திமுகவின் ஊழலை சட்டப்பேரவை பதிலுரையில் ஆதாரங்களுடன் உரை வீச்சாக்கிய முதல்வர்

”பேசிப் பழகிய பொய்.. வாங்கிப் பழகிய கை.. போட்டுப் பழகிய பை.. இது தான் திமுக”... கவியரசர் கண்ணதாசனின் வரியை சுட்டிக்காட்டி தி.மு.க.வை சட்டமன்றப் பேரவையில் வெளுத்து வாங்கிய முதல்வர் சி. ஜோசப் விஜய் 

தான் பேசிய ஒருமணிநரம் அதாவது 60 நிமிடங்களில் 60 வருஷ கட்சி திமுகவின் லஞ்சம் லாவண்யம் ஊழல் முறைகேடு மற்றும் திருட்டுத் தனங்களை கண்கள் சிவக்க கோபத்துடன், ஆக்ரோஷமாகவே பட்டியலிட்ட முதல்வர் சர்க்காரியா கமிஷன் ஊழல் முதல் ஆம்ஸ்டராங்க் படுகொலை வழக்கு வரை தமிழ்நாடு சட்டமன்றப் பேரவையில் இன்று 7 செப்டம்பர் 2026ஆம் தேதி காவல் துறை மற்றும் தீயணைப்புத் துறை மானியக் கோரிக்கைகள் மீதான விவாதத்திற்கு  பதிலுரை வழங்கியுள்ளார். சட்டசபையில் எதிர்க்கட்சிகள் எழுப்பிய பல்வேறு புகார்கள், சட்டம்-ஒழுங்கு பிரச்சனைகள் மற்றும் விமர்சனங்களுக்குப் பதிலளிக்கும் வகையில் முதலமைச்சரின் இந்த உரை சிறப்பாகவே அமைந்திருந்தது.  அதில் கடந்த செப்டம்பர் 3-ஆம் தேதி காவல் துறை மற்றும் தீயணைப்புத் துறை மானியக் கோரிக்கை மீது விவாதம் நடைபெற்றதில் எதிர்க்கட்சித் தலைவர் ஸ்.உதயநிதி, முன்னாள் முதல்வர் எடப்பாடி கே.பழனிசாமி மற்றும் பல்வேறு கட்சித் தலைவர்கள் பங்கேற்றுப் பேசினர். 

3 நாட்கள் அரசு விடுமுறைக்குப் பிறகு இன்று கூடிய சட்டமன்றக் கூட்டத்தொடரில், எதிர்க்கட்சிகளின் அனைத்துக் கேள்விகளுக்கும் முதல்வர் விஜய் ஆவேசமாகவும் நேரடியாகவும் தனது பதிலுரையை வழங்கினார். திமுகவினரைப் பார்த்து அவர் காரசாரமாகப் பேசிய தருணங்கள் தற்பொழுது அரசியல் வட்டாரத்தில் பெரும் விவாதப் பொருளாக மாறியுள்ளன, சமூக ஊடகங்களில் வைரலாகும் பேச்சு இந்த பதிலுரையின் போது முதல்வர்  அவையில் தனது தரப்பு நியாயங்களையும் அரசின் செயல்பாடுகளையும் மிகத் தீவிரமாக முன்வைத்தார். முன்னாள் ஆளுங்கட்சியான திமுக மற்றும் அதன் தலைவர்களை நோக்கி முதல்வர் சி. ஜோசப் விஜய் ஆவேசமான மற்றும் நேரடியான அரசியல் தாக்குதல்களைத் தொடுத்தார்.  1970-களின் சர்க்காரியா கமிஷன் அறிக்கை, வீராணம் ஏரி திட்ட 'ஊழல்' மற்றும் திமுகவினரின் ஊழல் நிதி வசூல் விவகாரங்களைக் குறிப்பிட்டு திமுகவை மிகக் கடுமையாகச் சாடினார். Dishonest Intention திமுகவின் செயல்பாடுகளை விமர்சித்த விஜய், "அவர்களது சாதனையே இந்த 'நேர்மையற்ற எண்ணம்' தான்" எனக் குறிப்பிட்டுப் பேசினார்.

