சங்கரபதி: முட்காட்டுக்குள் தூங்கிய மூன்று ராஜ்ஜியங்களின் தொட்டில்

சிவகங்கை மாவட்டம், காரைக்குடி - தேவகோட்டை சாலையில் போகும் போது ஒரு முட்காடு வரும்.

உள்ளே எட்டி பார்த்தால் வேர்கள் பின்னிய ஒரு கோட்டை. 300 வருடமாக அங்கே தூங்கிக் கொண்டிருந்தது. அதன் பெயர் தான் *சங்கரபதிக் கோட்டை*. இந்த ஒரு கோட்டை தான் தமிழகத்தின் மூன்று பெரிய சமஸ்தானங்களின் பிறப்பிடம் என்றால் நம்ப முடிகிறதா?

கதை 1720-ல் தொடங்குகிறது. அப்போது ராமநாதபுரம் சேதுபதி சீமை தான் பெரிய ராஜ்ஜியம். அதன் மன்னர் கிழவன் சேதுபதி என்ற விஜய ரகுநாத சேதுபதிக்கு 46 மனைவிகள். அதில் கடைசி காதல் மனைவி தான் திருக்களம்பூர் *கதலி நாச்சியார்*. கதலிக்கு பிறந்த ஒரே மகள் *அகிலாண்டேஸ்வரி நாச்சியார்*. அகிலாவை கட்டியவர் *மேதகு கௌரி வல்லப சசிவர்ண உடையனத் தேவர்*. சேதுபதியின் ஒரே மகளை கட்டிய மருமகன்.

இங்கே தான் போட்டி வந்தது. கதலி நாச்சியாருக்கு உடன் பிறந்த தம்பி *ரகுநாதன்* இருந்தார். அவர் தனது அக்காள் மகள் அகிலாண்டேஸ்வரியின் வாரிசை தன் வாரிசுக்கு கட்டி கொடுக்க கேட்டார். கிடைக்கவில்லை. கோபமான ரகுநாதன், "அப்படியானால் எனக்கு புதுக்கோட்டையை பிரித்து கொடுங்கள்" என்று அரண்மனையில் சண்டை போட்டார்.

சண்டை பெரிதானதும் கிழவன் சேதுபதி நேராக *தஞ்சாவூர் நாயக்கர் மன்னரிடம்* உதவி கேட்டார். நாயக்கர் மன்னர் தான் நடுவராக வந்து சமரச தீர்ப்பு கொடுத்தார். தீர்ப்பு: "ராமநாதபுரம் ஜமீன் 5 பாகமாகட்டும். 3 பாகம் சேதுபதிக்கு இருக்கட்டும். மீதி 2 பாகத்தில் ஒன்றை ரகுநாதனுக்கு புதுக்கோட்டையாகவும், ஒன்றை மருமகன் சசிவர்ணத் தேவருக்கு சிவகங்கையாகவும் பிரித்து கொடுங்கள்" என்றார். *நாயக்கர் மன்னரின் இந்த உதவியால் தான்* புதுக்கோட்டை, சிவகங்கை என இரண்டு புதிய சமஸ்தானங்கள் பிறந்தன. ரகுநாதன் *புதுக்கோட்டை முதல் அரசர் விஜய ரகுநாத ராயத் தொண்டைமான்* ஆனார். சசிவர்ணத் தேவர் *சிவகங்கை முதல் அரசர்* ஆனார். அன்று பிரிந்த போது சங்கரபதி கோட்டை, திருப்பத்தூர் கோட்டை சிவகங்கை சீமைக்குள் வந்தது. கீழாநிலைக்கோட்டை, திருமயம் கோட்டை புதுக்கோட்டைக்கு சென்றது.

