இலஞ்சம் வாங்கிய காவல் பெண் ஆய்வாளர் மற்றும் பாலியல் தொல்லை துணை ஆணையர் இணை ஆணையரிடம் சிக்கினர்

இலஞ்சம் வாங்கிய காவல் பெண் ஆய்வாளர் மற்றும் பாலியல் தொல்லை துணை ஆணையர் இணை ஆணையரிடம் சிக்கினர்

கோயம்பேடு மகளிர் காவல் நிலைய ஆய்வாளராக தாஹிரா பணிபுரிந்து வருகிறார். இந்த நிலையில், காதலனால் ஏமாற்றப்பட்டு, கர்ப்பமடைந்த பெண் ஒருவர் இவரிடம் புகார் அளிக்க வந்ததாகவும், புகாரில் விசாரணை மேற்கொள்வதாக கூறி அவரது கையில் மருத்துவ செலவுக்காக இருந்த ரூ.1,500 ஆய்வாளர் தாஹிரா வாங்கிக் கொண்டதாக தெரிகிறது.

இந்நிலையில், புகார் அளிக்க வந்த பெண் மேற்கு மண்டல இணை ஆணையர் திஷா மிட்டலை சந்தித்து, தனது புகாரில் நடவடிக்கை எடுக்கவில்லை எனவும், கையில் இருந்த பணத்தை ஆய்வாளர் தாஹிரா நடவடிக்கை எடுப்பதாக வாங்கிக் கொண்டதாகவும் தெரிவித்துள்ளார். உடனடியாக இணை ஆணையர் உண்மையை கண்டறிய, பாதிக்கப்பட்ட பெண்ணை வைத்து ஆய்வாளருக்கு செல்போனில் அழைத்துப் பேச வைத்துள்ளார்.

“தனது குடும்பச் செலவுக்கு இருந்த பணத்தை நீங்கள் வாங்கிக் கொண்டீர்கள்; அதை கொடுத்து விடுங்கள் மேடம்” என்று கேட்டதற்கு, “நீ என்ன கொடுத்த பணத்தை கேட்கிறாய்” என ஆய்வாளர் அதற்கு பதில் அளித்ததாகவும், மறுமுனையில் இருந்த இணை ஆணையர் திஷா மிட்டல், உண்மையை தெரிந்து கொண்டு உடனடியாக ஆய்வாளர் தாஹிராவை காத்திருப்போர் பட்டியலுக்கு மாற்றியதாக தகவல் வெளியாகி உள்ளது. இது ஒருபுறம்புகார் அளிக்க வந்த பெண் இன்ஜினியரை உல்லாசத்திற்கு அழைப்பு;

விருகம்பாக்கம் உதவி ஆணையர் பாலகிருஷ்ண பிரபு காத்திருப்போர் பட்டியலுக்கு மாற்றம்

பல லட்சத்திற்கு ஆன்லைனில் பொருட்கள் வாங்கி ஏமாற்றிய பெண் சாரபு ஆய்வாளரும் சிக்கினார்

திருமணம் செய்வதாக உல்லாசமாக இருந்து ஏமாற்றிய காதலன் மீது புகார் அளிக்க வந்த இளம் பெண் பொறியாளருக்கு வாட்ஸ் ஆப் மூலம் உல்லாசத்திற்கு அழைத்து பாலியல் தொந்தரவு செய்ததாக விருகம்பாக்கம் காவல்துறை உதவி ஆணையர் பாலகிருஷ்ண பிரபு மற்றும் பெண் சார்பு ஆய்வாளரை  காவல்துறை ஆணையர் அருண்  காத்திருப்போர் பட்டியலுக்கு மாற்றி உத்தரவிட்டுள்ளார். 