ஸ். உதயநிதிக்குப் பதில்: பேரவையில் காரசாரமான விவாதங்களின் போது ஸ்.உதயநிதியை நோக்கி, "தினசரி செய்தித்தாள்களைப் படித்திருந்தால் இது உங்களுக்குத் தெரிந்திருக்கும்" என்று முதல்வர் கொடுத்த நக்கல் கலந்த பதிலடி சமூக ஊடகங்களில் வைரலாகிறது. சட்டம்-ஒழுங்கு மற்றும் நிர்வாக உறுதிமொழி சட்டத்தின் முன் அனைவரும் சமம்: மாநிலத்தில் குற்றச் செயல்களில் ஈடுபடுபவர்கள் யாராக இருந்தாலும், எவ்வளவு பெரிய பொறுப்பில் இருந்தாலும் அவர்கள் மீது கடுமையான சட்ட நடவடிக்கை பாயும் என எச்சரித்தார், ஒரு மாநிலத்தின் அமைதியான சூழலில்தான் ஒட்டுமொத்த முன்னேற்றமும் அடங்கியுள்ளது என்பதை வலியுறுத்தினார். மக்களின் வரிப்பணம் மக்களின் நலனுக்காக மட்டுமே பயன்படுத்தப்படும் என்றும், தனது நிர்வாகத்தில் எந்தவித ஊழலும் சகித்துக் கொள்ளப்படாது என்றும் உறுதியளித்தார். முதலமைச்சர்  தனது தயாரித்து வைக்கப்பட்ட உரையைத் தாண்டி,

திமுகவின் வாரிசு அரசியல் மற்றும் கடந்த கால முறைகேடுகளைப் பட்டியல் போட்டுப் பேசியதால் அவையில் பெரும் கூச்சல் குழப்பம் நிலவியது. இதனால் ஆத்திரமடைந்த திமுக சட்டமன்ற உறுப்பினர்கள் பேரவைத் தலைவரை முற்றுகையிட்டு முழக்கங்களை எழுப்பியதோடு தர்ணாவிலும் ஈடுபட்டனர். ஆனால் தனது கடமையை சரியாக உரையில் நிறைவு செய்தார் முதல்வர்,கடந்த காலத் திமுக ஆட்சியில் நடந்த ஊழல் மீதான சர்க்காரியா கமிஷன் விசாரணை அறிக்கையில் கணட விபரம் :-

50 ஆண்டுகளுக்குப் பிறகு, சர்க்காரியா கமிஷன் ஊழல் இன்று மீண்டும் தமிழ்நாடு சட்டமன்றப் பேரவையையும், அதை நேரலையில் பார்த்த மக்களையும் உண்மையில் உலுக்கியது.

கடந்த காலத் திமுக செய்த ஊழல் தொடர்பான சர்க்காரியா கமிஷன்,.

 1970களில  காலஞ்சென்ற கலைஞர் மு. கருணாநிதியின் திமுக ஆட்சியின் போது ஊழல் முறைகேடுகள் நடந்தன. அதற்கு எதிராக அந்த ஊழலை விசாரிக்குமாறு வேண்டி மத்திய அரசிடம் காலஞ்சென்ற எம்ஜிஆர் 04 நவம்பர் 1972 ஆம் தேதியில் ஒரு மனுக் கொடுத்தார்! அதையொட்டி இந்தியக்கம்யூனிஸ்ட் கட்சித் தலைவர் காலஞ்சென்ற எம். கல்யாணசுந்தரம்  6 -நவம்பர் 1972 ஆம் தேதியில் கொடுத்த மனு மற்றும் 

20 -டிசம்பர் -1972  ஆம் தேதியில்  கொடுத்த மனுக்கள் பிறகு நாஞ்சில் கி.மனோகரன்  வேலூர் ஜி.விஸ்வநாதன் ஆகியோர்  01 -டிசம்பர் - 1975 ஆம் தேதியில் கொடுத்த மனுக்களில் கலைஞர் மு. கருணாநிதி உள்ளிட்ட அவரது அமைச்சரவை அமைச்சர்களான இரா நெடுஞ்செழியன்,  ப உ.சண்முகம், அன்பில் தர்மலிங்கம் செ.மாதவன்,  சாதிக்பாட்ஷா, ஓ பி ராமன்,  சி பா ஆதித்தனார், ஆகியோர் மீது குற்றம் சாட்டப்பட்டு இந்த மனுக்கள் வழங்கப்பட்டது!  இந்த வழக்கை ஓய்வு பெற்ற உச்ச நீதிமன்ற நீதிபதி சர்க்காரியா அவர்கள் தலைமையில் பிரதமர் இந்திரா காந்தி அரசு ஒரு குழு அமைத்து 3 -பிப்ரவரி -1976 ஆம் தேதியில் விசாரணைக்கு எடுத்துக் கொள்ளப்ப்பட்டதன் அறிக்கை தான் இங்கு கொடுக்கப்பட்டிருக்கிறது! இதன் மீதான விசாரணை சென்னையிலும் உதகமண்டலத்லிலும் நடைபெற்றது! ஏறத்தாழ 86 நாட்கள் இந்த வழக்கை சர்க்காரியா அவர்கள் தலைமையில் உள்ள கமிஷன் புலன் விசாரணை செய்தார். இந்தக் குற்றச்சாட்டுத் தொடர்பாக பல்வேறு தரப்பினரிடம்  விசாரணைகள்  செய்து இந்த அறிக்கையை அரசாங்கத்திடம் சமர்ப்பித்தார்! 