புதிய சிவகங்கை ராஜ்ஜியம் பிறந்ததும் படை வேண்டுமே? ஆங்கிலேயர் ஆர்காட்டு நவாப்புடன் சேர்ந்து வரி கேட்ட நேரம். அதற்காக காட்டுக்குள் ரகசியமாக கோட்டை கட்டினார்கள். 16-ஆம் நூற்றாண்டு அடித்தளம், 1700-களில் செல்லமுத்துத் தேவர் மற்றும் கிழவன் சேதுபதியால் விரிவாக்கம். செவிவழிக் கதைப்படி தொண்டி முஸ்லிம் வணிகர் கொடுத்த 200 அரபு குதிரைகளுக்கு பயிற்சி கொடுக்க மைசூர் ஹைதர் அலி தளபதி திப்பு அனுப்பிய குதிரைப் பயிற்சியாளர் இந்துவான *சங்கரன்* தங்கிய இடம் என்பதால் *சங்கரன் பதி* சங்கரபதி ஆனது. 10,000 சதுர அடியில் கிரேக்க வழி இந்தோ-முகல் கட்டிடக்கலையில் குதிரை, யானை பயிற்சி பள்ளியாக, மன்னர்கள் திட்டம் தீட்டும் ஓய்வு இல்லமாக இருந்தது. பின்னாளில் வேலுநாச்சியார், முடிசூடா மன்னர்கள் மருது பாண்டியர்கள் ஆங்கிலேயரிடம் இருந்து தப்பிக்க இங்கே தான் பதுங்கினர். கோபமான ஆங்கிலேயர் பீரங்கியால் முன் பகுதியை தகர்த்தனர். அருகில் உள்ள முனீஸ்வரர் கோவில் போரில் இறந்த வீரர்களை காவல் தெய்வமாக வணங்கும் வழக்கம் என்கிறார் தொல்லியல் ஆய்வாளர் V.ராஜகுரு.

ஊரின் நிர்வாகமும் மாறிக் கொண்டே வந்தது. 1720-ல் மதுரை ஜில்லா, அமராவதி தாலுகா, 1865-ல் இராமநாதபுரம் ஜில்லா, எழுவன்கோட்டை தாலுகா - ராணி காதம நாச்சியார் காலத்தில் குத்தகைதாரர் ஜார்ஜ் பியர், பின்னர் திருப்பத்தூர் தாலுகா, 1985-ல் பசும்பொன் முத்துராமலிங்கத் தேவர் திருமகன் மாவட்டம், காரைக்குடி தாலுகா, தற்போது சிவகங்கை மாவட்டம், காரைக்குடி தாலுகா.

300 வருடம் காடு இந்த கோட்டையை மூடி பாதுகாத்ததால் தான் பல்கலைக்கழக ஆய்வுகளில் இதை "மறைந்திருந்த கோட்டை - Hidden Fort" என்கிறார்கள். அழகப்பா பல்கலைக்கழகம் இதை செட்டிநாடு பாரம்பரிய கோட்டை, இந்தோ-இஸ்லாமிய கட்டிடக்கலை என்கிறது. தமிழ்நாடு திறந்தநிலை பல்கலைக்கழகம் 18-ஆம் நூற்றாண்டு சேதுபதி கால விரிவாக்கம் என்கிறது. "ஆவணம் குறைவு என்பதால் வரலாறு மறைந்தது" என்கிறார் V.ராஜகுரு.

இப்போது மட் புதர்களில் ஆலமர வேர்களால் சிதைந்து கிடந்த கோட்டையை தமிழக அரசு ரூ.9 கோடியில் புதுப்பிக்கிறது. 2001-ஆம் ஆண்டில் அறிவித்த போதிலும் கடந்த ஆட்சியில் காங்கிரஸ் MLA சா.மாங்குடி முயற்சியால் அறிவிப்பு, 2024-ஆம் ஆண்டில் வேலை தொடங்கியது.

சிமெண்ட் இல்லை, கேரளா காசர்கோடு செம்புறாங் கல், தளவாய்புரம் சித்துக் கல், சுண்ணாம்பு, கடுக்காய், கருப்பட்டி கலவையில் கட்டுகிறார்கள். விரைவில் சுற்றுலா தலமாக திறக்கப் போகிறது.

ஒரு சிறு கிராமத்தின் காட்டுக்குள், நாயக்கர் உதவியால் பிறந்த மூன்று சமஸ்தானங்களின் தொட்டில் இன்னும் தூங்கிக் கொண்டிருக்கிறது. விழித்தெழும் நேரம் வந்துவிட்டது!

---