சென்னை சாலிகிராமத்தைச் சேர்ந்தவர் X (பெயர் மாற்றப்பட்டுள்ளது). மென் பொறியாளர், கனடா நாட்டில் பொறியாளராக பணியாற்றும் நபரைக் காதலித்த நிலையில் அந்தப் பொறியாளர் சென்னை வந்தபோது, X உடன் நெருங்கிப் பழகியுள்ளார். இதனால் இருவரும் பல இடங்களுக்கு சென்று உல்லாசமாக வாழ்ந்துள்ளனர். இதற்கிடையே காதலனுக்கு ஏற்கனவே திருமணம் நடந்து மனைவி மற்றும் குழந்தைகள் இருக்கும் சம்பவம் X க்கு தெரியவந்ததனால் இருவருக்குமிடையே வாக்குவாதம் ஏற்பட்டுள்ளது. ஒரு கட்டத்தில் காதலர்கள் இருவரும் ஒன்றாக இருந்த வீடியோவை சமூக வலைத்தளங்களில் வெளியிடுவேன் என கனடா இன்ஜினியர் அந்த X ஐ மிரட்டியுள்ளார். இதனால் அதிர்ச்சியடைந்த X, சம்பவம் குறித்து விருகம்பாக்கம் அனைத்து மகளிர் காவல் நிலையத்தில் புகாரளித்தார். புகாரின் மீது உதவி ஆய்வாளர் பெனசீர் பேகம் விசாரித்த போது புகார் அளித்த பெண் பொறியாளருக்கு நியாயம் பெற்றுத் தருவதாகக் கூறி அவரிடம் உதவி ஆய்வாளர் பெனசீர் பேகம் வீட்டிற்கு தேவையான மளிகை மற்றும் ஆடம்பரப் பொருட்கள் என பல லட்சம் ரூபாய்க்கு ஆன்லைன் மூலம் பொருட்கள் வாங்கியுள்ளார். அதேபோல் புகார் அளித்த பெண்ணிடமிருந்து காப்பாற்றுவதாக காதலனிடமும் கைது செய்யாமல் இருப்பதற்காக பல லட்சம் ரூபாய் லஞ்சப் பணமாக வாங்கியுள்ளார்.

ஒரு கட்டத்தில் இளம் பெண் புகாரின் மீது கைது செய்யாமல் இருக்க காதலனுக்கு நீதிமன்றத்தில் முன்ஜாமீன் பெற உதவி ஆய்வாளர் பெனசீர் பேகம் பல வகையில் உதவி செய்துள்ளார். இதன் மூலம் முன்ஜாமீன் பெற்ற காதலன், சென்னையிலிருந்து கனடா நாட்டிற்கு தப்பி சென்று விட்டார். 

இந்த தகவல் பாதிக்கப்பட்ட பெண் X க்குத் தெரியவந்தது. உடனே விசாரணை அலுவலரான உதவி ஆய்வாளர் பெனசீர் பேகத்திடம் நியாயம் கேட்டுள்ளார். அதற்கு அவர் முறையாகப் பதில் அளிக்கவில்லை. உடனே பாதிக்கப்பட்ட X இணை ஆணையர் தீஷா மிட்டலை நேரில் சந்தித்து நடந்த சம்பவம் மற்றும் ஆன்லைன் மூலம் பல லட்சத்திற்கு பொருட்கள் வாங்கியது தொடர்பாக ஆவணங்களுடன் புகார் அளித்தார். அந்த புகாரின் மீது விசாரணை நடத்த இணை ஆணையர் தீஷா மிட்டல் விருகம்பாக்கம் உதவி ஆணையர் பாலகிருஷ்ண பிரபுவுக்கு உத்தரவிட்டார்.

அதன்படி பாதிக்கப்பட்ட பெண் பொறியாளர் X, விருகம்பாக்கம் உதவி ஆணையர் அலுவலகத்தில் பாலகிருஷ்ண பிரபுவை நேரில் சந்தித்து புகார் அளித்தார். அப்போது உதவி  ஆணையர், பெண் உதவி ஆய்வாளர் பெனசீர் பேகம் மீது நடவடிக்கை எடுப்பதாகக் கூறி, பெண் பொறியாளர் X ன் வாட்ஸ் அப் எண்ணிற்கு அடிக்கடி நள்ளிரவில் மெசேஜ் அனுப்பியுள்ளார். அதற்கு பெண் பொறியாளர் x  பதில் அளித்துள்ளார். அதன் பிறகு அடிக்கடி தனது அலுவலகத்திற்கு விசாரணை என்ற பெயரில் பெண் பொறியாளரை அழைத்து தனது அலுவலகத்தில் உதவி  ஆணையர் பாலகிருஷ்ண பிரபு தன் வசப்படுத்தும் வகையில், X தோளின் மீது கையை வைத்து தொட்டுத் தொட்டுப் பேசியுள்ளார். அதேநேரம் புகார் அளித்த உதவி ஆய்வாளர் பெனசீர் பேகம் மீது எந்த வித நடவடிக்கையும் எடுக்கவில்லை.