அன்றைய இந்த விசாரணையில் மூத்த வழக்கறிஞர்கள் சாந்தி பூஷன், கோவிந்த சுவாமிநாதன், ஆர் டி பந்த்ரே, டாக்டர் ஒ எஸ் சிட்டேல், எஃப் எஸ் நாரிமன்,  ஜி.ராமசாமி  செல்வம், போன்றோர் குற்றம் சாட்டப்பட்ட பிரதிவாதிகள் அதாவது எதிராளிகள் சார்பில் ஆஜரானார்கள். மனுதாரர்கள் சார்பாக சென்னை என.சி.ராகவாச்சாரி கே டி பால்பாண்டியன் வி பி ராமன் என் டி.வானமாமலை போன்ற மூத்த வழக்கறிஞர்கள் குற்றம் சாட்டிய வாதிகளான மனுதாரர்கள் சார்பில் ஆஜரானார்கள். விசாரணைக் கமிஷன் சார்பில் வழக்கறிஞராக எம் எல் நந்தா ஜி லட்சுமண ரெட்டி போன்ற மூத்த வழக்கறிஞர்கள் ஆஜரானார்கள். 1976 ஆம் ஆண்டு கலைஞர் மு. கருணாநிதி தலைமையிலான அன்றைய தமிழ்நாட்டில் திமுக ஆட்சிக்கு எதிரான ஊழல் மற்றும் அதிகார துஷ்பிரயோக குற்றச்சாட்டுகளை விசாரிக்க மத்திய அரசால் நியமிக்கப்பட்ட ஒரு வரலாற்றுச் சிறப்புமிக்க ஒருநபர் விசாரணைக் குழு 1971 ஆம் ஆண்டு முதல் 1976 ஆம் ஆண்டு வரை வரலாற்றை உற்று நோக்கினால் 1976 ஆம் ஆண்டு பிப்ரவரி மாதம் அவசரகால நிலை எனும் மிசா காலத்தில் 356 வது பிரிவின் கீழ் திமுக முதல்வர் மு கருணாநிதியின் முதலமைச்சர் பதவி நீக்கம் செய்யப்பட்ட பிறகு அமைக்கப்பட்டது. நீதிபதி எஸ். சர்க்காரியா தலைமையிலான உச்ச நீதிமன்ற முன்னாள் நீதிபதி, பிற்காலத்தில் (1983 ஆம் ஆண்டு மத்திய-மாநில உறவுகள் ஆணையத்தில் இருந்து வேறுபட்டவர்), குழு பல ஊழல் குற்றச்சாட்டுகளை விசாரித்தது. கமிஷன் அறிக்கை, கலைஞர் மு. கருணாநிதி மற்றும் அவரது அமைச்சரவைச் சகாக்கள் சிலருக்கு எதிராக பல ஊழல் குற்றச்சாட்டுகள் மற்றும் உத்தியோகப்பூர்வ பதவியைத் தவறாகப் பயன்படுத்தியதாகக் கண்டறிந்தது, இது நம்பகமானதாகக் கருதப்பட்ட ஆதாரங்களை மேற்கோள் காட்டிய நிலையில், தான் தற்போது தமிழ்நாடு முதல்வர் தவெக தலைவர் சி. ஜோசப் விஜய் குற்றம் சுமத்தி சட்டமன்றப் பேரவையில் ஆதாரங்களுடன் சிறப்பாகவே பேசினார்.முதலமைச்சர் சி. ஜோசப் விஜய் சட்டமன்றத்தில் ஊழலை எதிர்த்துப் பேசியதால் திமுகவை எதிர்ப்போர் கொண்டாடலாம். ஆனால் அதிமுகவும் அவர்கள் ஆட்சியில் ஊழலை வளர்தவர்கள், தான் இரண்டு கட்சிகளில் ஒன்னு பாதிக்கு மேல் கரைந்து விட்டது,  முதலமைச்சர் விஜய் கடந்த பல நாட்களாக திமுகவினர் வெளிப்படுத்தி வந்த வன்ம பேச்சுகளுக்கும், சட்டமன்றத்தை நடத்தவிடாமல் செய்த அராஜகத்திற்கும் கோபமாக எதிர்வினையாற்றியுள்ளார். 

