் எதையாவது சொல்லி தன்னை முன்னிலைப்படுத்திக் கொள்வது இவருக்கு வாடிக்கையாகிவிட்டது என பலரும் பேசும் நிலையில். ஒரு பொது மனிதருக்கு நடப்பது மாதிரித் தான் இதை அணுக வேண்டும். இதையெல்லாம் வைத்துக்கொண்டு தனக்கான விளம்பரங்களையும் கவன ஈர்ப்புகளையும் தேடக்கூடாது. இந்தச் சம்பவத்தில் மயிலாடுதுறை சுதாவின் கழுத்தில் லேசான காயம் ஏற்பட்டது. உள்துறைக்கு தகவல் தந்த பின்னர், டெல்லி சாணக்யபுரி காவல் நிலையத்தில் அளித்த புகாரின் அடிப்படையில் வழக்குப்பதிவு செய்த காவல்துறை, செயின் பறிப்பில் ஈடுபட்ட அடையாளம் தெரியாத நபர்களைத் தீவிரமாகத் தேடி வருகின்றனர். அப்பகுதியில் உள்ள சிசிடிவி கேமரா காட்சிகளை ஆய்வு செய்தும், சாட்சிகளிடம் விசாரணை நடத்தியும் குற்றவாளிகளைப் பிடிக்க முயற்சிகள் மேற்கொள்ளப்பட்டு வருகின்றன.
நாடாளுமன்ற உறுப்பினர்களுக்கே பாதுகாப்பு இல்லாத சூழல், டெல்லியின் பாதுகாப்பு நிலவரம் குறித்து பல கேள்விகளை எழுப்பியுள்ளது. மத்திய அரசின் கட்டுப்பாட்டில் உள்ள டெல்லியில், உயர் பதவிகளில் உள்ள மக்கள் பிரதிநிதிகளுக்கே இதுபோன்ற தாக்குதல் நடப்பது, சாதாரண மக்களின் பாதுகாப்பு குறித்த அச்சத்தை அதிகரித்துள்ளது. இந்தச் சம்பவம், டெல்லியின் முக்கியப் பகுதிகளில் கூட குற்றச் செயல்கள் தங்குதடையின்றி நடக்கின்றன என்பதற்கான ஒரு சாட்சியாக அமைந்துள்ளதாக சமூக ஆர்வலர்கள் பலர் குற்றச்சாட்டியுள்ளனர்.நாடாமன்ற உறுப்பினர் சுதாவிடம் செயின் பறிக்கப்பட்ட சம்பவம் குறித்து காவல்துறை தீவிர விசாரணை நடத்தி வருகிறது. விரைவில் குற்றவாளிகள் கைது செய்யப்படுவார்கள் என காவல்துறை தரப்பில் தெரிவிக்கப்பட்டுள்ளது.தங்க நகை பறிப்பு சம்பவம் நிகழ்வு குறித்து நாடாளுமன்ற உறுப்பினர் சுதா செய்தியாளர்களைச் சந்தித்துப் பேசியவர், “நானும் என்னோடு சக தோழியான நாடாளுமன்ற மாநிலங்களவை உறுப்பினர் சல்மா என்று ராஜாத்தியும் நடைப்பயிற்சிக்கு சென்றோம். பாதுகாப்பான வழியான தூதரக வழித்தடத்தில் நாங்கள் சென்று கொண்டிருந்தோம். நாங்கள் அந்த பிளாட்பார்மை ஒட்டித் தான் நடந்தோம். எங்களுக்கு எதிராக ஒரு நபர் ஸ்கூட்டியில் ஹெல்மெட் அணிந்து கொண்டு எதிரே வந்தார். அவருக்கு வழிவிட்டு போவோம் என்று நான் கொஞ்சம் விலகினேன். விலகிய பொழுது ரொம்ப அருகில் வந்தவர் என் தங்கச் சங்கிலியை பிடுங்கினார். நான் அதை உணர்வதற்குள் என் துணியையும் கிழித்துவிட்டார். இதில் எனக்கு சிறிய காயம் ஏற்பட்டது.
நான் கத்தினேன். ஆனால் அவர் எதையோ சாதித்தது மாதிரி மெதுவாகவே செல்கிறார். சாலையில் கொஞ்ச நபர்கள் இருந்தார்கள். நானும் கத்தினேன், என்னுடனிருந்த சக நாடாளுமன்ற உறுப்பினரும் உதவினார் கத்தினார். ஆனால், அங்கிருந்த யாருமே உதவி செய்ய முன்வரவில்லை. எனக்கும் ஆச்சரியமாக இருந்தது. அதன் பிறகு, தமிழ்நாடு விருந்தினர் மாளிகைக்குத் திரும்பி வந்து கொண்டிருந்தோம். இரண்டு நிமிடத்திலேயே, ரோந்துப் பணியிலிருந்த டெல்லி காவற்துறையினர் வாகனத்தைப் பார்த்தேன். உடனடியாக நானும் சக நாடாளுமன்ற உறுப்பினரும் விரைந்துச் சென்று காவல் அலுவலரிடம் நடந்த விஷயத்தைச் சொன்னேன். என் துணி கிழந்திருந்ததையும் டெல்லி காவற்துறையின் அலுவலர் பார்த்தார். ஆனால், அவர் மிகவும் எளிமையாக உங்க பெயர் கொடுங்கள் நம்பர் கொடுங்கள், காவல் நிலையத்தில் புகார் கொடுங்கள் என்கிறார். இதுதான் அவருடைய பேச்சாக இருந்தது. உடனடியாக வாகனத்தில் இருந்த வாக்கி டாக்கியை எடுத்து எச்சரிக்கை கொடுத்திருந்தால் கூட மற்ற டிராபிக் ஏரியாவிலோ அல்லது வேறு இடத்திலேயோ அவரைக் கட்டாயமாகப் பிடித்திருக்கலாம். செயினை பறிகொடுத்ததை விட இந்த சம்பவங்கள் தான் எனக்கு அதிர்ச்சியை ஏற்படுத்தியிருந்தது. டெல்லி காவல்துறை அலட்சியமாக இருந்தார்கள்” என வேதனைக் குரலில் தெரிவித்தார்.
கருத்துகள்