இதற்கிடையே உதவி ஆணையர் ஒரு கட்டத்தில் X பெண் பொறியாளருக்கு வாட்ஸ் அப்புக்கு ‘ நீ அழகாக இருக்கிறாய்.... உன்னை பார்த்ததில் இருந்தே என்னால் வேலையில் கவனம் செலுத்த முடியவில்லை.... நான் சொல்வதை நீ செய்தால்... நீ சொல்வதை நான் செய்கிறேன்.....’ என்று மிகவும் ஆபாசமாகவும், பாலுணர்வை தூண்டும் வகையில் உல்லாசத்திற்கு அழைத்துள்ளார். இதை பார்த்த பெண் பொறியாளர் X அதிர்ச்சியடைந்தார். 

உடனே இணை ஆணையர் தீஷா மிட்டலை நேற்று முன்தினம் நேரில் சந்தித்து, திருமணம் செய்வதாகக் கூறி ஏமாற்றிய காதலன் மீது நடவடிக்கை எடுக்கக் கோரி புகார் அளித்தார். பெண் உதவி ஆய்வாளர் வீட்டிற்கு தேவையான பொருட்களை ஆன்லைன் மூலம் ஆர்டர் செய்து பல லட்சம் பணம் பெற்று ஏமாற்றினார். அவர் மீது புகார் அளிக்க விருகம்பாக்கம் உதவி ஆணையர் பாலகிருஷ்ண பிரபுவிடம் புகார் அளித்ததால், அவர் தன்னை படுக்கைக்கு அழைத்து மெசேஜ் போடுகிறார்.

நான் என்ன தான் செய்ய ேவண்டும் மேடம் என்று அழுது புலம்பியுள்ளார். அதைதொடர்ந்து இணை ஆணையர் தீஷா மிட்டல் புகார் அளித்த இளம் பெண் பொறியாளர் X அளித்த வாட்ஸ் அப் மெசேஜ் மற்றும் புகாரைத் தொடர்ந்து விருகம்பாக்கம் உதவி  ஆணையர் பாலகிருஷ்ண பிரபு மற்றும் பெண் உதவி ஆய்வாளர் பெனசீர் பேகம் ஆகியோர் மீதான புகார் குறித்து காவல்துறை ஆணையர் அருண் ஐ பி எஸ் கவனத்துக்கு கொண்டு சென்றார். அதைத் தொடர்ந்து, ஆணையர் அருண், இருவர் மீதும் துறை ரீதியான விசாரணைக்கு உத்தரவிட்டார். அதன்படி உயர் காவல் துறை அலுவலர்கள் உதவி ஆணையர் மற்றும் உதவி பெண் ஆய்வாளரிடம் விசாரணை நடத்தி வருகின்றனர்.

அதேநேரம், புகார் அளிக்க வந்த இளம் பெண் X க்கு பாலியல் தொந்தரவு கொடுத்த உதவி ஆணையர் பாலகிருஷ்ண பிரபு மற்றும் புகார் அளிக்க வந்த இளம் பெண் X டம் வீட்டிற்கு தேவையான பொருட்களை பல லட்சம் ரூபாய்க்கு ஆன்லைன் மூலம் பெற்ற பெண் உதவி ஆய்வாளர் பெனசீர் பேகம் ஆகியோரை  காத்திருப்போர் பட்டியலுக்கு மாற்றி காவல்துறை ஆணையர் அருண் உத்தரவிட்டார். இந்த வழக்கில் சிக்கியுள்ள பெண் உதவி ஆய்வாளர் பெனசீர் பேகம் அண்ணாநகர் காவல் நிலையத்தில் பணியாற்றிய போது, சாலையோர வியாபாரிகள் மற்றும் புகார் அளிக்க வந்தவர்களிடம் பணம் பெற்றதாக 5 க்கும் மேற்பட்ட புகார்கள் நிலுவையிலிருப்பது குறிப்பிடத்தக்கது.