ஆனால், ஆட்சியில் உள்ளவர் இப்படி ஆவேசமாக உரக்கப் பேசுவது தேவையில்லை என்றாலும், அவர்கள் கடந்த 30 ஆண்டுகளில் இரண்டு கட்சிகளும் அடித்த கொள்ளை கொஞ்சம் நஞ்சமல்ல, அதற்கு ஜெயலலிதா உள்ளிட்டோர் தண்டனை அடைந்து காலமான நிலையில், திமுகவில் தான் ஊழல் வழக்கில் யாரும் இதுவரை தண்டனை அடையாமல் தப்பிக்க அவர்கள் சரணடைவதில் தான் சூட்சுமம் உள்ளது, ஜெயலலிதா சரணடைய மறுத்ததால் தண்டனை,, ஆக ஆடடுவிக்கும் ரிங் மாஸ்டர் தான் அரசியல் சாணக்கியன் எனும் ராஜதந்திரி, 

அதிகாரத்தை இழந்த திமுகவினர் இயலாமையால்  கோபம் மேலிடப் பேசி வருகிறார்கள் என்றால், சகல அதிகாரங்களுடன் பதவியில் வீற்றிருக்கும் முதலமைச்சர்  பதிலுக்கு கோபப்பட வேண்டியதில்லை. 

நடவடிக்கை எடுக்க வேண்டும் 

உண்மையில் முதலமைச்சர் விஜய்யின் இயல்பு மோதல் போக்கை விரும்புவதல்ல. ஆகவே பேச்சோடு நிறுத்தி விடாமல் அவரை அவரது இயல்பு நிலை பிறழ வைத்ததில் திமுகவினர் வெற்றி பெற்றுள்ளனர். 

இன்னும் கரூர் மரணங்களை அம்பலப்படுத்தும் வாய்ப்பை இந்த அரசால் சாத்தியப்படுத்த முடியவில்லை.

டாஸ்மாக் நடத்தியதில் திமுக அரசு  மூன்றில் ஒரு பங்கு மது பானங்களை சட்ட விரோதமாக கணக்கில் காட்டாமல் விற்று  சொந்தமாக ஆதாயம் அடைந்த விவகாரத்தில் முதலமைச்சர்  இது நாள் விஜய் நடவடிக்கை எடுக்கவில்லை. கரூர் கேங்க் மீதும், செந்தில் பாலாஜி சகோதரர்கள் மீதும் எந்த வகையிலும் தவெக அரசால் இதுவரை நடவடிக்கை எடுக்க முடியவில்லை.

தவெக சட்டமன்ற உறுப்பினர்களை தூக்கி விலை பேசியதில் செந்தில் பாலாஜி சகோதரர்களையும், அவரது சகாக்களையும்  விசாரித்து சிறையில் தள்ள முடியவில்லை. இந்த விவகாரத்தில் உச்ச நீதிமன்றம் சென்றும் உயர் நீதிமன்றம் செல்லும் போது எளிதில் விடுவிக்கப்பட்டு விடுகின்றனர்.

அதே போல முன்னாள் அமைச்சர் ஊழல் மன்னர் எ.வ.வேலு சம்பந்தப்பட்ட இடங்களில் ரெய்டு தான் நடத்த முடிந்தது. அவரும் உச்ச நீதிமன்றம் சென்று எளிதில் தன்னை விடுவித்துக் கொண்டார்.

அதே போல கே.என். நேரு சம்பந்தப்பட்ட இடங்களில் ஏற்கனவே அமலாக்கத்துறையே ரெய்டு  நடத்தி சில ஊழல் முறைகேடுகளை அம்பலப்படுத்திய போதும் அதற்கு மேல் பாஜக அரசே அடுத்த கட்டத்திற்கு நகரவில்லை.

தன்னை கீழ்த்தரமாக பாலியல் ரீதியில் ஆபாசமாகப் பேசிய உதய நிதியை விசாரணைக்கு உட்படுத்துவதையே உயர் நீதிமன்றம் தலையிட்டு தடுக்கிறது. நியாயப்படி இந்த விவகாரத்தில் தஞ்சாவூர் மாவாட்ட எல்லைக்குட்பட்ட மாஜிஸ்திரேட் விசாரிக்க முடியும்,. ஆனால், தன் வரம்பை மீறி உயர் நீதிமன்றம் தலையிட்டு ஆர்டர் போடுகிறது. என பல மூத்த வழக்கறிஞர்கள் பேச

அரசியல் ரீதியாக எதிர்கொள்ள வேண்டிய எல்லா பிரச்சினைகளையும் ஊழல் அரசியல்வாதிகள் நீதிமன்றத்திற்கு கொண்டு செல்வதும், அங்கு அவர்களுக்கு உடனடி நிவாரணம் கிடைப்பதுமான நிலையில் ஒரு மாநில அரசால்  சட்ட பூர்வமான கடமைகளைக் கூட செய்ய முடியவில்லை. 

தன் ஆட்சியை ஆறு மாதத்திற்குள் வீழ்த்தி விடுவோம் என்று சொல்லி எகத்தாளமாகப் பேசும் ஊழல் பெருச்சாளிகள் மீது முதலமைச்சர் சி. ஜோசப் விஜய்யால் ஒரு சிறு நடவடிக்கை கூட எடுக்க முடியவில்லை. இந்த இயலாமை அல்லது ஆற்றாமையின் வெளிப்பாடில்லை அவரை வைத்து நடக்கும் பாவைக்கூத்து அடுத்த தேர்தலுக்கான மேலிட பரிச்சை என  அதுவே முதல்வரிடம் ஆத்திரமாக வெளிப்பட்டுள்ளது.

அதிமுக உட்கட்சி பிரச்சினையில் நீதிமன்றங்கள் தலையிட வேண்டியதே இல்லை.  இதைத் தான் சென்னை உயர் நீதிமன்றத்தில் முதலில் ஒ.பன்னீர் செல்வம் வழக்கு போட்டவுடன் ஒரு நீதிபதி சொன்னார். உடனே அவர் தன் வழக்கை விசாரிக்க கூடாது என அழுத்தம் தந்து அவரை விலக வைத்தார் ஒ.பன்னீர் செல்வம் பாஜகவுக்கு ஒ.பன்னீர் செல்வத்திடம் இருந்த பரிவு காரணமாக நீதிமன்றத்தின் வாயிலாக அதிமுகவையே முடக்கியது பாஜக.

அந்த வகையில் இன்றைக்கு அதிகாரம் இழந்துள்ள நிலையில் மத்தியில் ஆளும் பாஜகவிடம் அடைக்கலமாகி தன்னை தற்காத்துக் கொள்ள மூத்த வழக்கறிஞர்கள் மூலம் நீதிமன்ற லாபியை வலுவாக நம்புகிறது திமுக.

சர்காரியா கமிஷன் திமுக ஊழல் தொடர்பாக அம்பலப்படுத்திய ஊழல்களை சட்ட சபையில் எடுத்துரைத்த முதல்வர் சி ஜோசப் விஜய் சர்காரியா விசாரணைக்கு பிறகு தன்னை தற்காத்துக் கொள்ள அன்றைய மத்திய ஆட்சி மையமான பிரதமர் இந்திராகாந்தியின் உறவை புதுப்பித்து நேருவின் மகளே வா நிலையான ஆட்சி தா என தப்பித்துக் கொண்டதை நினைவில் கொள்ள வேண்டும்.

தன்னை தற்காத்துக் கொள்ள மத்திய ஆட்சியாளர்களிடம் மண்டியிடத் தயார் இல்லாத நிலையால் தான் ஜெயலலிதா சிறை செல்ல நேரிட்டது.  காஞ்சிபுரம் மடாதிபதி  கைது விவகாரம், மற்றும் சந்தன வீரப்பன் வேட்டை உள்ளிட்ட விவகாரங்களில் துணிந்து செயல்பட்ட அதிமுகவின் முதல்வர் ஜெயலலிதா சட்டசபையில் ஊழல் குறித்து மூச்சு விடவில்லை, அதற்கு டாக்டர் சுப்பிரமணியன் சுவாமியின் சட்டக் கடிவாளம் காரணம் 

இன்றைக்கு சட்ட சபையில் திமுகவுக்கும் தவெகவுக்கு மோதல் முற்றியுள்ள நிலையில் பாஜக மாநிலத் தலைவர் விஜய்யை தாக்கி நயினார் நாகேந்திரன் ஆவேச அறிக்கை வெளியிடுகிறார். இது நாள் வரை திமுக ஊழல் கட்சி என்று பேசிய பாஜக, தேர்தல் நேரத்தில் திமுக ஊழல்களை தொகுத்து புத்தகமாக வெளியிட்ட பாஜக தலைமை இன்று திமுகவுக்கு பக்கபலமாக ஓடி வருவது ஏன்? தெரியவில்லை, அண்ணாமலை பிரிந்து 20 லட்சம் தொண்டர்களை தன்னுடைய ஆதரவாளர்களாக மாற்றி வைக்க பாஜகவின் வாக்கு வங்கி இந்த இடைத்தேர்தல் மூலம் தான் தெரியும், அவர்கள் ஆதரவு கட்சி அமமுக டி.டி.வி தினகரனும் தவெகவை தாக்குவதைக் கவனிக்க வேண்டும். 

திமுகவை பெரும் எதிரியாகக் காட்டி இங்கு கட்சியை வளர்த்த  கடந்த காலத்தில் தமிழக பாஜக இன்று திமுகவை காப்பாற்ற தன் அதிகாரத்தை மறைமுகமாக பயன்படுத்துகிறது என்ற பேச்சு பகிரங்கமாகவே வருகிறது, 

அதே போல தனது ஜென்ம எதிரியான திமுக இன்று சட்ட சபையில்  விமர்சிக்கப்பட்ட போது தேர்தல் முடிவுகளுக்கு பிறகு தாங்கள் திமுகவுடன் கைகோர்க்க முயன்றது முஸ்லீம் லீக் உறுப்பினர்களால் அம்பலமான போது பலவாறு உடைந்து சிதறிய அதிமுகவே பதறுகிறதே.

திமுக ஒரு தீய சக்தி என்பது புதிதல்ல, 50 வருடத்திற்கு முன்பே அது உறுதிபடுத்தப்பட்ட உண்மை.

அதே சமயம் தன்னைப் போலவே அதிமுகவையும் மாற்றி, ஒரு நாணயத்தின் இரு பக்கமென மெயிண்டைன் செய்து பலனடைந்தது திமுக.

பேசிப் பழகிய பொய், வாங்கிப் பழகிய கை, போட்டுப் பழகிய பை என்ற தங்களின் வழக்கத்தை அதிமுகவிற்கும் தொற்றச் செய்தது தான் திமுகவின் கடந்த கால வெற்றி.

தமிழக அரசியலில் அதிமுக இருந்த இடத்தில் தன்னை நிறுத்தி தக்க வைத்துக் கொள்ள பார்ப்பது தான் தவெக அரசியல் என்றால், மாற்றம் வேண்டி ஓட்டு போட்ட மக்களுக்கு ஊழல் மீது நடவடிக்கை பாயாத வரை ஏமாற்றம் தான்.

திமுக தன்னை தற்காத்துக் கொள்ள பின்னியுள்ள இரும்பு வலையை விலக்கவும், சட்டப்படி அவர்களை தண்டிக்கவும் சாதுரியமாக காய் நகர்த்தி சாதிப்பதில் தான் இருக்கிறது, முதல்வர் சி. ஜோசப் விஜய் ஆட்சியின் அரசியல் சாதுரியம். அதன் ராஜ தந்திரிகள் முயற்சி தற்போது மக்கள் ஆதரவைக் கூட்டியுள்ளது உண்மை, கடந்த 60 ஆண்டு காலம் சட்டசபையில் கேட்காத மறைக்கப்பட்ட ஊழல் எனும் வார்த்தை தற்போது பல கட்சிகளை பயம் கொள்ள வைத்துள்ளது என்னவோ உண்மை. ஊழல் வாதிகள் மீது முதல்வர் பேச்சோடு போகாமல் நடவடிக்கை எடுத்தால் பாராட்டலாம்,